第三站

餐廳座位全部都係卡位而且非常闊落，全部都係梳化，枱同凳都好闊落，餐廳仲會提供好多唔同嘅board games，啱晒成班friend食玩嘢一邊玩一邊傾計。餐廳坐滿曬人，大部份都係年輕人喺度傾偈玩board game，但係大家都好自律唔會好嘈騷擾到其他食客。田園沙律嘅dressing係麻醬，生菜新鮮爽脆，醬汁足夠。重拾童年回憶港式薄荷朱古力，有層好厚嘅Cream同埋朱古力都唔會太甜，薄荷朱古力外貌好精美有漸層嘅效果。青蘋果乳酪都勾起左童年回憶，好似夾糖食到嘅青蘋果口味。黑松露帶子鮮菌燴意大利飯一擺上台已經聞到好香黑松露味，食落去更加不得了成口都係濃厚嘅黑松露味。意大利飯上面灑上Parmesan cheese 撈勻會有邪惡拉絲。 飯入邊有菇、帶子, 食材非常足料。佢嘅汁唔會太濃唔會太Heavy，係一個輕盈嘅意大利飯。墨西哥肉丸意粉係一個好新穎嘅菜，佢嘅醬汁好似中式配落去啲意粉度竟然又唔差。 意粉煮得好好，佢係肉丸唔會散修修，感覺好彈牙食落去係有香草嘅味道。蜜糖雞翼新鮮出爐，蜜糖味好重唔係得個甜字係真係有蜜糖味道，雞皮非常脆，入面肉質鮮嫩，唔會焗到乾晒。

旺角一向食肆多，今日想搵一間坐得舒適嘅餐廳...搜尋到呢間Cafe值得推薦👍🏻Lunch set價錢抵食，揀咗「墨西哥香辣肉丸燴意粉」少少辣好惹味，個醬配肉丸好夾😍「黑松露帶子鮮菌燴意大利飯」即叫即製，滿佈黑松露同帶子，口感同味道都唔錯👍🏻仲要大大碟...嚟Cafe必定要揀特式飲品，試咗芒果奶昔同士多啤梨奶昔，上面加上滑滑嘅忌廉，兩種口味都唔錯👍🏻每次到Cafe必飲「花茶」全因為用玻璃茶壺好美觀，加埋蜜糖...天氣開始轉涼，飲花茶養身一下...暖笠笠，好正😍跟餐可以加$35 有甜品同沙律，揀咗藍莓蛋糕，店員好細心在碟上輕輕點綴一下，賣相好精緻...cheese cake入口好滑，好食好食😋大人小朋友嚟到一定唔會悶，好多桌上遊戲任玩，下次出嚟旺角一定會再嚟🤗

有500+好評的cafe😎座位用上高身沙發隱私度較高，價錢親民。意式芝士焗肉醬闊條麵($66)••••••酸酸甜甜肉醬幾開胃醒神😛份量好多，闊條麵比一般意粉有口感，蘑菇、芝士增加層次🥳。黑松露帶子鮮菌燴意大利飯($82)••••••Wow😍有鮮刨芝士係面頭😍超吸引的！Risotto加入大量帶子柱肉，仲有用肉眼就見到依附在每一粒米飯上面嘅黑松露😛。午市套餐(+$35)_ 田園沙律 _ 芝士蛋糕 _ 飲品($38以上需補差價)••••••加35蚊就可以轉套餐，性價比好高，沙律🥗好大方地落左超多胡麻醬🤤好味！原味紐約芝士蛋糕口感札實，不過甜。朱古力蛋糕就較重口味，層次豐富，有啲似mousse+海綿蛋糕😋。朱古力咖啡(+$8)泡沫咖啡(+$8)••••••可以揀加唔加cream👍🏻味道正常。松露薯條($56)••••••巨量薯條一大盆🤣黑松露碎灑上帶皮粗薯條😁香脆邪惡但食唔停☺️建議如果茄汁轉成黑松露蛋黃醬，黑松露存在感會大大增加。海鮮拼盤($98)••••••有五款炸物😌魚手指、炸蝦、炸蟹鉗、炸帶子、魷魚圈，除左魷魚圈太韌之外，其他四樣都唔錯，要讚一下，炸物不會感覺好油，烹調過程處理得好。

友人約我到樓上Cafe 傾下計，因這些Cafe 不限時，可以 relax 下， 傾下計。是次到這間店閒談......白色的裝潢，感覺不太侷促，座位也很寬敞、很舒適！而且有間特大的房，人多聚餐，這裡是一個不錯的地方！有套餐選擇 我們點了 Dinner set，主菜加飲品，加 $35 有田園沙律及蛋糕」。主菜點了「意式芝士焗肉醬闊條麵」及「黑松露帶子鮮菌燴意大利飯」。 意式芝士焗肉醬闊條麵，闊條麵沾滿了濃濃的芝士醬，香濃、好味！黑松露帶子鮮菌燴意大利飯，飯粒粒分明，材料豐富，鮮甜，味道不錯！我們額外點了「墨西哥雞翼」，少少辣，香口、多汁，惹味！田園沙律，蔬菜都很新鮮，開胃！我們點了「健康推介」，玫瑰冰茶及藍莓冰茶，不太甜，味道 ok！蛋糕選了「朱古力蛋糕」及「芝士蛋糕」。朱古力蛋糕夠濃 芝士蛋糕不太甜，OK！

Station 3💛🔄🚆又黎回購系列，呢間樓上Cafe超就腳，絕對係約Friend聚腳既好地食，坐位都好闊落坐得超舒服，重點係好多boardgame可以借黎玩，一大班friend黎就岩哂嚕，另外一個吸引既地方係佢地既飲品種類好多，睇下menu先啦哈！💡設有加一服務費💡繁忙時間有最低消費每位一個晚市套餐💁‍♀️黑松露帶子鮮菌燴意大利飯（$122)👍“份量算幾大份嫁啦 好香黑松露味 值得一讚係帶子同鮮菌都超足料 每一啖都有料食到落肚""呢個價錢係Set 黎 配一杯$38飲品💁‍♀️BBQ 單骨雞翼（$66)"好得意 完全唔似雞翼似雞鎚多D 賬卜卜咁食落口啖啖肉"💁‍♀️特級海鮮拼盤（$98)"有五款炸物 成班friend一路食一路吹水就岩哂""不過不失 我就中意食魚手指同炸蟹鉗 反而覺得炸魷魚圈有點失色"💡魚手指 炸蝦 炸蟹鉗 炸魷魚 炸蝦💁‍♀️紐約芝士蛋糕（$32)"超靚超用心的擺盤 絕對係心機之作 仲要有淋上焦糖醬""蛋糕有好香濃的芝士味 多重芝士口感 係入口即溶既感覺喔！"

難得幾個人一起出來食飯傾計，當然要搵一間樓上Cafe ,我搵左金雞廣場Station 3 Cafe。餐廳燈光明亮以白色為主題，又張張枱都是梳化，座位舒適。點左兩個餐蟹肉雜菌忌廉闊條麵和黑松露帶子鮮菌燴意大利飯，有一個餐加$35配Salad和蛋糕。沙律菜配芝麻醬沙律菜好fresh又爽脆撈埋芝麻醬超好味。黑松露帶子鮮菌意大利飯，雖然帶子唔是好大粒，但都好鮮甜，黑松露味好香濃，意大利飯又軟硬適中飯味道又好香濃，啖啖黑松露飯香。蟹肉雜菌忌廉闊條麵，超多蟹肉撈埋闊條麵麵條好軟熟，忌廉汁又香濃撈埋麵條一起食好好味。蜜糖雞翼煎到皮脆肉嫩，雞翼沾滿蜜糖香噴噴。藍莓乳酪金桔梳打藍莓芝士蛋糕，芝士好香濃又唔會太甜好好味。

 ✿╮❤╭✿✿雜感女生   好味日記✿˚*•✰。第三站Station 3 Cafe．清新年輕的CAFE。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤朋友好中意找樓上cafe這次又有推介，是在旺角金雞廣場的第三站Station 3 Cafe 這裡裝修清新，白色梳化好舒服店員年輕可愛有活力又有GAME玩，非常悠閒Dinner Set 可自定加35蚊配沙律和芝士蛋糕又確是唔錯   跟餐的沙律幾大碗菜菜子新鮮可口  主菜：蟹肉雜菌忌廉闊條麵蟹肉大量，鮮甜可口雜菌忌廉汁很香濃闊條麵掛汁效果好要KO一整碟不是難事 主菜：燒牛肉田園沙律平時吃肉多，今次來點清新的燒牛肉幾好吃主因是薄切配新鮮沙律菜效果好大量的芝麻醬令人大開胃口非常滋味  小食：海鮮拼盤5款海鮮炸物：蝦、蟹、魚條、帶子和魷魚圈圈配以滋味沙律醬實在是聊天玩GAME的好朋友   飲品： 藍莓乳酪：非常濃香的藍莓味加入大量忌廉在TOP，樣靚又好飲健康美味，好正！ 朱古力奶昔：朋友是朱古力迷大讚用料十足因為味道夠濃郁，朱古力味極重是重度朱古力

一路以為金雞廣場係得桌球等娛樂場所原來有cafe㗎仲要係良心店黎到感覺好relax每張枱嘅位置唔會太close所以坐得舒服舊式嘅cafe就係有好多board game 同card game 可以俾你仼玩燒牛肉配田園沙律 $92呢個沙律好開胃沙律菜好fresh 燒牛肉又好食呢個推介👍🏻墨西哥香辣肉丸燴意粉 $116肉丸係似xx 傢俬嗰種肉丸所以好好食但辣味只係好少食唔到辣嘅朋友都唔使擔心意粉質感尚可海鮮拼盤 $98一次過滿足唒心大心細嘅我因為想食呢樣又想食嗰樣呢個拼盤有5種炸物可以開心share 另外加錢補差額叫咗餐飲芒果乳酪 +$10一啲都唔水好濃味好好飲花茶系列小天使 +$18薰衣草香又有紅玫瑰花同茉莉花及檸檬草好舒服好好飲 聽講仲可以改善失眠👍🏻

金雞廣場比我既印象都係篤波~ 見呢間餐廳長期係OPENRICE人氣高企, 今日放工就約左朋友黎呢到食個便飯。一入去就見到好多餐廳既指示牌, 見到佢地仲有VIP/ PARTY訂座服務, 好似好多花款。燒牛肉田園沙律 – 勁多菜呀! 平時食田園沙律都係配雞胸多。配燒牛肉其實都幾好食! D醬係成個沙律既精華, 亦都係最邪惡既地方!西班牙煙鴨胸燴飯–本身諗緊食黑松露帶子鮮菌燴意大利飯定呢個好!最後因為怕黑松露會太HEAVY所以揀左呢個!果然無令我失望! 茄汁底會開胃好多, 可以食多幾淡!特級海鮮拼盤 –係我最愛既炸物呀, 有好幾款野食, 魚手指, 烤蝦, 炸蟹鉗, 炸帶子, 魷魚圈,醮佢D醬黎食, 正呀!每款有成3舊咁多, 我地2個人食到超飽肚!田園沙律–個餐跟個細田園沙律, 岩岩食咁多炸野, 真係好需要食返D菜黎中和下, 冇咁熱氣 ~ 哈哈蛋糕–另外個餐仲跟個芝士蛋糕, 今次真係食到捧住個肚走呀~吊人 – 青蘋果/薄荷梳打呢個名超特別! 雖然望落去隻色唔係好天然, 但飲落去又好清新呀!戴安娜 – 朋友叫左戴安娜茶，個名令我諗起昔日英國王妃。呢款茶含有紫玫瑰，紅玫瑰，洋甘菊和薰衣草，朋友話淡淡

上網見到呢到OpenRice訂枱有5折，好少黎呢棟野搵食，一出lift就有指示牌帶領你去到第三站。呢到幾光猛，配住米白色既梳化，幾鍾意呢種簡約風。Dinner Set 大概百零蚊一個，5折真係抵到一個點！有各種桌遊供人玩，仲有Pepe 陪住你食💛，但食客大部分都係傾計居多。煙三文魚野菌忌廉燴闊條麵三文魚擺到成朵玫瑰咁忌廉汁好濃～卡邦尼煙肉雜菌意粉都係忌廉汁😂差唔多味，個人覺得意粉掛汁D。蜜糖雞翼🍯 隻隻都漲卜卜好大隻，蜜糖比得好大方！好甜！特濃芝士薯條勁多芝士醬，如果個醬分開擺會好D，唔會整淋d薯條。加$35 可以配沙律🥗同蛋糕。沙律配住芝麻醬好開胃件cake就一般，但賣相幾好！折完埋單人均消費$100，唔錯！💛

今日要同準新娘邊食野邊傾偈，想搵個坐得耐既餐廳，cafe就係不二之選，我地叫左個焗肉醬闊條麵，意式肉丸，肉醬闊條麵都幾淋，醬多肉少，優點係佢熱新新咁上菜，肉丸不過不失可以一試

想約friend高空gathering唔一定下下都要過海嘅，旺角有咁多間樓上cafe，有一間位於幾高嘅位置，而且景觀開揚，揀啱時間仲可以睇到日落，都咪話唔浪漫喇現場仲有啲boardgame俾你打發吓時間𠻹呀，打躉一流玫瑰都落得幾揼本，勁多花瓣碎胃民就揀咗呢杯開聲預備吹水沙律醬都落得好足，唔怕冇味呢碟risotto擺設得好靚，份量又多，打卡一流呢碟闊麵條一樣好夠食，份量多到你呢，慢慢食慢慢吹都得想call店員有鐘㩒拼盤同大胃嘅人生一樣，咁多姿多彩多花款

呢日約左朋友補祝生日搵左樓上cafe,諗住唔駛咁多人要趕住交枱環境都唔錯，唔會太嘈，諗住同朋友黎飲下野志在傾計係幾好嘅；不過如果想食物都好食，可能會令你失望只能講食物普普通通，除左2款雞翼零失手，其他都尚有改善空間比如炸魚手指，可能係食材本身問題，唔夠脆，好粉，入面都係粉團芝士條即使即時上菜即時食，都覺得唔係好熱；無拉絲效果火腿芝士飛碟，無去邊係一個敗筆太求其、而且未食落口都知唔夠熱；面頭果件少少飛碟機壓印都無芝士又唔流心我屋企平時都有炸開魚手指同整飛碟真係自己買食材整仲好食😕

友人約會於旺角，先去逛逛鞋店，看看行山鞋然後去吃飯啦😀 金雞廣場 在那裏呀！ 繞了一圈，迷路😭 馬上打開手機地圖，尋尋覓覓，位置有啲隔涉，我好似 N 年前路過，終於到了，搭電梯上25樓 👌 餐廳裝潢全白色為主，梳化座位舒適， 職員服務態度挺好，親切友善晚市套餐有沙律、麵、飯 等等，可另加 $35 田園沙律及蛋糕沙津 ，汁酸酸甜甜甜，蔬菜 爽脆蟹肉雜菌忌廉濶條麵 $108碟好大喎，麵煮得好，份量多，蟹肉多多，青 椒 紅椒，忌廉汁 香濃夠入味 🤗水蜜桃乳酪 白雪雪，賣相靓靚，上面一朵花忌廉，軟滑甜甜哋，果香味，好好味😋紐約芝士蛋糕超級愛芝士，創意特色 🍴 漂亮點綴,香濃可口

如果不是友人帶路，跟本就唔知道有呢間樓上cafe。隨了堂食外，可包場，可到會，十分多元化。是年青人聚腳的好地方。先來清新清爽的沙律。今日好想食飯，點了黑松露帶子鮮菌燴飯。份量頗多。帶子雖然細粒，但有鮮味。黑松露味道不會太搶，鮮菌數量也多，非常有嚼口。店員介紹给我的紅莓果茶，喜歡酸酸咪咪，開胃又美顏。有果茶就要有甜品配合才完美，法國朱古力蛋糕我至愛。甜度ok 喎。朱古力的味道點到即止，不會太甜或太膩，合心水。