105
8
4
港鐵銅鑼灣站 D4 出口, 步行約2分鐘 繼續閱讀
所有分店 (4)
電話號碼
28975168
營業時間
今日營業
12:00 - 23:30
星期一至四
12:00 - 23:30
星期五至日
12:00 - 00:00
公眾假期前夕
12:00 - 00:00
付款方式
Visa Master AlipayHK 支付寶 現金 AE 銀聯 Apple Pay Google Pay
其他資料
加一服務費
食評 (131)
等級4 2021-02-18
183 瀏覽
今日同M佬嚟到位於銅鑼灣嘅立鮨,舖頭嘅日式裝飾,日文嘅歡迎光臨,更重要係香港少見嘅立食文化,讓我地重拾久違嘅日本之旅。立鮨嘅魚生選擇好多,除咗可以選擇自己鍾意食嘅款式,亦可以選擇廚師發板,品嚐當日最新鮮嘅魚生添。火炙左口魚邊壽司經過火炙嘅左口魚邊,係我哋最愛,魚油十分豐富,帶點焦香,入口即溶。劍魚腩壽司次次同M佬食壽司,劍魚腩都係佢嘅必叫之選,因為佢好鍾意劍魚腩獨特嘅肉質。劍魚腩肉身呈白略帶淡紅色,肉質柔軟脂肪多,鮮甜而不膩。油甘魚腩壽司油甘魚腩非常厚實滑嫩,魚肉細緻甘甜,非常新鮮。北海道特大珍寶帶子壽司Menu話特大又珍寶,上枱嘅時候真係不負所望,帶子後生又大隻,肉質彈牙鮮甜,完全唔捨得吞落肚,好滿足。大吞魚腩壽司好味嘅吞拿魚真係好好味(我係咪講緊廢話?),吞拿魚後設,油脂分佈平均,入口即溶。北海道活象拔蚌壽司雖然我哋一向都少食象拔蚌刺身,但嚟到呢度,一定要試試,象拔蚌好鮮甜,彈牙有夠爽脆。針魚壽司、梭子魚壽司、平貝壽司師傅建議先食左邊嘅針魚,之後食中間嘅梭子魚,最後先食平貝,咁就可以由有淡口味食到重口味,欣賞到魚鮮嘅層次。針魚屬於螢光魚,部份人會驚佢會有腥味,其實加咗蔥同少少薑,反而提升佢嘅鮮甜味!梭子魚微微燒過,令魚油更突出;至於平貝味道甜香,肉質比較酥脆爽甜。值得一題係壽司飯採用赤醋飯,而且飯嘅份量唔多,我哋食咗咁多,都唔會覺得好飽,加上師傅會喺壽司上面加啲柚子碎,令味道鮮美大大提升,又唔會太滯啦! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-18
105 瀏覽
今日森仔係銅鑼灣做完野,就想買返d好野食反屋企慢慢享受。行到世貿附近,見到一間好正既日本🇯🇵壽司🍣鍾意食日本嘢嘅森仔就決定試一試佢!首先,餐廳位置十分方便,位於銅鑼灣世貿附近。而當中有個大大的亮燈招牌,十分清楚昜見!餐廳🍴人如其名:立鮨,是需要站立地進食。所以,雖然空間不多,但也有足夠的空間慢慢細味品嘗美味的刺身壽司等。而餐廳裝修新淨光猛,猶如在高級的日本餐廳。同時,可以看着專業的壽司師傅用心為我們準備的美食,格外開胃,衛生程度也一一可見!當天,森仔我叫了各種壽司🍣外賣回家和家人享用,包括:三文魚壽司,火炙三文魚壽司,牛油果壽司,特選三文魚盛盒,鰻魚壽司,中呑拿魚腩壽司,辣三文魚軍艦,海膽軍艦,特上北海道魚生飯等等…所有魚生刺身食林均十分新鮮,各有特色!而醋飯味道和黏度恰到好處,再用心的加上少量豉油,所以飯身全是豉油色的,配上魚生刺身,正!當中,森仔最愛特選三文魚盛盒和中呑拿魚腩壽司🍣。特選三文魚盛盒($38)餐廳特意為熱愛三文魚的朋友準備了一系列的餐點,提供了不同的三文魚壽司🍣。當中有三文魚壽司,火炙三文魚壽司,三文魚腩壽司,辣汁三文魚壽司和三文魚細卷。三文魚肥美非常,用不同的調製方法,又有不同的風味🥰🥰🥰而三文魚腩,更能突顯食材的鮮味肥美,有入口即溶的感覺!價錢又實惠,鍾意食三文魚的朋友必點!中呑拿魚腩壽司($58)一向以來,中吞拿魚腩也是日本魚生中高級的食材。森仔在日本🇯🇵也常常食到!此中吞拿魚腩和在日本嘗過的很類近,入口即溶,鮮味非常!令森仔猶如回到日本🇯🇵家鄉中😉😉😉正丫喂不論餐廳🍴環境,食物外表還是食物質素都係100分!😁😁森仔強力推薦!外賣仲唔收加一添😙😙 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-12
3 瀏覽
足足有一年冇得去日本,夜晚又禁堂食,想食到高質壽司唯有午餐時間。今日自己一個,就選擇快食,所以揀左間立食壽司。*日本真鯛壽司($20)真鯛的肉質很有彈性,味道鮮甜;配上香蔥和蘿蔔蓉,豐富了魚的味。*火炙左口魚邊壽司($20)火炙過的左口魚邊,帶點焦香,口感有如油脂,且入口即化。*深海池魚壽司($25)深海深魚肉質爽脆,帶淡淡的鮮甜;上面酸酸的調味,吊起了魚的鮮味。*劍魚腩壽司($25)味道與吞拿魚腩有點似,雖然脂肪豐富;但又未去到像吞拿魚一樣入口即溶;反而帶點爽口。*火炙松葉蟹腳壽司($30)燒過的蟹腳,肉質緊實,帶著焦香和鮮味。*油甘魚腩壽司($38)油甘魚腩應該是脂肪含量最低的腩肉;白身的魚,味道都是偏淡一點,帶魚鮮味。*北海道特大珍寶帶子壽司($38)帶子鮮甜,肉質軟中帶爽。*大吞魚腩壽司($48)吞拿魚味濃,油脂分佈平均,入口即溶。*北海道活象拔蚌壽司($48)爽脆的象拔蚌,夠鮮甜;不用任何醬汁或調味都已經很鮮。*原隻活赤貝刺身($58)魚類的刺身都有點吃到悶;所以點了貝類的刺身;原隻的活赤貝爽口鮮甜。*大滿足海膽特盛($98)這個海膽特盛,價錢相等於兩件軍艦;當然海膽的份量都一定不會少;海膽超新鮮,夠乾身且飽滿。入口甘甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-07
240 瀏覽
每次放假經過都見這間壽司店必排長龍,每次都不想排隊而放棄。今日平日放假,故意逛街避開煩忙的午飯時間來品嘗一下。๛ 立鮨特上壽司拼盤牡丹蝦壽司 ~  蝦肉雪白清洗理得乾淨 肉質軟糯得來有彈性深海池魚壽司 ~ 厚切的深海池魚肉質扎實很爽口北海道帶子壽司 ~ 厚切帶子大大粒 中吞拿魚腩壽司 ~ 肉質肥美 入口即溶 厚切但沒有筋 是最愛的吞拿魚啊🤤海膽壽司 ~ 味道濃郁甘甜 而且很creamy๛ 火炙左口魚邊壽司火炙後的左口魚邊油份滲出黎令味道更濃 而且肉質很滑溜 入口即溶的感覺 很讚๛ 火炙海膽蟹棒壽司蟹棒大大條有口感 有海膽配搭的味道不會很單調๛ 火炙白烏賊海膽壽司師父的刀工令白烏賊火炙後觀感更美 海膽的味不算濃 不會搶了白烏賊的味 配搭很好๛ 火炙松葉蟹腳壽司肉質軟嫰 味道鮮甜 壽司飯並不是一般的醋飯 而是赤醋飯 味道配合很好 整件壽司不會側重於飯的味道加上刀工和每款壽司上面的一些點綴 如柚子碎 令味道昇華 可見師傅對壽司的熱誠和用心 因為每款壽司都很出色 就不逐款詳細介紹了親身去品嘗勝過言堆文字的描述 真心誠意推介這一間比大家! 繼續閱讀
(以上食評乃用戶個人意見 , 並不代表OpenRice之觀點。)
等級7 2021-01-31
254 瀏覽
已經超過18個月沒有去過日本旅行!數數手指,過去10年每年最少去一次日本,很難想像這麼久沒有去日本!老婆因為工作關係,以往一年最少要去三次(唔計旅行);曾幾何時講過放假唔想再去日本旅行 ⋯⋯ 估唔到她的願望竟然達成了!唉!後悔一語成讖也沒有辦法!實在好掛念當地美食。今日在銅鑼灣食完晏、逛完街,正準備坐地鐵回家;路經「立鮨」,忽然壽司心癮發作,加上想起「立鮨」質素可以媲美香港的商廈樓上舖鮨店,即使明知道外賣壽司會影響到壽司的美味,也忍不住要買外賣回家品嚐。門外電子屏幕顯示了一人及二人的輪候編號,至於三人及四人以上就沒有人輪候 ⋯⋯ 表面上配合了政府防疫法例的要求。屏幕最吸引的亮點,當然不是輪候號碼,而是不停轉換的壽司照片。顏色鮮艷亮麗,連海鮮的光澤及海膽的微粒也拍攝得一清二楚,足以引人垂涎三尺!下午四點左右。在正常日子,這個時段應該沒有太多人用餐,但店內竟然站滿了食客。很明顯,很多香港人都想把握晚上六點前仍然可以堂食的時段,滿足食壽司的心魔。壽司吧枱前的雪櫃展示了各款刺身,密密麻麻鋪滿了雪櫃內大部份空間,這個刺身雪櫃通常不會在迴轉壽司店見到。「立ち寿司」在日本非常普遍,尤其是火車站內商場或遊客旺區;師傅也是因應客人落單才即時逐件壽司揑制,整體感覺就是親民版高級鮨店,有點似東京築地場內市場拆遷之前的一眾場內壽司店。「立鮨」索性用「立」字為店名,運作模式就同日本當地的「立ち寿司」店一樣。點餐方式同迴轉壽司差不多,每位客人獲派一張點餐紙,自行剔選壽司。價位較一般迴轉壽司貴,貼近本地高級迴轉壽司「千両」,甚至可能再貴一點;但款式就更加多,亦有很多時令食材。由於是「立食」,冇位坐,感覺上覺得比迴轉壽司貴。不過,亦由於冇位坐,客人食完就走、客流量更大,就可以用同樣的價位提供更優質的食材,質素甚至可以貼近本地高級壽司店。始終是外賣壽司,造型無可避免受到影響,但仍然算相當工整,件件大小均一;又採用赤醋調制的壽司飯,嘗試做出高級鮨店的感覺。大吞拿魚腩($48)完全覆蓋覆壽司飯團,單睇賣已經肥美,入口果然滿腔油花。不過,唔知點解竟然用了薑蔥蓉提味?第一次食吞拿魚腩壽司配搭薑蔥蓉,味道有點奇怪,甚至影響了吞拿魚腩的油香,似乎浪費了食材。撇除這一點,以這個超值價,竟然有如此質素的吞拿魚腩,可以用難以置信去形容。原隻活赤貝(2隻)($58)可説是震撼價,味鮮爽口,雖然未算十分爽脆、尺寸也只是一般大小,但性價比實在一流。從冬季期間限定壽司系列中,選取了白蝦($58)及針魚($28),兩款都是時令魚鮮;其實餐牌上還有白子(即是鱈魚精子)及寒鰤,不過想留肚試試其他本月精選,所以沒有揀選。白蝦雖然細細隻,但味道非常鮮美,甜味尤勝甜蝦;論鮮甜度可能有所不及,但就多了幾分獨有的清甜。針魚($28)同鯖魚、秋刀、池魚等同屬於光物。光物魚皮一般呈銀白色,並且帶有少少螢光。全部魚油味道濃郁,屬於重口味魚類。一定要夠新鮮,即使冷凍在雪櫃內,時間過久的話,魚腥味會因為發酵而散發出來,變得非常厲害。即使夠新鮮,部份人也不能接受光物魚鮮,覺得很腥;反之,可以接受光物重口味的人,則認為這是壽司的另一重境界。同其他光物魚一樣,針魚($28)壽司配上少量薑茸蔥花,藉此稍為掩蓋重口味的魚油;魚味鮮、濃,好食。從本月精選揀了三款壽司剝皮魚($58)、赤鯥($60)、日本馬糞海膽($68)及磯煮鮑魚($58)。磯煮鮑魚($58)的食材雖然只是普通大連鮑魚,師傅竟然可以將口感炮製至接近南非鮑魚的煙韌、彈牙,甚至有少少溏心口感。如果浸煮鮑魚的醬油味道可以再濃一點,就會更佳。日本馬糞海膽($68)冇可能唔好味,充滿海膽獨有的鮮甜及味道。只可惜是外賣,海膽壽司塌了下來,壽司的造型完全消失得無影無蹤,只靠海膽的鮮甜美味彌補一切。剝皮魚($58)是少數擁有肥大魚肝,兼且其魚肝可以生吃的魚種。肉質緊緻彈牙、魚肉纖維綿密,咀嚼細味下滲出淡淡鮮甜;剝皮魚油份唔高,用來造壽司正好配搭其肥美油潤、味道甜中帶少少苦甘的魚肝。雖然師傅毫不吝嗇用了大大塊魚肝揑壽司,但美中不足之處魚肝的血絲未有徹底清除,影響了賣相。赤鯥($60)是貴價深海魚。其中一種最美味的品嚐方法就是用火炙加工造成壽司,一方面可引出魚油,另一方面又可以稍稍燒焦魚皮,增加焦香味。經火炙引出魚油後,魚肉不但沒有變得粗嚡,反而在嫰滑中多了因受熱而變得更濃郁的魚油焦香。10件壽司 / 刺身埋單要500元,唔算便宜;只因為所揀的全部都是貴價食材。事實上,「立鮨」其餘大部份壽司都是$38或以下,當中已經包括了中吞拿魚腩、海膽(非日本貨)、帆立貝、赤貝、吞拿魚赤身、油甘等等多種款式,價位同優質迴轉壽司店差不多;但立食店卻可以將節省了的舖位租金成本投放在更高質的食材,部份食材質素甚至可以媲美高級壽司店,值得捧場。 繼續閱讀
(以上食評乃用戶個人意見 , 並不代表OpenRice之觀點。)