立鮨 (Tower 535)

營業中

休息中

食壽司🍣對阿叔嚟講就係尋開心😀嘅良藥💊，呢期工作越嚟越忙，搵工又越嚟越大壓力😞，難得約到舊同事出嚟吐吓苦水，咁就決定食好啲兼要止吓壽司癮！🥳.呢間立食🕴壽司店之前開幕日都嚟過，開咗一段時間，人流依然👫🏻👫🏻，撞啱今次星期五晚8點半再嚟，諗住會少人啲，但結果都要等半個鐘先入得😅，當然阿叔絕對明白要食好嘢確係要付出嘅，第二次企住🕴食壽司，感覺一樣咁chill，吹水更開心！😇.結果兩個人叫咗3 rounds，差唔多三十幾件壽司🍣，埋單都係$800，以呢度刺身嘅水準，新鮮肥美程度，絕對要幫襯一吓！當中阿叔👨🏻個人私心推介：#中吞拿魚腩壽司 ($38)、#劍魚腩壽司($25)、火灸松葉蟹腳壽司($30)、油甘魚腩壽司($38)、#珍寶牡丹蝦壽司($48)、#蟹肉蟹膏軍艦(30)，非常滿足嘅一晚，成個人開心晒，星期一繼續！

獎勵一下自己，吃一頓豐盛的日本菜。價錢中上，但質素還可以，單點兩人埋單也要$800多。立食還是第一次，不過還是喜歡坐着比較好。海膽有點失望不新鮮，有點苦澀，完全沒有鮮甜的感覺。壽司中最令人驚喜就係中吞拿魚腩壽司，入口即融，油香十足，真的是回味無窮。其他壽司款式普通，味有太大特色。

今日經過見冇人排隊，就入去試試。壽司師傅上菜非常快，每粒壽司都已經加了豉油，我非常喜歡，只不過每粒壽司的飯都好迷你，要食好多粒至夠飽特選三文魚盛盒的三文魚腩好肥美，不過三文魚卷的紫菜太諗了，辣味三文魚好開胃立鮨壽司拼盤中規中矩大滿足海膽特盛，其實是一碗迷你海膽飯，海膽非常鮮味，再配上已調味的豉油飯，非常可口最失望的是碎蔥吞拿魚手卷，因為手卷內只有幾粒吞拿魚碎，與餐牌照片實屬不符合如果要再光臨，肯定不會order 手卷

近排好興立食文化，但我一次都未試過。今日嚟到銅鑼灣，因為真係好想食壽司嘅關係，但已經好夜，咁啱見到呢間鋪頭仲開緊，就決定入去試吓。鋪頭唔算好大，但都可以企到10幾個人嘅。自己tick完張餐紙，交俾師傅就OK。我揀咗個火炙壽司set，抵食過散嗌勁多。呢度嘅壽司飯好特別，佢唔係白色嘅，而係好似加咗豉油嘅飯咁，惹味好多佢件件壽司都好高質，食得出好新鮮我最鍾意嘅係火炙和牛壽司，上面仲加咗啲洋蔥同蒜頭咁嘅嘢，好香口，真係食完即刻要encore最後仲叫咗個椰子雪芭，我覺得就冇乜特別，似係雲呢拿雪糕多啲

經過呢間好多次，次次都覺得多人廢事排。今次朋友生日就book定 點知去到都係要攞非，排左~40mins?!排隊既時候就已經比你tick定想食咩，其實比我想像中平 呢碗蝦湯都係 $15 好濃好好飲 （不過我諗係我真係好中意蝦先覺得佢熬得好味，我朋友飲左兩啖就算）兩個人唔算嗌得多 佢個拖羅壽司好食到不得了，三文魚腩如是，帶子就不嬲穩鎮唔會唔好食反而個牛油果壽司都幾驚喜。本身覺得牛油果＋飯有d怪，但加埋幾粒魚子真係唔同哂，唔太抗拒牛油果既話不妨一試。我地嗌左5件炙燒，蟹柳帶子三文魚都好食，不過個人喜好啦，叫set定散叫都冇乜所謂。影漏左個海膽軍艦... 完全唔腥，但又冇話好味到必食既。順帶一提佢個綠茶真係幾好飲，可以唔哂專登叫野飲。雖然我地有嗌柚子汽水，係好飲，但都要 $25。女仔唔係咁大食，又想試下立食壽司不妨試下，埋單每人~$200.

家裏兩位小朋友是中日混血兒，他們是壽司的擁躉，每兩三個禮拜就會要求吃壽司🍣。反正我也突然想吃白子，便和小孩一起前往銅鑼灣這分店！這個日本的概念設計的非常好，特別適合為食但沒有太多時間的壽司控，從開業至今，他們從單件壽司也進化到Omakase. 用料新鮮 輕食最適合，下午茶，early dinner 避開排隊的時間。小朋友吃完raw sushi 也從不肚痛。我的信心之選！特別推介：三文魚子壽司，白子小食，赤祿與左口魚邊壽司🍣

銅鑼灣呢間比較大間，企滿大概都可以企到成20人。 平日晚飯時間，等左大概半個鐘。一入到去店員就會比一份餐牌和落單紙，填完落單紙就直接交比師傅。師傅就係企面前整，一般都唔洗等好耐。《特選三文魚盛合》鍾意食三文魚應該會好滿足，一次可以試多款三文魚壽司。三文魚夠新鮮，亦有油香，唔錯。呢度嘅飯同出面嘅有啲唔一樣，唔係白色，而係啡色的，聽講係用左比較靚嘅赤醋（但就咁食好似食唔出分別）。一round唔夠可問師傅拎返張單再加單

之前去過旺角分店幾次，每次都好味所以知道銅鑼灣開咗分店唔洗過海當然會嚟食啦。當日一個人去，等左15分鐘左右就入得去。以前喺旺角店食鰻魚壽司都係用細碟分開上嘅，熱辣辣次次都好好味，點知今次真係有啲失望，唔係分開上，所以最後食到鰻魚已經凍哂，一啲都唔好味。唔知係唔係當日人太多，師傅做到踢晒腳，我後來追加嘅象拔蚌壽司同珍寶牡丹蝦壽司係另一位師傅整，得罪都要講句佢整到D壽司好似垃圾咁，我成世都未食過個樣咁衰嘅壽司所以連相都冇影。食食吓我隔離個食客無啦啦同師傅指着前面個魚生櫃話有隻野喺裏面，原來有隻小昆蟲呀!!! 真係救命! 呢間分店應該唔會再嚟。

平時唔寫食評，希望老闆睇到呢間食左好多次，野食ok，其他都ok，reception 好好，只係今次幫襯其中2名壽司師父服務有問題！同朋友食，門外等位時reception 比左點單紙，我地寫好哂食乜，有位入去即刻放左張紙係壽司bar檯到，結果等左20分鍾乜都無得食，期間同朋友傾如果到05分（即等左20分鍾）都未有任何野食係檯面咁我地就走，其實我地講明，只要有任何一樣野食都ok，包括只係搯出黎既麵豉湯，個2個壽司師父係聽到我地對話。如果鋪頭好忙，等得耐會理解，佢同客飲酒，格離檯比我地遲入黎，都已經成檯野食食緊，咁係？最後我取消所有單就走係一入門口左邊個2個，唔係第一日幫襯，心水清會知邊個師父企咩位置

沒什麼驚喜之人氣立食壽司壽司質素一般 迷你海膽丼飯新鮮 鮮甜整體可以接受 但冇太大驚喜 只會食一次如果想一試 記得用訂座平台 book枱 有折喔🤙🏻💰$250/ppl

站著吃的壽司。質素值得腳骨力的付出。大家圍著師傅站著，幾有氣氛。忘了拍下抹茶粉。熱水的水龍頭在桌前，自行沖茶。我下了超多，沖出來很甘，未溶掉的粉很滑。八件廚師發辦，全部都好吃。先上三文魚籽，多得漏出來。很鮮，零鹹味。火炙帆立貝有少少牛油香，卻沒蓋過帆立貝的鮮甜。吃完白身魚、今年特別早出現的秋刀魚，最後一件吃拖羅。咀嚼兩下後，油香湧出來，澎湃而不膩。喜歡壽司飯的濕度和軟硬度，醋的份量亦剛好。少不了我至愛的枝豆。皮不厚，質素可以。奇怪友人想吃牛油果壽司。熟得剛好，夾起不會爛，一咬即溶，化成牛油果汁包著飯粒，很香，以三文魚籽添上調味，比預期好吃得多。厚滑的白子不算最香，但都算不俗。還可以做成軍艦。最後一人一件大吞拿魚鮫壽司，師傅問要不要燒，燒過後油份被逼出來，更香膩。包著很脆的紫菜上，中和油份。最後吃個清新的蘋果雪葩，自然的甜。友人的椰子則厚滑像雪糕。十分滿意。像我們邊吃邊談，都幾開心。也有食客吃幾件過下癮就離開。

之前已經去過尖沙咀同旺角店一直都期待著銅鑼灣店既開幕銅鑼灣店比之前兩間都要大同豪華人客數量依舊變化不大但我平日下午時段 好彩不用排隊 直接食得除左main menu 仲有一張lunch menu但當日我地無叫到lunch叫左一個 火炙壽司盛合 $98一共有5件(三文魚 中呑拿魚 北海道帶子 松葉蟹腳 左口魚邊)每件都有少少蒜蓉牛油令味道更突出 更野味仲叫左我最愛嘅玉子壽司同鰻魚壽司勁好食 每次都必點三文魚子軍艦多到滿瀉 好正呀仲叫左大呑拿魚壽司油脂香十足 食一舊已經好滿足海膽軍艦粒粒都好肥美鮮甜 橙黃色嫁珍寶？蝦壽司蝦身好脆甜 膠質十足見到都正 下次再食💕

I believe there are three? Four standing sushi restaurants in Hong Kong. Popular in Japan where they are mostly found inside or near JR stations, they offer a fast yet affordable and good quality sushi for people rushing on the go.  There are no seats so it cuts on down on costs while having quick turn around as people eat quickly and move on. Hong Kong has recently followed this trend but these are not located near MTR stations. But I guess the customer base is different than the Japanese ones.

放工時間即去就唔駛點等位，七點幾就開始要門外等候！留意番要齊人先可以入去喔！第一次食，叫了一款特上盛合、單點壽司、手卷！環境方面：立食位下面可放手袋之類，但大大的背囊就可能要放地下了，企位之間沒有空隙。食物方面：壽司飯是啡色的，同埋比較軟身，俾我最有驚喜係手卷，我覺得不錯，首先手卷不同以往雪糕筒型，而係條型、底部係包起，我點了鰻魚手卷，鰻魚厚身、唔腥、醬油味夠; 牡丹蝦好大隻、有鮮味; 海膽都好新鮮; 帶子加了青檸幾fresh; 松葉蟹冇乜特別; 中吞拿魚好夠油分、入口溶化; 自家蛋好普通可以唔食，整體來說都算新鮮！服務方面：壽司師傅有漏單情況，我地同隔離枱都各出現一次，其他枱就晤清楚; 店員其實入坐都冇乜理過食客，甚至當你追加幾次後直接喺你枱面收埋餐牌，我唔知係咪因為出面已經企滿人，示意你走人呢？！但如果係咁，不如直接話限時啦，我覺得感覺良好D，至少我入去食時已經可以睇住時間食！

立鮨壽司之前喺旺角同尖沙咀兩店都已經試過，當時覺得飯粒唔錯而且用赤醋煮飯味道更香，知道香港區開左分店當然要試下，先講價錢，喺銅鑼灣地舖收呢個價錢我個人覺得算係ok唔算貴，環境雖然都係立食，但比旺角同尖沙咀兩店舒服，可能空間同光線比較好，而食物亦保持到應有水準，至愛嘅海膽入口甘香，口感creamy，而其他魚生亦好新鮮，好似油甘，牡丹蝦，帶子都唔錯，而壽司飯煮得好好，師傅握壽司功夫都唔錯，飯粒唔會輕鬆散亦唔會太實。