粋

營業中

休息中

尖沙咀的日式壽司店，要坐得舒服及吃得美味而價錢合格，越來越少。幸虧有在openrice 找到一間新店，雖然被omakasa 的價錢少少卻步，一來新店，一來少評及有些其他不好的經驗，但它門面及其他食家的供相，看到也不錯，也有其他商議的「貫」去嘗，就試吓吧。叫了十二「貫」，每一件也有三個層次配搭1）base魚2）strengthen taste 魚3）調味的香料。油脂平衡，味道互相特出，外觀也漂亮。加上，他們用的柚子皮很香，不用近鼻也嗅到。海膽是時令北海道根室馬冀，很甜呀！蒸蛋也不錯。壽司師傅有禮貌！如果你想在尖沙咀試新壽司店，這裡可以一試。

早排老公生日，帶佢嚟咗呢間餐廳～😋話說本來唔係食依間，係朋友介紹我搵個師傅，一傾之下，原來師傅轉左呢度做，梗係過嚟捧場喇😍師傅好細心問我地有咩唔食，老公答：「菠菜！我老婆唔食得！」❤️每次都好感動（試過食左唔知道，爭啲喺街暈低）好在有師傅一提，本身前菜安排係有，立即換咗我個嗰，螺肉超好食，好入味👍🏻😋【廚師發辨15貫】海膽十分鮮甜😋 （最後都有encore😁）☝🏻賣相不得了🥰時令香箱蟹配上海膽更加鮮甜😋😋😋燒右口魚超好食！！！！🤩（試過就知！食唔返左口㗎啦🤣）Encore☝🏻👍🏻👍🏻👍🏻👍🏻👍🏻❤️❤️❤️❤️❤️加左仲份老公鐘意食既天婦羅～～～皮薄夠脆👍🏻👍🏻👍🏻😋擺唔哂咁多相添😆最後係出甜品有驚喜～～吹蠟燭😁surprise ～～師傅夾得好好👍🏻老公食得超開心，一定有下次😊（吖～～～清酒都好飲，個人口味，到時叫師傅介紹啦，配壽司一流☺️）

雖然去唔到日本，但食到日本時令食物真係大滿足！剝皮魚配安康魚肝醬美味可囗🥰金目鯛肉質細膩! 要讚一下依個岩手蠔配晴王提子更加提出蠔的鮮甜🤤香箱蟹蟹羔再配鍋巴又香又脆🤩仲有北海道富美丸海膽，真係鮮甜到一個點😍總結，廚師鋪排精緻細心! 每道菜有不同層次囗感，再配以推介清酒，真係回味無窮！下次要試其他推介😋

平時食omakase，都一定會去中環銅鑼灣，今次特登試下尖沙咀呢間新開嘅廚師發板。入到門口已經覺得裝修好型，私隱度又高，坐得好舒服。由於疫情關係，餐廳消毒都做得好足，每位客人枱面都有一支消毒搓手液。坐低之後，師傅已經好親切咁問我有咩唔食，同時喺餐前亦都準左左幾份前菜（辣椒蒜頭、薑、醃蘿蔔，仲有最特別嘅日本炸菜！）終於入正題啦！！！！！頭盤已經令我眼前一亮！好味得黎又做得十分精緻！尤其是海膽薯蓉 簡直係一絕，本人十分喜愛！之後既第一道菜，季節刺身四點-帆立貝、粒貝，白子，同埋日本山葵做佐菜。季節料理品-真蠔上面加上土佐啫喱同晴王提子粒，仲有個醃製過嘅特製八爪魚🐙又林又軟熟。去到第二道季節料理-剝皮魚加上剝皮魚肝醬，呢個真係不得了！，燒金木鯛 油份充足，最後加上 青檸啫喱 清一清口最後一味，季節料理-香箱蟹 蟹肉蟹膏，加上一片鍋巴同時加上香箱蟹精華煮既蟹膏醬，全部一齊食既時候，蟹味非常濃郁。最後仲有六件壽司🍣作結尾，件件都各有特色，魚味濃郁，完全食得出師傅既精心鋪排同處理不同魚類既技巧。總括而言，係性價比極高既一餐！！必定會再光顧！

為左幫朋友慶祝生日，所以訂左呢間新開嘅日本餐廳。其實之前食開嘅omakase都係喺港島區，見呢間好似唔錯就book嚟試下。餐廳非常乾淨企理，每張枱都已經放好咗消毒搓手液。職員嘅服務態度都唔錯，我哋一坐低就好貼心咁即刻比籃我地放手袋。因為我哋得兩個女仔，所以就點左12件壽司set (每位$410)套餐有包埋蒸蛋，湯同埋雪糕。呢個價錢嚟講，都算係定價比較低嘅omakase lunch，可能餐廳位置係喺九龍就相對會平啲啲。點餐嘅時候，職員會mark返低你有咩唔食，然後等師傅再安排。今次個set 有海膽，拖羅同右口魚等等嘅壽司。最令人印象深刻係鯖魚腩卷！大部分香港人都會覺得鯖魚比較腥而唔鍾意生食。但呢個鯖魚腩卷上面放左醋漬嘅白蘿蔔，同埋中間放咗紫蘇葉，中和返普遍大家唔鍾意嘅嗰陣腥味。整體味道非常之balance！而最後上埸嘅拖羅手卷同樣有驚喜，師傅喺入面放左天婦羅脆脆，所以口感更豐富。整體而言，餐廳服務真係夠晒貼心。因為朋友唔鍾意食海膽，師傅會問清楚原因，了解返佢個口味而整返其他類型嘅壽司做替代。好似今次咁，師父就整咗赤鯥代替海膽比朋友試。同埋性價比都高，食材同師傅嘅手藝都係絕對對得住呢個價錢