粉果佬

營業中

休息中

見日日咁多人排隊應該唔會差得去邊。 點知咬開粉果皮厚餡少，個皮真係厚得好梗震。 相對燒賣較好，但魚肉味太淡。本人覺得得個辣椒醬最出色 雖然價錢唔貴，但應該唔會再有下次

最近燒賣話題好Hit，大家都係咁食勻全港九新界嘅燒賣🤩今次專登去到大埔試吓呢間好出名嘅粉果佬😍去到見到條人龍已經知呢間野名不虛傳，門口仲有貼住每人限買數量，見到舖頭後面有人默默包緊燒賣，佢嘅新鮮程度絕對唔會有人懷疑😆😆燒賣食落唔會粉亦都彈牙，食得出係自家製絕對唔係出邊拎冰鮮返熱咁簡單👍🏻

難得入大埔 一search大埔美食就彈出呢間粉果佬 未去到店舖門口已經見到一大條人龍隊伍🤯 最後足足等咗45分鐘先有得食店舖門口有寫每人限買30蚊燒賣同20蚊粉果 但可惜我地當日傍晚六點左右粉果已經賣哂😭雖然人氣極高要大排長龍 但仍然保持平民價錢 無因為人氣而加價等緊拎燒賣果時見到有位叔叔不停搓緊燒賣 每粒都人手包 唔知呢位係咪就係粉果佬🤣終於有得食 排咗咁耐一個人都買廿蚊嚟食😎 燒賣極度煙韌 好有咬口 的確似係用咗鯊魚肉 但亦食到有啲豬肉 兩樣加埋都頗有驚喜🤩 真係未食過呢種口感嘅燒賣 同時亦聞到好香嘅味道 問返店員話佢地啲燒賣加咗冬菜 唔怪得知咁香🤤 但醬汁略嫌有啲普通🤓 如果下次再入大埔一定會再試😍

由細到大都住大埔區，細嗰個時去廣福村探公公，媽咪就會帶我去食燒賣😃，印象中喺好食😋，好開心🥳。以前小朋友嘅我唔食得辣☺️大過咗先識得欣賞👏🏼每次經開昌運中心都排隊排長龍，要轉彎排😅，好誇張，今次嚟食，喺因為我近期睇咗雪姨條YouTube 片，試食香港五大燒賣😍，呢間粉果佬係No.1 in HK，我就好想嚟試下。排隊排咗15分鐘，終於同我啦，$20 辣燒賣😉，$10有6粒嘅，留意返每人限最多買$30㗎咋。流唒口水啦，勁香，好吸引😍，燒賣真心幾好食😋，好煙韌，夠唒彈牙爽口，唔錯嘅，手打燒賣有誠意嘅😌，難怪咁多信眾，不過辣味好一般，之前荃灣嘅小廚美食辣椒豉油好味d囉，人哋喺辣得嚟有啲麻辣，粉果佬嘅辣，喺單一辣味，欠缺層次感。大家如果鐘意食燒賣，可以食埋荃灣嘅小廚美食 (No.2 in HK 雪姨排名榜) 中上水平嘅燒賣，其實幾好食，但未去到要排長龍咁誇張，大粒抵食👍🏼

呢間舖頭呢排好Hit，基本上遠處就會見到一條小人龍，抬頭一望原來就係大埔鼎鼎有名嘅粉果佬。呢間舖頭嘅燒賣好出名，好多網紅食過都話好好食。佢係有限買嘅，每個人淨係可以買$30燒賣同埋$20粉果。$10/6粒燒賣， $10/3個粉果我一共買咗$30燒賣，同埋$10粉果。老闆娘會問你要唔要辣，一於加埋辣試下。首先佢既燒賣都幾大粒，一定比係超級市場買既大粒好多，點咗啲鼓油同辣椒，個燒賣口感真係好好，有啲彈牙又有魚肉味。不過辣椒就唔係好辣，食小辣既人應該都唔會覺得辣。試埋粉果，粉果就還好，皮我覺得厚咗小小，同冇燒賣咁出色。

第一次寫食評， 聞名已久 大埔手工燒賣，見排噤長都想試下 係咪真係咁好味， 叫咗燒賣同粉果 ，食完後感想，燒賣魚味略淡， 豉油冇味， 辣椒油勁辣搶過曬其他味， 粉果個皮勁厚啲餡料唔夠多， 總結水準係一般， 燒賣馬鞍山三寶 好蝕好多， 粉果南山邨車仔檔 贏佢九條街🤗

如果鍾意四圍食燒賣，點可以錯過大埔既呢檔燒賣!!  連「香港關注燒賣組」都有提及呢間燒賣。咁啱有朋友都愛揾高質燒賣及粉果，一拍即合下就齊齊揾呢間試一下。其實大埔仲有另一間出名燒賣檔，我地去到門面對比後都係決定呢間，因為無論蒸燒賣既外表同店面都呢間比較出色。好彩係平日早上去試，雖然持續都有人排隊，但都可以接受。門面有些懷舊既味道，可惜見唔到傳說中既「燒賣佬」參叔，不過看店婆婆都十分有趣兼有性格，無論多客定少客，佢都一貫以慢功出細貨既速度，慢慢地serve 客，但啲客又好合作無燥底，成件事好有趣。當然我地都好欣賞個婆婆，我朋友仲讚佢好正。我地要咗燒賣 + 粉果 + 魚蛋，不過要揾個靜靜地既地方企住食都有啲難度....粉果大大粒好飽滿，餡料見到有粉葛、豬肉、芹菜等等，好有口感；魚蛋則普通啦~~ 終於試到燒賣....聽講材料有鯊魚肉、冬菜、葱頭等，由於係人手整既所以粒粒都唔同形狀。一食落去口感特別煙韌，又大粒，味道鮮而唔腥，好味！不過甜豉油略淡味，辣油亦夠辣。

今日入咗嚟大埔 梗係要嚟食友人介紹嘅粉果佬啦 一嚟到已經排隊排到轉咗角😣 真係有一刻唔想排㗎喇 但都一場嚟到 冇理由唔食㗎嘛 所以都係排咗 五點幾排到六點半先買到 足足排咗一個鐘多啲😿 果然係好受歡迎嘅舖頭 排排下仲有啲街坊喺度話咁多人排 話咪又係燒賣 有咩咁巴閉 我初頭以為嗰啲人唔抵得人地咁多人排隊咋😮 有啲野唔試過又唔知嘅😂見人地前面啲人幾大盒幾大盒咁買 由於係第一次食 驚中伏 只係買咗廿蚊燒賣😬 但佢都有好多其他小食賣 話明叫粉果佬 梗係有粉果 仲有魚蛋 碗仔翅嗰啲地道小食手工燒賣加豉油同辣椒油 味道好夾 不過辣椒油似豆瓣醬多啲 燒賣嘅口感好煙韌 同平日喺其他鋪頭嘅燒賣差好遠 果然係落足料呀🐟 雖然係幾好食 但要排咁耐隊就真係不了喇☹️

食品全部人手製作 燒賣/粉果 粒粒唔一樣 別俱特色燒賣主要用鯊魚/地魚/肥豬肉 口感煙靭有嚼勁 相當香口可惜配既係䶢豉油 若配上香甜豉油 應會更美味粉果主要用粉葛/蝦米/芹菜 粉果皮厚餡料小 雖然知道製作粉果工序繁複 但味道實在普普通通 燒賣$10/6粒 粉果$10/3個 以質素黎講 絕對超值 難怪咁多人幫襯 12點開始營業 人龍已經出現 相當誇張 佢既潮式辣椒油 香但唔太辣 蘸燒賣/粉果都一流參叔賣燒賣最小30年 食品製作有要求 值得大家支持

雖然在大埔長大，但都未試過在粉果佬的前身「高山」買燒賣和粉果食，直至最近看到的新聞報導，才認識這店。問問住在該邨的朋友，她極力推介「粉果佬」，而且叮囑我一定要多辣油！！就趁著是日平日放假，排隊人龍不長，就買一份燒賣及一份粉果回家試試～～魚肉燒賣，$10/6粒，都幾大粒～～燒賣用上鯊魚肉，人手製成，燒賣皮夠薄身，燒賣質感軟稔得來又帶點煙韌，不會粉粉的，口感不錯！味道則相對清淡～～家鄉粉果，$10/3個，餡料有沙葛﹑蝦米﹑芹菜等等，與平日食開的潮州粉果，味道有所不同。這款粉果沒有花生的香氣，亦沒有豬肉的那陣油香，是以沙葛的爽脆清甜為主調，味道不差，只是不太習慣這種口味～粉果皮略厚一點點，但質感夠軟糯，口感尚可接受！食燒賣及粉果不可缺少辣油，自家製辣油，夠辣又夠香，正！！如果不用排長龍，以人手製作小食的「粉果佬」是值得一試的！

一直人氣高企的「粉果佬」至今依然熱潮未退！不論什麼時間經過，也會見到長長人龍。朋友遠途而來，嚷著要一嘗「粉果佬」的出品。本來看到長長人龍有些卻步。既然朋友滿心歡喜，唯有跟他一起排隊吧。雖然人龍長長，但跟朋友一邊聊天一邊排隊，時間也很快過，大約需時20分鐘就排到了。由於人數太多，店家設有購買上限。每人只可以購買20元燒賣，10元粉果。10元/6粒 燒賣手打的魚肉燒賣果然口感彈牙，加點辣油作點綴，味道好香，辣度較輕。10元/3隻 粉果咬落煙韌，餡料好香，沙葛爽脆，還有蝦米在內，味道香濃。

星期日去要排隊都預左 等半個鐘到吾算耐排到我前面就得番燒賣 都買20蚊試下啦($10 6粒)睇落都似手整 粒粒d形都吾一樣既 一食落去又硬又吾夠熱 跟本未完全蒸好就拎出黎賣 中間咪又系d傻仔魚膠 但個辣系幾好食滿心期待咪失望囉 真系吾洗特登去食 吾會覺得有幾出色囉完全系被人吹捧出黎既*仲見到有小強系鋪地下

朋友話呢間燒賣店近來好火熱，所以專誠入嚟大埔食，見到條龍有30、40個人排緊，比著平時我真係唔會排，但山長水遠但入到黎冇理由唔排㗎可能得兩個阿姐喺度收錢、賣嘢，所以真係好慢，我排咗個半鐘先至買到，本來唔諗住買返屋企，但排咗咁耐老虎嗰隻蟹買啲返去比屋企人試吓老實講魚肉燒賣&家鄉粉果係好食嘅，不過要排個半鐘真係唔值得。特別係個粉果，皮比較厚，再來都唔會再買

早排有啲事要入大埔，順便去試吓呢間近排好hit既燒賣啦！因為燒賣好多好評，所以都對佢有啲期望。諗住難得入到大埔，都排隊試吓啦。粉果就唔諗住試，因為住大埔朋友話，食過既人都話好一般... 同埋當日呢個時候已經賣哂粉果了。點知... 食落係彈牙既，但魚味欠奉。配咸豉油，個人覺得配甜豉油更能帶出鮮味。辣椒油亦唔係特別香口惹味。整體來講算中上啦，絕對無啲人講得咁天上有地下無。不過，食既係一份人情味吧，支持小店係好既。同埋都算抵食！如果唔使排，都可以食吓既

行完山坐巴士出大埔市中心途中見到「粉果佬」，諗起之前睇影片見到有人介紹佢，仲話好味添。為食既我，當然唔執輸去試啦!! 但點都無諗到，只係相隔9個字既時間，本身無人排隊既「粉果佬」，居然大排長龍….仲要龍頭唔見龍尾…. 小食款式唔多，只有四款，分別係粉果、燒賣、碗仔翅、生菜魚肉。排到我果陣聽到店員話已經賣哂粉果，但後面仲有幾十人排梗隊….好彩我唔係買粉果，如果唔係一定好無奈。燒賣$10六粒，呢度$20等左5個字左右終於買到，由於排左咁耐隊，對佢一定抱有高期望，但我同朋友都覺得味道不似預期。燒賣口感軟糯、有咬口，唔會好粉感，但唔知係咪辣醬太搶味，蓋過左魚味、豬油味。所以個人覺得除左口感同坊間其他燒賣有分別外，味道唔太特出。小時候我幾中意食燒賣，食最平果D已經覺得好正，正正因為咁，而家食靚D既燒賣反而無左果股童年味道 雖然呢間小店無令我勾起兒時回憶，但燒賣口感確實唔錯。