粉果佬

營業中

休息中

返工之前買啲野食先, 喺大埔中心附近行下行下, 見到一間小店有條龍, 睇睇先, 原來係賣粉果, 魚蛋同燒賣, 前面個大哥買左兩大盒😅.🥡魚肉燒賣•6粒 (HKD10)見到個特大蒸籠滿滿嘅燒賣, 粉果出唒煙好吸引. 燒賣仲要勁大粒添, 店家貼左幾張雜誌訪問介紹佢嘅手打現包燒賣, 拎到返公司仲暖的, 口感彈牙, 魚肉味香濃, 抵食!🥡 咖哩魚蛋•8粒 (HKD10)淋上沙嗲汁嘅魚蛋都好彈牙呢, 仲帶點陳皮味道添. 🥡家鄉粉果•3件 (HKD10)厚身粉果皮包住爽口嘅餡料, 點店家俾嘅辣椒醬汁更加好味! Li度嘅姨姨好好人架, 又細心將辣醬放邊邊話可能有同事唔食辣☺️👍🏻.

粉果佬以前細細個既時候，最鍾意食燒賣粉果，大大吓已經食唔反兒時的味道，今日有公司既文件要過來這邊辦理，經過呢到，有D肚餓想食小小嘢，見到有間粉果佬，行埋去睇吓，牆上貼著的A-4紙，睇下先知原來係以前廣褔村冬菇亭個老闆自家製的粉果，我記得之前曾經食過，佢整得好好食，而且又好足料。粉果皮彈牙，咬落有煙煙韌靭的口感，入面又足科，有沙葛、豬肉、蝦🦐米、冬菇、紅蘿蔔.........等等餡料，又比我食反兒時昧道的懷舊粉果。👍👍👍自家製果，.....——————————————————-所以食完又買反D返屋企比屋企食😊😊😊燒賣、魚蛋，又係自家製，全部手工製作，見到D員工自己搓麵粉包餡子，用心勞力的自家製食物，吃在心，暖在心，😊😊😊

聽過呢間手工粉果嘅大名好耐，不過舊鋪位置唔方便，從來都冇幫襯過，現於市中心開鋪，當然要去朝聖！今日買左粉果，燒賣，魚蛋合共$30。原來家鄉粉果係沒花生😅啲皮又比較厚，唔係我喜歡的薄皮粉果;其他的都唔錯，好食。

以前中學放學個陣好鐘意行下大埔中心、昌運中心，同同學食下小食先返屋企，搬左出九龍之後好少返大埔行下，今日既然返左後，就食下小食啦！魚肉燒賣嘅賣相好好睇，一睇就知好食，叫左$30燒賣、順便叫埋$10粉果同埋$10魚蛋，疫情關係冇企係街邊，食外賣帶返屋企～就價錢黎睇，粉果佬賣嘅嘢食唔貴✔️魚肉燒賣有$10六粒，家鄉粉果$10三個，咖喱魚蛋$10 有八粒三款入面最好食嘅係魚肉燒賣👍🏻可再返黎encore🥰

之前我都有介紹過，依間粉果佬，係以前廣福邨嘅老店，搬咗過嚟昌運中心😊依度啲燒賣同粉果係全人手製作架，睇到啲店員現場即時包嘅粉果同燒賣，真材實料👍🏻👍🏻今次我買未熱嘅番屋企，放入雪櫃留番明天蒸嚟做早餐食😋😋😋

之前多次經過這間粉果佬總是大排長龍，後來好奇在網上搜尋得知老闆原來自九十年代起已在大埔廣福冬菇亭擺車仔檔，以新鮮手製粉果燒賣打響名堂，備受一眾街坊支持。這次終於順道一試，店中只有售燒賣、魚蛋及粉果三款食物，價格親民，亦可見店內放滿材料每日新鮮即場製作，誠意十足。點了兩份魚肉燒賣及一份粉果，淋上秘製豉油及辣油，以手工製而言價錢的確相當便宜，而且份量十足。家鄉粉果 ($10/3)招牌粉果包入豬肉、蝦米、粉葛、菜脯等餡料，外皮晶瑩剔透，不至過厚且口感煙韌，重點在於所配的秘製辣油令整體惹味得多。魚肉燒賣 ($10/6)燒賣以肥豬肉、鯊魚肉、炸蒜、麵粉、冬菜、八角、蔥頭及豉油製成，真材實料，麵粉比例不會過多，口感彈牙。

聞名不如見面以前係廣福都成日買來食粉果燒賣由細食到大依家就去到大埔中心嘅鬧市都有得食😚我都鍾意食辣野重有招牌辣椒油，又香又辣買樽返屋企隨時都食得😋粉果佬yummy

由細住大埔到大，平時媽咪喺我細個成日都買冬菇亭嘅燒賣比我食，估唔到呢一間燒賣粉果老店進駐左大埔中心昌運地下。店舖位於大埔中心鬧市的十字路口，相信很多人經過一定會幫襯老字號嘅粉果佬，有時假期都見到好多人排隊買，店舖裝修都古色古香，門口仲有價目表一清二楚。知道媽媽鍾意食粉果，而家大個咗就由我買俾媽媽食，呢間最有特色嘅燒賣同粉果都係手做的，我就買咗三個凍嘅返去先蒸，$20燒賣，$10嘅咖喱魚蛋外賣走，不過可能店員唔太清晰，所以當中有啲混亂。上到車已經忍唔住要食幾舊先，喜歡燒賣的軟熟又熱辣辣，魚蛋就爽口彈牙。辣椒醬我就可以用嚟看門口，平時喺屋企煮飯或者買外賣，都可以點小小辣椒，更加滋味。

位於大埔安慈路4號昌運中心地下32號舖的 粉果佬，主打手造粉果與及燒賣。手造的粉果燒賣十分便宜，十元有六粒燒賣，十元有三件粉果。小食只設外賣，愛環保的人士也可以自備餐盒，到時給店員盛載食物便可。記得拿取竹籤用來吃小食。買小食當天為星期六中午，約需要等候五至十分鐘。。燒賣和粉果新鮮熱辣，還冒著蒸氣。粉果的皮略厚身，能夠牢牢地包著鹹香的餡料。燒賣的味道有別於便利店吃的燒賣，能吃到天然的魚肉味，味道不錯，質感彈牙。店員同時奉上兩小盒豉油及辣椒油，可以按需要加在小食上。豉油屬於較為鹹的口味。辣椒油辣度十足，可以酌量添加。個人愛吃加了調味料的粉果燒賣，味道更豐富。

今日約咗朋友係大埔食飯，見晏就有少少時間就去周圍行下，見到間賣小食既，忍唔住就買咗黎食🤣粉果佬名符其實當然粉果最出名啦皮薄涵靚 咬一啖 剩餘另一半的涵都冇散開同跌出黎 仲食到淡啖的花生 肉碎同豆角味 配上特製的辣椒油 相當惹味 最緊要價錢經濟實惠 $10有三粒 推薦之選😋燒賣味道同街邊擺檔的燒賣有分別 先講賣相比其他店的大粒同不規則 味道方面食落口麵粉成份唔多魚肉佔的比例重 不錯之選!價錢$10有六粒 好岩番工當早餐食🥰

大埔中心附近的粉果佬，源自元祖廣福邨店，由創辦人經營。主打粉果、燒賣及魚蛋，各款都係$10就買到。師傅即包即蒸，夠新鮮。一於外賣粉果（$10/3粒）、燒賣（$10/6粒）同咖喱魚蛋（$10/8粒）啦，附送辣椒油一小杯。魚蛋彈牙唔算好辣，粉果屬於偏厚身嗰種粉果，餡料好爽口。燒賣係魚肉燒賣，好好食，食得出係新鮮即包即蒸嘅味道。難怪我喺等外賣嘅過程中，見到好多人都係買燒賣同粉果啦。粉果同燒賣記得點辣椒油一齊食，辣辣地夠刺激，亦夠惹味。

這天因為工作的關係，前往了大埔， 幸好工作一切順利，到了午飯的時間， 我和朋友一同找東西吃，但這天的早餐吃得太飽了，根本無法進食正餐。朋友介紹一間老字號的老店，前身位於廣福邨之內，現在坐落於大型商場的地舖，地理上十分容易找到。小店最有名的一定是粉果， 內裏餡料多，皮薄餡靚，口感一流， 味道佳，配搭店家自製的豉油和辣椒油， 更有另一番風味。 但作為老店，我更欣賞的就是他自家製的燒賣，由幾位店員每日親自炮製， 新鮮程度已經是無法想像。慢慢從老店中找到了老香港的情懷。

今日黎到大埔剪頭髮 見味係開飯時間 就搵下有咩小食食剛好見到呢家係大埔紅極一時既燒賣粉果店就去潮聖先排隊時望一望個價錢牌 全部都10蚊有交易 價錢親民試一試佢招牌粉果 食得出用左菜脯 蝦米 粉葛好惹味呀 另外佢自家搓既皮 十分煙韌 唔同一般茶樓蒸到硬曬粉果做得飽滿 好味其次 燒賣都係賣點之一 佢地用左大地魚粉轉成炸蒜因此製出來的燒賣相當煙韌魚肉陣牙又無魚腥 配上人佢地自家製辣椒油 真係食到停唔到口總結:-有心做既小店-價錢親民-真正香港原味道

呢間小食店其實係由祖廣福邨店創辦人經營，老闆以前係廣福冬菇亭擺車仔檔賣燒賣粉果，之後因為改建計劃被逼結業，今次重新係大埔開店，繼續推出手工粉果、燒賣😝手工粉果($10×3隻)裏面加有豬肉粒、菜脯、蝦米同粉葛等，皮較厚整體味道唔錯。魚肉燒賣($10×6粒)係人手包既，心機野同機器整既真係好唔同😛食落煙韌彈牙，而且幾鮮味😋佢地個辣椒油都係重點！勁辣但勁惹味，辣住都忍唔住要繼續點😂咖哩魚蛋 $10×8粒

📭粉果佬 （廣福手作燒賣）廣福邨冬菇亭個車仔檔原來搬左喺大埔昌運廣場🎈咁耐冇返嚟咁都比我撞到好懷念。 🥺以前中學嘅時候日日食仲見返「燒賣佬」既王伯，今年都80歲，👨🏻‍🦳事事親力親為。粉果、燒賣，啲燒賣都係人手包，好煙韌，勁多人排隊，雖然開咗喺旺嘅地段價錢仍然好經濟，大家多啲去支持下啦！咁有心真係唔係間間得｜🥠粉果$10 3粒 ☂燒賣$10 6粒 人手做來講好抵食㗎！好味指數：8/10 地址：大埔昌運中心地下