紅伶飯店

營業中

休息中

好耐都冇同過屋企人去食嘢❤️今日經過左佐敦一間潮州餐館我哋四個人就決定你食返一次地道潮州菜🤣👍首先我哋要滷水鵝片呢個價錢底下我片嘅份量都非常之足🥰🤪滷水味濃 而家肉質鮮美推介!! 而且底下仲有啲豆腐添之後就係我男朋友要嘅滷水雜錦😙入面有豬腸紅腸鵝腸大豆芽魷魚豬耳等等嘅拼盤之後再加埋辣椒醬!!!超級正 好嘢味而且每樣嘢都好彈牙我哋另外仲加咗兩隻蛋添🤣蛋黃好香輪到小菜部份我哋要咗黑椒薯仔煎牛柳粒❤️非常有鑊氣!!而且牛柳粒唔會過熟食落口都好多汁😙連埋薯仔一齊食好正之後就叫咗我自己最鍾意嘅椒鹽鮮魷🤪椒鹽嘅靈魂香味真係好夾魷魚嗰種脆酥鹹香好過癮😎講開食潮州嘢點可以唔嗌潮州蠔仔粥呢🙂🍴我哋嗌左大 因為見佢價錢都唔係特別貴點知蠔仔嘅份量好多 肉碎嘅份量都好多😂我哋四個人都食到好飽蠔仔嘅香味都幾出 而且飯粒分明 唔會好稀!!推介只最後我哋嗌左個甜品即係好正好正!!就係反沙芋頭👍🤣店員當初仲好貼心提我地食前5分鐘先叫佢起菜好少食到啲咁出色嘅反沙芋😛芋頭軟熟得來,外面嗰浸砂糖係牢牢咁樣癡喺上面!!超級超級正 成個芋頭軟綿綿😍😍😍👍👍👍一定一定要嗌所以下次決定再同屋企人嚟多次😎

哩間潮洲老店不用介紹吧😊得知搬進了大舖，還有兩層，樓面好大，座得好舒服💕好耐無食過打冷啦😝每次必食滷水鵝片，黎食打冷點少得鵝片呢，師傅刀功細緻，食落肉味香濃，嫩滑多汁，完全不會韌，還帶點陳香，識食一定食埋碟底既滷豆腐😋滷水豆腐入味滑溜，花生墊底都好入味好好食😍還單點了滷水蛋，好香濃的滷水味🥰白飯魚煎蛋這味看似簡單的菜式，其實要做得香口又美味，真係好難，潮州打冷必叫菜式，哩度既手勢不得了，香脆可囗，外面脆卜卜，入面就keep 住juicy😝紅燒乳鴿，油溫炸得剛好，十分香脆，皮脆肉嫩，外皮炸至紅通通的色彩，賣相一流，入口肉很嫩滑，食落肉汁油香，仲有椒鹽提供，prefect match😚仲想嗌埋蠔仔粥，不過買哂啦，下次真係要早啲去😝

屹立在佐敦超過五十年的紅伶潮州飯店，自從舊年的老舖結業後，令一眾客人和街坊都大表可惜。最近從媒體得知紅伶捲土重來，並轉戰到油麻地砵蘭街，新店佔地兩層，地方比以前變大了，食物款式也變多了，而唯一不變的就是味道不變。冰鎮芥辣墨魚片（HK$100)👍👍👍👍👍冰鎭的墨魚片，最適合夏天炎熱的天氣享用。墨魚切成薄片，肉質鮮嫩並帶點柔靭，配合日式的芥辣豉油，口感有點似日式的刺身，作為餐前小食或佐酒都很適合。滷水什錦（HK$138)👍👍👍👍這個滷水什錦最適合多心的我，什錦內有多款滷水小食，當中包括有鵝腸、紅腸、生腸、豬大腸、豬頭肉、豬耳、墨魚、大豆芽豆卜等等，每樣一些，可以一次過試勻多種款式，實在令人心滿意足。馳名煎蠔餅（HK$80)👍👍👍👍👍新鮮炸起的煎蠔餅，金黃香脆，口感外脆內軟，爆汁的蠔仔鮮味十足，配以鹹鮮的魚露，更能帶出蠔餅的蛋香和蠔仔的鮮甜味道。白飯/潮州白粥（@ $12）👍👍👍👍Storefront Interior Menu

朋友去過好多歷史悠久嘅餐廳 同 本地特色食店，呢日佢約我喺油麻地，帶咗我嚟呢處，我一睇餐廳名字，叫「紅伶飯店」，感覺頗為古典，好有興趣入去睇吓食吓😆「飯店」有兩層，裝修同擺設有上世紀80年代風味，感覺親切又大眾化😊。我哋叫咗三樣嘢：$130嘅「馳名滷水鵝」，$78嘅「蠔仔肉碎粥（中）」，$98嘅「韭菜花炒鹹肉」😁-「韭菜花炒鹹肉」：韭菜花鮮嫩爽脆，鹹肉味道濃郁又好有鹹香，配韭菜花炒得非常香口😋-「馳名滷水鵝」：滷水味道濃郁，鵝肉肉質結實，好入味😋；仲有滷水豆腐 同埋大大粒嘅滷水花生🥜-「蠔仔肉碎粥」：蠔仔 medium size 份量有好多，加埋肉碎、芫荽、胡椒粉，又係好惹味😋

細個時每逢星期五，屋企人會帶我去打冷食宵夜，大咗就已經戒左宵夜，但對潮州打冷嘢都有份情意結，所以近日去咗喺砵蘭街重開嘅紅伶飯店食下過癮～打冷必叫嘅就係凍蟹同埋蠔仔粥！紅伶飯店嘅蠔仔粥堅係好食，方魚湯底濃厚香甜，蠔仔粒粒都好似青提咁脹卜卜，真係好少食到咁高質嘅蠔仔粥！凍蟹有分大細，根據大細價錢由$600-$1200不等，我叫果隻係$600，3個人食都夠食，呢隻蟹肉鮮甜，肉質一絲絲好清爽，蟹殼夠膏，蟹膏有鮮味，蟹鉗大隻又多肉，我覺得隻蟹堅係抵食！我去到邊都鍾意食鱔，今次見到其他foodi推介個椒鹽鱔，就即刻叫個試一試！脆漿炸得好好唔會油𥹉𥹉，厚薄都非常適宜，鱔肉有一嚿有泥味，其實都無，魚肉彈牙，最正係無炸到乾噌噌，魚肉仍然有汁！最後嘅韮菜豬紅份量超級多，豬紅無腥味，質地彈牙，唔會一夾就散，醬汁個味非常濃郁，豬紅每嚿都好入味！每一碟嘅份量都非常多，夠哂一大班人食，食物都無咩可以挑剔，唯一係環境要提一提，飯店有兩層，坐得比較密，基本上周圍都係好熱鬧，大家飲兩杯興之所致就難免粗口橫飛，而且地下都幾油，要小心跣親！最後，我堅估唔到嘅係佢係有得訂座的，門釘神嘅我果日都係有打去book！💛💛成功💛💛

佐敦老字號食店係油麻地終於！！擇地重開-紅伶飯店新鋪有2層比起舊鋪大左非常多，座位闊落好多，重點係當晚雖然坐無虛席，但由於新店真係好大，所夜晚7:00 walk in都好快有位，太好食打冷最緊要就係要食滷水，今次先試試滷水雜錦-有鵝腸、生腸、墨魚、紅腸、豬大腸，份量都多，夠4，5個人慢慢飲住啤酒食住等主菜。另外仲叫左椒鹽脆豆腐同黃金一字骨椒鹽脆豆腐，脆脆既皮包住嫰滑豆腐，非常可口，忍唔住一口接住一口所以好快就清晒黃金一字骨，故名知意就係用咸蛋黃包住一字骨，非常香口，但有少少乾身，如果可以濕少少做個蛋黃醬用來撈飯肯定一絕

今晚來到油麻地，揀了一間很多人正在排隊的紅伶飯店， 等了大約十分鐘，終於有位喇。來到餐廳的上層，樓上原來裏面非常多位，亦坐滿了人。餐牌好多選擇，我被這個潮州鹵水鵝吸引住了， 於是今晚揀了潮州鹵水鵝、蠔仔粥、椒鹽一字骨。潮州鹵水鵝$130鹵水鵝底下有一層鹵水豆腐，面上一層是鹵水鵝，鹵水鵝切到大小件適中，都比較肥美，入口感覺很腍滑帶香，當真是很鮮味啖啖肉！蠔仔粥 中$78裏面有魷魚、肉碎、芫茜、蔥及蠔仔……，蠔仔細細粒，不過粥底頗鮮甜。椒鹽一字骨$98椒鹽一字骨份量頗多，大大件， 比較厚肉，面上有一粒粒的蒜蓉粒，食落真的啖啖肉，肉質不會鞋，帶點嫩滑 ，頗香口，又入味！當然有炸嘢少不了要返個飲品，食得頗美味！

近日看新聞得知這間潮式美食店重開，馬上就動身到訪！想不到門口竟然那麼多人，排隊好一會才入到店裡面滿滿的人，看來除了街坊熟客，還有些外區的人慕名而來！傳統潮州菜，凍盤，滷水，都是名店的巧手小菜環境：有少許迫，不過人山人海，也沒辦法呢服務：即使超忙還是有基礎服務質素，難得食物：滷水拚盤＄１３８豬耳，豬大腸，紅腸，鵝腸，鴨腎，豬頭肉，生腸，一應俱全，加上甜甜的滷水汁，傳統潮菜就這樣！蒜子火腩大鱔煲＄１８８惹味！火腩夠多而且用上五花腩，鱔夠薄又不多骨，加入支竹同炒，非常重口味之選！金銀蛋時菜 ＄１０８以炒蛋＋咸蛋+皮蛋煮成，加入白菜跟雞湯底煮好，味道多重，清清地不錯~

聽講間餐廳開業好多年之前曾經結業最近開返冇耐🔛就咁聽餐廳個名已經好特別於是提早一個禮拜預訂(據聞未搬之前係冇可能walk-in)去到首先門面同裝修係傳統潮州打冷店因為有兩層位置都幾多我諗都有20張2-4人枱牆壁貼滿晒招牌菜我哋大部份都係跟住牆壁招牌菜為主首先叫咗個墨魚片墨魚片底有啲類似酸菜墊底正正常常無咩特別🆗本身因為唔想食骨嗌鵝片點知落咗單侍應話賣晒🥲咁就轉左變滷水鵝但係過咗半個鐘後我見到啱啱黎個枱有得嗌😢😢😢鵝肉唔錯不過豆腐點左汁都無咩味本土風味梗係要嗌D有鑊氣嘅嘢啦蝦球大隻肉質爽脆瞓分量十足送飯一流另外都嗌左個男人的浪漫不過豆腐真係好容易出事Ummmm有得揀下次會試其他餸清清地嗌左個娃娃菜正常唔會有咩驚喜蠔仔粥唔錯非常足料Overall係一間唔錯嘅潮州打冷店但係可能搬舖之前好出名今日試又未去到覺得好驚喜值得一提收碟有D慢平均碟餸食完預10-15分鐘先有人收我見人手其實充足成日有侍應行嚟行去都唔會主動收碟而家四人限聚張枱細細其實嗌少少餸已經好易唔夠位最後埋單平均$250一個人大概9點走門口都仲有人等緊枱相信都幾多擁躉

星期六放工下午去紅伶吃打冷，點知冇打冷，只有午市套餐！5pm後才有打冷！好肚餓，要吃東西啦！午市套餐其實是小菜+一碟飯+老🔥例湯$5x⋯⋯🉑️以叫➕$5罐裝汽水星期一至日都唔同款式，仲可以叫乾炒牛河、星洲炒米丶福建炒飯⋯⋯🦐蝦球麵⋯⋯我哋叫咗日日都🈶️的四寳飯丶豉椒鮮魷飯⋯⋯例湯🥣老🔥的青紅蘿蔔湯🥕🫒🥕甜又好味😋姐姐見我飲曬，話仲🉑️添飲四寳飯🈶️半肥瘦叉燒丶切🐔丶紅腸，仲🈶️最❤️的🐷腩肉⋯⋯＋🥬🥬🍚🍚豉椒鮮魷飯🦑🦑🦑🍚🍚鮮魷捲起超新鮮丶青椒🫑洋蔥🧅香口配白飯一流飽餐一頓。熟客入嚟都會叫少飯！大胃皇一定啱晒！

無book到位，仲要突然落起大雨。但見其他人都繼續等...我就堅持落去其實當你入去食過你就明點佢地會成日坐爆人，一坐底已經衝激我對打冷檔嘅認知，哩度D員工好有禮貌，同一搬打冷檔好唔同，慢慢發現佢地同D客人好似好FD咁，好有人情味。好啦，上菜啦終於！係真係同出邊D人講一樣，等左一陣，不過見佢個場爆到咁都明白嘅。講真佢個滷水真係掂，無得輸。蠔仔粥加左大地魚同魷魚，鮮味好突出，個粥重點係.....超多蠔仔！！！另外佢地出名嘅冰震芥辣墨魚認真要試，以為係刺身你就錯啦，佢係熟嘅，不過食落口有口感，好爽，再加上咸菜底，好配合好新奇，真係食完一碟覺得唔夠!

今日嚟到油麻地站c出口嘅紅伶飯店吃晚飯,嚟到舖頭嘅門口,這裏很有懷舊的風味,店舖不算太大,但分兩層,擺設和座位有點大排檔的風味我叫咗兩碟小菜,其中一碟馳名煎蠔餅,大大碟,蠔餅入口鬆化,而且粒粒蠔仔,而且火候煮到恰到好處,有一種蠔的鮮味,非常惹味蠔餅中間用薯粉和雞蛋混合在一起,非常煙韌,吃起來舌頭有點兒辣的感覺,再細看看,原來廚師在蠔餅的表面灑上了少許的胡椒粉,這樣除了可以整走蠔的腥味外,更有一種與坊與別不同的風味,大家不妨去試試再嚟一個熱辣辣的啫啫雞煲,裏面有洋蔥蔥頭,令整個煲更惹味！雞肉非常嫩滑,並沒有雪的味道,表面配上美味的芫茜,吃到底部,原來有寶物豬潤,真是太特別了😋😋下次有機會一定會再嚟試

今日嚟到油麻地紅伶飯店吃晚飯,呢度嘅環境有一啲大排檔嘅風味,一入門口服務員即刻嚟招呼我哋👍👍呢度坐位唔係太多,我哋經過一條長長嘅樓梯上咗2樓,呢度點菜個方式都幾特別,用筆圈在張菜單上面,然後交畀服務員🙏🏻今日叫咗碟鹵水雜錦,裏面有生腸、豬頭肉、墨魚、鵝腸、紅腸和豬大腸,墨魚爽口鮮味,鵝腸爽口,豬大腸非常肥美,但沒有一絲肥肉,而且入口鬆化,令人忍不住食多舊😘😘鹵水汁非常入味,加上大豆芽菜作伴菜,起來更有口感！叫咗碗白飯,大大碗,米香十足,而且用了很有風味的藍色飯碗去盛載,一人有一種懷舊的風味,再來一支森堡啤酒,在炎炎夏日,非常匹配,入口香醇,簡直透心涼,大家不妨一試！下次有機會再嚟呢度食其他小菜！

紅伶飯店開業超過五十年，餐廳主打地道打冷食物，非常吸引！今日我就同朋友過嚟油麻地呢邊試一試。餐廳位置非常方便，喺油麻地C出口出，再行1分鐘就到。我哋嗌左幾款嘢食，等我介紹下黃金大蝦頭。蝦球非常吸引，呈金黃色。蝦肉好大舊，仲有成八舊，超正。鹹蛋黃超級香、超級濃，仲食到粒粒鹹蛋黃。醬汁包滿晒成隻蝦，啖啖肉，啖啖鹹蛋黃味。碟上邊仲淨咗啲鹹蛋黃醬，攞佢嚟撈飯一流！另外我仲叫咗支啤酒， $22好大支，夠晒兩條友飲！一路食小炒一路飲啤酒，好有氣氛。另外想講餐廳環境好懷舊，有兩層，所以見到有樓梯，好耐冇見過依啲餐廳啦！

呢間已經聽過好多次力讚，但可惜早前執左！！！！好彩佢終於開返！！！所以立即一個人都去食！！！試下係唔係咁正先！！！阿魚叫左2樣野食：椒鹽鱔球（$168）因為阿魚太中意食白鱔，而炸鱔真係唔會好多地方有，多數係大排檔先會有！所以係一定要叫！好夠鑊氣！即炸！好脆！白鱔好厚身！魚肉好彈牙！食到停唔到！蠔仔粥（$38）呢個一定一定要叫！！！入面好多隻蠔仔，又有魷魚！！好鮮味！好香好惹味！！我真係飲晒全碗！！好想再飲一碗！！呢間一定會再返黎食！！！！💛紅伶飯店💛地址: 油麻地砵蘭街14號地舖電話: 34812020