築地日本料理 (金百利廣場)

營業中

休息中

今日放假喺屋企做家務，跟著要去銅鑼灣訂蛋糕，所以晚餐都喺係附近食，之前試過呢間嘅午餐，今晚熱熱哋就試吓呢間嘅壽司，見到隔離枱客嘅特上二人前好吸引，搵次試吓先我點咗鱆紅魚壽司（好黏口）、赤海蝦壽司（普通）、北寄貝壽司（ok有小小沙)、帆立貝(正不過有小小殼碎）、蟹籽、海膽（好cream又冇鯹味）、甜蝦（超級好味），本人覺得壽司飯偏酸，牛油果軟殼蟹卷（軟殼蟹唔夠脆），對比上次素心司一人前嘅驚喜，今晚有小小失望，其望下次再帶來驚喜嘅感覺

去到銅鑼灣搵食，search下邊度有日本嘢食，見餐牌嘅二人餐幾吸引，所以上去試下。個餐係唔同選項中，都有得俾你揀唔同嘅野，非常多元化。飲品有：日本清酒或者特飲兩杯；前菜三款；刺身拼盤入邊都有好多塊，仲有好多種類，有成板海膽，三文魚，赤貝，北寄貝，甜蝦，醋青魚，鱆紅魚等等，全部都好新鮮；二揀一：松露和牛溫泉玉子沙律，又或者松葉蟹肉香芒蟹子沙律；炸蝦天婦羅；二揀一：鵝肝雞卷脆脆又或者日式焗羊架；二揀一：金箔番茄石鍋烏冬，好味；又或者係鉝魚泡飯鍋；三揀二：甜品有咖啡凍，紫薯奶凍，或北海道3.6牛乳奶凍。冇諗過有咁多嘢食，好味仲食到好飽，抵！！

同媽咪行完崇光感恩節shopping，行完之後好肚餓想食日本野，平時食開築地，地點夠方便，所以一於就走去隔離再食過。見到有新出嘅二人餐，啱晒我同媽咪兩個人。呢個二人餐價錢好抵！！ 內容仲要好豐富！！1）可以揀日本清酒，或者特飲兩杯，因為我哋要揸車嘅關係，所以就揀咗特飲兩杯2）之後仲有前菜三款3） 再送上刺身，好新鮮，附上乾冰賣相好靚4）跟住仲有松露和牛溫泉玉子沙律，松露好香沙律好新鮮爽口5） 跟住仲有炸蝦天婦羅6）鵝肝雞卷脆脆7）金箔番茄石鍋烏冬，蕃茄湯底好龍肉烏冬好彈牙8）最後仲有甜品咁嘅價錢，咁多嘢食，仲要食物有水準，真係好抵！！

餐廳係金百利既高層，面積都幾大，座位多，坐得舒服。芝士玉子燒壽司厚厚既玉子燒充滿蛋的香甜，玉子上面的芝士醬經過火炙，呈現半溶嘅狀態，芝士的咸味同香味同玉子好夾！鹽燒鵝肝雞翼雞翼起骨再包入鵝肝，一咬落去先食到燒到脆脆地既雞皮同多汁既雞肉，然後就有鵝肝既油脂同濃厚肉汁流出黎，好正黑蒜油豬軟骨拉麵湯底勁濃郁，每一口都有黑蒜油既香味係入面，當中又有脆脆的炸蒜粒，湯底加上炸蒜粒有兩種蒜味係其中。豬軟骨好大塊，入量十充，豬軟骨本身既香味冇被黑蒜油搶走，依然充滿滷汁既味道，而且肉質夠淋，不錯麵條亦都非常彈牙草莓石榴熱情果梳打酸酸甜甜非常醒神熱情果嘅味道夠突出，草莓同石榴嘅酸甜味又十分配合。

今日又食日本野。餐廳舒服，靚既築地餐廳。叫左個泡菜黑豚石鍋飯。唔好問點解日本餐叫韓國野。真係好想食。石鍋既熱整到側邊飯變飯焦，增加左整個飯既好味度。加埋韓式辣椒，成個飯就係熱辣辣，好香好好味。仲叫左個香蒜牛舌。同日本食既味道一樣。牛舌擺係鐵板度，香味飄左入個鼻，正呀！牛舌口感彈牙，同埋好入味，同脆脆既蒜粒一齊食，口感豐富。叫左個試咪卷物。入邊係軟殼蟹，上邊明太子。軟殼蟹係新鮮炸出黎，夠熱，明太子增加左成個卷物既口感，好食。北海道牛乳奶凍好滑，唔會太漏，份量啱啱好。間野野食唔錯，最啱放工黎食放鬆下。夏天最適合就係飲凍飲，蜜桃乳酸配搭呢個夏天真係perfect。下次再黎！

去到夏天冇乜胃口啱就係食返啲日本野因為日本野去到夏天嘅時候永遠係最開胃而且又唔會過分肥膩首先叫咗一款燒魷魚估唔到呢度用上原隻大魷魚去燒製而且好細心咁將魷魚切到細細件呢個燒魷魚係超級推介嘅因為唔單止原條上而且啖啖肉再加上燒得剛剛好唔會想到枱先至開始出水因為有陣時有啲餐廳貪快輕輕燒製便立即上枱如果燒得唔夠好唔夠透徹魷魚肉唔單止唔會熟而且仲會出晒水不過呢度燒得剛剛好唔會過晒火更加唔會燒到好似橡膠咁咬都咬唔難之後叫咗一款小食就係三品牛肉卷三品包括有香菇香蕉及蘆筍估唔到牛肉包住唔同嘅餡料就會有咁唔同嘅口感同味道個人覺得最特別就係牛肉包住香蕉因為香蕉經過燒之後變得甜得香濃而且香蕉軟滑滑嘅留心，外面係燒得惹味嘅牛肉一甜一咸外內夾擊之後叫咗燒雞扒韓式石鍋飯個人最喜歡就是食這些石鍋飯因為唔單止有惹味嘅泡菜而且燒雞扒笑燒得脆身加上香甜的粟米配合埋韓式辣椒漿簡直係最佳組合而食到最後嘅時候就可以食我最喜歡嘅飯焦部份脆博博嘅日本米永遠令人唔會食厭飲品就叫咗一杯熱綠茶牛奶用上新鮮牛奶再加入綠茶粉香濃而且拍得上連鎖的咖啡店

今晚同朋友嚟到銅鑼灣食日本野，築地嘅口碑不嬲都唔錯，我哋今晚都覺得好好食！見到呢個三文魚腩刺身，已經覺得好surprised ！佢就好似放題咁樣上，附近仲有乾冰，白白地既煙噴出嚟，效果好吸引！呢個係芝士鰻魚，芝士味好香，幾好食！三文魚海膽魚生飯，刺身嘅份量十足，我哋都食到好滿足！松露炒野菌，加入左黑松露之後炒得好香，令到我哋嘅食慾大增！仲有呢個石燒鰻魚炒飯，本身都特別鍾意食鰻魚，呢個炒飯都炒得好香！整體食物質素非常之高，喺銅鑼灣來講算係數一數二日本餐廳，而且價錢合理，大家都可以黎試吓！

銅鑼灣嘅日本野選擇實在太多，每次要揀都覺得好難，從朋友口中聽講築地嘅質素唔錯，於是今晚嚟到金百利廣場7樓，試吓佢哋嘅日本菜。果然冇令人失望，每一樣食物都非常之好食，絕對值得推介大家來試吓石燒鰻魚炒飯，喺石鍋上面嘅炒飯熱辣辣，加上鰻魚，炒得好香好好食。三文魚腩刺身，非常鮮甜，加上放入左乾冰，視覺效果非常之好！呢個係三文魚海膽魚生飯，佢哋嘅用料非常之豐富！芝士鰻魚壽司，鍾意食鰻魚嘅就唔可以錯過松露炒野菌，黑松露令到佢非常之香！仲估唔到我哋兩個人可以食到咁多嘢食，但係因為每一樣野都好好食，我哋都食到停唔到口！

行完銅鑼灣見到呢間餐廳派傳單見到入面嘅套餐都非常抵食所以就即管上來試一試叫咗呢款精選二人餐二百幾蚊就已經有非常之多嘅嘢食首先就係這個青瓜魚子沙律味道沒有什麼特別但勝在夠新鮮青瓜爽口沒有出多餘的水份正好作為前菜的不錯選擇之後選擇咗紫薯餅這款紫薯餅其實像日本的可樂餅不過就換成了紫薯組成了的炸餅因為即刻做完交出一上枱薯餅炸到脆卜卜一定要趁熱食到咗主菜就叫咗牛肉壽喜燒首先將個喎燒得熱辣辣再放入娃娃菜濃湯豆腐及生牛肉下面再放酒精啫喱所以上到枱可以睇住牛肉慢慢弄到熟而且個精粹就係上面嗰一隻生雞蛋如果夠膽食生雞蛋的話就可以好似我先將蛋黃拎起再放入附上的日本珍珠米上蛋白就繼續留係喎入面煮成滑滑的蛋白如果咁樣珍珠米飯就會吸收晒雞蛋的香味而呢個牛肉鍋亦有蛋白的鮮甜之後叫咗一款特飲這款叫做青蘋果梳打原本好驚呢啲特飲係非常之甜但係估唔到飲咗第一啖發覺呢款但因非常之清新而且唔會過份甜正正為這個炎熱的夏日解解暑

今晚放工同好朋友食好野慶祝一下成功過渡左辛勞既一個星期，去到呢間日本料理店，揀左特上二人前套餐，498蚊有好多野食7點鐘到達唔算多人，地方不大，勝在環境清靜悠閒，可以同朋友慢慢食慢慢傾前菜3品盛合係中華沙律，蜆肉同八爪魚沙律，蜆肉好鮮甜嫩滑，唔會過咸，八爪魚沙律好爽口，味道非常清新。松露和牛玉子沙律，醬汁用凱撒沙律醬混合松露醬，松露香味依然非常特出，加埋 parmesan cheese 同玉子一齊食味道更香滑濃郁，羅馬菜亦很新鮮爽脆，唯和牛味道唔算特出。特上刺身拼盤隆重登場，有夢幻既乾冰煙陪襯，非常吸晴。海膽1板，味道鮮甜，配紫菜同青瓜包住，滿口海膽鮮味，非常滿足。鱆紅魚係連刀厚切，令魚肉嫩滑質感更加特出，讚! 鮮甜度亦相當滿意。帶頭牡丹蝦，赤貝同北寄貝味道亦鮮甜，赤貝質感特別爽脆。到熱食登場，天婦羅蝦有4大隻，炸得非常鬆脆，連尾既殼都可以咬得爛，粉漿不會過厚，內裡蝦肉爽甜，點天婦羅蘿蔔汁可以中和油膩感。蕃薯天婦羅味道香甜，不錯。鵝肝雞卷，用雞肉包住紫蘇葉同蝦肉焗制，雞肉保持到嫩滑，上面配一塊炸鵝肝同燒汁，幼滑香濃既鵝肝真係無得輸魚泡飯用釜飯形式上枱，日本米飯，用魚湯加入蛋絲紫菜同

依排好耐冇食日本 o野 la叫 o左二人餐～有一大盤刺身呢全部刺身都好新鮮, 特別係赤貝板海膽都鮮甜好食 沙律有蟹肉同和牛二揀一我揀 o左蟹肉沙律, 清爽 d焗牛架有少少西日 fusion 呢都整得唔錯 wor蝦天婦羅炸得好脆口～但係入面 d 蝦仲係好嫩滑 令我o地 wah wah 聲 ge 金箔蕃茄烏冬, 哈哈雖然成鍋好熱辣辣o甘, 但 d 烏冬都仲係整得好彈牙 ga甜品好精緻, 份量 o岩o岩好依個係紫薯奶凍, 蕃薯味好濃郁～個奶凍都好滑溜依度 d 座位都 set 得幾有空間難得o係金百利有 d 可以坐得舒服 d ge 地方

朋友講先知金百利有呢間日本嘢淨係個名叫築地已經好吸引 😂外面等位間區都整得幾好 feel而且有得坐，好細心～我哋叫咗個特上二人套餐，因為個刺身拼盤好好食咁！【松葉蟹肉香芒蟹籽沙律】蟹籽有好多～ 芒果都好甜成個沙律都好新鮮開胃同埋成餐飯啲嘢都係順次序上㗎，好感動！呢個要求雖然好基本，但都好多餐廳係亂咁上 😭【三品盛合】【刺身拼盤】超級豐富嘅刺身！淨係講特別啲嗰幾款啦～最右嗰個赤貝好爽口，而且勁大隻得一隻都切到好幾嚿肉海膽好甜，完全唔腥鱆紅魚好大塊 😋【蕃薯炸蝦天婦羅】估唔到有成四隻蝦咁多啲蝦肉仲好新鮮彈牙【日式焗半架拼大根漬】羊架又係大大份，唔騷【金箔蕃茄石窩烏冬】見到有金箔真係覺得好奢華 🤑個烏冬略酸，唔係死甜假蕃茄湯左邊【北海道 3.6 牛乳奶凍】右邊【紫薯奶凍】兩個都好香奶味同好滑 😋左邊【綠茶牛乳】右邊【檸檬藍柑梳打】飲品好多選擇，整得好靚

今日放假出銅鑼灣行街，晏起身早餐都未食，上openrice睇吓銅鑼灣有咩好西先，睇咗一陣唔係幾啱心水，叮一聲㩒去book mark搵吓，即時見到《築地日本料理》，睇咗食評又ok喎就呢間啦！12:00左右到唔洗等位，已經有三、四枱客人，我被安排坐兩人位，睇吓餐牌先都好多選擇價錢又唔貴仲唔洗加一𠻹（有學生証仲平D𠻹）最終我揀咗～素心司一人前服務員好細心呀！落完單攞咗支豉油放喺我枱面同我講呢支係素豉油，抵讚雖然end up 我冇用到，因為已經好好味啦！黑蒜和風海藻沙律～好特別喎！未試過黑蒜沙律紅豆冰卷～我留到最後先食，味道普普通通涼拌亞麻籽山藥丁～山藥爽口、打碎亞麻籽有黏黏口感，幾得意竹炭杯一口冷麵～的的骰骰又ok素壽司拼盤~左起去皮紅燈籠椒素壽司、雞脾菇壽司、味漬迷李🍆壽司(個🍆好好味)、個味好似吞拿魚軍艦、菇菌軍艦(食到好香松露味）、好似肉餅加酸梅醬、最後兩件芒果卷超級好味內裏卷滿青瓜絲同醃蘿蔔爽口芒果超甜以上只係個人食後感，可能我食到嗰個味，但係餐廳冇用到嗰款食材😂😂😂不過真係好正👍🏼😋😋😋下次去試吓其他

今日來到銅鑼灣的築地午膳，餐廳較狹小，但因為過了午膳時間，所以人數不多，没有擠迫焗促的感覺。餐環境整潔整齊、天台吊燈別樹一幟，牆壁簡約漂亮。第一次到訪，對築地的期望不高，始終幾十蚊食個午餐，包湯包飲品，都係求填飽個肚，不敢對其有任何奢望。但喜出望外地，食物的質素及味道都不錯，實在是價廉物美。食物點了燒汁牛肉飯。服務員會先端上熱呼呼的麵豉湯。呢個麵豉湯一點也不普通，有淡淡香菇香氣，好喝。燒汁牛肉飯的賣相十分吸引。配菜方面一點乜不馬虎。紅甘荀和椰菜非常新鮮，洋蔥清甜。紅色的薄片不是辣椒也不是紅姜，是醃蘿蔔，雖然跟普通的醃蘿蔔味道沒什麼分別，但就能令賣相更吸引。牛肉嫩滑，煮得恰到好處，配上濃稠甜蜜的燒汁，好味。撘配蔥花及芝麻，入口香氣撲鼻，用錦上添花來形容也不為過。抵食夾好味，一定會再回來！

今日相約姊妹們黎到呢間日本料理食日本嘢🙆🏻室內設計都唔錯bor🤔不過可能我去到既鐘數比較少人啦🙆🏻咁就單點既，三個人食就一人叫左一個飯同埋兩個送😋😋其中一個姊妹就叫左一個呢個鰻魚炒飯🤔味道幾好，不過就鰻魚就少d lo🤔🤔不過都好食既咁我就食呢個石窩泡菜雞肉飯🙂🙂幾好食，不過不失啦，不過份量比較多，我就食唔曬🤔🤔另一個姊妹就食呢個，賣相都幾好wor🙆🏻d刺身望落去好新鮮，不過我就無食到既鯖魚都唔錯，姊妹話好飽都食曬個鯖魚👍🏻👍🏻😋總結，不過不失啦👍🏻👍🏻