影片
開飯介紹
區內人氣小食店，主打店內手工製作的粉果和魚肉燒賣，以新鮮足料見稱，配辣油更加惹味，是學生及街坊的速食之選。
繼續閱讀
營業時間
今日營業
12:00 - 20:30
星期一至日
12:00 - 20:30
以上資料只供參考, 請與餐廳確認詳情
《大埔名物 - 粉果佬》 久仰大名佢嘅燒賣粉果一直有很多fans，難得一場嚟到，試下先～ 燒賣粉果標榜每日手工製造，今次試粉果，粒粒彈牙煙韌，料有豬肉、沙葛、蝦米、菜脯同芹菜，點埋辣油更perfect🫶🏻！辣油係將成件事提升至另一個層次😂😂 不過！更令我驚喜係佢會送魚蛋！！食落勁彈牙😂😂😂😂！經過可以一試。
繼續閱讀
去開大埔想搵下小食～呢間粉果佬都出名，開曬分店咁，咁就試下平日嘅黃昏5 6點左右黎到，去到都唔洗排隊，店員都快手，好快有得食因為本人麻麻粉果，就試左燒賣12蚊5粒，呢到兩份黎都唔差，大大粒，大粒到一人一份嘅份量小食黎講有啲heavy添😂肉質少少彈牙咁，魚肉燒賣黎講口感算幾好，唔粉。再加啲辣椒醬，醬好似同出面啲味都唔同，有啲顆粒感，可能係自製嘅？都幾辣，不過香就弱少少整體黎講，如果冇乜人排隊的話行過可試！性價比都算ok
繼續閱讀
🍴燒賣 $12燒賣好大粒，食落去比較紮實，口感硬中有咬口煙靭有少少魚味，不過唔算好好食，有啲太硬，加咗辣汁有少少似XO醬，如果冇辣汁嘅話真係唔使食，唔算好熱。推薦指數: 0/10真心係好多人買，不過唔使專登去食！
繼續閱讀
間中經過大埔中心附近都會買返黎食下！家鄉粉果（＄１４／３個）💫粉果唔似平似茶樓食果個樣貌而係似扁身餃子咁，個皮都偏厚身煙煙韌韌，而餡係粉果嘅餡料沙葛、蝦米、菜脯，仲有芹菜，比例適中。魚肉燒賣（＄１２／５粒）💫因為係全人手包製既手工燒賣所以每粒都唔同質感同形狀。燒賣蒸得唔會過耐，咬落好煙韌，燒賣皮都好滑溜，同平時係其他小食店既燒賣係偏結實，同埋佢地既豉油係好”結”身好易掛係燒賣，而加埋個辣椒醬更加好食！＊有時燒賣會偏軟腍有時個燒賣中心會偏實，所以食物水準係要睇運氣。😂
繼續閱讀
🥡掃街 🐻#炸物控 🐻❄️#新奇控——————今次🐻🐻❄️掃街掃到嚟大埔！😆一齊睇吓有咩正野食！首先係燒賣關注組大推嘅燒賣舖之一：粉果佬😛💯魚肉燒賣$12 @5粒燒賣食落有少少魚味，咬落煙韌，最好要埋辣醬一齊食，辣醬好香，不過偏辣。魚肉燒賣，推薦！😆粉果$14@3姐姐好好俾咗好舊，不過有啲穿咗🤣攞上手熱辣辣，粉果皮比較厚，味道同普通粉果無咩分別～結論：💯燒賣必試！辣醬就食得辣可以加，幾惹味😋尤其依家涼涼哋食熱辣辣燒賣，仲正😆！
繼續閱讀