紅伶飯店

營業中

休息中

聽朋友講，油麻地有一間好有特色嘅餐廳，經常爆人，今日路過，特登嚟試一試一入到黎，真係人山人海，坐低之後，侍應好好咁即刻拎咗杯水俾我哋，我哋都唔怠慢，即刻叫咗一個辣酒炒螺，價錢唔貴，睇到啲螺都大大隻跟住我哋嘅叫咗一個羊腩煲，個煲嚟到嘅時候嚇一嚇，咁大個得兩個人食驚食唔晒見到入邊真係好多料，而且味道啱啱好，叫多兩碗飯黎送羊腩煲，就更加正總括來講，兩個人食唔算貴，而且都坐得舒服，侍應有禮貌又幫得手下次行過再嚟試其他菜

呢間成日聽人講，感覺係香港最傳統最正宗嘅潮州打冷🤩裝修雖然已經比較舊，但入到去有種親切感，話比你聽呢到真係得香港先有咁☺️.🐐秘製羊腩煲 $398其實今次係為咗羊腩煲而去，但落咗單之後見到出菜位係咁岀滷水鵝、蠔仔餅又好想食🤣不過羊腩煲嘅份量都真係好多，唯有下次再去食啦🥺講返個羊腩煲先，味道好正宗，羊腩炆得好淋好入味😋同埋腐乳真係精粹黎，令羊肉更惹味，食到個人好暖笠笠🥰.💰人均消費: ~$215.🍽味道: 4/5🏙環境: 3/5👨🏼‍🍳服務: 5/5💧衛生: 4/5💰價錢: 3/5

呢排凍冰冰，食補身既羊腩煲真心正～分左大同細兩個size細size完全足夠二至三人分享有爐配埋熱住食=]有大概十二三塊羊件件都好淋好入味✓✓✓✓✓✓仲要有齊支竹馬蹄等配料~重口味嘅可以點埋腐乳醬xDDD中意烚下烚下嘅仲可以追加配料落去做火鍋添：）我哋本身驚個羊腩煲唔夠食，所以要一份乾炒牛河～點知一份都已經係重量級，勁大碟！！！！！！兩個人食完之後真係飽到上心口xppp食熱辣辣嘅羊腩煲加枝大啤，真心正～

😎話說有日迷路, 喺砵蘭街終於搵到路去油麻地地鐵站, 見到有間好似好有歷史嘅潮州茶館, 白底紅字招牌, 大玻璃窗內掛滿潮州滷水鵝、腩肉、墨魚之類的, 好吸引🤤!🤔諗住買啲加餸, 但又怕難拎, 店員話佢哋有香港自家製造 "秘製枝竹羊腩煲" 真空包裝, 一盒有2-3人份量, 方便攜帶, 既然咁講就試試吧! 寫到明伙添加防腐劑、無添加人造色素及雞粉!🐑內有羊腩、馬蹄、枝竹...份量都幾 ok! 醬汁及羊腩分開2袋包裝, 唔怕醬汁把羊腩越浸越咸! 原包於入熱水加熱或者倒入鍋加熱都可以!😌老實, 食完唔口渴! 羊腩好夠腍, 完全唔羶, 醬汁味濃, 枝竹亦炆得好夠火喉, 完全吸收醬汁, 讚! 🌶見店舖有自家品牌潮州辣椒油及古法鹹酸菜, 各買一樽試試, 味道不錯啊, 下次再去買潮州滷水拼盤返嚟, 或者喺屋企煮麵食粥都好夾!

紅伶飯店秋冬限定美食-羊腩煲！老字號做嘅羊腩煲零舍好味，細煲$398 大煲$498同朋友兩個食 叫煲細嘅啱啱好 細煲都勁足料 羊腩份量超多 好似食極都仲有咁 另外仲有支竹同埋馬蹄做配料用gas爐邊食邊滾 真係好有香港特色 外國有芝士火鍋 香港有熱辣辣羊腩煲 咁凍嘅天氣 對住個火爐 食住熱辣辣出曬煙嘅嘢食 真係暖入心羊腩煲個汁好濃郁 鍾意食濃味嘢嘅我表示好喜歡 羊腩炆到好淋好入味 食羊腩我最鍾意食有皮嘅 羊皮煙煙靭靭好彈牙 淨肉嘅話就太柴頭 有皮有肉最好食食羊腩煲一定要點腐乳醬 這是不變的定律支竹無敵好味 吸味一流 食咯有爆汁效果馬蹄夠清甜爽脆食羊腩煲 飲啤酒 成件事勁夾 邊食邊傾 邊食邊飲雖然店舖冇華麗裝修 但勝在歷史悠久 開業多年深受一眾街坊食客歡迎 圓枱及圓凳充滿香港特色 裝修親民貼地 沒有架子紅伶飯店是香港著名的潮州打冷食店 食物選擇多 提供多款正宗打冷美食 打冷幾時都有得食 羊腩煲就係期間限定 千萬不要錯過

🐏紅伶飯店 (油麻地) 🐏-天氣開始凍，除左食蠟味🤣緊係要食羊腩煲啦！去完廟街個間牛雜之後🤭就黎左宜度食羊腩煲🤣佢分上下層嘅👍🏻上層坐位都好多但個日都滿曬位咁滯😨好彩我地唔洗等就入得🤣-秘製羊腩煲:羊腩煲有分大細👍🏻細嘅我地2個都食到好飽😂本身想加生菜都冇加到🤣湯底好濃郁，但係佢唔係好鹹個種🤗入面嘅羊肉係真係用腩黎做👍🏻全部都好入味😻重有馬蹄同索味枝竹🤭正—(非專業,完全跟據個人口味☺)食物:8/10環境:8/10服務:8/10人均消費:$200———————————————▪店舖名稱: 紅伶飯店 (油麻地)▪店舖地址:🔸 油麻地砵蘭街10-16號宜發大廈地下D及E號舖-----------------------

位於油麻地嘅呢間紅伶飯店，係曾經喺佐敦開業左半個世紀世紀嘅打冷老店，之前結業一直覺得好可惜，但今年終於係油麻地選址重開！紅伶飯店主打潮州打冷，但近排天氣轉冷，俾佢嘅羊腩煲吸引咗。而且仲有得外賣，於是即刻買個返屋企試吓！外賣非常方便，湯同羊腩分開放，返到屋企倒埋一煲加返熱就食得。羊腩非常足料，大大嚿唔算好肥，而且連皮爽彈，肉質軟諗。湯汁調味適中唔會好鹹，配菜有腐竹同馬蹄，仲有自家秘製嘅腐乳醬，食完全身暖粒粒！

依家越來越多新餐廳食肆呢間悠久歷史 50年老字號 一入店舖枱面唔多 樓上好大地方 座滿咗好多枱人沒有奢華又或是簡約嘅裝修 裝修都比較有舊時嘅氣氛充滿濃厚的人情味 (☞ ͡° ͜ʖ ͡°)☞紅伶秘製羊腩煲 $398/細雖說話細 但其實分量多 滿滿都是羊肉 食極都仲有 如傳統一樣 加入了枝竹馬蹄 香濃的柱候醬汁 羊肉完全冇蘇味 配上腐乳醬 香醇厚濃 入口味道層次更加豐富好味Overall 都幾好食 係toilet可以裝修得好少少衛生啲就更加好lei

朋友話想食羊腩煲，上網搵下見紅伶飯店個煲好出名，多人讚好食喎，不如就試下佢。聽講話等位等得好勁，一放工即刻衝過黎，好好彩有最後一張枱，之後門口就企滿人等位了。好傳統食店嘅感覺，枱上有一壺茶，仲有啲杯同碗筷都係老店格局。二話不說先點個羊腩煲，得兩個人叫個細煲夠啦，好期待呀～嘩，好正咁樣，香味飄埋黎。羊腩又淋又入味，皮下脂肪位勁彈牙，仲有個層皮好有咬口好正，當然唔少得個瘦肉位都好好味啦。舊舊都係腩無呃人㗎，個煲雖然話叫細煲，但一啲都唔細，超多羊，其他配料有馬碲同支竹，只佔少量，羊同配料嘅比例約5:1左右。仲有唔少得嘅腐乳醬，鹹香鮮味，食羊腩煲必備。仲叫左碟椒鹽九肚魚過下口引，又係上枱香噴噴，正。外脆內軟超正，椒鹽好夠味好香，好一碟完美嘅椒鹽九肚魚！朋友叫左白飯，自己要左白粥，正正常常咁樣囉。個羊腩煲同九肚魚都好好味，不愧係老店名符其實，有姿勢有實際，食過返尋味。

冬天就至岩食返煲笠笠既羊腩煲啊！呢日放工之後就同男朋友去左油麻地呢間有好耐歷史既潮州餐廳食dinner。打開餐牌，見到有好多傳統既潮州菜。唔單止有好傳統既潮洲菜，仲有呢個招牌紅伶秘製羊腩煲。我地得兩個人，所以就點左一個細煲既，羊腩煲仲會一直用gas 爐熱住，keep住佢熱辣辣。佢落左好多薑蔥一齊煮，唔會羶，羊肉煮得好腍好入味，送飯食一流啊！我地一人食左一大碗飯，撈埋啲汁一齊食簡直係一流啊！食羊腩煲已經幾飽，所以我地點多個菜就夠。

剛剛在YouTube頻道上看到紅伶重開，急不及待晚上立即由新界出油麻地去新店重回舊味。從前舊店每個月總會去兩三次，舊店雖小，只有老闆娘老闆兩個人工作，所有落單，執枱，清潔，冷檔，廚房，一手包辦。收費便宜，出品唔錯，間中會同老闆娘吹吹水，非常有親切感。 星期五晚上6:00去到新店，冷檔已有兩名伙記工作，一入門口見到幾個樓面及收銀，我算人強馬壯，門口職員說，因人流較多沒有訂枱限食90分鐘（已經變成連鎖食店風格🙄）。 點了 花生雞腳-雞腳肥大入口夠林，份量足💯。小炒王-配料十足非常野味👍🏻，黃金蝦球- 夠乾身，味道啱啱好😋😋。芥末墨魚-保持一貫水準😙，蜆仔肉-無沙無碎殼，好味👍🏻👍🏻。整體出品可說比以前進步🏅🏅，價錢當然比舊店貴，但也是市場收費。 唯一的是重商業化，從一間人情味小店，變成一間普通的食店，新老闆可能只期望快一點返枱，做多幾台客而己, 不太尊重客人，下次不來了。

近排天氣轉涼，屋企人話想食返啲滋補暖身嘅食物，經過油麻地，見到呢間餐廳有羊腩煲賣，阿媽話想買外賣返屋企～食咗可以暖身添，而且幾滋補！羊腩都二$398一大盒羊腩煲外賣，入面有幾十舊羊腩，好多好豐富～仲有大蒜同蔥係面，睇落幾好味😋佢嘅羊腩汁係分開一盒，方便我哋返屋企煮返熱～整返熱之後食落感覺好新鮮，唔會有好濃嘅羊羶味，羊腩肉好大嚿，食落啖啖肉，而且食落幾煙韌，配埋大蒜幾香，羊腩汁幾入味，調味好正，我哋食得好滋味～餐廳係老字號，職員好熱情❤️服務態度好好！下次想嚟試吓佢嘅堂食，有好多吸引嘅潮州打冷菜～

每當經開油麻地就想起老字號「紅伶飯店」今晚就同朋友一齊去食潮州嘢😚😚秘製羊腩煲（細）$398入秋就想起食羊腩煲，以火爐奉上的羊腩煲啖啖肉，吃起來軟腍又不失咬口，配以吸滿湯汁的枝竹，馬蹄，芹菜，蒜仔等，最惹味😋😋潮州春菜煲$70從這一份簡單樸實的腩肉春菜煲中，感受到潮州人傳統的節儉生活方式，春菜能夠吸收湯內的油分，十分入味，口感鮮香回甘👍👍蠔仔肉碎粥（小）$38蠔仔粥是紅伶飯店最知名的潮州美食之一，魷魚🦑，肉碎，蠔仔的鮮甜，帶出粥底豐富獨特的口感。相信你試完之後也一定會喜歡的😍😍

放工想食打冷，但又唔想去食開嗰間，醒起以前喺佐敦店也去過紅伶飯店，味道唔錯，咁就約埋同事一齊去食，打冷地方嚟講，都算乾淨，地方闊落，叫咗幾碟，樣樣都好大碟，超級飽肚，真抵食。鹵水什錦包括有紅腸、豬耳、豬腸、墨魚、鵝腸及雞腎等，仲有芽菜墊底，全部都好入味，點埋辣椒油好惹味。馳名煎蠔餅煎得非常香脆，蠔仔算大粒肥美，又鮮味， 外面脆卜卜，入口啲蠔仔即溶咁，很有口感，好味道。黃金茄子大大塊嘅炸茄子，外層鹹蛋黃香，外脆內酥，沒有油膩感，食完一嚿又一嚿，食唔停。

天氣一凍又係食羊腩煲日子，紅伶飯店呢間老子號潮洲打冷鋪亦有供應枝竹羊腩煲，平時就多數堂食打冷小菜，今次就選擇外賣返屋企整返個羊腩邊爐暖一暖身👍🌟枝竹羊腩煲返到屋企望見鋪頭將湯汁、羊腩分開放，亦配上腐乳醬。打開外賣盒見到份量都非常充足，目測都有15-20舊羊腩，而且Size都龐為大件，可見鋪頭貨真價實，出手絕不手軟。除咗羊腩之外，枝竹、大蔥、馬蹄等配料亦都非常之多👍放到鍋上煮熱後即時享用，羊腩肉質軟腍，外皮爽彈，而且食唔到有羶味，餐廳處理得非常唔錯。醬汁濃而不鹹，經過醬汁煮過既枝竹相當入味，而馬蹄亦相當爽口，食完羊腩過後千奇唔好浪費個湯底，仲可以放生菜，火鍋、烏冬等配料，物盡其用咁打埋邊爐，無得彈👍