粉果佬

營業中

休息中

行完山坐巴士出大埔市中心途中見到「粉果佬」，諗起之前睇影片見到有人介紹佢，仲話好味添。為食既我，當然唔執輸去試啦!! 但點都無諗到，只係相隔9個字既時間，本身無人排隊既「粉果佬」，居然大排長龍….仲要龍頭唔見龍尾…. 小食款式唔多，只有四款，分別係粉果、燒賣、碗仔翅、生菜魚肉。排到我果陣聽到店員話已經賣哂粉果，但後面仲有幾十人排梗隊….好彩我唔係買粉果，如果唔係一定好無奈。燒賣$10六粒，呢度$20等左5個字左右終於買到，由於排左咁耐隊，對佢一定抱有高期望，但我同朋友都覺得味道不似預期。燒賣口感軟糯、有咬口，唔會好粉感，但唔知係咪辣醬太搶味，蓋過左魚味、豬油味。所以個人覺得除左口感同坊間其他燒賣有分別外，味道唔太特出。小時候我幾中意食燒賣，食最平果D已經覺得好正，正正因為咁，而家食靚D既燒賣反而無左果股童年味道 雖然呢間小店無令我勾起兒時回憶，但燒賣口感確實唔錯。

見YouTube 講到全港最好食既燒賣，忍不住馬上入大埔探個究竟😛本人不是燒賣群組會員，未算好識分🤪(呢期好流行個d乜乜群組）1點左右去到已經排晒人龍，前面大約有20人左右，不過未算等好耐，大約排左十幾分鐘就排到😋10$ 六粒算好抵食，買左$20 有十二粒加埋辣油好香，唔算太辣～咬落彈牙，燒賣size適中一陣食晒，口感非常煙韌🥰好多朋友推介粉果但今次無試到下次經開會再食都可以再encore 😋😋

行過見到大排長龍 心諗咩事呢？ 一探究竟之下 由龍尾行到龍頭 原來係一間叫粉果佬嘅小店產生這條人龍排到轉曬灣 有咁好食嗎？ 人排我又排 邊排邊做資料蒐集 原來出名燒賣同粉果粉果佬創於1962年 前身位於廣福邨冬菇亭 人稱「燒賣佬」的參叔 手包燒賣出名煙韌 深受一眾街坊喜愛 當以為永久失傳這種味道的時候 希望便來了 用「粉果佬」這個名字重開店舖仔提供數款小食 咖哩魚蛋，家鄉粉果，魚肉燒賣，碗仔翅 ，生菜魚肉，碗仔翅魚肉。 當年魚肉燒賣10蚊六粒 至今物價高漲 舖租昂貴 亦沒有加價外皮至餡料都是人手每步每步做出來的 時代嘅進步不但沒有被機器取代 堅持每日人手製作 實在難得手打燒賣 拳拳到肉 粒粒有魚即包即蒸 保證新鮮 每粒大小形狀都不一樣 粒粒金黃飽滿 見到真係好想食結果我買咗30蚊燒賣 30蚊粉果 買完之後企埋一邊即刻試下先 趁熱食加咗秘製豉油同辣椒油 成個味道勁突出 燒賣 餡料豐富 好大粒 真係食到粒粒魚肉 好鮮味 好彈牙 飽腹感十足 十蚊有六粒真係超抵食 排咁耐隊真係值得粉果外皮唔算好薄 不過勝在夠煙韌 餡料好豐富 多到快要滿瀉 沙葛清甜爽脆 有冬菜蝦米提鮮 香氣十足即場試完辣椒油之

如果你喜愛燒賣，你應該知道社交平台有個群組叫香港燒賣關注組。  有好多燒賣迷分享好多燒賣嘅資訊，前牌講燒賣中嘅Hermes金龍，又有勁多人講叁拾士多，然後蘋果日報又報導佢同點心紙嘅恩怨情仇。  再講到另一個名物高山粉果燒賣，又係一個羅生門，係飲食圈咁多年第一次見呢一個食材可以紅得咁厲害。 來自舊日高山粉果燒賣嘅新店粉果佬呢排又係紅到發紫，上星期六五點，你會見到有五十幾人喺大埔昌運中心排到癲，為嘅就係一口燒賣同粉果。 幸好當天買到最後一件粉果，試到傳說中的水準。 不過如果要排到咁，我又覺得幾好食都係假，我最愛嘅林記至少唔使排到九彩，而且我又覺得，燒賣係唔錯，但係粉果又真係好普通，如果要排咁耐，又真係幾好食都無用。 恩怨情仇唔多講，呢度唔係上映緊溏心風暴，粉果佬咁大年紀都依然係呢個淡市再投資開新鋪都幾令人佩服，日日仲要準備餡料，搓皮到蒸燒賣，全部由佢同其他員工一手包辦，燒賣因此水準都算高。 燒賣嘅主角有肥豬肉、蔥頭、冬菜同少見嘅鯊魚肉，粒粒都非常小巧，而且人手做，唔係用機整，係值得讚嘅。 十元六粒，粒粒味道都非常煙韌無比，都幾好食，價錢都平過林記。 另一名物粉

上網見到佢成日大排長龍，同埋聽聞係全人手製作嘅粉果燒賣（喺現今香港仲有幾多間依啲全人手製作嘅懷舊小食呀），所以襯今日放假特登由九龍過去試試。十二點幾去到已經有成二十幾人喺度排緊隊（我諗應該都算係少人😂），即刻走去排，排咗十零分鐘到就即刻到我啦，要咗粉果燒賣各$20，買完之後一定係襯熱即刻食首先講下燒賣，食得出真材實料！彈牙新鮮好味道😍😋加埋佢地嘅辣椒（一定要加）簡直係畫龍點睛呀🤤粉果係同平時食開嘅潮州粉果唔同，係參叔嘅招牌名物，皮好煙靱，餡料嘅沙葛好爽脆，味道係屬於懷舊形（唔知點解令我諗起我婆婆🙈），食完好飽肚好滿足😄嚟緊天氣再凍啲再去食一定別有一番風味！#要食一定要食正宗嘅粉果佬

去到粉果佬，俾條人龍嚇親，排隊排到去轉返後面條柱隔離。若果係平時，見到咁多人排隊，一定唔排。但上次食過唔錯，就試下排，估唔到排左一個鐘.... 真係估唔到，賣既種類唔多，但就要排咁耐🙈 好似只有燒賣、魚蛋、粉果、翅、魚肉.. 到我差唔多排完，後面條隊仍然係咁長😅 證明依間野食唔錯，先有咁多粉絲。有些途人經過都好好奇，究竟有咩吸引力，條隊可以咁長...終於買到，去附近食，真係唔錯，燒賣就算蒸熟都唔會好脹，咬口唔錯。之前試過食另一間燒賣店，好多都話難食，仲打自將剩低既唔要... 而依間，最可惜無生既燒賣買，不過全人手，好味。就連粉果都唔錯，夠料，少辣但唔算好辣，但好惹味，會再去買😬

而家出邊買到既燒賣多數係用機器包，好難得有間係人手包。人手包既真係好食好多，首先用料會比較新鮮，因為係即包即蒸，所以燒賣皮會特別煙韌，唔會因為番蒸而蒸到爛。而材料方面特別足料，其他燒賣主要係用面粉整，而尼間食得出有鯊魚肉，味道同口感都差好遠。至於粉果，我感覺d涵係幾好味，皮都幾煙韌，不過d皮對我黎講就厚左d。雖然間舖叫粉果佬，燒賣同粉果都好食，不過我覺得燒賣比較有特色

還記得數年前大埔朋友帶我去廣福邨冬菇亭食燒賣同粉果，當時印象深刻因燒賣同粉果很有懷舊風味，朋友話由細食到大，粒粒都是人手製造，絕不是機造，已令我念念不忘。因領展收回冬菇亭翻新被迫告別街坊後，我再沒有去大埔了，而且現時還吃不到這懷舊的燒賣和粉果味道。近日見到很多傳媒報道，原來當日的「燒賣佬」重出江湖，參叔以「粉果佬」在大埔昌運中心重開。依舊堅持用手包燒賣以地魚、鯊魚肉及豬肉打成，而粉果也是人手製造，全程手搓手擀粉果皮，包入粉葛粒、蝦米、芹菜及菜脯等製成 ，每日新鮮製造。燒賣$10/六粒口感彈牙，有魚肉香，沒有一口粉感覺，粒粒真材實料，很懷舊有兒時的味道。家鄉粉果$10/三個粉果是以汕尾做法，跟一般茶樓同小食店不一樣，薄皮煙韌，餡料粉葛粒為主打，爽甜帶香，好地道的汕尾家鄉風味。自家製辣椒油食燒賣同粉果怎能沒有辣椒油，這個辣椒油微辣，惹味香口，加一點在食物上更添滋味。今天平日中午時間已經超多人排隊，但等候時間約15分鐘左右，店員人腳也很快，想食就不要等，快點去大埔尋回懷舊的味道。

星期日下午1700去到，去到真係嘩一聲超多人排隊，大約有50-60人所有人都買$30以上既燒賣排左45分鐘，終於到我啦!!!!!!本身想買$10/3粒粉果+$10/6粒燒賣排到我既時候，粉果已經賣曬所以淨係買左$30 燒賣滿心期待熱辣辣既燒賣加上豉油同辣油豉油吾算甜，辣油夠辣燒賣超級煙韌, 有魚味大小岩岩好，一啖咬落去，好滿足啊!!!!只可以話係名不虛傳值得支持既一間小店不過有樣野可以改善就係D阿姐做野既速度有2個阿姐坐定定不停包燒賣有2個阿姐負責賣野，如果當日佢兩個配合得好D, 動作快D, 就吾洗等咁耐見到幾個人排排下都走左不過可能呢個係銷售策略

呢排粉果佬好出名！除咗佢背後既故事之外，仲有口碑都好好！一去到，比條人龍嚇親，不過都照排隊，等左～10分鐘倒就買到了～我本來好唔鐘意食魚肉燒賣的，因為出面果d都好多粉。但呢間既魚肉燒賣好彈牙，真材實料咁！正！😋

我幫襯伯伯買燒買及粉果在大埔高山，第一次食覺得好好味，點知越食越唔好食，又無什人排隊，好彩有日在網上有個網友話伯伯在昌發中心開新店，我即刻第二日早上去買，但是我試過二次早上到粉果佬買燒買及粉果食，我覺得好淋，粉果皮太厚，我覺得非常唔好食及好失望，當時真是唔明白點解咁多人讚好味，我想會唔會我太早去買燒買粉果可能是隔夜所以唔好食，所以我上星期日再去粉果佬試多一次，结果燒買粉果好好味，我問d呀姐點解上次買及今次咁大分別，她話原來平時早上人流小燒買粉果蒸耐咗，而星期日排晒大隊，燒買粉果蒸的時間唔太耐，，我買咗八十元返屋企慢慢食，希望伯伯身體健康，我可以繼續買平靚正好味燒買粉果食

自從有香港燒賣關注組既出現 我每日都等緊粉果佬被推介 但當佢而家被力推又有咁多訪問嘅時候 我又驚佢因為多人食而質素下降 好矛盾😂想當年大埔地頭朋友帶過我去食之後 佢已經係我香港燒賣龍虎榜長佔第一位而家每次去大埔都一定要食佢!!! 朋友話佢媽咪細細個已經食緊呢間燒賣去過幾次都見到啲姐姐密密手包燒賣 即包即蒸 手工燒賣熱辣辣 魚肉好滑又彈牙燒賣皮薄薄的好有口感加埋佢個秘製辣油好好味 自家製辣椒油可以一樽買返屋企 居家必備！

燒賣 (4.5/5) $10/6作為燒賣控，一直無介紹粉果佬，係因為一開業個陣食過唔好食，今次俾機會佢再試！魚蓉好香，食落好彈牙！大大粒，果然手造係厲害的！勁抵食！😋😋😋但扣少少分因為個辣椒🌶️油得個辣，唔夠香😗😗😗.粉果（3/5)$10/3個餡好食！係傳統菜莆個啲，非潮式個種，但皮太好，個人不太好依款🤨

咁岩經過大埔試試街頭小食，望望遠處有好多人排隊既小店就試下你啦，嘩其他食客都打孖上乜都x2以上就試下佢地既魚肉碗仔翅，燒賣同粉果魚肉碗仔翅：本身料就唔係太足料好彩靠左魚肉平衡返，若果可以有辣菜浦就正😌燒賣：加上辣椒醬係唔錯但失敗在太厚身燒賣，如果選用重味既魚肉燒賣就正好多😌粉果：除了辣椒醬食唔到粉果既料.... 😌辣辣醬：值得一讚唔係太咸唔算太辣 岩哂想試下辣味既朋友仔😛另外以小食店黎講算慢..... 需要再重新安排買同整食物速度

女朋友鐘意食粉果，特登叫我經過大埔買外賣一份加餸。呢間小店喺大埔好有名氣，食物質素果然唔錯，難怪不時都有人龍排隊等候。.🥟粉果粉果皮半透明，口感煙煙韌韌。餡料有口感爽脆，又帶天然甜味嘅沙葛，加埋蔥花更加香氣四溢。.🥟燒賣現場見到即包即蒸，夠晒心思。食落彈牙，口感煙韌。.🌶辣椒醬佢地仲有自家製辣椒醬，價格實惠。辣中帶香，仲有少少麻。除咗粉果燒賣，蘸各式炸物都好啱。.粉果佬大埔安慈路4號昌運中心地下32號舖