竺扶大班燒味

營業中

休息中

難得今日準時放工，同友人黎到佢公司附近的灣仔街市逛逛，見到這間燒味餐廳好多人買外賣，而且賣相吸引，所以便決定入內試試。餐廳座位都幾多，有卡位又有圓枱。看看餐牌，除了有燒味，還有小菜，不過今天我們倆都想吃燒味，所以沒有點小菜。古井燒鵝燒腩仔雙拼飯，由於剛去到的時候燒腩仔剛剛買完，廚師再燒過，所以我們吃到是熱辣辣的燒腩仔。燒腩仔的皮非常脆口，油脂不算很多，燒肉的味道剛剛好，不會太咸，而且好juicy!燒鵝也是熱辣辣的，鵝皮燒到好鬆脆，油香滿滿，肉質鬆軟多汁，再配上酸梅醬，令減去油膩感和更開胃!金牌四寶飯，很久沒有吃過四寶飯了，而這裡的四寶飯配料有切雞、叉燒、紅腸和咸蛋。切雞雞肉燉滑，雞皮不會太油。叉燒是半肥瘦，所以肉質較鬆軟入味。很喜歡咸蛋送飯，想起了兒時的回憶，特別美味!沙薑雞半隻，沙薑雞雞肉嫩滑，雞肉都幾多，唔會太多骨，而且唔會好肥，配上沙薑醬的咸香，令雞的鮮味更突出天惹味!凍檸茶，這裡的凍檸茶味道跟茶仔一樣，有茶澀味之餘甜度亦剛剛好，不會很淡！估唔到係灣仔橫街內都能食到美味的燒味，唔怪得放工時間這麼多人排隊買回家吃!有機會會再來這裡斬料買回家同屋企人分享!

呢日去灣仔球場打波疫情下都無乜人 幾乎覇晒成個場🤣打完波緊係要醫肚啦行到去街市嗰邊比呢間竺扶大班燒味吸引左因為零舍特別門面好靚好grand入到去坐低座位都好舒服而且貫徹門面好少少燒味店裝潢得咁輝煌已經唔止乾淨企理咁簡單未食都心情靚晒身為星爺fans當然要試下黯然銷魂飯 而且係招牌菜不得不說 坊間好多燒味店都濫用呢個名但呢間真係好唔同叉燒肥瘦適中 入口少溶有𡁻口香口中又帶點甜燒到有少少燶邊 好脆口咬落去好似薯片咁 爽！個蛋好流心 拮落去啲黃鋪滿粒粒分明既白飯好滿足🤤所以忍不住叫多半斤叉燒另外仲叫左豉油雞同紅腸油雞好嫩滑 肉質鮮甜好高質素連紅腸都晶瑩剔透令人驚喜總括來講 十分值得推介無論係燒味定係招牌飯都相當好食👍👍絕對配得起黯然銷魂飯呢個名想好似家燕姐咁試到食神味道真係唔可以錯過如果以後食唔翻點算呀🥺😂

做完嘢喺灣仔諗住買啲現成餸返屋企食，就被呢間鋪頭嘅店員喺門口嘅搖鈴聲吸引左，望到門口嘅易拉架似乎都抵食，於是就買兩盒燒味返去。除咗散叫，佢仲有好多唔同燒味套餐，揀咗份「燒鵝加燒腩仔雙併」（特價$108 ），份量比我想像中多，而且香噴噴，琴埋個蓋都有香氣溢出。燒鵝皮令立立，好正咁！肉質ok!燒腩仔肥瘦均勻，食落仍有肉汁，幾好味。另外叫咗個「三星拱照」（$98），就係燒肉、切雞和叉燒，燒肉基本上就等於燒腩仔，叉燒好腍好好味，切雞都唔會好鞋，有雞味。買幾樣野都送好多醬料，除咗薑蔥、芥末、連燒鵝醬都有兩款，好細心呀！

灣仔有新開燒味餐廳，趁佢新張期內有優惠，即刻嚟幫襯下！餐廳門面裝修金碧輝煌，裏面有很多座位，光鮮企理，仲見到有好多獎項和富豪大廚楊貫一合照照片！ 照睇啲燒味質素應該有番咁上下 ！燒鵝拼燒腩仔 而家做緊特價$108 ，斬料返屋企加餸都抵！畀咗燒鵝髀，皮脆肉嫩滑，肥肥哋有油脂。燒腩仔外皮鬆脆，油脂甘香，入口即化！大班玫瑰豉油雞飯豉油香味清甜，鹹鹹地，雞肉大大件，肉質嫩滑唔嚡口，皮肉中間夾有啫喱狀骨膠原，滋補養顏！黯然銷魂飯 必食推介，用梅頭肉做叉燒，半肥瘦，燒烤至微微焦香，軟嫩鬆化，加兩隻煎荷包蛋，蛋黃流心沾滿每一粒米飯，令人難以抗拒的美食誘惑！

朋友灣仔番工，同佢去左食間新開既燒味店，位置好坐，服務都好好。黯然銷魂鴛鴦飯 $65，裡面有半肥瘦叉燒、雞扒、煎蛋，煎蛋係太陽蛋，蛋汁加埋飯同埋豉油好食，另外仲有大將燒肉汁同埋鳳凰辣汁，提升左飯既味道，唔貴不錯！燒鵝五寶飯 $80，可以免費轉瀨粉、米粉或上湯粗麵，我就揀左湯瀨粉，個湯清清地，燒味濃味，五寶有燒鵝、叉燒、燒腩仔、玫瑰紅腸同埋鹹蛋半隻，燒鵝好香，燒腩仔個皮好脆，叉燒比較淋身，不過都好好食，鹹蛋個黃流出油，不過配飯就再正啲！套餐配凍飲加$7，我叫左凍檸茶少甜，朋友就叫左凍奶茶少甜。

My wife and I do not eat outside for a while due the current coronavirus situation. However, we got something to do in Wan Chai and we met 竺扶大班燒味I think it is new opening of 竺扶大班燒味 because the renovation looks new and clean, which gives us extra confident to the restaurant in the current situation. The staff are also nice and alert their personal hygiene. We ordered a 燒鵝併燒腩仔飯 and a 黯然銷魂鴛鴦飯. They are both delicious. The source is special and different from what I used to taste in other restaurant

古井中的刷子膠燒鵝拼湯渣燒腩仔飯刷子膠燒鵝，切得太細冇哂肉汁，淡而無味，根本都唔知係鵝定鴨。還有食燒味係一定要有熱汁係上碗之前淋返熱啲燒鵝，完全唔識做港式燒味。至於湯渣燒腩仔，一樣切得太細冇哂肉汁，淡而無味，你唔講仲以為係隔夜，即使唔係隔夜但味道同口感真係似係隔夜。唔好以為寫住《金漆招牌》就自認係大班，口號式嘅招客方式，已經過時，點解唔自己做好啲。最後個人意見係街頭買盒雙拼飯去公園食仲過癮🤣

話咁快就放完假，又要開始捱騾仔。今晚唔想煮飯，嚟呢間新開嘅燒味店「竺扶大班」開餐。店舖門面非常搶眼，離遠已經見到門口掛了大大個黑底金字的金漆招牌，既典雅又有氣派。內裡面積不大，不過細心一數，都應該有接近三十個座位，加上環境都幾舒服，淺色牆身再襯以牆上嘅卡通壁畫，裝潢亮麗兼乾淨企理，一洗街坊形象。我哋揀左個大班特餐黯然銷魂鴛鴦飯同一客小菜。小菜配有白飯同湯，而點燒味飯則可免費轉上湯粗麵、瀨粉或米粉，另外亦有一系列可以追加嘅食品。我哋加左碗老火靚湯 (+$6)、凍奶茶 (+$7)、健康的上湯浸菜心 (+$16) 同飽肚的上湯淨瀨粉 (+$18)。是日老火湯為金銀菜豬展湯，湯品用料十足，除了腍嫩清香的白菜和菜乾外，還有鮮香的豬展，湯水清淡順喉，相當滋潤。黯然銷魂鴛鴦飯 ($65)：黯然銷魂飯就食得多，但黯然銷魂鴛鴦飯真係第一次試。原來所謂鴛鴦即係半肥瘦叉燒拼雞扒，唔少得嘅，當然還有荷包蛋，而且仲要打孖上，足夠讓每粒米飯沾上蛋黃汁，加上蛋面淋左甜豉油，絕對是清碗組合！叉燒選用了梅頭肉炮製，邊位烤得很焦脆，咬開即嘗到滿滿的肉汁和脂香，加上以燒肉汁和焦糖上色，絕對對得起「黯然銷魂」之名。雞扒味道亦

同囡囡行過灣仔，見到三個街開咗間燒味店，門面幾金碧輝煌，門前嘅易拉架見到有燒鵝髀飯，好耐冇食過，即刻流曬口水，買返盒外賣返屋企慢慢歎。喺餐廳裏面等外賣期間，見到餐廳幾好生意。餐廳裝修有特色，乾淨企理，店員都好有禮貌，好勤快。外賣大大盒， 燒鵝髀賣相幾靚，拎住已經覺得好香，好心急想快啲食。返到屋企仲熱熱哋，即刻食，燒鵝啖啖肉，皮脆肉嫩，油脂 juicy，香氣滿溢。見到佢哋有午市套餐，套餐都幾多款式，下次再嚟食先。

受朋友所托，四處搜羅口罩寄去美國，行到灣仔終於買到四盒土耳其製造的，二百幾蚊五十個，現在來說是市價，行到肚餓發現有間新開燒味店，櫥窗內掛起的燒味光澤吸引，就試吓，灣仔街市我經常都會經過就是唔覺有燒味店，相信這間竺扶大班燒味正好填補市場空間。燒味飯之外亦有小菜，又可以自帶海鮮代煮，今晚決定加送，買了新開優惠孖寶，燒鵝拼燒腩仔及近一份叉燒，整數200。叉燒刻意切得大片有份量，梅頭肉肥瘦均勻，入口軟棉爆汁，調味入味，仲俾咗好多汁，叉燒汁送飯一流，甜甜地開胃。燒腩仔個皮好脆，十分出色，皮下小肥肉再夾雜瘦肉，口感很好，燒鵝都唔錯，味道豐富，附上芥末、甜酸汁及燒鵝汁。屋企人用燒鵝汁淋上灼菜上面食，健康又好味。親民的價錢，分量十足，性價比高。

Very affordable Hong Kong style restaurant!Ordered some take awayThere’s an extra discount if you are not eating in storeGrilled pork is very juicy Fried pork belly has a crispy skin and very fulfilling texture which is not too hard to chewSand paste chicken is so huge in portion!In love with the different pastes in which you can try different varieties of flavour to match with the chicken!

最近真係少左出街食，一般都是外賣或自煮為主。呢晚就黎左灣仔呢間竺扶大理燒味買外賣回家。本身只諗住斬料回家加餸，眼見甘多款飯類款式，就順手一次過買齊回家開餐。燒排骨 $40/半斤以現在豬肉物價份量算很多，惹味但偏油。燒鵝五寶飯 $80（燒鵝、燒腩仔、叉燒、咸蛋、紅腸）大盒到相等二人份量。燒鵝唔錯，juicy有肉汁。燒腩仔唔會好乾叉燒、紅腸都屬正常水平。黯然銷魂鴛鴦飯 $65 叉燒煎蛋飯就食得多，還加配了燒雞扒，相當邪惡。 調味店家還特意用了秘製鳳凰辣汁。雞扒都幾嫩滑。最滿足梗係甜豉油加兩隻荷包蛋，雙倍邪惡。

🎈竺扶大班燒味 (灣仔)灣仔三角街2-3號華欣閣地下3號舖-----最近受疫程影響少左好多出街食飯 由於個個都成日係屋企食飯 加劇左媽咪煮飯嘅負擔 所以琴日下晝去銅鑼灣做完treatment之後 就嚟咗灣仔呢間燒味舖買咗啲斬料返屋企加餸 等媽咪煮飯可以輕鬆啲☺️-#蜜汁叉燒 （半斤-$68）🐷半肥半瘦嘅叉燒刷上濃郁嘅蜜汁之後 色澤紅潤誘人 食落肉質豐腴軟腍 肥嫩多汁 吞完落去之後 滿嘴嘅香甜同油香久久不散 令人欲罷不能 全家都讚不絕口 好耐都無食過咁正嘅靚叉 下次煎返隻蛋再加碗白飯🍚就可以係屋企自製黯然銷魂飯🤤-#沙薑雞（一隻-外賣$88，堂食$188）🐥相對完美嘅叉燒 呢個沙薑雞就相對失色 失色並唔係因為佢唔好味 只係因為叉燒實在太美味 嫩口嘅雞肉調味不過不失 正正常常 外賣真係好抵食 比堂食足足平一百大銀 非常划算 性價比高 係屋企加餸嘅好選擇😄-#惹味秘製手拍青瓜（$25）🥒帶有微微辣 但又不過辣 配埋香脆嘅手拍青瓜 確係幾惹味又開胃-----👶🏻B仔整體評價：8.1/10個👍🏻👶🏻B仔抵食程度：8/10個👍🏻👶🏻B仔環境評分：外賣yo👶🏻B仔味道評分：8.5/10個👍🏻👶🏻B仔回

燒味來講一定係香港人既加餸必備菜式啦咁岩經過見到呢間新開既燒味店做緊優惠 即刻斬料返屋企試試佢店舖係位於灣仔既街市入面非常之就腳 買完餸順便加餸食今次點左既係有乳豬+燒鵝 再加上半隻沙薑雞價錢唔算貴, 而且有更吸引既優惠套餐圍起上來真係幾抵乳豬+燒鵝拎緊行返屋企個段路已經聞到勁香乳豬係非常之咁脆皮, 而燒鵝肥瘦適中必須要連皮食咁樣先係最正宗最好味!!沙薑雞半隻既份量都唔少, 而且肉厚點一點個沙薑雞醬汁味道一流

宜家疫情關係好多時午餐都外賣番公司食就算，減低面對人群聚集嘛。今日落左黎灣仔三角街買呢間新開嘅燒味店。呢度裝修眼前一亮，門口已經金光閃閃，員工制服亦係金色！啲碗碟都幾有心思，下次有機會真係要黎堂食一下。落單後5分鐘就有得攞。就算係外賣，賣相依然有條理，唔會亂曬龍。落單時老細見我考慮咁耐，就推介我食呢度招牌黯然銷魂飯（$65），有兩隻半熟蛋、半肥瘦叉燒、蜜汁雞扒！蛋真係煎得幾完美，外面唔會起焦，入面又夠曬流心。雞扒調味係甜甜地，切開一舊舊方便夾。係雞髀肉，好嫩口。另外同事就揀左燒鵝+叉燒飯（$56）。同食話叉燒半肥瘦真係好得，外面甜甜，入面肉質軟熟，脂肪分佈好好。燒鵝配合酸梅醬亦好正，都係啲嫩滑部位。老闆介紹呢度嘅燒味都係係自家廚房燒，新鮮出爐，絕對唔係新界燒完落黎攞黎賣架！