築地日本料理 (金百利廣場)

營業中

休息中

正月十五趕得切同老友拜個年，𢭃下利是！一於搵個地方食飽飽先！係金百利廣場7樓築地開餐，剛好是9點入席，原來店內有特價時段優惠，有半價壽司，85折壽司，85折料理供應，好多元化！店員會提供一個er code比客人點餐，這個code提供優惠時段點餐！要食正價食品就同店員落單，極度方便！半價壽司極之多選擇，我們選了三文魚，鰻魚，赤海蝦，油甘魚，海膽，花之戀，北寄貝壽司，款款都新鮮，特別推介海膽壽司，勁好味！85折寿壽司有醋青魚，鮮帶子壽司！醋青魚個醋味好出，正！85折料理就點了燒雞軟骨，菠蘿串燒，甘粟紫薯餅，鹽燒帆立貝！紫薯配栗子粒，好味！串燒一流，燒菠蘿必食之選！鮭魚魚頭鮫野菜鍋，大大個魚頭，魚鮫還有好多三文魚肉！野菜鍋有旺菜，小唐菜，豆腐，粉絲，溫底濃濃魚香味，正！食物出色之外，店員服務態度一流！

今日夜晚九點過左後銅鑼灣既築地食特價壽司，佢有啲壽司有半價同85折，好抵食，最岩喺附近OT完既打工仔，食返啲好野後慰勞自己。佢有二人套餐，幾抵食。另外，店員亦都會比一個QR code我地，可以掃描QR code揀特價壽司，好方便！我同朋友叫左二人餐，特價既花之戀同埋小食。首先，就上左呢個蟹子沙律，好清新。小食方面，我地揀左燒牛舌，牛舌切薄片去燒，加埋醬汁，好滋味。我地另外亦點左羊架同燒菠蘿，羊架好嫩滑，佢啲油份亦都好夠，好多汁！二人餐既主食就有牛肉野菜壽喜燒同埋泡菜黑豚肉鍋飯。壽喜燒既牛肉上黎時係生既，下面有火一路煮，咁就可以一熟左就即刻食，食到佢最好既質感。我亦都點左半價既花之戀，雖然係半價，但質素亦都係好好。野飲方面，我點左凍既抹茶牛奶。另外，仲有甜品送，抵食！

情人节来吃日料！还收到好朋友的情人节礼物🎁难怪今天一整天都特别开心！我们9:00左右过来，排队等候的人不算多，一会儿就可以入坐了！去到之后才知道，晚上9点之后，寿司跟小吃会有特价，超值！我们要了大大的花之卷，烤羊排跟考菠萝🍍！他们家的羊排鲜嫩多汁，我们之前在希腊也超级喜欢吃羊排。今天吃的口感小小不同，应该是用料跟烹饪方式不同，拍出来都可以看到肉质细腻柔软，我们也超级喜欢💕它的口感！当然不能错过晚市的套餐啦！二人套餐有两种选择，因为天气凉，我们绝定吃热腾腾的饭菜，下次可以试试刺身拼盘。精选二人套餐，就足够我们两个人了。我们点了268那一款，有前菜沙律🥗一份小吃，两份主食以及饭后甜品🍮。对了，还有两杯饮品！

之前都幫襯過築地幾次，覺得位於銅鑼灣黎講性價比都頗高。冇去一排，今日一去見到裝修翻身咗，設有幾張四人卡位，之前有嘅大魚缸亦拆咗。到達嘅時候係晚上八點幾，都較為滿座。侍應問我地兩位撘唔撘枱，show俾我地睇張枱係有另外兩人並肩而坐喺對面，我地都係想舒服食餐飯傾計，就選擇咗唔撘枱，咁個侍應就叫我地出去㩒飛等位。喺外面等左幾分鐘之後另一侍應走出黎問我地係咪兩位呀，之後就帶我地入去，結果又係想我地撘頭先張枱，咁我話唔撘啦。其實一直有張卡位係吉嘅，咁我咪順便問下佢嗰張枱係咪坐得，佢就好堅持話嗰張只for四人。第一個侍應即時行埋黎同佢同事講:「佢地唔撘枱架！」仲大大聲話我:「我咪叫咗你喺出面等囉！」我真係燥咗，話：「係你個同事走黎叫我喎！」佢：「佢唔知姐」其後細細聲同佢同事講：「唔洗理佢」吓！咩叫唔洗理？D客人係唔洗理既？真係火都黎，見到咁啱有lift到，我同男友即刻二話不說入lift走人！你即管等你個4位入黎啦，我以後都唔會再黎！

抵食日本餐🍣輪椅嘅朋友想去都好方便但係升降機就麻煩啲啦因為要等好耐俾啲耐性啦！🤣••#築地日本料理 #銅鑼灣 #金百利廣場 #eatwithyuenkei #hkfoodie #foodie #food #foodlover #foodporn #foodblogger #youtuber #youtube #hongkong #hk #wheelchairvseatinginhk #wheelchairfriendly #共融 #無障礙 #相機食先

聽朋友講話銅鑼灣有間食日本料理嘅幾好食，我呢d咁中意食日本野嘅人就梗係唔會放過，趁住星期日得閒，未夠七點就黎到呢度享受美食。呢間日本餐廳位置都幾方便，出咗地鐵站，過條馬路，係一間商場搭lift就上到去。可能未到真正晚飯時間嘅緣故，餐廳入面人唔太多，嘅環境方面就不過不失啦，正常日本餐廳嘅裝修。我自己一個黎食，叫得唔多野，要咗個梅子番茄沙律，三文魚海膽飯同鵝肝燒雞翅。個梅子番茄沙律並唔複雜，只是將特製嘅梅子汁淋落沙律菜同番茄到，但估唔到出黎嘅效果咁好，成個沙律沙律食落酸酸甜甜，好醒胃，特別係個番茄，索曬d梅子汁，一啖咬落軟熟嘅番茄，冰涼嘅果汁一下爆曬出黎，認真過癮。我自己就最中意嘅刺身就係三文魚，對三文魚嘅要求都算幾挑剔，而呢個三文魚海膽飯都滿足到我嘅要求嘅。呢到嘅三文魚新鮮就自然唔洗多講，抵讚嘅係佢切得夠厚，雖然唔係話腩位，但厚切嘅口感真係好過薄切好多，一口塞滿肥美鮮甜嘅三文魚同少少壽司飯，再加上海膽提升咗個新鮮度同豐富咗成個味道層次，好鬼滿足，好鬼好食。最後就係個鵝肝燒雞翅，都幾得意，將鵝肝釀入雞翅燒，雞翅索曬滲出黎嘅鵝肝油分，香氣十足，估唔到又幾夾。呢間日本餐廳出品都唔錯，誠意推薦中

今日介紹一間叫做"築地"嘅日本餐廳，聽個名都應該估到呢度啲食材都會幾新鮮下。呢間日本餐廳都算幾易搵，離銅鑼灣地鐵站無幾遠，店鋪裝修就正正常常，係有日本特色嘅居酒屋，墻上嘅酒櫃都擺滿唔同清酒，對於我呢個"酒鬼"黎講好吸引。我自己一個食得唔多，剩係散叫幾款我好中意嘅壽司，厚燒玉子同燒牛舌。個壽司果然無令我失望，對得住個點名"築地"，因為講起"築地"，自然聯想到日本海鮮築地市場嘅畫面，更自然聯想到新鮮嘅魚生，呢間d魚生好得，特別要讚嘅係，劍魚腩比起出面食到嘅都鮮甜好多，仲有食劍魚就係貪佢夠肥美，呢到完全做到，肥而不膩，食起身好香口。另外個卷物，搭配都好正，好好食。厚燒玉子都燒得有水準，燒得幾厚身，幾軟熟，仲有小小蛋汁，口感一流。味道上，玉子帶有淡淡甜味嘅蛋香味，再加上明太子少少嘅鹹鮮味，整體味道幾夾，幾好味。最後就係至愛嘅厚燒牛舌，燒得夠曬爽脆唔洗幾多調味，撒上啲啲鹽，已經滋味十足。整體黎講，呢間日本餐廳都幾岩我口味，價錢唔算貴，都幾抵食啊。

約朋友食飯成日都好煩諗唔到去邊到食 於是乎搵一個大家都就腳嘅地方 去咗銅鑼灣 發現到原來有築地 未食過咁就去試吓啦 好在book咗位平日7點幾去都唔使等位 Menu上面都算多野揀 有唔同類別 沙律 卷物 壽喜燒 刺身 飯面 甜品 每一類都有最少一頁嘅選擇 開頭揀唔到 見到有個前菜有三款食物 就叫咗個三品盛盒食住先其中蓮藕挺爽的蟹肉香芒蟹籽沙律芒果唔酸 蟹肉有嘅 蟹籽都算多 撈勻之後食好新鮮 可以一試 由於太肚餓啦叫左豬軟骨拉麵 好大碗 兩個女仔都食唔晒 有兩大舊豬軟骨 每一舊都好林同埋好夠味 但佢的林又未至於會一夾就爛或變一pat 用來醫肚的話一流 另外叫咗牛油果軟殼蟹卷物 可惜牛油果一睇就知唔靚唔新鮮 食落去都冇咩牛油果嘅味 但係其他餡就好出味 不過都係有點失望

想搵間坐得舒服嘅餐廳同朋友食 呢間都唔錯 唔迫 環境舒適 有啲日本feel 雖然兩個人 但都叫左幾多野食芝士雞卷係推介 雞卷上面有三文魚子㗎 雖然入邊的雞肉有少少鞋 但三文魚子已經加咗好多分 再加埋芝士冇得輸 身為菇嘅粉絲 當然有叫牛油焗雜菇 點知食咗一啖 咸到喊 好在佢肯換過另外一條比我地雖然都等左一段時間 第二次嚟嗰碟好味十倍 雖然食飽咗但係佢個甜品好吸引 最後點左鐵板抹茶布朗尼 冇後悔 抹茶雪糕有啲苦 淨食布朗尼太甜 所以兩個加埋perfect match側邊仲放咗穀類早餐 怕布朗尼太甜嘅話可以撈埋一齊食 甜品用鐵板上 雪糕係個布朗尼上面 布朗尼都唔會好快凍 布朗尼好厚身 應該有一截手指咁厚 建議點嘅話最好主食點少一樣 但係我地真係好飽 所以食得好慢 都食左成兩個鐘

在香港要吃一頓日式料理不是難事，數百塊至數千塊的餐廳比比皆是，但要找一間性價比高的卻是一門學問，特別是在遊客區的銅鑼灣。金百利廣場的食肆多不勝數，食物質素也比較參差，要不是朋友介紹也不會知道這間性價比特高的日式料理。跟朋友點了一份二人前精選前菜是一大盆的蟹籽沙津，份量大得驚人，青瓜切得非常幼細，沒有半點草青味。飲品是巨峰和白桃乳酸特飲，不會太甜板燒香蒜牛舌利用鐵板使食物保持熱度，牛舌份量特多，蒜容和洋蔥也炒得很香黑蒜油豬軟骨拉麵拉麵🍜非常彈牙，湯底都非常濃郁，黑蒜味重。另外配菜的玉米和雲耳絲都很出色。牛肉野菜壽喜燒湯底異常清甜，牛肉亦很嫩滑，還配上白飯一碗，包你飽到上心口北海道牛乳奶凍香、滑、濃另外值得一提的是店員十分主動替我們斟茶

金百利哩個商場不嬲都好多野食，有中有西有日韓料理！我地就去左築地試下係米真係朋友講到咁好啦！現場見到好多都係情侶或者幾個朋友上黎食，都幾多人啊！地方吾算好大！飲既係玄米茶！見到menu都有好多選擇，有4人同1，2人餐😁我地見到無壽司簡，所以就決定左散叫啦！可以食多d款同開心share我地叫左三文魚，玉子，熟假同赤海蝦，魚䰵,蟹棒，帶子等等！之後仲加左個牛油果軟殼蟹卷，鹽燒鯖魚！我仲加左d熟食！烏冬，同埋炸紫薯餅等等☝🏻哩度d3文魚好肥美啊，好似魚腩咁！咬落壽油脂係個口度湧出黎😍😍好幸福啊💓💓💓甜蝦都係我既最愛，完全無蝦屎，整得好干凈，好鮮！鯖魚就燒得吾夠多，可以燒耐小小就更加香啦！如果想食面食既朋友我都好推介佢地食哩個烏冬啊🙊配埋個紫薯餅！好香好脆，非常出色！不過注意哩度既烏冬得凍既，無熱既！我本身仲諗住食甜品個胃都無左啦💔真係好飽😂😂😂希望下次試到！其實兩個人都食左差不多$400，都好似元氣價錢咁，不過就無咁逼，坐得舒服d野食都好好味！侍應都好有禮貌，下次都會再食😁😁

日本築地就去得多，銅鑼灣築地都係等一次去。今日黎呢間樓上鋪試一試佢築地法！其實都係咁岩有朋友介紹，話抵食ichiban喎！上到去，裝修好新淨光猛，感覺好舒服！個場都幾爆，好彩有張二人枱對坐。但相對上都闊落，襯埋日文歌係background，感覺好日系好舒服！Menu好多選擇，小弟比較懶，唔想諗淨係叫左個精選二人前，要左個牛肉野菜壽喜燒同泡菜雞腿肉石鍋飯。另有芝士年糕，特飲同甜品，其實都幾抵玩。先講壽喜燒，配料同汁料充足，牛肉嫩滑無雪味，最正係野菜款式多元化，仲有秋葵呢d特別少少既菜式，認真有誠意。我另一半淨係用汁都撈左半碗飯，唔肥先奇！當然啦，比起壽喜燒專門店係差d，畢竟佢唔夠人地專，但小鋪黎講我十分滿意，亦相當多元化。石碢飯方面，係韓流侵襲下，係日本店食泡菜野已經好common，石鍋飯最重要係夠熱！雞扒方面十分嫩滑，雖然配料唔係話好靚，但簡簡單單唔太漏已經足夠！而特飲同甜品都十分有誠意，檸檬藍柑梳打同北海島牛乳奶凍，連埋前菜同小食，埋單都唔洗300，係銅鑼灣黎講真心抵玩呀！

今晚和朋友到銅鑼灣逛街，行到差不多六點就很餓，就在金百利下面見到有間築地日本料理，這間餐廳位於七樓，幸好時間尚早，不是太多人等𨋢，我們來到就在門口取票等候。店內不是很多坐位，但環境舒適，坐得舒服，餐牌上有很多食物、壽司、刺身、銅物、炸物等一應俱全，是一間包羅萬有的居酒屋。我們點了芝士雞卷 $58、芝士玉子燒 $35、板燒香蒜牛舌 $48、黑蒜油豬軟骨拉麵 $78、巨峰乳酸特飲 $32。芝士玉子燒 - 蛋顏色靚，上面鋪上芝士，再用火槍燒焦，上面再放上蟹籽增加口感，賣相一流。芝士雞卷 - 雞卷外有三文魚籽點綴，雞肉肉質嫩滑，整體不錯！板燒香蒜牛舌 - 蒜味十足，牛舌香口，不會太咸，👍🏽黑蒜油豬軟骨拉麵 - 黑蒜油鋪在拉麵上，味道香濃，拉麵不會太淋太硬，剛剛口，軟骨味道佳，不錯！巨峰乳酸特飲 - 提子味出眾總評：整體食物超出想像，不得不推介朋友。

每次經過金百利廣場都會比樓下嘅宣傳姐姐派傳單，有次見到呢一間嘅下午茶非常之抵食，所以之後都成日都食，成為我同男朋友嘅飯堂。今次午餐唔知食咩好，見價錢合理，食過質素也合格，所以都入咗入去食。上到去鋪頭真係無時無刻都見到坐得幾full，座位同座位之間都冇乜空間，而且格局係走比較平民嘅路線，如果食午餐或者下午茶，我覺得都可以接受，但想想同情侶或者朋友坐好啲，就比較唔建議食呢一間。但簡簡單單黎個quick eat呢間都唔錯。三色魚生飯 本身想食燒三文魚頭定食，好可惜賣晒，唯有轉左三色魚生飯，佢嘅三色魚生包括有吞拿魚、油金魚同三文魚，切得比較薄而且魚生不算肥美，但食落去都尚算新鮮，味道都唔差。質素同連鎖超級市場買到嘅味道差唔多，當然其實佢哋價錢同超級市場買都係差唔多，所以我要求都唔高。魚生同埋日本珍珠米中間夾住一啲五味粉，作為調味都唔錯。但因為已經食過好幾次，我會覺得呢個魚生飯相比起其他定食，性價比就略嫌低咗少少。石燒鰻魚炒飯 上到枱熱辣辣而且香噴噴，食落去個醬汁好唔錯，甜甜地撈飯一流，估唔到呢一個價錢嘅鰻魚炒飯會有咁多鰻魚，幾乎每一口飯都會食到鰻魚，同我想像中嘅質素都係差唔多，唔會係特別鮮甜美

今日同男友去左我以為既「食堂」。以前係呢頭返學成日都會黎呢度食lunch。貪佢質素高價錢平。我地今次說點了二人餐。首先係餃子，呢間既餃子餡料可謂非常之足料呀。食落真係啖啖肉，而且肉汁多到爆出黎。---沙律都同以前一樣，分量好足，而且超多青瓜絲，配上新鮮蟹籽和沙律醬食落清新又健康。而主菜就係「牛肉野菜壽喜燒」。份量都唔少，而且配埋飯。壽喜燒既材料亦很足，有牛、豆腐、菇、菜等。食落都ok既。---一陣就上菜嘅「泡菜黑豚石鍋飯」。呢個係另一個主菜。泡菜真係勁多，岩曬我。酸酸甜甜嘅泡菜配上黑豚肉食落非常之野味。而男友就鐘意佢配埋辣醬，塗係黑豚肉裡。---而最值得我地推薦既係「魷魚雞肉卷」。嘩，真係好好味，我同男友都覺得好有驚喜。魷魚入面除了包裹著雞肉之後，更配上芝士忌廉。食落味道非常有層次。好正！價錢仲好抵。---奶凍小妹就好鐘意啦，一個人食左兩個。終於同男友黎食呢間以前上堂必食既飯堂。真係回味又開心。