竺扶大班燒味

營業中

休息中

很多人說灣仔很難搵食，近日我同朋友就想打破呢種講法，四處捐窿捐罅搵好西。皇天不負有心人，竟然搵到一間回頭率極高的燒味餐店，餐廳位於灣仔街市裡面，如果不是街坊發現呢間餐廳的機率不大，幸好我用人肉搜尋，四處探訪轉角尋找出「竺扶大班燒味」，很有執到寶嘅感覺。不要以為在街市內的燒味店裝修設計老土，「竺扶大班燒味」一點也不老土，設計新潮，職員制服也有精心設計，真了不起。必食「 黯然銷魂飯」 賣上超靚打卡一流，兩塊半生熟的煎蛋見到已經很治療。 叉燒鬆化軟腍，燒烤味加蜜糖味香濃，蛋醬融合在叉燒豉油汁跟飯一起食，超滿足。另一個高水準的燒味，較有男人浪漫的燒肉必點， 乳豬及燒肉都是入我最愛的燒味。「雙拼乳豬及燒肉飯」燒肉皮脆肉香，沾上自家秘製的芥末醬後更增惹味，乳豬一點也不肥，少許肥膏皮脆瘦肉也多非常優質，令人回味無窮。「鵝汁菜芯」遠遠都聞到鵝汁香，菜花脆綠新鮮，果然美味。是日例湯「 青紅蘿蔔瘦肉湯」，湯底清甜，湯料十足，不太覺得湯裡加了味精。朋友點了一杯熱檸檬水，餐廳用了一個有高貴圖案的杯裝上，太靚了吧～而我點了凍齋啡，味道合格。燒味款式齊全，價錢合格，水準優質，性價比高，值得常常來幫襯。

作為一個港產麻甩佬又點會唔鐘意食燒味飯呢，今次食呢間響灣仔三角街，匿埋咗響街市群入面嘅燒味店，雖然周圍都係啲街市檔，但舖頭入面乾淨企理，而且仲有一堆獎盃，睇嚟係猛人開的.同朋友叫咗兩個飯，一個係黯然銷魂鴛鴦飯，有叉燒雞扒同埋兩隻煎蛋，夠哂黯然！呢度嘅叉燒標榜係用上波蘭黑毛豬，除咗夠矜貴之餘肉味仲好香濃，咬落肉質亦彈牙唔黏牙，而且好重蜜糖味，甜甜的幾好味，唯一係半肥瘦食落唔夠過癮，我會想食肥叉更多，至於雞扒意外地有驚喜，外皮香脆扒肉嫩口，其過癮之處係用返叉燒個汁調味同樣係甜甜地咁好追食.至於另一個燒鵝五寶飯就接近返平時燒味飯嘅感覺，叉燒/燒腩仔/紅腸/鹹蛋，仲有主角燒鵝都好講究，要用九個月大嘅佛山黑鬃鵝，製作方法亦同坊間有啲分別，食落外皮更脆，肉質亦冇羶味夠嫩口，雖然價錢比一般燒味貴，但用料同做法都有唔同，可以一試喲

最近有朋友食過,這新開的燒味店覺得唔錯，所以介紹我去，一入店就見到較新的裝潢風格，仲有幾幅幾有趣的背景，加上店內的招牌燒味，好似招式名一樣掛在旁邊燒鵝五寶飯乜都想試的我，一黎當然就食五寶，有大大舊靚肉的燒鵝，唔少得燒到超好食的蜜汁叉燒，靚紅腸，超脆的燒腩仔，最後咸雞蛋上湯粗麵其實我想食瀨粉，不過通常瀨粉係好快無哂，不過見到有粗麵，我都係第一次見燒味鋪有得揀粗麵食+6蚊老火靚湯見到每日的老火靚湯都會唔同，今日到青紅蘿蔔煲豬骨，一黎到就知道十分足料，飲過無味精上湯浸茶心同樣加多少少錢，又有鮮甜的菜心食，驚只係食燒味太肥膩，有菜心清一清口都好重要冰燒鳳凰雞（例牌）這間鋪的招牌，當然要燒一燒，製法感覺和叉燒差不多，只係用雞肉去燒，然後醬汁上用了秘製鳳凰汁，令到味道更加特別

今晚負責買外賣，收工後行過聞到好香，於是轉入小街睇睇，寧寧舍舍有間好突出而且都幾多食客既店舖，於是就決定試下佢🤗豉椒炒靚蜆無改錯名😂😂真係靚㗎啲蜆，粒粒都有肉，而且幾肥美，豉椒炒好夠惹味👍🏿涼瓜肉碎煎蛋角家常菜既味道🤤 好有水準，唔會煎到油淋淋，拎到返屋企又唔會淋晒🤩黯然銷魂飯係餐廳必點既！半肥瘦叉燒配上煎蛋，看似簡單既材料，但配上秘製既醬汁，確實係好好食😍😍 叉燒係勁好味，下次要再嗌多d燒味🤩

今日放工經過灣仔，見到竺扶大班燒味有好多人排隊買燒味。一望個廚窗，見到美味既燒味流哂口水，就決定買燒味回家加餸。六六大順 (HK$198) 由於所有燒味都想試，就決定叫個六六大順，這包括了燒鵝，叉燒，燒腩仔，切雞，油雞及紅腸。燒鵝果然招牌菜，燒鵝皮薄香脆，皮下脂肪唔多，簡直是皮脆肉嫩香滑可口。加上燒鵝有特別的煙熏味道，別有一番風味。燒腩仔燒到卜卜脆，外層豬皮入口香脆，肉質鬆化爽口，不會覺得太油膩。切雞及油雞，師傅掌握好浸雞的時間，肉質嫩滑，配埋蔥油一齊食，正！ 半肥瘦叉燒烤得外焦內嫩，不會燒得太濃而且能鎖住肉汁，加上蜜汁味香濃，送飯一流。紅腸用鹵水味醃製過，有陣陣甜豉油的味道。

燒味係一門以火結緣既食材，將火用得出神入化。平時無論係一家人斬料加餸定係打工一族為求快靚正，一盒燒醫飽個肚，都可以話係生活上不可缺少既一部份。尤其竹我由細食到大，見證住我既成長。就算身處外地，水準同香港本土出產既都係差幾皮，呢個就係香港獨有既文化，而今日我就再次回味灣仔呢間「竺扶大班燒味」既風味！👇📌竺 扶 大 班 特 餐 - ▪ 全港首創 · 黯然銷魂鴛鴦飯 - $65▫ 必試既一定係呢到既黯然銷魂鴛鴦飯，點樣為之黯然？又點為之鴛鴦？咪就係除左半肥瘦叉燒之外，加多塊雞扒斬件上同埋仲有最靚既荷包蛋囉。但最重點呢個飯既精髓就係個醬汁，餐廳用左自家製鳳凰辣汁調味，令成個飯底更加香濃惹味；而叉燒食落軟腍入味，肉質肥瘦相間；雞扒完全唔乾身，外皮仲煎得夠焦香；除左食到本身果份油香外，仲好有咬口，認真唔錯；荷包蛋蛋黃顯見，撈埋個飯一齊食就最岩feel啦！📌竺 扶 大 班 小 食 - ▪ 鵝 汁 菜 芯 - $20▫ 菜芯色澤帶光，唔會太老，入口新鮮爽口，抵食，為簡單既午餐吸收更多既營養！

椒鹽腰果雞軟骨$88雖然係外賣返屋企，但佢個雞軟骨仲係脆卜卜，腰果亦都夠多，攞嚟送酒一流。豉椒炒鵝腸$88超級惹味呢一個炒鵝腸。豆豉味好重，而且每一條鵝腸炒到到非常之入味，鵝腸煙煙韌韌，肥膏唔算太多，好送飯。竺扶大班小炒王 $98呢一個小炒王又係超級足料，韭菜冇渣，好好食。入邊有菜甫，蝦乾，腰果，魷魚等等，每樣味道好惹味，送飯都係一流。it has been a while for me to dine out. therefore, it was very convenient for me to have a choice to have delicious takeaway for dinner. I will be back some other day!!!!

今日放lunch想食下燒味飯，就決定試一試呢間餐廳。.黯然銷魂飯（$55）呢個飯嘅賣相已經好吸引，有成兩隻太陽蛋，可以用d蛋漿黎撈飯，好香🤤。而呢度嘅叉燒真係好正，每一件都係半肥瘦，而且個叉燒汁都好惹味，有少少甜甜地，同d叉燒都好搭😙。.冰燒鳳凰雞（無骨）（$48）一黎到已經見到好大塊雞扒😍，而個雞扒同樣係用左叉燒汁，而雞扒非常滑身，肉質鮮嫩可口💕。.老火靚湯（$6）呢度加個湯只需要$6，仲平過一杯凍檸茶，真係好抵，而且呢個係合掌瓜粟米排骨湯，自家煲出黎，健康之餘又好飲🤩。

去朋友屋企玩，上去梗係要斬啲料先，咁啱朋友住灣仔，之前聽講灣仔開咗間新開嘅燒臘店，平時啲燒臘店感覺都係唔係好乾淨，呢間新開，新裝修嘅燒味店一改我對燒味店嘅印象。-舖頭裝修新穎，感覺完全唔似平時啲燒味店。聽講仲係大廚坐鎮，本身想試吓佢嘅馳名乳豬同埋燒腩仔，可惜去嘅時候已經太夜，咁唯有下次再食啦。今次叫咗四喜臨門，揀咗燒鵝叉燒油雞同埋汾蹄，再加多個滷水豬腳仔。咁多樣野加埋都係二百幾蚊！-滷水豬腳仔滷得好入味，好啱送酒！燒鵝入口皮脆肉鬆，唔會太過肥，再加埋佢自己自製嘅酸梅醬，個醬酸酸甜甜👍🏻好開胃!叉燒肥瘦適中，少少燶邊嘅叉燒，外皮有蜜汁，咬落去肉味香濃，忍唔住口食咗好多舊。

放工後要吃住家飯但又無時間買餸，燒味就成為加餸斬料的不二之選，今次就到竺扶大班燒味買外賣回家。竺扶大班燒味老闆曾任酒店總廚，精通多款中菜，自立門戶開燒味店。外賣自取很有效率，只需等約5分鐘就已包妥。這晚就點了兩盒燒味雙拼 $98，足夠一家四口一起分享。油雞配叉燒 $98油雞表皮色澤油亮，豉油汁保持清淳不濁，鹹甜得宜，肉質嫩滑夠入味，雞皮雞肉都充滿豉油香。叉燒色澤鮮亮帶焦香，帶有焦香燶邊，外微脆，內封汁，混合麥芽糖及蜜糖，味濃甘香，採用波蘭黑毛豬脢頭肉，肥瘦度適中，油脂分佈平均，口感比傳統叉燒的更細緻鬆軟，完全發揮豬種的優點。燒腩仔配汾蹄 $98有點可惜長途拔涉回家後，燒腩仔外皮已經不脆，肥瘦相間的燒肉，充分吸收醃料的味道，滲出肉香。夏日炎炎最好來個冰涼冷盤，汾蹄的豬皮外圈爽嫩富彈性，肉質結實爽口，沾點酸醋，更加開胃。

今日收遲工 好鬼攰所以就買外賣返屋企食經過樓下見到呢間燒味幾吸引 未試過所以就揀咗呢間叉燒豉油雞上湯瀨粉呢個係女朋友食嘅估唔到都幾足料叉燒大大嚿油雞啖啖肉叉燒肥瘦適中仲好香蜜糖味我就嗌咗個燒鵝燒腩仔鵝汁撈粗同樣燒肉都係大大嚿燒鵝燒得好香加$10嘅鵝汁撈粗真係值得㗎 好鬼入味好香 買多咗個砂礓豬手粒以為佢$38會得少少點知都係咁鬼多搞到食唔晒 擺落雪櫃聽日再食砂礓味好重好香 豬手整得好淋好入味有肥有瘦再整返碟上湯浸菜心一餐豐富嘅晚餐咁就Perfect下次可以返啅

天氣熱辣辣，唔想煮飯，最好就係買外賣返屋企，開大冷氣慢慢歎。去咗灣仔三角街嘅竺扶大班燒味買外賣，呢間燒味舖好易搵，離遠已經見到好多易拉架 ，又有金光閃閃嘅招牌，櫥窗掛有好多肥美juicy嘅燒味，流曬口水呀。點咗兩盒飯，一個係燒鵝拼紅腸飯，一個係燒鵝腩仔飯， 加7蚊配豆漿。燒鵝肥美，油脂豐富，咬落去爆汁，好香鵝味。燒腩仔返到屋企仲係脆卜卜，啲飯軟硬適中，熱辣辣。食完好滿足，下次屋企唔夠餸，又落去斬料返屋企加餸先👍👍

地點是位於一個灣仔的小巷子裏，灣仔地鐵站出去行五至8分鐘便可去到。餐廳主要都係賣燒味，聽講呢度嘅暗然銷魂鴛鴦飯好出名，我好想試，但內心又好想食鹹蛋，最後都係揀咗五寶飯。五寶飯內有燒鵝、叉燒、燒肉、紅腸同埋鹹蛋。我好鍾意呢度嘅叉燒、燒鵝同燒肉。叉燒半肥瘦，色澤好靚，再加佢既焦香脆邊，真係幾出色。呢間燒肉個皮堅係脆卜卜，唔係個種要好用牙力咬既皮， 所以我都食曬。燒鵝就唔洗講啦，一定係好味。呢度既酸梅醬係有個碟仔另上，唔係一包包個種，愛酸梅醬的人可以加好多係燒鵝上面一齊食，正。我另外order 左杯凍檸茶，埋單都係80幾蚊。咁多樣野， 好抵食 又飽肚，加油，支持。

趁今日無咁熱 行遠少少買lunch😗經過呢到 見到門口咁多人 就停低八卦下😂係門口審視下啲燒味 🧐色澤唔錯 咁就試下佢啦 叫左原隻古井燒鵝脾飯因为平時燒味鋪啲野飲都唔得所以原本係唔叫野飲 但望住啲人包外賣目測質素唔差 又走去叫左杯 🥤凍檸茶 +$7食完覺得好高質上網search下呢間鋪原來大有來頭😱 好彩揀左燒鵝脾但其實叉燒都大有來頭....😍 講明用波蘭黑毛豬 大火燒完用細火烤 中途落兩麥芽糖同蜜糖唔怪得咁多人食!!!🦢原隻古井燒鵝脾飯 $120老闆對原材料極講究用9個月大既佛山黑鬃鵝黎做燒鵝隻脾超多肉😋😋😋食落肉質超滑而且肉汁豐富但又唔覺得膻 個皮仲好香脆啲飯都沾到醬 啲醬多到爆 甜甜地岩曬我食平時係灣仔食個飯都$80 呢隻脾咁足料又足功夫先$120!

燒味飯可以話係香港嘅地道美食之一，好多港式餐廳同街市都好容易買得到食得到！今晚收工就決定黎呢間新開張嘅食下，位置唔算好起眼，喺街市附近，但坐入去觀察到晚市都幾旺場！黯然銷魂鴛鴦飯 $65，餸就有燒雞扒同叉燒，叉燒肉質好林，林到都唔洗點咬就已經喺口度溶化，的確幾有驚喜！燒雞扒亦味道不錯，但同叉燒比相對一般啲！個汁未上菜前Menu就話個名叫鳳凰辣汁，食落甜甜地，反而唔太辣，但都好味，送飯一流！燒鵝燒腩仔雙拼飯 $56，係燒鵝髀呀😍 見佢皮下嘅脂肪應該係被師傅去除左，食落口感就香脆唔油膩，配埋較甜嘅酸梅汁，好味！燒腩仔就肥瘦適中，外皮亦好香脆可口！嗌左兩個小菜，沙薑豬手粒 $38好入味，但個人中意淡味多少少，而家稍微重口味左啲！份量都好多下，呢個價錢都好相宜下！另外上湯浸菜心$16，價錢亦好優惠！豆漿；熱檸蜜