竺扶大班燒味

營業中

休息中

中秋節買了一隻燒鵝，三天前預定，要求六時四十五分取貨，全隻斬上。到取貨的時候，店員就把燒鵝裝進兩個發泡膠大飯盒， 跟預期的把整隻放進禮盒中不同，跟店員說為什麼不整隻放在禮盒中，店員就用專業的口吻說，剛燒好的燒鵝就要像他這樣放。好！就相信了他！二十分鐘內到家， 發現燒鵝pack得密密， 一層疊一層，熱氣騰騰，燒鵝皮亦軟化，一點也不脆！中秋夜的一款主菜，好好的燒鵝經驗就被那一個店員糟蹋了 ！一點也不好吃，就是要告訴大家這間公司店员的服務，請小心！！！

最近轉工到灣仔，午飯時間都會到灣仔街市行逛，經過三角街，於竺扶大班燒味門外，總會見到不少人買外賣，原來叉燒及燒鵝均是其招牌燒味，就趁放工時間買其外賣加餸。竺扶大班燒味門面很光鮮乾淨，與一般燒味老店裝修很不同。六六大順六六大順款式最多，計有叉燒、燒鵝、紅腸、切雞、油雞及燒腩仔。叉燒很多時都會太瘦，肉質很硬。竺扶叉燒採用波蘭黑毛豬脢頭肉，肥瘦適中，油脂分佈平均。叉燒醃得入味帶蜜糖香，肉味特別濃郁，吃起來肉質鬆化。燒鵝斜切，表皮不多，未知是否脆皮。燒鵝皮下脂肪不太多，不會滿口肥油，肉質細嫩多汁。紅腸入口亦比一般的肉質軟嫩，算是不錯。油雞表皮色澤油亮，鹹甜得宜，肉質嫩滑夠入味，雞皮雞肉都充滿豉油香氣。

今次介紹既餐廳唔係普通野！連叉燒都係用黑毛豬黎燒!!有日我見到有人介紹呢間燒味，於是就去試試，係灣仔搵左一輪，估唔到間野係座落於街市入邊，同周圍賣菜賣肉嘅店融為一體，平凡嘅環境同裝修，有不平凡嘅燒味！-古井燒鵝拼叉燒 ($46 下午茶)$46就食到靚燒鵝！一咬塊皮就爆油香，鵝肉夠香，配上獨特既冰梅醬，中和油膩感又超開胃。另外叉燒蜜汁超夠，燶邊夠甜夠脆夠邪惡，一咬鬆軟唔鞋口，比得上酒店中菜館既叉燒。配埋碗靚白飯perfect！燒腩仔一樣皮脆，睇相都見到肥瘦一層層，夠哂均勻，齋睇都知又正又邪惡。老火湯($12)老火湯都高質，鍾意飲湯既話超建議叫返碗！

今日又係星期六,每星期六都會係灣仔食lunch/tea再去上堂,今日就去左食燒味飯,食得燒味飯就梗係食銷魂飯我見竺扶大班燒味既銷魂飯賣相好吸引,價錢亦都十分吸引~~~朋友仔就再加多塊雞扒,雞扒燒得好正,無肥糕,香脆講返銷魂飯.銷魂飯有2塊煎蛋,煎蛋有少少濃邊,十分高水準,蛋黃好香好濃郁,我好鐘意!!!!!!叉燒係主角,軟軟的好多汁,叉燒偏瘦,但都好juicy juicy ~~而且份量都多,食到好飽,真係抵食!!!!!!!!

中秋節斬料加送！點知每樣野都生的出血水紅骨全部都要重新返熱煮過..... 燒鵝紅骨出血水，都好啦....點知燒腩仔更加誇張完全唔熟出晒血叉燒又瘦又硬又多筋！越來越退步不知所謂⋯⋯以前幫襯開見到嘅師傅全部換晒人斬到啲燒味！鬼五馬六好似仲輻射一樣

坦白講，我俾各位嘅大量正面食評吸引，所以今日便買了第一次外賣回家加餸。然後，我切切實實親身體驗到"揾笨一次就夠了"...那唯一的負評(如有興趣，請看3月16日那篇) ，我買之前係睇到，但我唔信。。。點知，買六合彩又唔見我中，今日中曬~伏！正所謂，有圖有真相！蜜汁叉燒半斤$68：1. 真係好鞋口，真係紙皮咁乾2. burnt到兩舊又大又厚嘅炭，咁大舊炭都秤埋俾我，多謝 (有幾大舊炭？ 一舊炭等於至少兩舊叉燒，而我半斤就有兩舊大炭。。。唉！)炭~~~~氣，byebye!!!!!

第一次嚟幫襯呢間新式燒味店，店面非常金碧輝煌，近收銀櫃位更擺滿獎盃，顯見老闆必定大有來頭，店內環境真係非常乾淨整潔兼光猛，服務員嘅公司制服夠哂新潮，而且對客人又彬彬有禮，我一坐低睇吓Menu，就叫咗一個燒雞飯$48，再轉咗鵝汁撈粗(需另加$10元)，即係$58元，另外再加一碗例湯$6元，total：$64元，價錢有D偏貴，但真係好食，尤其係個鵝汁撈粗，一嚟到枱面就聞到香噴噴，食指已經大動，再加埋個鳳凰辣汁一齊食，超惹味！雞扒方面其實係蜜汁燒雞肶，不過起咗骨，雞皮燒至有D燶邊及帶點煙靱，雞肉嫰滑，Yummy，但我個人認為，如果係食鵝油撈粗嘅話，最好都係點番白切雞、油雞或者燒鵝會比較理想，份量嚟講就唔算話好大份，但的確係好食，價錢嚟講亦都係見人見智，不過好食嘅嘢就算貴D都係值得！

今日行經灣仔三角街，見到好多人排隊等食燒味，原來係呢間門面金碧輝煌的「竺扶大班燒味」， 見人地排抱住吾執輸心態去排埋一份。全港首創 黯然銷魂鴛鴦飯（半肥瘦叉燒+ 雞扒+ 煎蛋） HKD 65: 叉燒用上波蘭黑毛豬燒成，豬肉騷味都幾重下，肉質算彈，但蜜味吾夠，叉燒偏乾，不是想像中咁好食，而且叉燒邊位燒得吾夠脆，失望😞。雞排欣賞好厚切🔪，可惜食落無味，配上推介鳳凰辣汁（有點似泰式辣醬），竟然做吾到皮脆肉嫩口感一般，而且真係要配上醬汁先有味，有點食之無味 棄之可惜。煎蛋🍳可能蛋既品種問題， 做到流心效果， 可惜沒有應有蛋香，有待改善。飯比較濕潤，軟焾，結果燒肉汁多多一湯匙🥄就完美了，否則只是品嘗濕飯。總結：名過於實 既然得左獎應保持應有質素

幫襯許多次，一直覺得不錯，可惜近期叉燒開始失去水準，不復以前的鬆軟，更甚的是，上星期四再去食，佢地啲叉燒已經變得又硬又嚡。點會咁架？？？！!!此店我曾經成日推介人去嘅食店，如金竟然變得如此田地，失望，失望，失望……

I bought this 四寶飯 (rice with four types of siu mei) as lunch. The chaa siu (barbecue pork) from this restaurant is very famous and it was sold out on that day The barbecue pork is made with polish pork, and the sauce is made with several seasonings to give a complexed flavour So I was offered to get roast pork belly instead. Though it's a take away the pork belly was still very crispy. I was also given roast goose, however it is a bit too fat to me. Overall, I will highly recommend the siu Mei r

位於灣仔嘅燒味店，有別於一般嘅傳統燒味店，呢度門面好光鮮，感覺好乾淨。6點左右黎到已經見到有人排隊買外賣，非常受歡迎！ ➡️ 古井燒鵝+化皮乳豬雙拼飯 ($68) ⭐️⭐️⭐️⭐️💫 好好彩，切左燒鵝髀啊，外皮燒得勁香勁脆，肉質唔會韌，啱啱好！乳豬份量又係好多，師傅好專業，已經將豬皮下多餘嘅脂肪切除，所以食入口淡淡肉，唔會太肥😍 ➡️ 黯然銷魂鴛鴦飯 ($65) ⭐️⭐️⭐️⭐️ 即係半肥瘦叉燒、雞扒同煎蛋，再配上大將燒肉汁同鳯凰辣汁。叉燒好好味，燒得好香，燶邊位勁香脆。雞扒份量亦都好多，雞皮整到好薄好脆，整體來講好足料好抵食。隻太陽蛋就算外賣都仲keep到流心，肉+蛋+飯，一口食超滿足呀！ 竺扶大班燒味 地址📍: 灣仔三角街2-3號華欣閣地下3號舖 .............................. 味道😋: ⭐️⭐️⭐️⭐️💫 抵食💰: ⭐️⭐️⭐️⭐️

OpenRice中好評極多的一家港式燒味，在灣仔鬧區的街市裡；裝潢乾淨明亮、餐牌有多種搭配！這次點了四寶飯與燒鵝腿飯、另外加點紛蹄和燒腩仔；每項都很美味、但特別推薦燒腩（皮脆肉質柔軟不死鹹）、叉燒（入味好食）燒鵝（皮脆肉嫩有點油）店員服務素質態度也很好、價格稍貴但絕對值得。

今日有野要去胡忠大廈行過附近搵野食估唔到喺街就裏面有間裝修企理嘅新式燒味店入面嘅裝修都好光鮮仲播住let it go係咪有驚喜呢😂睇餐牌有個招牌叫黯然銷魂鴛鴦飯好似幾特別～揀左黎試下仲要埋自家製羅漢果水個飯都好大份對得住個價錢個飯底好有驚喜熱辣辣，飯粒粒粒分明，好味！面層鋪上蜜味叉燒真係一層肥一層瘦㗎所以食落特別鬆軟滋味🤤🤤雞扒好軟滑面層焦香仲可以沾上特製鳳凰辣汁添加風味鳳凰辣汁帶酸辣味但就唔似泰式酸辣醬咁稠同雞扒好夾我地另加左個拍青瓜青瓜好入味，勁蒜香仲要好大碟，抵過譚仔😂😂羅漢果水好濃味夠甘甜自家製確實寧舍唔同！

今晚陪老公去灣仔玩具街shopping，手中兩三袋太多收穫，唯有近近地係一街之隔既三角街揾食。行經一間以金色裝潢舖面，幾搶眼既竺扶中式餐廳，主打招牌燒味餐好吸引，仲有其他特色餐前小食，唔諗咁多入去開餐。沙薑豬手粒 六款小食之中，有我哋勁鍾意既豬手只係$38 ，若以小食分量計，真係算大份夾抵食，夠哂兩人分享！　佢既做法有別於一般坊間以沙薑粉淋上豬手，原來係自家製睇得出好有Heart，用沙薑切粒整，粒粒沙薑味道清香～豬手骨骼切割成小件粒狀，吃起來自然輕易駕馭得多，連縫隙既軟根都可以食得勁徹底，滋味度當然進一步提升。皮爽又啖啖豐富骨膠原，加埋蒜粒蔥粒入味又唔會咸。黯然銷魂飯男人比較鍾意肥叉既食趣，入口質感帶鬆軟回彈，尤其中心位比較滑溜，肉汁豐腴。肥瘦比例三七，外皮有些少燶邊做到少少焦脆感，皮下脂香口油潤，色澤紅渾，食落唔會乾蚊蚊兼柴皮既問題。一啖叉燒一啖飯，你都咪話唔銷魂~ 燒鵝五寶飯自己比較貪心D想樣樣叫齊，呢度既五寶都有兩款組合，選擇困難既我連燒鵝乳豬二選一都要諗一下，最後燒鵝勝出～加埋叉燒、燒腩仔、紅腸、咸蛋，簡直係一碗同時滿足我５個願望。呢份叉燒同黯然銷魂飯相比偏瘦，不過肉質都唔錯，

灣仔都有唔少燒味店用靚料做燒味都唔算係新奇事呢間新店勝在高質得嚟價錢勁貼地而且裝修得好有活力服務仲要好到加零一姐姐主動 offer 客人坐卡位 👍🏻【古井燒鵝＋燒腩仔】燒味雙拼飯由 $50 至 $56下午茶時段平多 $10 𠻹呢招牌菜一樣有得拼一次過食到金鐘罩燒鵝同霹靂火燒腩兩大皇牌 👑配返杯茶香奶滑嘅凍奶茶都係加 $8 咋～講講個燒腩仔先係用咗荷蘭豬腩㗎 🐽腩仔肥瘦得宜最緊要就係個黃金脆皮！脆卜卜又帶鹹香以佛山黑鬃鵝炮製嘅燒鵝色澤均勻燒鵝皮勁酥脆鵝肉厚身兼肉嫩多汁鵝味香濃，有淡淡果皮香酸梅醬同芥末醬都係自家製味道真係好食啲【黯然銷魂飯】半肥瘦叉燒加煎雙蛋無得輸 💯波蘭黑豚整出嚟嘅叉燒肉味更加濃郁烤嘅過程中上兩次麥芽糖及蜜糖個甜味無咁單調，食落有蜜香叉燒軟腍鬆化個少少燶邊簡直係畫龍點睛 🏅同埋好欣賞搭嗰幾條菜都好新鮮感受到小店嘅用心【合掌瓜粟米蜜棗煲豬骨】另一個飯就加 $6 配老火靚湯係真材實料嘅住家湯非常清甜滋潤 😋平時嘅例湯無得比呀日日唔同款𠻹㗎【椒絲腐乳炒通菜】人多仲可以炒幾個小菜 share小菜都跟個白飯嘅 🍚價錢 $68 到 $88，連海鮮都一應俱全炒通菜幾夠鑊氣見唔少人都買