築地日本料理 (金百利廣場)

營業中

休息中

個個去東京都搵築地市場，估唔到銅鑼灣都有一間日本菜叫築地。壽司、串燒、熱食都有，岩晒一班人食飯 個個都一定岩食。壽司同熱食都試左幾款，出奇地令人好驚喜，又平又抵食🥳🥳🥳涼涼地想食個鍋，叫左鮭魚魚頭野菜鍋$98三文魚頭啖啖肉 肉質都幾滑，仲有豆腐、粉絲、菜等配料。$100都唔洗堅抵食！湯底都幾清甜好飲👍🏻👍🏻浦燒鰻魚飯$85鰻魚好好味😳😳😳 滿足！😍汁燒魷魚筒$68哩個真係超抵食，平時食都差唔多一百蚊完整一條 燒得剛剛好，無得彈！環境夠整潔，店員有禮貌，牆壁上有東京築地既圖片，返鄉下癮發作🤩🤩🤩9點後仲係特價時後段，係銅鑼灣行完街再食野又得🤪

點了二人餐：蟹子沙律、黑蒜豬軟骨拉麵、泡菜黑豚肉石鍋飯、自家製餃子及甜品。蟹子沙律味道是正常，但唔夠凍。拉麵湯底是濃但麵過淋，石鍋飯的份量大但豚肉有點韌，味道主要黎自泡菜同辣醬，即係得咸同辣。餃子煎得唔夠，底部唔脆，太油。食左$300有野飲都夠飽，係銅鑼灣這區真無稱得上價廉，但物美不美就見仁見智，不會說好食，只是不過不失。 有留意其他評論提到待應態度，是真的有點不禮貌，對客人態度不很有善，不至惡言相向，但耐性欠奉。當係去茶餐廳食港式日本菜的心就正確了，食完快d走，唔好有期望。

服務態太差，星期五晚上9點半沒有人排隊，3張空枱，都吾俾人入坐，全程口黑面口。好像乞丐食飯，感覺太差，即時走了。食物好與吾好，真是吾知，服務差到這樣，不可一亦不可再😑😑😑😑😑😑😑😑😑😑

喺銅鑼灣返工嘅人都知道 中午話要食個飯都大概要$50左右 但呢排竟然俾我發現 呢一間餐廳竟然只需要30幾蚊就有一個下午茶 簡直係破地獄價逢星期一至日都有 而且仲要好高質一個照燒雞扒飯只需要32蚊 唔好以為呢個價係食埋啲垃圾野 係超有驚喜 呢個價錢送一個味噌湯 加一杯熱飲 但係超大碗仲有好多蔬菜 雞扒份量都好足夠 仲要好好食！值得一提係燒青魚定食38蚊 有成條青魚 仲要係好食 同出面八十幾70幾蚊食一條差唔多 自從發現咗呢個地方之後我同同事差唔多日日都嚟食呢條青魚！

壽司選擇繁多日料築地銅鑼灣是個非常繁忙的鬧市，想找個地方吃飯不是易事，要即席找地方也唯有找一些樓上食店，我跟朋友都喜歡吃日料，所以不約而同的讚成去吃日料，我們選了築地這間餐廳。餐廳座位不多，但很滿座而且店員招呼也很到位，我們在繁忙時段也能立刻安排座位給我們。坐下後我們立馬看看想點的壽司，壽司種類非常多，而且價錢適中，最後我們點了一個日式鍋和一些壽司。我們點了的壽司是鮮帶子壽司、赤海蝦壽司、尤魚壽司、油甘魚壽司、鱆紅壽司、劍魚壽司、活赤貝壽司、活立魚壽司，壽司種類多不勝數，魚片新鮮不在話下，而且都是厚切的，這價錢來說是很吸引的鮭魚魚頭鮫野鍋這鍋的魚頭煮很很入味，魚肉很鮮和很嫩滑，魚頭被烤得金黃色的，吃下去很有烤魚香，湯底配有蔬菜和粉絲令整個湯非常鮮味。壽司選擇繁多，感覺不會找不到自己喜歡的食物，對於揀飲擇食的我是一個福音。

座位舒適的日本料理築地今天到銅鑼灣跟朋友一聚，約好了要吃日料但我們也是即興個性的，沒有預約情況下是要找一些樓上餐廳，否則假日在鬧市想吃也要等很久，我們找了這間日料築地試一試。餐廳座位不多，但感覺很新很光鮮，而且座位比一般在鬧市的日料舒適很多。我們點了一個丼飯，一個日式鍋。鮭魚魚頭鮫野鍋這個鍋的湯很有魚味，而且很鮮味，魚頭烤得剛好，有烤魚的香味，而且魚肉很滑，湯底配了一些蔬菜和日式粉絲，和鮭魚很配，令我也不禁大口大口喝。什錦魚生丼整碗魚生丼也怖滿了橙橙的魚子粒，魚生顏色搶眼，每粒也是細切的，令每口飯也能嘗到很多魚生料，感覺很滿足。這樣質素和價錢在銅鑼灣這個鬧市絶對是性價比很高的，值得一試的。

-工作後是美食時間✨又和她去吃好東西～♥《牛油果軟殼蟹卷》牛油果新鮮大份🥑每件平均，入口即溶！而軟殼蟹熱辣辣又夠脆🦀加起來提升了整體層次和質感～♥《蟹肉蟹膏軍艦》這個配搭是我的最愛💛看到餐牌上有當然馬上要點～很足料！蟹肉都快要滿瀉了😳這個的口感比大滿足更滿足xd♥《海膽魚子花之戀》朋友說上次是普通三文魚🍣但這次是肥美的三文魚腩！海膽和魚子鮮美，入口即溶🤤分量足料，一口一個真的有難度xd♥《海膽海鮮炒飯》其實這個是雙重海膽😍飯上有生海膽，飯中有熟海膽！海膽足料，不過略嫌海鮮不夠🙈飯粒且可炒得更乾身，更平均～不過尚算粒粒分明及平均金黃色✨喜歡它用熱鍋上，一直保持熱度！這個算是大分量，不要看輕它😜♥小提示 Tips：晚飯時間比較多人，一半供booking，一半供walk-in，所以建議先book位🥰

係大學year 1、2嘅時候會同朋友夜晚出去旺角食黑x，貪佢夜晚有折扣，估唔到原來銅鑼灣呢一間日式餐廳喺九點之後都有特價時段，有半價、八五折壽司同八五折嘅菜式！特價時段嘅菜式係需要透過手機落單，連接店舖嘅Wi-Fi，再scan 點餐專用嘅QR code，就可以去到手機點餐嘅頁面，餐單上嘅壽司標示價格係正價，最後埋單嘅時候就會有折。同朋友係窮學生jj，所以淨係點左半價壽司，半價壽司嘅選擇都有好多，叫左三文魚、赤海蝦、玉子、醋青魚、鰻魚、蟹棒、蟹籽、香蔥碎吞拿魚腩、甜蝦、鱆紅、海膽、劍魚腩、花之戀、腐皮、希靈魚、龍蝦沙律、魷魚、活立魚壽司，兩個人叫咗27件😂！同朋友叫左嘅壽司，單件折後最貴$14，最平$4，好抵！所有壽司都無難聞嘅腥味，用料新鮮，而壽司飯係手握的，有爭x嘅價錢，但遠高於爭x嘅質素！特別要推薦一下以下壽司：醋青魚壽司（折後$5）、鰻魚壽司（折後$6）同甜蝦壽司（折後$7）～醋青魚壽司，即用醋醃製的鯖魚，食落微酸而帶魚嘅鮮甜，非常開胃！鰻魚壽司，鰻魚有用火槍燒過，食落有燒灼過嘅香味，係哩度咁多件壽司之中我心目中嘅No.1！甜蝦壽司用大大隻甜蝦一條，蝦肉食落鮮甜而無腥味，好食！

阿媽鍾意食日本菜，所以搵咗間上樓小店試，網上食評相當唔錯，而且價錢又夠大眾化，食物選擇又夠多，不過假日真係超多人，未到6點半已經滿座要等位，幸好我哋6點零已入座😁⋯⋯其實有得訂位架！龍蝦沙律小食 $35🥢🥢🥢🥢好少地方有龍蝦沙律，呢個沙律都幾真材實料，龍蝦份量唔少兼有口感，如果空口食會咸咗dd，夾沙律菜食就一流三文魚手卷 $22🥢🥢🥢手卷好大個，仲有好多新鮮三文魚粒，不過手卷上枱紫菜已有變腍，要扣分牛油果軟殼蟹手卷 $36🥢🥢🥢牛油果唔夠腍，軟殼蟹大但唔夠熱，紫菜同樣腍，失色呀青龍 $50🥢🥢🥢🥢卷物比想像細粒，而頂部嘅海膽幾新鮮幾重海膽味，內裡卷住嘅炸蝦香脆熱辣辣，值得一試七味燒鮭魚旗 $38🥢🥢🥢🥢如果鍾意食腩位嘅人都應該要試，因為旗位都比較重膏同膠，肉相對少，但咬落有好香油脂同滑溜牛肉野菜壽喜燒 $88🥢🥢🥢呢個壽喜燒份量唔算大，牛肉數量同吉野家差唔多，牛味唔夠重，而湯底咸咗dd唔夠甜，因為無跟飯同烏冬，只得少量粉絲就唔夠飽二人共消費：$295

今日返工OT到成八點幾，放工嘅時候約埋同事一齊食late dinner. 咁啱經過金百利，打算求其搵間餐廳食。喺樓下好多人派宣傳單張，而我地最後揀左呢間築地係因為佢9點後壽司半價！一上到去餐廳，人唔算話好多，等左五至十分鐘就入到去。就咁睇間餐廳，八九成嘅枱都滿座。一坐埋位，唔夠兩分鐘，個waitress就攞左餐牌同斟左杯綠茶俾我地，同埋介紹左半價壽司同85折食物嘅餐牌，淨係需要scan佢單據上面嘅QR code, 唔洗額外download另外一個app, 非常方便👍🏻手機上餐牌嘅價錢係未計半價嘅，waitress話係最後張單先會show出黎，亦都可以落左單之後，即刻問佢地落返張單睇下，所以我地都即刻咁做，服務態度都非常好落左單大約十分鐘之後，啲壽司已經好快送到。我同朋友前後嗌左二十幾款食物好中意食壽司嘅我，覺得全晚最好食嘅係呢個火炙芝士玉子，所以自己都再encore左多一次，而且同樣係半價壽司之一！個玉子夠厚，亦都好夠份量，而且甜度適中火炙三文魚薄左少少，但係油脂分布非常出色，好野味😋雞軟骨都係85折食物之一，燒得啱啱好，唔會乾身，調味亦都唔會過鹹，值得一試最後，我同朋友encore左

係銅鑼灣食日本料理既經驗話我知，一般都不便宜~尋尋覓覓，就係要搵抵食夾大件!又俾我搵到。今次黎到呢間築地~先黎芝士玉子燒~$35玉子僅熟，非常滑溜，配上灑滿蟹子既剛溶芝士，對於玉子燒愛好者，每次都係必嗌。牛油果軟殼蟹卷~$48完全無慳料，4份1隻牛油果就放係蟹卷上，加上同樣滿瀉的蟹子，食得滿足。蝦蝦三笑~$38蟹糕赤蝦，蟹糕熟蝦，牡丹蝦壽司。新鮮，中意蝦既朋友就一定會嗌。清酒煮蜆~$58非常抵食一味，上枱時還是滾滾的狀態~寒冬中非常溫暖。海之逸魚生丼~$108食魚生丼最開心莫過於成碗都係刺身，呢碗丼鋪滿帶子，三文魚，甜蝦，北寄貝等等，不錯唷～牛肉野菜壽喜燒~~$88天氣稍凍就當然要煲下煲下，甜湯加上溫泉蛋同肥牛，暖意濃濃。下次一定再黎食!

今晚約咗另一半去銅鑼灣食飯金百利入邊有好多餐廳見到特別有日式料理又想食得清清地就揀咗一坐低見到餐牌嘅時候再見到佢哋特別推薦嗌套餐 268蚊同埋我哋附近好多台嘅客人都嗌咗套餐本身我以為價錢係一個人原來已經係兩個人嘅價錢首先佢上咗一個蟹子沙律俾我哋雖然份量唔多但係得開餐前清下胃口都好套餐最正嘅係入邊連特飲都可以點我哋一個要咗檸檬藍柚乳酸梳打另一杯叫咗蜜桃乳酸梳打味道清新 乳酸同梳打嘅份量教得好好搞到好想再encore之後前菜我哋嗌左一個燒牛舌我哋估唔到佢哋親自會連鐵板上俾我哋！牛舌燒得新鮮滾熱辣本身連同調味料已經炒得好有鑊氣佢喺上面仲加咗炸蒜同蔥花味道特別搶口好好味呢個時候就會上主菜第一個我哋要咗牛肉壽喜燒佢好似一個小型邊爐咁多對於入面嘅配料佢哋一啲都唔吝嗇湯底香甜有齊日式壽喜燒嘅味道最正最正就係面上面嗰隻蛋配合埋個白飯味素一齊食真係好有日式嘅感覺呢個時候另一個韓式伴飯就上菜啦呢一個拌飯份量又係超級巨型雖然入邊嘅配料同傳統嘅韓式拌飯唔一樣但係佢個底都係做到有飯焦而且泡菜同辣醬亦都好覺辣度對於我呢啲好鍾意食辣既人黎講食完壽喜燒甜甜地 整一個火辣口味嘅飯係特別正嘅係我哋兩個食完晒所有嘢覺得飽到

呢間餐廳嚟過幾次，雖然餐廳細細但係坐得幾舒服，而且唔會好嘈可以傾下計。lunch hour d 野食好抵食，夜晚食set 嘅話都唔會太貴，價格合理，味道不錯。今次我同朋友點左二人餐，又夠飽又咩都唔使煩。精選二人前 $268。set 包括蟹籽沙律、1款小食、2個主食、2杯特飲及2個牛乳奶凍。份量都幾足幾飽！蟹籽沙律都幾大兜，但係蟹柳絲蟹籽份量較少，青瓜絲多好多，大半兜都冇咩味，不過勝在份量慷慨，唔夠味可以問店員要d沙律醬。小食揀左牛舌，鐵板上熱辣辣，洋蔥煎煮得熟透清甜，配甜甜燒汁鐵板煎，同牛舌好夾好入味。牛舌彈牙好有口感又唔會腥，份量又足有成10片左右，整體味道幾唔錯！主菜我地都係揀壽喜燒，除左牛肉鍋物仲有一碗飯，絕對夠飽。鍋物有牛肉、溫泉蛋、豆腐、粉絲、蔬菜等，壽喜燒汁係傳統味道但係冇咁甜，溫泉蛋好嫩好香，用嚟撈牛肉一流，夠曬滑。牛肉係普通肥牛片，但唔會有雪味，而且質感都算嫩，煮嘅時候可以根據個人喜好控制佢煮到幾熟，但係火種燃燒時間有限所以要自己睇住嚟把握。豆腐都好滑，略嫌蔬菜（小棠菜）煮嘅時間唔太夠偏硬d。整體都ok，牛肉多d就更好。飯係係珍珠米，但係比較乾d，相對都有口感d，浸泡落

朋友生日想食日本野，於是選擇這間位於銅鑼灣的築地，聽朋友介紹用料很新鮮，位置也方便。蟹肉香芒蟹籽沙律蟹肉蟹籽青瓜沙律醬的配搭令口感清新，配上酸酸甜甜的新鮮芒果，是不俗的開胃菜。蟹羔蟹肉手卷聞到很濃郁的蟹味，但食落感覺蟹膏味道不太自然，應該是有加工的。牛油果軟殼蟹卷 & 和牛反卷和牛反卷非常出色，牛味香濃而且嫩滑，真不愧是和牛，必食。築地刺身盛款式多樣而且新鮮，尤其是赤貝，口感很爽脆。三文魚腩刺身因為刺身盛沒有三文魚，於是另外點了一份。厚切，食落也不會過分油膩。綠茶冷麵不喜歡薑味的我不小心加入了姜蓉，所以不太吃，朋友說還可以。七味燒鮭魚旗超好味，燒得剛剛好，肉與油脂的比例很適合，外脆內嫩，調料也香口。魷魚雞肉卷比較特別的配搭，味道還可以，啖啖肉的感覺也令人滿足。茶碗蒸正正常常，沒有特別之處。總結食物不貴但質素高，食材也很新鮮。雖然座位較逼但還可以接受。因為我們有自帶蛋糕，所以會收50蚊的開瓶費，職員很友善，還幫我們影合照。推薦大家試下，不會令你失望的。

同朋友慶生食癲拿，佢揀左食築地。我地walk-in 都有得直入唔駛等位，仲有得揀位添。我地兩個女仔都幾大食，叫左牛肉野菜壽喜燒($88)，一口炸豆腐($48)，牛油焗雜菇($58)，青龍($50)同芝士玉子燒($35)。首先黎個小食一口炸豆腐，新鮮炸出黎，啲豆腐好滑𡀔𡀔，又香豆味，外脆內軟，外面灑左少少椒鹽吊味，好好味👍🏻。見隔離枱叫左個蟹子沙律，嘩，成盆青瓜絲黎架，都唔知有無一茶匙蟹子添牙，好彩我地無叫姐。之後再黎個牛肉野菜壽喜燒，個味同平時出面啲壽喜燒差唔多，但隻蛋唔知點解六極都唔熟，反而啲牛肉就六到un 晒，但勝在個鍋好多菜食，就當叫左個雜菜煲算。之後黎左個芝士玉子燒，塊芝士舖係面但仲未燒熔，帶少少咸咸地，而個玉子口感ok ，但我就嫌佢甜得滯，一啖咬落去又甜又咸感覺好奇怪，唔建議大家叫玉子燒。再黎個牛油焗雜菇，咸咸地，都香牛油味，但佢主要都係金菇，得少少其他菇，仲要個份量少左啲囉，唔值$58 囉。最後黎個青龍，即係海膽炸蝦卷，隻蝦熱辣辣都幾脆，飯外面痴左啲紫菜吊味，再配埋海膽，啲味幾夾。成餐飯最滿意都係一口炸豆腐同衣個青龍。成餐飯，加埋一，$306。以衣個價錢黎講，野食都叫過得去