更多
2017-05-05
3558 瀏覽
今晚放工同好朋友食好野慶祝一下成功過渡左辛勞既一個星期,去到呢間日本料理店,揀左特上二人前套餐,498蚊有好多野食7點鐘到達唔算多人,地方不大,勝在環境清靜悠閒,可以同朋友慢慢食慢慢傾前菜3品盛合係中華沙律,蜆肉同八爪魚沙律,蜆肉好鮮甜嫩滑,唔會過咸,八爪魚沙律好爽口,味道非常清新。松露和牛玉子沙律,醬汁用凱撒沙律醬混合松露醬,松露香味依然非常特出,加埋 parmesan cheese 同玉子一齊食味道更香滑濃郁,羅馬菜亦很新鮮爽脆,唯和牛味道唔算特出。特上刺身拼盤隆重登場,有夢幻既乾冰煙陪襯,非常吸晴。海膽1板,味道鮮甜,配紫菜同青瓜包住,滿口海膽鮮味,非常滿足。鱆紅魚係連刀厚切,令魚肉嫩滑質感更加特出,讚! 鮮甜度亦相當滿意。帶頭牡丹蝦,赤貝同北寄貝味道亦鮮甜,赤貝質感特別爽脆。到熱食登場,天婦羅蝦有4大隻,炸得非常鬆脆,連尾既殼都可以咬得爛,粉漿不會過厚,內裡蝦肉爽甜,點天婦羅蘿蔔汁可以中和油膩感。蕃薯天婦羅味道香甜,不錯。鵝肝雞卷,用雞肉包住紫蘇葉同蝦肉焗制,雞肉保持到嫩滑,上面配一塊炸鵝肝同燒汁,幼滑香濃既鵝肝真係無得輸魚泡飯用釜飯形式上枱,日本米飯,用魚湯加入蛋絲紫菜同
7點鐘到達唔算多人,地方不大,勝在環境清靜悠閒,可以同朋友慢慢食慢慢傾
前菜3品盛合係中華沙律,蜆肉同八爪魚沙律,蜆肉好鮮甜嫩滑,唔會過咸,八爪魚沙律好爽口,味道非常清新。松露和牛玉子沙律,醬汁用凱撒沙律醬混合松露醬,松露香味依然非常特出,加埋 parmesan cheese 同玉子一齊食味道更香滑濃郁,羅馬菜亦很新鮮爽脆,唯和牛味道唔算特出。
特上刺身拼盤隆重登場,有夢幻既乾冰煙陪襯,非常吸晴。
海膽1板,味道鮮甜,配紫菜同青瓜包住,滿口海膽鮮味,非常滿足。
鱆紅魚係連刀厚切,令魚肉嫩滑質感更加特出,讚! 鮮甜度亦相當滿意。
帶頭牡丹蝦,赤貝同北寄貝味道亦鮮甜,赤貝質感特別爽脆。
到熱食登場,天婦羅蝦有4大隻,炸得非常鬆脆,連尾既殼都可以咬得爛,粉漿不會過厚,內裡蝦肉爽甜,點天婦羅蘿蔔汁可以中和油膩感。蕃薯天婦羅味道香甜,不錯。
鵝肝雞卷,用雞肉包住紫蘇葉同蝦肉焗制,雞肉保持到嫩滑,上面配一塊炸鵝肝同燒汁,幼滑香濃既鵝肝真係無得輸
魚泡飯用釜飯形式上枱,日本米飯,用魚湯加入蛋絲紫菜同魚翻滾翻滾,味道好鮮,可惜肚子已經飽到炸開,不能全數消滅
甜品是紫薯奶凍同北海道牛乳奶凍,牛乳奶凍牛乳味特出,質感香甜幼滑。不過紫薯奶凍更有驚喜,紫薯香味濃郁,係加入真材實料既紫薯蓉正!
飲品是1冷1熱既胚芽抹茶牛乳,食飽又可以慢慢坐。
整體食物質數滿意,份量非常足,新鮮度亦好,欣賞餐廳悠閒氣氛,服務好,上菜速度會配合客人進食進度,即使同朋友慢慢咁食慢慢咁傾計,都唔會一次過上哂所有食物,唔會趕收枱,唔係香港一般餐廳可以做得到。
張貼