第三站

Station 3 Cafe
741
56
52
港鐵旺角站 E2 出口, 步行約3分鐘 繼續閱讀
電話號碼
66811177
營業時間
今日營業
11:30 - 22:00
星期一至五
12:00 - 22:00
星期六至日
11:30 - 22:00
公眾假期
11:30 - 22:00
付款方式
AlipayHK 支付寶 現金
座位數目
140
其他資料
網上訂座
Wi-Fi
切餅費
VIP房
泊車
電話訂座
加一服務費
海景景觀
電視播放
獨家網上訂座
當面支付
有關獎賞計劃
食評 (922)
等級4 2021-05-18
751 瀏覽
餐廳以白色為主調, 簡約時尚, 環境舒適寧靜, 餐廳仲提供 board game 給客人, 與朋友相聚一個不錯的好地方。煙三文魚忌廉燴闊條麵 (午餐)$86( 追加 田園沙律+ 甜品蛋糕 另加+$35 )爽甜的沙律菜伴上胡麻醬, 十分清爽 ,令人胃口大開。 煙三文魚捲成一朵漂亮的玫瑰花,賣上精緻,意大利粉入口煙煙靭靭,每條意粉都掛上稠密忌廉汁, 與滑溜野菌粒一起吃,令意粉更加滋味。黑松露帶子鮮菌燴意大利粉(午餐)$ 91黑松露意大利粉,口感濕潤, 每一口帶芝士和黑松露幽香, 加上鮮味帶子粒, 鮮味 提升, 讓人停不了口, 一口接一口。雞翼配薯條(下午茶)$46即叫即製的煎雞翼, 上枱時 ,熱呼呼, 令人垂涎, 外脆內軟,十分juicy, 配上香脆卜卜的粗身薯條 ,沾上番茄醬, 特別好吃。士多啤梨奶昔、 芒果奶昔(跟餐飲補差價$14)士多啤梨奶昔、芒果奶昔 , 充滿夏日色彩, 清新冰爽, 散發著蜜甜的果香, 炎炎夏日不二之選。藍莓芝士蛋糕芝士蛋糕面鋪滿藍莓醬,口感香甜濕潤, 配上誘惑的芝士, 啖啖窩心。 繼續閱讀
(以上食評乃用戶個人意見 , 並不代表OpenRice之觀點。)
同表妹去旺角行街,夜晚表妹話想搵個地方坐得舒服啲,輕鬆傾吓計,順便玩吓大富翁。樓上Cafe我第一時間就諗到 金雞廣場的 Station 3 Cafe。第三站 裝修乾淨,有梳化位,食物質素滿意,服務細心,Dinner Set 價錢又唔貴。特級海鮮拼盤 $98呢度嘅特級海鮮拼盤都係炸小食,啱晒後生仔口味。魚手指、炸蝦、炸蟹鉗、炸帶子、魷魚圈;全部炸得酥脆可口,美味呀!一路食一路同表妹回憶一下細路仔時候最鍾意就係食呢啲日本炸小食!芒果奶昔 $52呢度嘅奶昔系列非常不錯,入口誘惑,幼滑濃郁的口感,清甜的芒果香味,奶香味亦得到平衡,很好的選擇。西柚綠茶 $38晚餐會送一杯$38的餐飲,冰凍的西柚綠茶,清涼解渴,食完熱氣嘢飲最啱啦!田園沙律晚餐只要加$35就可以 upgrade, 有田園沙律及蛋糕。沙律菜清新爽脆,加上日式胡麻醬,味道開胃又健康。卡邦尼煙肉雜菌意粉 $102卡邦尼最緊要芝士味夠晒濃郁,反而忌廉味不應該太重,這一方面廚師做得很好,醬汁又夠 creamy . 煙肉充滿鹹香,雜菌爽口,意粉有彈性,滋味無窮。西班牙煙鴨胸燴飯 $112我鍾意食燴飯其中一個原因係可以吸收晒醬汁嘅精華,加一點辣椒仔汁更加刺激,又香又辣。西班牙煙鴨胸肥瘦適中,鴨香滿溢,啖啖肉汁,加上煙燻香味,仲有少少芝士拉絲的感覺,好味道喎!特色芝士蛋糕New York cheese cake,味道甜美又濃郁,擺盤別緻,為今晚畫上完美的句號。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-12
582 瀏覽
今日約咗朋友去旺角買波鞋買完之後feel到有啲肚餓就諗住喺附近搵啲嘢食跟住咁啱經過旺角金雞廣場個friend話上邊有間給菲比較好食咁就諗住嘗試下上到嚟整體感覺都唔錯我嗰間舖應該開咗都有幾年都見到有唔少食客喺度開餐咁我哋都睇咗餐牌都係以西式意粉或者意大利飯為主咁我哋揍點左個煙三文魚野菌忌廉燴闊條面同埋一個黑松露帶子鮮菌繪意大利飯 先黎講講呢個煙三文魚野菌忌廉燴闊條面, 一上到黎你就見到大大塊三文魚肉,好想一淡就搞掂佢。食落口一d都冇腥味 而且好軟滑,入口即溶既感覺。之後再食一淡面,我只能用正呢個字黎形容。個汁調得適到好處,唔會太濃 又唔會太多汁而我叫既呢個睇落就有好多cheese 鋪系面頭,我最鐘意食cheese,簡直系岩曬我心意。個飯食落有好香既黑松露味道, 再嚼真d 仲有帶有鮮味既帶子,我相信鐘意食帶子既人一定會好終於食呢個飯。小食方面就叫咗一個BBQ單骨雞翼, 我地都一致認同呢個雞翼好有特色,有特色得黎佢又真系好好味, 你可以好方便咁一啖擺落口,真系啖啖都系肉,而且佢燒得都一d都唔比出面既燒烤鋪差,老實講,呢個系我食過以黎最好味既雞翼,孜然味再加上佢呢個獨特既醬,味道實在無法擋。由於朋友好鍾意食甜品加上跟餐只需要加35文,所以我哋就跟餐叫咗一件紐約cheese cake 加田園沙律呢個蛋糕食落1d都唔會令你覺得好漏,反而帶黎唔同既香甜感覺。而隔離既朱古力粉特登整到好有美感,最岩我地呢d鐘意影相打card既美少女~哈哈沙律方面正正常常,新鮮沙律菜配上芝麻醬,容易入口。嘢飲方面咁我就叫咗金橘梳打水而我朋友就叫咗一杯青蘋果乳酪呢杯金橘蘇打水份量好足,飲落帶有好濃既柑橘味道 再搭配埋soda水,呢個炎炎夏日, 即刻清涼曬。而呢杯青蘋果乳酪,飲落帶有青蘋果既香味,酸酸甜甜咁,十分開胃。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-05-01
757 瀏覽
旺角好多樓上Cafe,平時都會約一大班friend去食下野玩下board game, 見呢間都唔錯,環境幾好所以今日同朋友黎。店內嘅設計同裝修簡潔,偏白色,又有落地窗戶,俾人好舒服嘅感覺,而且仲有電視。《蜜糖雞翼》$52呢個雞翼幾有驚喜,外皮煎過所以食落會脆脆地,蜜糖分量恰到好處,唔會太甜,肉質好滑,唔錯!《BBQ單骨雞翼》$66份量都幾多,而且同一般食到嘅唔一樣,似雞鎚,仲有燒烤汁,點埋一齊食都幾好味。《特濃芝士薯角》$48芝士醬多到覆蓋晒啲薯角,芝士不過不失唔算特別濃郁,但係都算creamy,薯角新鮮即炸,好脆口,仲有好多煙肉。《意式芝士焗肉醬闊條麵》$98芝士有陣煙燻嘅味道,幾特別,而且每條麵條都掛到肉碎同埋醬汁,肉碎嘅份量都多,麵條好滑,亦都唔會太林,有口感!《卡邦尼煙肉雜菌意粉》$102忌廉汁嘅份量啱啱好,唔會太膩,麵條硬度適中,啱我口味,如果煙肉能夠爆一爆佢食落就會更加香,整體都唔錯。 總括嚟講,呢度嘅食物OK,重點係環境都清靜,可以好好咁同朋友傾偈,聚餐來講都係個唔錯嘅地方。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-30
913 瀏覽
平時見這一間Station 3 cafe喺OpenRice排名都幾高,今日行經旺角就專誠嚟金雞廣場試下!Lunch set價錢合理,選擇都唔少,主打西式主菜,樣樣感覺都非常吸引。大約$70至$80可以吃到lunch套餐連飲品,加$35仲可以有甜品和沙律。前菜沙律作為前菜,沙律都算幾大份,沙律菜非常新鮮,爽脆,味道不錯。因為它俾左很多醬汁,每一口蔬菜都能沾上惹味的胡麻醬。黑松露帶子野菌燴意大利飯一上枱賣相就已經好吸引,已聞到濃郁的黑松露香氣,意大利飯煙韌,軟硬度適中,口感豐富。帶子份量都唔少,切粒,每一粒都好鮮甜,上面亦都鋪滿芝士,每一啖都有黑松露和芝士的鹹香,好好食!泡沫咖啡餐廳的拉花好靚,用上朱古力和焦糖醬,拉出非常復古的花瓣,咖啡味道很出,好飲!意式芝士焗肉醬闊條麵平時好怕食肉醬意粉時肉醬唔夠,呢度肉醬份量夠多,很香甜,蕃茄味道濃郁,肉碎有嚼勁,食到一粒粒的肉碎。闊條麵爽彈,唔會焗得過腍。上面鋪滿芝士和香草,拎起有拉絲!士多啤梨奶昔飲品非常大杯,帶有沙冰口感。士多啤梨味道香甜,上面更有士多啤梨醬cream,讓奶昔更添軟滑口感。特級海鮮拼盤 $98海鮮拼盤分別有炸帶子,炸蝦,炸蟹鉗,炸魚手指和炸魷魚圈。每一款都有三件,所有炸物炸粉都好薄,很酥脆。帶子鮮甜,炸蝦鬆化,魚柳香滑。香草芝士條 $52裏面有濃郁的車打芝士,外脆內軟,沾上沙律醬很惹味。朱古力蛋糕套餐蛋糕見得到餐廳非常有心思,蛋糕賣相好吸引。朱古力味道濃郁,慕絲香滑,蛋糕算係輕盈,食落都唔覺得膩。紐約芝士蛋糕充滿芝士香氣,旁邊更有焦糖醬,一齊食味道很夾。 繼續閱讀
(以上食評乃用戶個人意見 , 並不代表OpenRice之觀點。)