緣聚西日餐廳 (仁愛堂圍) (已結業)

今天最愛的爸爸生日，作為前世情人的我，今年就選這間叫緣聚的放題跟爸爸慶祝。我們中午12時入座，侍應安排我們坐近窗邊的位置，給我們一部平板電腦，然後介紹怎樣用平板電腦落單，還介紹門口位置有小食，甜品，飲品可以自取，好細心，有禮貌👍必食刺身，落單多少片就來多少片，沒有漏單，刺身非常鮮甜，爸爸好喜歡食象拔蚌和三文魚，點了幾轉。這碟鐵板牛柳粒，牛肉加了洋蔥煮，好惹味。洋蔥絲好甜，牛肉粒一D都唔韌濃湯煮硯，硯乾淨沒有沙，好新鮮，湯底除了有硯的鮮甜味，還有昆布一起煮，好飲，我連昆布都食埋，叫了很多碗。壽司我念念不忘，師傅的手握壽司做得好好，飯握得軟硬適中，火炙醃漬左口魚邊壽司必食，左口魚入口即溶，用火燒過好香口。還有火炙蟹膏帶子壽司，帶子好厚身，加上蟹膏好鮮甜，encore再encore我們還食了燒羊扒，牛扒，串燒，天婦羅，款式好多。連飲品櫃都超過四十種選擇。食飯其間我跌了一隻筷子落地，我未示意未開口，侍應姐姐見到就立即給我一對新筷子，很敏捷，態度又好。下次再帶爸爸來，我們食得好開心，爸爸生日快樂

不知是否下午吃得不夠飽，夜晚超級肚餓，超級想吃一餐豐富的。腦海裏就想到放題，哈哈(>^ω^<)但我不想坐車，要出到旺角九龍那麼遠，又要車錢，又要坐車時間，所以上網搜尋，找到近近的，就有「緣聚」這間放題任食，可以滿足我此刻想瘋狂吃的慾望，所以即興去了屯門食放題。這間緣聚在屯門中旅舍後面，很易找到。我在屯門市口心行路過去都是5至7分鐘，很近的，嘻嘻(*☻-☻*)一打開門口，就見到裝修擺設很特別。不但貼滿路牌車牌在牆上，還有機械人擺設在店內，吸引到我注意，哈哈，忍不住對機械人拍下幾張照片。☆*:.｡. o(≧▽≦)o .｡.:*☆原本以為有侍應替我下單，怎知枱上原來有一部平板是讓我自己選擇想吃的食物，然後用平板下單。我心在想：「難道這間放題是想讓客人吃得有自由和空間感？」⁄(⁄ ⁄ ⁄ω⁄ ⁄ ⁄)⁄肚子很餓，立即看看平板有什麼吃吃(>^ω^<)原來平板將所有食物歸類了，有火炙壽司，天婦羅，卷物，軍艦，風味之選，燒物，食事，一品料理，火鍋，西日扒類，焗蠔，手握壽司，刺身，飲品，特制甜品，升級食品..........第一輪，我叫了很多食物，有火炙醃漬左口邊魚邊壽

屯門可能對市區人黎講係個好偏遠的地區但係對於屯門人黎講係個配套幾好的地方今日去左屯門市中心行街見到有間食日本放題的餐廳就入去試下啦由屯門市中心經馬會行過去都係5分鐘到門面都有好大的燈牌所以都好易見到臨走行去西鐵站就10分鐘到一入到去間餐廳都幾大有種沖繩美國村的Feel座椅都係用貨櫃的紋去整好有新鮮感入面原來係用類似 I pad的點餐工具估唔到選擇都唔少啊 仲幾多初頭以為點完 會好遲先黎食物啦點知黎得勁快勁有效率快到嚇親仲要好均真點幾多比幾多咁樣就唔驚會食唔哂 叫多左 真係幾好由於一開始點得太多所以食食下都已經好快就飽飽地不過話哂都係放題雖然價錢唔係貴 都係二百幾蚊點可以咁快戰敗呢所以之後都好努力咁食呀不過食物的味道沒比我的飽肚感影響好大刺身非常足料炸物即叫即炸燒物又唔錯特別係個燒牛粒 好香口咸蛋黃炸雞軟骨又好香仲有芝士焗蠔又好香的芝士我仲叫左鍋蕃茄芝士鍋打邊爐食左勁多菜又叫左D手握壽司特別係個牛壽司 超正呀甜品呢就有勁多牌子的雪條飲品同甜品都係自取種類好多 仲有Dryer雪糕食最正係個藍眼淚雪糕我第一次食藍色的雪糕 好特別好食兩個人埋單五百幾蚊到咁多種類同選擇完全係超出我的期望如果想食

我通常食放題，都係出九龍食。估唔到屯門都會有，作為屯門人一定要試，這間算係比較新潮嘅放題，單看餐廳內的裝修就知有用心。而侍應服務方面要一讚，很勤力的幫忙收拾枱面，冷氣強勁，座位都很舒適。點菜方面，以改良用pad點菜，比起一般放題用紙來點菜更環保，而且更少會有漏單情況。食物方物~刺身雖然選擇種類不多，但很新鮮。燒物和炸物都是熱辣辣上枱，尤其牛舌，很軟身，不是雪藏貨色，讚啊！另外清酒煮蜆都不錯，蜆沒有沙，有鮮味。炸榴槤波波也是推介，外脆內軟，夠臭兩小時左右，侍應要我們先埋單，還以為要趕我們走，但原來不是，只是夠時間截單，最後我地坐咗兩個半小時才離開，服務不錯。

聽講屯門開左間日式放題餐廳,就約朋友去食餐勁。19:00去到唔駛等候就可以入去,店內地方好大,座位寬敞,裝修好特別,牆面係以紅磚牆為主。店員安排座位後就俾一部平板電腦你落單,好有環保概念。先講自助餐台,有沙律吧、飲品櫃、雪條櫃和甜品櫃,各個吧櫃的款式好多,最值得欣賞係有Dreyers雪糕任食，仲有韓國melona雪糕。食物既款式有好多,刺身、手握壽司、火炙壽司、天婦羅、卷物、軍艦、燒物、西式把類、焗蠔......我同朋友都好大食,所以差唔多試晒咁多款食物。刺身同壽司既款式多,品質新鮮。天婦羅,炸到熱辣辣,好有水準。蒜香焗蠔,芝士焗蠔,體積雖小但新鮮有蠔味。食物款式選擇多環境好,不錯不錯。

啲人講到咁好食！而且又係屯門第一間的日式放題，所以諗住俾個機會佢同自己，原來係錯嘅選擇。入到去睇到D餐單，冇諗過咁小嘢食點，連最簡單嘅燒菠蘿都冇，叫咗嘢又要漏單，來到D嘢食真的不敢想，D牛肉粒又＂鞋＂又冇牛味，D燒蝦又唔新鮮，價錢又唔係平, 總之就冇下次

以前唔明點解啲人食完餐飯仲會很長篇大論咁打一篇食評出嚟，估唔到今日仲要因為為咗表達自己嘅小小感受，特登開一個account，去分享自己對一間餐廳嘅hard feeling。緣聚係屯門區少有嘅一間放題餐廳，因其性價比高，所以身為屯門區期冇啖好食嘅居民，開業以來我周不時光顧。To be fair, 呢間餐廳嘅價錢同佢提供嘅刺身，質數算幾好，小食如黃金雞軟骨都算唔錯，食咗幾個月都仲覺得佢哋keep到水準。點知一個月冇去食，質素每況愈下，先唔講完門口reception嗰個staff西口西面，可能係獨市生意啦所以佢木無表情，對於有訂位同埋walk in嘅客人佢都非常一視同仁咁西面，我望住佢直情覺得佢嘅崗位係負責用嚟擋煞或者驅鬼。好啦終於等到入座，人手不足、空間不足係意料中事，我亦都諒解喺香港呢個環境，租金貴人手不足寸金尺土呢啲我都欣然接受。但係埋單前半個鐘佢哋話last order(22:30)，但係明明係佢提醒我哋last order之前十幾分鐘，我地落左幾點想叫嘅嘢，點知當我哋22:40提佢哋仲有幾樣嘢未嚟，佢哋回覆廚房已經閂咗喎，一句唔好意思都冇，本來之前落單我哋叫咗好多嘢都留單都算啦，但

我最愛的日式放題。今次相約好友來屯門食晚飯，鄰近輕鐵站的緣聚放題，方便易搵到。120分鐘任點任食日式放題，汽水任飲，仲有超多甜品。裝修像有格調的現代居酒屋，牆上掛有工業設計的牌，並以清酒樽作燈飾。最抵讚是座位比一般日式放題專門店寬敞。放題有刺身、壽司卷物、燒蠔、手卷、沙律、天婦羅、火鍋、熱盤、拉麵和煮物，配搭多花樣。最方便的是用I pad點菜，環保又方便，點了菜不用久等便上菜，有足夠時間慢慢嘆。刺身新鮮，鮮味十足。伴碟精美。焗蠔，任點任食，不限次數，我最愛芝士焗蠔，蠔夠肥美。壽司、手卷有多款選擇，一口壽司及手卷，不會太大件，份量剛剛好。芝麻雞翼，香脆，雞肉嫩滑，必食燒物、火鍋暖下肚食完個肚好有滿足感。記得留肚點甜品，棉花冰，即叫即製滿足感及開心一餐😃

附近沒有放題餐廳，要吃放題多數去旺角，尖沙咀，近日發現附近開了一間緣聚西日餐廳，現在屯門也可以品嘗放題啦，原來這間餐廳在元朗也有分店。晚市放題價格按時段收費，分7點前離座，9點前離座，9點後入座。這間餐廳裝修有別於一般日式放題餐廳，裝修較西化，有工業風感覺，座位寬敞。除此外，要落單也與別不同，要利用一部電子屏幕落單，代替坊間的落單紙，非常環保，不會浪費紙張。先到自助區拿一些前菜，拿了一大盤前菜，有螺肉，海蜇，芝麻八爪魚，而我最愛芝麻八爪魚，夠大隻，很有口感。首輪刺身很快送上，所點的每一項刺身都沒有遺漏，刺身樣樣都很新鮮。特別是帶子刺身厚切而鮮甜，八爪魚刺身嫩滑，甜蝦刺身爽甜彈牙，甜味回甘，油甘魚刺身滿滿魚油香，象拔具刺身爽口。卷物方面，這個芝士炸蝦卷做得不錯，有濃厚芝士味。香煎大蝦夠大隻，煎得夠香。蒜香焗蠔，很夠蒜香味。黃金雞軟骨，粒粒雞軟骨都有咸蛋黃香味包圍著。濃湯煮蜆，蜆肉冇沙，湯很濃。藍海鹽雪糕，淡淡的鹽味帶出雪糕的香濃奶香，很滑，而且藍色夠特別。飲品和甜品都是自助的，甜品有乳酪，豆腐花，布丁以及一些小甜品，冰櫃雪條雪糕亦有很多選擇。

某天下午跟媽媽到了這間餐廳用餐，眼見很多人都在這裡用餐，於是我跟媽媽就進去試試。這間餐廳以放題形式，款式包羅萬有，前菜、甜品和飲品都是自助區內，大家就可以自行揀選喜愛的飲品和食品。坐下後，枱面有一部平板電腦，讓大家慢慢揀選想吃甚麼，比起一般傳統紙張形式的更環保和方便，不用逐張紙張領取又慢慢地填數量！而從平板電腦中看到很多款式食物，具備實物圖片，方便大家揀選食物。我會選擇一些熟食類別的，就是壽司，包括：火炙醃漬左口魚、燒鰻魚、海鹽燒和牛和火炙蟹膏帶子壽司。其中，海鹽燒和牛壽司口感頗滑，而且味道比想像中好。而火炙蟹膏帶子壽司，帶子口感清爽，沒有雪味，不鉑哦！錫紙牛油焗薯細小粒粒焗薯，撇除牛油香甜味，本身蕃薯已經甜度十足又夠熟，軟綿又香濃甜味！蒜香焗蠔，黃金焗蠔兩者調味得宜，非常好吃，而蠔體積屬於中度，口感頗滑。鹽燒三文魚頭比我想飲中有點兒小，雖然魚肉味香而濕，口感很滑。不過就有點過油，碟子都是三文魚的油脂。蝦天婦羅蝦味欠少少澳洲西冷扒有點兒過熟，有少許難咬，而且味道都是普通。整體上菜非常快，而且絕無漏單！

7月1日家人生日，今次帶埋小朋友一齊食放題，近近地搵到間西日式餐廳，一於去試吓：）座位寬敞舒服，可惜中央冷氣太凍，有些位吹到頭痛...環境佈置以工業風為主調，特式燈泡裝置，也有童玩IRONMAN裝飾，輕鬆活潑！特別適合親子同樂。餐廳內好多影相位，連廁所都設計得好有心思。餐具更加是色彩繽紛，小朋友都十分鍾意。點菜用平板電腦點,大大減低漏單機會,而且能環保。最好的是可以知道自己點餐的項目，很喜歡這點。飲品好多款式，無論是紙包裝、罐裝、樽裝到任君選擇。就連熱維他奶亦有提供仲有1664啤酒和hoegaarden西柚橙及檸檬味白啤。刺身拼盤,賣相精緻,而且十分新鮮! 如有帶子刺身就更好。火炙壽司精緻 都是即叫即製作。芝士蟹籽手卷口感勁豐富，鮮菌蟹肉粥鮮甜綿密，黃金焗蠔、蒜蓉焗蠔味道不錯，不會太多醬汁。還未滿足的話，仲有手打烏冬及拉麵，配料多（叉燒、燒豬柳、牛肉及咖哩等）整體來說，不論價錢、食物質素和服務都算高質，值得再來。

刺身一般，熟肉味道差，冇味兼’鞋’口，天婦羅淡到冇味，好耐冇食過差到咁既放題........侍應全都新手似的，唯一入得囗就只有飲品，雪糕..............................:....極差

小學同學聚會當然要揀一間任飲又任食,坐得舒適既餐廳,痛痛快快聚一會,呢間餐廳之前食過一次lunch,好滿意,同元朗分店—樣出色…第一時間緊係先食刺身,最愛中拖羅脂肪分佈平均，睇賣相已流口水,果然好新鮮,所有刺身都好滿意,大家都食得好開心,不斷讚歎刺身既鮮美再黎生啤任飲,飲幾杯已值過票價,西柚味Hoegaarden，小小酸味,小小甜味,够醒胃又易入口,好岩女仕飲再配幾個小吃,幸福無比。燒牛舌,燒三文魚頭伴啤酒一流重有燒蠔,美食款式真的非常,一次晚飯絕無可能試均所有美食，各歎一口火焰壽司即叫即做味道非常好二百幾蚊有咁多有質數既食物和啤酒選擇,確實係好超值,飮飽食醉,非常满足

上年屯門友終於有屬於自己區的放題了。我們6時入座，任食兩小時。成人$248,小童$148。出面有自助飲品，雪糕雪條，甜品等等。電腦點餐，非常方便。食放題首先當然要點刺身，三文魚、中拖羅、油甘魚厚切，帶子、甜蝦鮮甜， 象拔蚌彈牙 ，整體來講， 刺身都很新鮮。壽司種類選擇豐富，火炙壽司燒過很香口，壽司小小一件，食多幾件都不會膩。 海鹽燒和牛壽司，和牛燒得剛好，不會太熟，做到入口即溶，蟹膏帶子壽司，蟹膏帶出帶子的鮮味。黃金及蒜香焗蠔大大隻。蟹粥細細碗，一人吃剛好，加上蟹籽很鮮甜。雞翼尖夠淋，辣辣的很入味，粟米好香牛油味，榴槤炸彈大大粒，一口芝士帶有濃濃的芝士味，咸咸的很好吃。焦糖3.6牛乳雪糕，小小一個，面頭的焦糖脆脆的，再配上牛乳雪糕，出面真係未食過，好食到我們每人都食了4、5個。下次食放題又可以多個選擇了。