米走雞 (太子藍馬之城)

營業中

休息中

不得不說，我真的鍾情於吃火鍋，尤其是這間──米走雞。每過一段時間就會心思思要來光顧一下，吃他們的招牌：芝士雞煲。這晚天氣稍稍轉涼，我們又到訪他們的太子店。今晚沒有吃太多東西，首先要的當然是芝士雞煲(激量)。隨着芝士被加熱，一陣陣香濃的芝士香氣徐徐飄進我們的鼻子裏，誘發了我們的食慾，大大件的雞腿肉，淋滿了芝士汁，入口香滑而且啖啖肉，現在回想起來仍是會令人垂涎三尺的！油麥菜：我們一直都很欣賞他們食材夠新鮮，這籃油麥菜就是一個很好的明證。大棵粗壯，多汁爽脆，蘸滿芝士湯汁又是另一番風味！豆腐：對，又是豆腐！吃火鍋又怎能不吃豆腐呢！豆香而且軟滑的質感，令人無法捨棄。虎蝦：六隻體型巨大的虎蝦，新鮮彈牙，同樣是我們吃火鍋的必然選擇。最重要是這裡的虎蝦質素高而價錢不貴，十分抵吃！加上冰凍下火的咸檸七，簡簡單單的一餐火鍋，卻是叫人吃得滿足！

早排同朋友岀開太子，天氣凍凍哋想食雞煲。朋友介紹話lee間啲芝士雞岀色，話一定要食。一上到去，七點幾已經差唔多座滿人，斷估應該都唔差掛。由朋友發辦，嗌咗個激量芝士雞煲，心諗應該都係辣辣哋，有啲芝士係面啫，唔係點打邊爐。點知嚟到一睇，真係勁多芝士同洋蔥，多到差唔多睇唔到啲雞。食嗰陣，職員仲提我哋唔好撈，就咁食。激量芝士雞煲，食落啖啖都係芝士，但係唔會好鹹，配埋啲雞個味仲濃厚咗。雞件唔會好老，食落軟熟。加埋入面有洋蔥，食落唔膩。食完雞梗係要烚吓牛啦。今次嗌咗牛頸脊，雞子，牛餐肉，炸魚皮同wasabi墨魚丸。牛頸脊，牛味重，油脂比例都算平均，食落爽口又有油香但係就唔肥。雞子，基本每次打邊爐都會嗌。Lee度嘅雞子唔單止多，仲好大粒。鍾意食必嗌！炸魚皮，好大籃。夠曬大塊，唔會碎濕濕。脆脆哋，就咁食已經好味，點埋芝士食仲正。wasabi墨魚丸，綠綠哋色。食落有新鮮墨魚味，仲有 wasabi攻鼻嘅味，但係就唔會辣到標眼水。刺激得嚟都好好食。如果想食雞煲，但係又唔想食麻辣怕熱氣，絕對可以一試！

之前已試過幾次芝士雞煲，最近想回味一下，便即興同朋友來太子<米走雞>。餐廳地理位置便利，在太子地鐵站不足五分鐘的距離，場內環境寬躺。我們二人先叫了細黃金芝士雞煲（$178），想不到份量足夠得可供三人分享。因為朋友不吃芫茜和葱的關係，我們便在點餐紙上寫上額外要求。雞煲芝士味十分濃厚，雞肉亦多肉嫩滑，一個字：正！除了雞煲外，我們亦點了其他火鍋配料，如手打五寶拼盤、公仔麵、蟹柳、芝士腸和蘿蔔等等。五寶拼盤的手打丸很有鮮味，特別是黑椒牛丸，黑椒味突出但又不會太辣。最後我和朋友都吃得捧腹離開呢！總括來說，若愛芝士的朋友必定要試試這間雞煲。個人建議先叫了雞煲再慢慢加點小吃，份量會較容易因應呢

年頭趁天寒地凍既晚上選擇打邊爐，一大班老友齊齊烚烚下真開心。餐廳有推出頗多不同款式的火鍋湯底，而最吸引我地的就係「米走雞」既芝士雞煲。開初聽到用「芝士」做膽既雞煲令人感覺好肥又好膩，但雜誌試過後話這個雞煲滿有驚喜，而且唔膩，立即相約友人試試，試後果然係呀。雞煲入面放了中芹和洋蔥這些配料，半隻雞的份量也不少，每件爆至金黃色的雞肉也沾上金黃色的芝士，而且食落濃不膩，雞肉也頗嫩滑，食完唔會滯到唔想食其他配料。

一班人約食飯，地點要揀方便大家最緊要。睇過下食評後決定食呢間。 雞煲食得多，芝士雞煲都係第一次。 對於芝士怪黎講，真係不得了。同平時食雞煲一樣，享受完雞肉後，先慢慢再加湯打邊爐。點完打邊爐材料，就急不及待想快d食。雞煲一到，大家都嘛親，超多雞肉，佔左個煲7成，仲要大大舊雞肉，真係食肉獸至愛。 今次5個人點左好多野食，配埋啤酒真係一絕。推薦牛頸脊：牛味超濃又鮮嫰，雪花分佈平均，真正入口即溶👍🏻炸響鈴：新鮮香脆又唔油👍🏻雞子：我唔敢食，同行友人一舊接一舊食唔停。仲有其他蔬菜，丸類，菇類不能盡錄😂成晚掛住搶食傾計，都冇咩影下食物相。食下飲下傾下，開心時光過得真係快。

我很喜歡吃雞，無雞不歡！上網見到有朋友推介黃金芝士雞煲，就立即去試！餐牌裡面除了有雞煲外，還有胡椒豬肚煲、冬陰公海鮮煲、清湯牛腩喎等等⋯選擇蠻多的！🐓🧀黃金芝士雞煲（小）$178我就當然叫了黃金芝士雞煲，選擇了普通芝士份量，喜歡芝士的朋友可選擇激量🧀再配上洋蔥及少量芹菜，好香好入味喔！雞件啖啖肉，非常嫩滑，再配上濃郁的芝士味，感覺特別，雞有另一番風味！之後大家可選擇清湯湯底或者芝士湯底去打邊爐，而我就選擇了清湯湯底。🥩手切新鮮牛頸脊（小）$228出乎意料好吃的牛頸脊，真心推介！厚薄適中、脂肪分布平均，新鮮牛肉味、口感一流！手打五寶拼盤 $88五寶包括蝦丸、鯪魚球、黑椒牛丸、墨魚丸及豬肉丸。材料非常新鮮、口感彈牙！而我就最愛蝦丸🦐和墨魚丸🦑！娃娃菜（半份）$24本身湯底裡已有濃郁的芝士，令到娃娃菜非常入味！😋整體上，無論環境、食物、價錢都感到滿意。下次我會約更多朋友光臨，可以食到更多不同菜式😄。另外，服務員都好配合客人所需👍🏻服務至上，抵讚！

我是一隻牛魔王, 最喜歡吃牛的, 外出吃飯. 總是與牛分不開; 這次我和姐姐來到這家店吃牛腩火鍋。輕輕一撈, 一件件牛腩露出湯面, 每一口都啖啖是肉, 牛肉鮮嫩, 肥瘦適中帶點油份; 牛肉味齒頰留香; 放入牛頸脊, 鮮紅色的一大盤牛頸脊, 肉色鮮紅, 雪花間格鮮明, 輕輕一浸已熟; 放進口, 肉汁豐富而且入口即化, 牛肉味道久久不散;吃完牛頸脊, 我最吃的響聆到了; 響聆炸至金黃色, 十分厚及鬆脆; 浸於清湯中吸收了牛肉的精華, 外軟內脆, 而且這裏的響聆沒有以往吃的那麼油膩; 吃完響聆, 來試一試這裏的廣島蠔; 蠔中等尺寸不算肥美, 而且蠔味有點鯹, 放入鍋裏, 蠔縮水了不少; 入口味道較淡。牛始終是我的最愛, 吃完這餐覺得這裏的牛腩清湯底清甜而不膩。

現在的火鍋日新月異, 款式十分之多; 除了我們經典食的原味及辣味, 現在還有清湯腩, 沙爹, 芝士等…… 如果要試新派的火鍋, 就可以選這裏。我們2人選了一個清湯牛腩鍋; 大大件的牛腩有6,7件左右, 湯的牛味濃郁, 每一口都充滿牛味, 牛肉肉質彈牙, 肥瘦適中; 我們點了的配菜也有不少, wasabi鮮墨丸, 午餐肉及虎蝦;午餐肉有6件, 厚切而且每一口的肉都肉味濃郁, 啖啖肉的口感, 香口無比。而wasabi鮮墨丸, 粒粒潔白的墨丸, 爽口彈牙; 咬下芥末味道撲鼻而來,帶有墨魚香, 吃極不膩;來一客虎蝦, 大大隻仍會動的蝦, 肉晶瑩剔透, 顯得格外新鮮; 輕輕一炙變紅, 可以開餐了。每一口蝦肉, 蝦味濃郁鮮美, 肉質十分爽口彈牙, 鮮味無窮。 這個火鍋底, 雖然有很多配料放了進去, 但牛的鮮味還是清新濃郁的。

傳聞咗好耐芝士味濃郁嘅芝士雞煲米走雞。今日嚟到太子當然要試下，覺得雞煲大大煲。件件都係雞髀肉大大件，食咗個雞煲已經爆咗七成。之後加湯底就試下佢哋手工魚皮餃。爽脆彈牙冇得頂，再試下個頂級貢丸絕對係爽口。即炸響鈴非常之新鮮脆卜卜，臺灣生菜。田園味濃郁，咬落清甜可口。之後飲多罐加多寶下下火，就準備食芝心魚丸。手打芝心魚丸，一啖咬落去之心爆出來。魚肉味豐富，如果你鍾意食完呢一碟一定要叫。呢度雖然係星期二但都幾爆場。建議大家早啲打電話來book位

好耐冇食過雞煲啦，聽聞呢間咪走雞雞煲出名啲雞好滑，所以同朋友就黎試吓哈哈呢間米走雞地點好方便，太子站行幾步就到啦，夜晚驚好多人所以一早book咗枱上到去餐廳環境幾闊落坐得都好舒服唔會好迫😃佢哋有兩款雞煲，芝士雞煲同麻辣雞煲，我哋就揀咗麻辣雞煲，自己唔係好食得辣就揀微辣，雞煲好快就到放低已經聞到好香雞煲味啦~好快就食得 啲雞超大嚿啖啖肉而且好滑，加埋惹味麻辣香料好好味~ 👍🏻嗰度嘅服務員好有禮貌又細心，又有推介湯底火鍋料俾我哋，值得一讚！食晒啲雞就預備加湯底食火鍋啦，因為本身雞煲就已經好多香料又有小小麻辣加埋啲湯做火鍋湯底都幾正，食到舔舔脷😛火鍋材料都好多，我哋叫咗手打墨魚丸、芝士腸、蟹棒、響鈴、貢丸同雜菇拼盤...材料太多我哋都叫唔晒哈哈 再加杯鹹檸七送火鍋 大滿足呀！😆

而家除左普通雞煲之外仲有種就係芝士雞煲成日都見到人地食，今次終於到我去食了！黎到米走雞，menu上都有好多款唔同既煲，除左雞煲之外，仲有胡椒豬肚煲，冬陰公海鮮煲等等。今次就食我最愛既芝士雞煲！我地一行5人揀左個大既份量，一黎到已經陣陣芝士香味，雞既份量都幾多同埋好多都係雞脾肉，面頭芝士會做到拉芝效果，配埋洋蔥同紅蔥頭，味道好香，正👍🏻另外仲加左雪花肥牛，雪花分佈平均，牛肉新鮮唔會話有雪味。即炸響鈴大大件，吸埋啲芝士湯一齊食，一流！食一件都好飽😂😂份量可以揀大或小，我地大多數都叫左細既，可以試多啲野！打邊爐點少竹笙，竹笙吸晒個湯既精華，芝士味勁濃又唔油膩。不過記住要攤一陣先好食，如果唔係就會比啲湯辣親😂成餐飯坐得舒服還境舒適唔會話好焗，最緊要食物係好味，值得一試！👍🏻

又係聚首一堂嘅時間 , 朋友話想食雞煲帶我地食咗呢一間米走雞 開頭我以為普通麻辣雞煲咁簡單 原來仲有個邪惡芝士雞煲好正囉第一次食 好有新鮮感 注意一定要多人一齊食， 否則淨係食過雞煲都有機會食滯你不過後尾食曬啲雞之後好彩都係加返啲芝士湯底畀我哋不過原來加咗芝士湯之後其實落啲 材料都係冇乜芝士味 其餘材料都ok，但係相比於其他雞煲店係比較貴今次我哋七個人食都要每人$250如果大家真係食芝士雞煲我建議真係要加響鈴 同竹笙 係依兩隻材料先 夠吸曬啲芝士味 多人食係最好，如果唔係兩個人食真係好唔抵

我想講... 芝士雞煲係永遠都食唔厭的!!! 雖然食左幾次，但過左一排又會好掛住好想再去食! 平時都係同朋友去食，難得屋企人得閒，就一於帶佢地去試下。黎米走雞點少得黃金芝士雞煲(大:$238)，芝士份量都有得揀，作為芝士愛好者嘅我緊係揀激量芝士啦。等雞煲滾左芝士溶左之後就可以開動了，雞煲依然keep到水準。雞好嫩滑，仲要大部份都係雞腿肉，啖啖肉，加埋濃濃嘅芝士，無得彈！食晒啲雞之後就可以開始打邊爐，湯可以揀清湯同芝士湯，我地緊係揀芝士湯。一定要點響鈴($52)同埋竹笙($44)。因為呢兩樣都會吸晒啲芝士，非常入味，正！仲點左特級雪花肥花(大:$218)，牛栢葉($43)，生菜(全份:$44)。肥牛雪花分怖平均，牛栢葉夠淋唔會好un，菜都好新鮮。大滿足!

今日 約咗朋友 食晚飯， 諗住去食雞煲， 聽人推介 book了米走雞，怎知朋友一來， 就說他昨天食了， 今天不吃唯有 去那裏 去打邊爐。店位於彌敦道 藍馬之城2樓未到八點， 上到去已經有人等位裏面已經好熱鬧地坐滿曬人， 人多應該好嘢， 好彩我有book位簡簡單單地點了一個皮蛋芫茜鍋底點了一客牛頸脊， 蜂巢冰 豆腐， 桶蠔， 竹笙，生菜鍋底一到， 有驚喜，不是 清湯加芫茜， 還有紅蘿蔔 豆腐 和 粟米， 湯底很甜牛頸脊我貪佢有趙頭， 雪花 均勻， 還有濃郁的牛肉甘香味， 桶蠔一上， 嘩!好大隻， 我喜歡食 不太熟的， 入口非常鮮美，蜂巢冰 豆腐硬硬的， 從來沒有見過， 第一次食， 非常新奇， 吃下去 煙煙韌韌軟軟的。 埋單正常， 一分錢一分貨看見別人枱枱都是雞煲， 特別這裏最出名嘅芝士雞煲， 吃不到很不開心原來這裏還有包房， 透明玻璃。 如果人多， 可以自成一角， 開心歡聚下次要再來 還我心願

每次想食雞煲，都會諗起（咪走雞），因為貪佢啖啖肉！收工八時正，一去到已經好多人，好彩地方夠大，二人入座即時有位😌環境濶落，抽風系統都ok，最緊要油煙不大😊建議先點雞煲，食到中途再點火鍋配料，避免眼闊肚窄的情況出現😅😅涼拌木耳伴海蜇－等雞煲前，先點個小食開胃一下，小辣爽口！主角出場👏👏雞煲先火焰一下，再焗一焗，香味撲鼻，每件雞都係雞髀肉，而且好入味！火焰麻辣（小）＄168辣度可除個人喜好自選，內裏有辣椒乾，中芹，洋蔥，芫茜等配料，越食越惹味😋😋白鱔片－肉 質 不 單 十 分 彈 牙 有 嚼 頭 ， 而 且 入 口 還 帶 有 一 種 甘 香 的 味 道 👍🏻👍🏻紅薯粉－吸收了湯底的麻辣味道，好好味！