竺扶大班燒味

營業中

休息中

喺灣仔食燒味，好多人都推介呢間店，裏面環境都好靚，新嘅感覺，非常乾淨。燒味方面亦都有多款選擇，價錢明碼實價，除燒味外亦有小菜，不過我見多數人都叫燒味，我都叫燒味斬料返屋企加送！媽子話比$200我斬料，咁我就唔客氣啦，叫咗$98自選兩款燒味，選擇左燒腩仔同切雞。因為唔想佢找錢，所以其餘$102就叫咗叉燒（本身例牌叉燒係$98 ，加多幾蚊就重多少少）燒腩仔個外皮金黃香脆，而且鹹味適中，肥肉同瘦肉嘅配搭均衡，肉質裏面仍保留應有水份。切雞係髀位，滑到不得之了，口感一流又夠新鮮。叉燒見到個表面反晒光，蜜汁非常充足，而且質感唔會太瘦，有少少肥，極度邪惡⋯下次食燒味都會繼續揀呢間，下次就試吓其他燒味或者小菜啦！

這段時期因為疫情關係我都少咗出街食飯，但係就多咗買外賣返屋企慢慢嘆，經過灣仔呢間燒味店，門口已經聞到好香嘅燒鵝味道，忍唔住叫返兩個外賣先得！門面嘅招牌燈光好Sharp、好有霸氣，入面嘅燈光好明亮，加上精心裝修，感覺好乾淨好舒服添，見到堂食嘅客人食得好滋味。餐牌食物種類款式好多，仲有特餐選擇，經濟又實惠，等咗10分鐘左右就有外賣可以拎返屋企了。當中的全港首創黯然銷魂鴛鴦飯夠晒吸引，係呢度嘅招牌飯，配上我最鍾意食嘅半肥瘦嘅叉燒，肉質鮮嫩嘅雞扒，加上香噴噴嘅煎蛋，認真豐富，不過最特別係佢嘅秘制大將燒味汁及鳳凰辣汁，真係好滋味，可以送得幾碗白飯！平時少湯水飲，燒味飯加$6已經有老火靚湯飲，飲落去真係啖啖真材實料，好鮮甜呀！朋友就叫了佢最鍾意脆卜卜外皮嘅燒肉及好大隻燒鵝髀，加埋最鍾意嘅薑蔥油，他也大贊好美味好Juicy。我哋二人食得咁豐富都只係叫咗$200有找嘅外賣，而且又食得滿足，原來外賣返屋企食都可以食得咁滋味㗎！

今日同老公去灣仔收樓，之後行過三角街，在街市入面見到呢間燒味店，門面金碧輝煌，店內以金色併木傢俬，更見乾淨企理🥳🥳😎😎黯然燒魂飯~叉燒肉質鮮嫩，肥瘦適中，蜜味豐富，職員話係用野山蜂蜜整，不加額外糖漿，所以不會太甜搶去肉鮮味。再加2隻太陽蛋，蛋汁浸落飯加上豉油，撈飯之選🤩🤩叉燒燒腩仔飯~燒肉外皮香脆，清楚見到一層肥一層肉，咸度啱啱好整體來說，CP值好高，2個飯+2杯飲品都只係$119，今晚今日真係好抵職員服務好好，會細心介紹食品給客人。😊😊

麻甩系吃貨最滿足的瞬間是四寶飯，椒鹽鮮魷，凍檸茶。蜜汁叉燒鬆化，又甜又juicy 肚餓到發癲所以要食四寶飯如果唔係我會叫碗黯然銷魂飯有隻煎蛋配叉燒都好開心啫🥳椒鹽鮮魷好彈牙 略嫌炸粉厚咗少少不過已經算好好食👍🏻平時食晚飯都經常叫椒鹽鮮魷食過好多間，呢間算係數一數二咁彈牙茶餐廳凍檸茶係零舍不同🍹茶味濃郁又唔苦有啲味道只會在茶餐廳飲到❤️最近好黑仔無論幾黑仔都要好好食飯百幾蚊就食到好滿足找快樂都不是這樣難☺️

今日行經灣仔三角街，見到好多人在排隊，原來係買和等攞燒味，其實我好少食燒味，但今天卻被一排排的燒鵝和乳豬所吸引，我一於唔執輸排埋一份，買燒鵝和乳豬去阿姨家和她撑抬腳先。單看窗櫥已經非常吸引，在等外賣的時間我當然把握機會和伙記閒聊，原來竺大班啱啱開業4個多月，老闆曾任大酒店總厨，亦是法國藍帶主厨，得獎無數，每天新鮮出爐燒鵝已有6O至7O隻，過時過節可賣高達90隻，所以我一定要試吓呢度嘅燒鵝。今日好幸運呀!啱啱等到剛剛出爐的燒鵝，真係香氣四溢，令人流哂口水，好想即刻食。乳豬拼燒鵝$188~乳豬皮好鬆脆，肉好嫩滑， 蘸埋秘製乳豬醬，甜中帶咸，非常滋味。燒鵝皮脆有光澤，肉質厚而富彈性，肉汁豐富，鵝味香濃，蘸秘製酸梅醬，梅味特濃，酸酸甜甜的，超美味，好正呀!黯然銷魂飯$55~半肥瘦叉燒+煎雙蛋+2條菜+熱辣辣軟綿綿的白飯就成為黯然銷魂飯义燒是用波蘭黑毛豬的脢頭肉燒成，肉味特別濃郁，厚切，外表焦香帶蜜味，肉質鬆化，份量不少，好好味，亦好抵食。蛋表面和蛋邊煎至金黄香脆，加番少少甜豉油已經很好味。

因為疫情好耐無出過街，突然心血來潮好想食燒味飯, 但又唔想去樓下酒樓, 因為樓下酒樓啲叉燒唔好食😂所以最後揀咗出遠少少去灣仔食一間地道嘅燒味飯。經過小巷會見有間鋪, 門面光鮮又亮眼。裝修係似新式茶記點左叉鵝飯同叉油雞飯, 仲有例湯。例湯有好多湯料飲得出係無添加味精唔太鹹又夠熱叉燒肥瘦適中岩岩好,，顏色好靚好吸引，肉質食落軟嫩又多汁，再加上甜甜地嘅叉燒汁撈飯一流。師傅比左燒鵝脾我地 啖啖肉鵝皮燒得好香脆 最緊要個飯吸曬啲鵝油！油雞肉質夠曬滑唔會嚡 平時我都唔會食塊皮因為太油但依個我連皮食埋 因為個皮好入味 入口又唔會好油配埋蔥茸一齊食 可以食兩碗飯

喺灣仔呢個鬧市其實好簡單，價錢平貴都有，今日搵到一間價錢好抵但係質素唔錯嘅燒味餐廳，所以都打篇食評同大家分享吓。有餐廳嘅位置稍為偏僻，但係唔算遠離鬧市，只係喺條大街轉了一條小路就會見到。午飯時間間間餐廳都好多人㗎啦，當然呢間燒味餐廳都唔例外。餐牌其實都係幾款有名既燒味反，價錢真係好抵食。同事叫咗個滑蛋叉燒配飯，份量好多而且啲炒蛋非常滑。我就叫咗燒攬仔伴燒鴨反，非常脆皮，配埋啲芥辣同埋酸莓醬，非常入味。加幾蚊有埋杯嘢飲，午餐大滿足。

呢間燒味舖呢肥雞又覺得室內裝修非常之得意,玻璃窗廚嗰度掛住一隻隻燒好咗嘅燒鵝，燒鴨，燒雞同埋乳豬，真係未食都覺得吸引，咁肥雞就嗌咗個乳豬拼盤，同埋半隻燒鵝，因為係啲姐姐推介嘅，先講佢個乳豬先，佢個乳豬皮非常之香脆，肥瘦適中,咬落去滿滿嘅油脂喺口腔爆發出來，佢嘅燒鵝都燒得好出色，配埋酸甜嘅梅醬，真係送飯一啖接著一口。而且再嗌埋佢個招牌雞扒，反而呢個肥雞覺得普通，最正係佢嘅小炒王，非常之野味，大大條嘅魷魚配埋香口嘅腰果真係非常之送飯肥雞嗰晚都食咗兩碗。

同老公去灣仔道四圍行，買下生果蔬菜海鮮，順便揾下好野食，不過突如其來的三號波，即刻改變計劃，經過間新開燒味餐廳，即管改外賣會家嘆，見到 d staff著制服係門口又落力叫賣，而玻璃內掛住嘅燒味也是吸睛之處，熱辣辣新鮮出爐喎，就幫襯下吧。決定食什麼啦！ cashier落單唔使等太耐就已經可取，6mins內已包妥，共買左2盒飯同一份豬手仔，回家同媽媽分享吓！黯然銷魂叉燒鴛鴦飯 $65 價錢好似比其他店高。 回家打開就知足料份量大，男性絕對夠飽，好彩三人 share二盒咋！2隻荷包蛋+ 膿邊肥叉同雞扒，超啱我老公識食更係呢款肥叉，香口軟淋配口白飯超滿足。啖啖肉香煎雞扒配埋個泰色辣汁，掂呀！我貪心兼胃食更係一次試都幾樣囉 揀左。。。燒鵝五寶飯 $80 一開被隻脆皮鵝脾驚喜，皮脆肉香燒肉，淋滑叉燒，普通紅腸，還有靚鹹蛋半隻添，調味適中味道有水準，怪之得咁多人買外賣啦！ 燒味水準高，樣樣外賣回家還暖嘅，無需整翻熱。滷水豬腳仔 $68留待晚飯加餸，呢兩盒真係三個都食唔晒。豬腳仔滷得好入味濃，食時還有嚼頭，唔會過火，佐酒恩物！

個個都去食黯然叉燒飯等我又去加餸斬個料試下先.《六六大順》為了一次過品嚐哂呢到各類燒味一於食個大雜燴 咁就六款都有啦但係輪到我既時候叉燒就售罄了😩實在太好賣喇 下次要放早d先斬到大舊叉燒唷.Any肥 呢的6合一拼盤都仲係好正師傅話斬多d其他料抵消返無哂叉燒添- 燒腩仔🐖好脆啊個皮 正- 燒鵝🦢肉唔老 皮又薄 正- 油雞🦃個皮啡色 但唔會好感- 切雞🐓油份適中 唔會太油膩 肉保持鮮嫩- 紅腸🧲我兒時最愛 阿媽斬料 個個爭食雞脾我就要食紅腸 妹仔肚 哈哈

一般燒味店嘅裝潢都好陳舊，呢間餐廳一反傳統，裝潢比較新穎，感覺都衛生啲😝黯然銷魂鴛鴦飯 （$65）所謂鴛鴦其實就係半肥瘦叉燒和烤雞扒，再加煎蛋～ 佢嘅叉燒好好味，肉質鬆軟，外表燒得微燶，配上蜜汁非常惹味😊 烤雞扒肉量很多，雞皮烤得薄跪，不過雞扒就烤得略為乾身～ 呢個價位嚟講呢個鴛鴦飯好足料抵食啊～古井燒鵝+化皮乳豬燒味飯 （$68）燒鵝肉質柔軟，香味十足～ 乳豬皮肉分離，乳豬皮烤得偏硬，而肉質都幾軟腍可口～惹味秘製手拍黄瓜 （$25）我都幾中意呢個手拍黄瓜，黄瓜清爽可口，醬汁酸辣醒胃，係食左咁多肉之後用嚟解膩一流😊上湯浸菜芯 （$20）呢個係好正常嘅味道啊，上湯味道咸度適中，都係好適合用嚟解膩☺️整體來講，我幾推介呢間燒味店嘅叉燒和手拍青瓜😝😝

係灣仔嗰頭住，而且一直都想試一間有水準嘅燒味飯餐廳，所以今次就嚟到呢間竺扶大班燒味試下。首先喺門口已經見到佢個招牌冠冕堂皇，然後側面都放咗幾個餐牌供應比人哋睇，之後入到去發現好多人，好旺場，所以我哋決定咗嗌外賣拎走。而我今次就叫咗佢個招牌菜式”黯然然銷魂飯”同埋’‘古井燒鵝+燒腩仔”雙拼飯。打開個飯盒見到兩盒份量都好足夠，而且食材好豐富。本人對食叉燒都有一定嘅要求，而我覺得呢間叉燒好香口，燒得剛剛好，燶得來唔會有焦味。所以你哋鍾意食重口味嘅人可以試吓。燒腩仔拎到返屋企個皮仲係好脆，好似啱啱新鮮出餸。而且價錢合理，都係50幾蚊一個雙拼飯。下次會再繼續幫襯👍🏻👍🏻

今日去開灣仔做嘢，突然好想食燒味飯，見呢到嘅Staff 咁落力推介我食，咁我就試試佢啦。入到去，見到啲裝修都好精緻，有好多畫，又好有懷舊香港嘅感覺。忍唔住影左幾張內景😆入返正題先，我同朋友叫左1️⃣黯然銷魂鴛鴦飯（半肥瘦叉燒+雞扒+煎蛋）有好多年業餘食叉燒經驗嘅我，一黎就緊係即刻試試個叉燒啦，雖然係一啲都唔專業😂但我可以話係我暫時食過最好食嘅叉燒，佢唔單止可以燒到有種乾脆嘅口感，而且仲可以鎖住肉汁，勁Juice. 真係好值得一試👍🏻👍🏻👍🏻2️⃣冰燒鳳凰雞（無骨）呢個係一塊用燒叉燒嘅方法整嘅雞扒、有小小似分子料理嘅感覺😆即係你明明食緊果個味道，但其實佢係另一樣嘢黎。我食食下真係覺得自己好似食緊叉燒😂所以呢個個味係同叉燒好似架

估唔到係一間街坊燒味店會搵到超高質叉燒🤩質素同星級酒店中菜館有過之而無不及但就係極平民價超抵食❗️用上梅頭肉肉質非常鬆軟又juicy鐘意佢特別多燶邊 燒得勁焦脆蜜汁比一般的更惹味同重蜜香而唔死甜真係超高質💯咁靚的叉燒真係會食上癮🙈忍唔住買多半斤叉燒($68)同半隻豉油雞($78)外賣返屋企晚飯加餸黯然銷魂鴛鴦飯 | $65半肥瘦叉燒、雞扒、太陽蛋雞扒都非常不錯 好嫩又入味個飯吸收哂叉燒的蜜汁、豉油同蛋漿超好味真係話咁易清哂成碗飯

竺扶朋友話灣仔有間新派燒味店幾好味，個老闆當年28歲就做左酒店總廚，仲拎過法國藍帶美食會會員勳章，好似好勁咁！今日難得經過，就斬料返屋企加餸，試一試啦。外面望落同平時嘅燒味舖一樣，但一入舖頭，就見到成排獎盃，牆上仲有幾有趣又中西合璧既卡通，最cute係連店員既制服都配合埋，成間舖頭嘅風格非常突出。重口味人士如我首先當然要叫份肥叉多汁啦！個樣勁靚，見到都好想即刻食😆原來佢既叉燒係用波蘭黑毛豬脢頭肉整，所以肉味濃郁又滿口脂香，仲有醃得好入味既蜜糖香。我最鐘意佢火喉控制得非常好，肉質保持到鬆軟之餘，仲有我最鍾意嘅焦香燶邊，好惹味😍 好耐冇喺酒店或者高級中菜廳外食到咁滿意嘅叉燒，呢個價錢，呢個質素，可以上神枱....我比滿分！豉油雞店員話呢度既豉油雞係用本地雞按古法製作架，當然要試一試。首先，冇諗過半隻雞豉油雞份量都會咁多架，望住外皮油亮，顏色均勻既豉油雞，忍唔住即刻起筷！一啖咬落去，肉質有彈性，口感嫩滑。豉油底帶有少少玫瑰味，提升左層次。店員仲好細心咁俾咗薑蓉我地，雖然佢地既豉油雞已經好夠味，但拎d 薑蓉黎送飯又係一流。鹵水豬腳仔聽講呢款唔係日日有，難得撞正有買當然要試吓！一打開個蓋就聞到好