粉果佬

營業中

休息中

朋友知道我鍾意食燒賣，就話俾我聽喺大埔嘅呢一間粉果佬嘅燒賣係好好食，所以有日我經過就二話不說咁買咗$20燒賣自己獨食。但係，食完之後我覺得只係不過不失。我覺得個燒賣太過粉。而且，食燒賣個豉油同埋辣油係靈魂，睇落去咁辣又好似好夠味好正咁，但其實唔辣，好似整體上都爭左啲咁。

粉果佬的燒賣是即使不沾豉油就很有味道的燒賣，原因無他， 無論晴天或陰天，「燒賣佬」參叔 每天都親自製作 ，以鯊魚肉、肥豬肉、冬菜、麵粉、葱頭、八角、豉油和炸蒜打成，燒賣粒粒都形狀不同， 扁的圓的，一看就知不是機器包的燒吃下去煙韌有魚香但無魚腥臭配搭麵皮的蛋香是久久沒有吃就會想念那種樸實味道。除了燒賣參叔也每天包粉果，粉果皮同樣是自己搓， 粉葛以人手撈鹽，隔出水份， 所以吃得出非常爽口。再配搭芹菜、菜脯、蝦米、豬肉炒成的內餡， 口感非常紮實豬肉和蝦米的香氣十足。自家製純手工辣椒油，絕對不能錯過！迷人的香辣味道瞬間撲鼻而來，燒賣的鮮和辣椒油的香在口內徘徊絕對、純對能為粉果燒賣再提升一個層次獨立樽裝辣椒油比保心安油更加是居家良藥啊

大埔美食多籮籮以前廣福冬菇亭擺車仔檔賣燒賣粉果，因為街市改建計劃而停業,而家搬咗去大埔昌運中心，好開心又可以食到了，yeah!疫情未止，我好小心唔一路行一路食，所以當然要買返屋企食啦，我買凍嘅，買返屋企自己整返熱食，食得安心又放心。🌟燒賣好煙韌，魚肉香口而且有鮮味，絕對無魚腥，配上佢哋自家製嘅辣椒油同醬油，真係無得頂。🌟粉果自家和麵搓皮，包上以芹菜、菜脯、蝦米、豬肉、粉葛炒成的餡，超級香口。早餐又多個選擇了👏🏻😋

我係喺香港燒賣關注組個page見到粉果佬個評價好高，所以特登山長水遠入嚟食！仲要$10六粒真係好抵食，性價比極高！每一粒都好香口，口感超好，仲要啱啱新鮮出爐熱辣辣🥰下次一定會特登入嚟再食過！

紅磡嘅林記小食已經出哂名，魚肉燒賣、牛肉、咖喱魚蛋賣到街知巷聞，不過大埔嘅粉果佬，就絕對冇讓林記尊美，粉果佬嘅魚肉燒賣簡直可以同林記爭一日嘅長短，再加上自家炮製嘅手工粉果，冇得頂！咖喱魚蛋夠彈不過欠缺咖喱味，但粉果同魚肉燒賣可挽回分數，整體嚟講，粉果佬自家小食真係好高水準！

📍大埔 粉果佬大埔廣福邨冬菇亭🍄以前有間主打手打燒賣同粉果嘅車仔檔，喺2017年因為領展翻新被迫關閉。但2018年人稱「燒賣佬」參叔同姪仔合資在廣福街市用「高山粉果燒賣」舖名重開。但後來被王伯姪仔趕走🥺　雖然係咁，但80高齡的參叔喺昌運中心重開一間「粉果佬」。所以大家一定要支拎參叔幫襯昌運中心個間，唔好去錯廣福個間❗️　𓇠 魚肉燒賣 $10 𓇠　食完lunch嚟所以淨系買咗燒賣，見到姨姨都好勤力咁一直包燒賣，仲好親切咁問「呀妹～食咩呀？」就知道一定要支持，喺人情味呀🥰　叫咗小辣，個辣椒油唔講得笑，比平時個啲辣好多！🥵(利申三哥五小，友人三小)唔食得辣嘅要自己衡量🙈但我覺得燒賣一定要加辣椒油先好食😋惹味好多！　燒賣都彈牙，但下次我應該會試下粉果同埋叫唔辣，就可以慢慢食，唔洗食到噴火😂

重記得細個果時放學未返屋企，見重有啲零用錢，都會去幫襯下粉果佬，佢啲粉果燒賣真係由細食到大，價錢親民又貼地，餡料夠多夠飽肚。👍🏻以前只係鐵皮車仔檔，之後因為屋邨重建就消失咗排，加埋街坊話佢唔做，聽到真係有啲可惜，後尾先知原來佢租咗大埔中心既商場地鋪，雖然路程遠咗，不過都要再幫襯支持下。買咗 $10 蚊粉果 $10 蚊燒賣，燒賣粉果全部都係粉果佬自家出品，不過可能因為搬咗去呢啲貴租既商場鋪，所以粉果啲餡料明顯比以往少咗，同埋啲皮厚咗啲，不過都係依舊咁正 👍🏻 燒賣亦一樣咁正，佢既味道第二度食唔到。

好耐都食唔到好味嘅燒賣啦，係大埔行街時比我發現到佢😳，粉果佬，聽朋友說過，今日比我見到，當然一定要食啦🤣呢度嘅燒賣加上鯊魚肉，五花肉同埋地魚粉，非常之彈牙煙韌，唔會好似淨係食左麵粉咁樣，真係回味無窮👍$10/6粒粉果十分之足料，配料有沙角、芹菜、蝦米、菜脯同豬肉.$10/3粒咖哩魚蛋大細適中，好怕食個d勁大粒嘅，呢間啱啱好.$10/8粒經濟便宜，懷舊味道好難搵😘不得不提佢嘅辣椒油，辣而不搶喉，配上豉油，越食越過癮😉

食得出佢哋啲燒賣同粉果係自家製，燒賣幾彈牙，冇乜份，魚肉多，但粉果可能我口味唔同，覺得皮太厚，餡料冇乜味，相對燒賣就冇吾夠出色了，其他野食未試過，下次可以試下，燒賣值得推介

去咗大埔郊遊，知道附近有間叫粉果佬嘅都幾出名，專程去試佢哋嘅粉果加魚肉燒賣，同埋魚蛋。粉果果然好出色，入面嘅餡料好充足，點埋特製嘅豉油或者辣油食真係食到停唔到口。魚肉燒賣就好鮮味，一樣點埋個豉油或者辣油食又係美味之選，佢哋嘅魚蛋比較彈牙同埋爽口，所以我都會推介其他人去試，而且佢地服務周到，仲問我哋要幾多支竹籤，拮多兩粒唔辣嘅魚蛋畀小朋友，真係貼心。如果大家有機會去大埔郊遊或踩單車經過都可以試下呢度d小吃燒賣粉果等，亦都可以口渴時買飲品。

妹妹今日返大埔，指定要食燒賣和粉果。要食粉果，當然去搵粉果佬，魚肉燒賣和粉果都是在舖頭現場製作，不單止價錢實惠，最重要味道好 。家鄉粉果隻隻飽滿，好有實在感。魚肉燒賣好彈好咬口，食得出係用心製作。魚蛋彈牙沒腥味，加上舖頭特製的豉油辣椒油夠刺激，正。另外仲買左碗仔翅（對自己好啲😄）碗仔翅～雖然係魚翅的平民版，有木耳絲、肉絲、粉絲，滿滿一碗，湯羹濃稠，加上浙醋、胡椒粉、麻油更添美味😋食咗咁多款小食，都只係$50，經濟實惠。

粉果佬我細細個就聽過佢名，其實早幾年佢係廣福邨都重開過一次，如今係大埔中心重開，嗰陣時仲大排長龍，行到門口望入去5-6人製作點心，好忙架，佢賣點係手工燒賣，食過後，魚肉燒賣餡味道或許同出面街賣差唔多，但燒賣皮好薄，同食落口係feel到唔同，煙韌口感，加埋豉油鹹鹹地就好好食，比出面機器做既好好多。因為人手製作啦，所以佢同出邊啲價錢都貴少少十蚊紙有六粒，但我都覺得抵嘅，因為出邊都好少數手做魚肉燒賣，佢仲有咖喱魚蛋同粉果，留返下次再品嚐！

今晚同朋友食晚飯，佢介紹我嚟大埔昌運中心地舖嘅粉果佬買燒賣同粉果。有咁好介紹，因為食完飯，所以我決定買未蒸熱嘅返屋企，明天做早餐食，放入雪櫃，蒸熱食就得，有特別調味嘅醬油和辣椒油，好香。全部人手包，真材實料，不要錯過👍🏻👍🏻👍🏻👍🏻yummy

入開大埔行街，諗住去大埔超級城行下，觀塘轉巴士入去，巴士總站落車轉個角就見到有間小食舖個名幾得意，叫粉果佬。個舖位置都幾好，會好方便黎大埔同埋想搭車出返去既朋友仔。叫得粉果佬，我諗都係買粉果好出名，先會咁叫。我地去到大約4點幾，望入去見姐姐好快手咁包緊燒賣，其實講真，依家多數燒賣都係叫貨返去賣，自己整真係好有心。不過可能舖頭真係好忙，當日去到得返魚蛋 燒賣同粉果買，粉果就一定買黎試下，其餘2樣都買左D邊行邊食😂小食就係要咁先好食。

返工之前買啲野食先, 喺大埔中心附近行下行下, 見到一間小店有條龍, 睇睇先, 原來係賣粉果, 魚蛋同燒賣, 前面個大哥買左兩大盒😅.🥡魚肉燒賣•6粒 (HKD10)見到個特大蒸籠滿滿嘅燒賣, 粉果出唒煙好吸引. 燒賣仲要勁大粒添, 店家貼左幾張雜誌訪問介紹佢嘅手打現包燒賣, 拎到返公司仲暖的, 口感彈牙, 魚肉味香濃, 抵食!🥡 咖哩魚蛋•8粒 (HKD10)淋上沙嗲汁嘅魚蛋都好彈牙呢, 仲帶點陳皮味道添. 🥡家鄉粉果•3件 (HKD10)厚身粉果皮包住爽口嘅餡料, 點店家俾嘅辣椒醬汁更加好味! Li度嘅姨姨好好人架, 又細心將辣醬放邊邊話可能有同事唔食辣☺️👍🏻.