築地日本料理 (金百利廣場)

營業中

休息中

夜晚同朋友係銅鑼灣睇完戲想食少少野，朋友就提議食築地，話九點後半價好抵食。築地位於金百利樓上，非常易搵。上到去，由於客人唔多，所以我地隨便搵個位坐低左。九點後會有兩張叫野食既紙，一張係九點後半價，一張係九點後八五折。前姐主要係壽司，而後者主要係串燒同小食。因為唔係好肚餓，我地兩個人淨係點左十幾件壽司同兩串燒牛舌。壽司好快就送到，全部都好新鮮，好好食，特別係劍魚腩同三文魚！d軍艦都做得好好食。而串燒牛舌都好好味，岩岩燒起夠哂熱，又唔會燒得太耐。最後埋單先每人60蚊，真係好抵食！絕對係性價比高。