稻八日式火鍋炸物放題 (已結業)

放工約朋友開心食Shabu shabu，平時經開呢頭，都唔知呢度有間日式火鍋放題店，八點嚟到，差不多滿坐，好在朋友一早訂左位。湯底揀左沙嗲湯底，離遠已經聞到勁香，d花生味湧住嚟，愈滾愈香！肉類有幾個級別，我地揀左$238極尚安格斯牛小排放題，呢個餐仲已經包埋刺身任食，超抵食。一開始先有一大碟牛小排，一碟豚肉，羊肉同雞肉奉上。牛小排估唔到有驚喜，睇個賣相已經知唔錯。雪花紋理清晰，肉嫩，油脂香，牛肉控必點！豚肉薄切，唔太肥仲幾有肉味。雞肉冇皮，夠嫩又夠彈牙。適逢餐廳週年紀念，仲送多碟200gm手切牛，牛味濃，肥嫩有嚼頭，除左手切牛，其他都係任點任食，相對其他同價日式放題，確實係比其他同類型店出色好多。刺身款式多，三文魚，甜蝦，帶子，北寄貝，連象拔蚌都有，樣樣新鮮兼厚切，淨係食刺身都抵到爛。火鍋料方面，試咗兩隻丸幾唔錯，蟹籽丸同芝士丸外層彈牙，內饀軟滑而且蟹籽、芝士味都幾濃。唔同款既蔬菜、豆卜、腸丸、烏冬、粉絲、公仔麵全部都可以任夾任食，飲品亦好多好多選擇，無限飲。最特別既係，佢呢度竟然有自助天婦羅炸爐，可以隨心自己整，操作簡單，側面有曬指示都點炸，好好玩。甜品除左有雪條之外，仲有d日式菓子

係網上見到有朋友黎食過，見到好特別，🈶️🉐️自己整天婦羅，任飲任食曰式火鍋都係$238，價錢又合理，所以就帶同媽咪黎試試。1⃣️上到黎已經見到牆上掛滿1⃣️個個彩色繽紛既繪馬板，十分漂亮。環境寬敞舒適，坐🉐️都舒服😌我地揀選左北海道3.6牛乳牛骨湯做火鍋湯底，之後就行去自助區拎醬料及火鍋配料等。拎完番黎服務員已經將我地既湯底及跟餐既各種肉類及其他食物都放好在桌上了有多款套餐及火鍋湯底供選擇總有1⃣️款岩你🤗🤗🤗仲有各式刺身可點選惠顧任何套餐均可任點右圖火鍋配料三大自助區域，任拎唔嬲量力而為，食幾多拎幾多，唔好浪費食物🍗🥃🥘肉質都好鮮美，入口夠曬嫩，肥瘦適中，媽咪食到停唔到口🤭🤭🤭花膠都係任食，真係不得了爽滑又彈牙，我已經點左好幾轉呢到所有野都係$238套餐所包含的食品食完唔夠仲可以再添加 全都係任點任食的各款刺身都好新鮮，食落完全唔覺有雪藏味尤其大愛大大粒帶子 order10粒真係俾足咁多仲要粒粒都咁大粒，真抵食🤭🤭食飽到出去玩本人最為期待既炸天婦羅啦🍤🍤跟足牆上教既步驟，非常容易自制成功👏🏻👏🏻整完仲有多款調味粉可作調味 好玩又好食😆埋單前仲有雪糕🍦送，記得食埋先走🤭🤭🤭

<稻八炸物邊爐放題 牛肉正 炸野正😆>稻八開左甘耐都係第一次食 主打唔同 level既放題 level就視乎牛肉既質素 😍 價錢158 至368 不等 除左邊爐外 仲有各式刺身 🐟 炸物任點 炸物仲喺自己出去拎料 自己用特製爐炸埋添 可以過下手癮幾特別🔥🍴極上安格斯牛小排放題 238 蚊自選鍋底點左鮮蕃茄湯🍅蕃茄湯湯底香濃 用左勁多蕃茄整 一路食蕃茄味越煲越林同入味 而任食既野包括1.極上安格斯牛小排🐂切成長身 肥瘦適中 肉味香濃口感軟熟 2. 手切牛 🐂 牛肉味偏濃 口感煙靭 3. 美國進口牛肉4. 特級美國穀飼牛 上面兩樣因為太多野都冇點過 因為第1 同2 係靚 d所以只點佢地🤣5. 羊肉🐑羊肉 羊味唔算話好濃 口感軟熟 唔錯6. 美國自然豚肉片🐷切成圓形 幾肥美 豚肉幾香冇腥味 7. 日本北海道雞片🐤雞肉切得比較幼身 雞味夠同幾彈牙 唔錯😃而出面既野食任拎 包括有唔同既丸 腸 魚蛋 各種蔬菜 菇 木耳 仲有日式烏冬同麵等等 應有盡有🍜 飲品 有綠茶 雀檸 🍋 可樂 烏龍 等等 而雪糕 有兒時最鍾意既三文治雪糕 同糯米糍 都幾開心🍦🍴刺身 🐟任點既刺身都幾多選 三文

為牛肉而來!@稻八日式火鍋炸物放題 早幾日朋友介紹下到了稻八日式火鍋炸物放題，食完未埋單已經係度諗幾時再和HONEY再來食，因為實在太抵食了! 尤其是愛食牛肉的朋友，我相信你食完也會有我呢種感覺!一人才$200幾蚊還有MOVENPICK雪糕，一睇都知值回票價 混醬區~ 餐廳就在荃灣德海街小巴站那邊，很方便!記得要在網上訂座，在指定晚市時段可以得到全單七五折優惠址 因為很早就上到去，人不太多，裝潢好有特色，而且冷氣好強勁 120分鐘任食放題，有多種不同價錢牛肉可選擇，我們就點了中位價的$238極上安格斯牛小排放題 自助區，各種生料菜蔬一應俱全 而且非常新鮮，雖然吸引但我並沒有試到很多，因為要留肚食牛肉KAKA 雪糕也是任食，雖然MOVENPICK不是任食(每人限定一客)但韓國雪糕和雪米池都很正 我們的兒時回憶~雪糕三文治 特大飲料櫃~ 我們的另一兒時回憶 炸物放題也是這裡的亮點!放滿一櫃~ 等陣，點解係生既~ 但我沒有想到原來要先行DIY的!!! 但其實都好EASY的，自行把食物沾炸漿和炸粉，接住放入去炸 我覺得炸得好靚呀!而且好香口，味道一定好啦因為自己炸

岩岩同朋友上星期去完Tokyo返黎又想食sukiyaki 搵左間放題試下今次揀左荃灣揀左$238 牛小排放題連埋刺身原來餐廳仲做緊天婦羅DIY都幾特別 有個area俾你先揀配料,有成20樣,包搭蝦,冬菇,南瓜,蕃薯等等配料經過麵包糠 炸漿 之後 就變成金黃色有得食又有得玩 而且仲好好味湯底揀左壽喜燒既甜豉油同北海道牛乳2個都好足料火鍋前 先食一round刺身 好厚身 由其係劍魚腩有我最愛既配料肉有3款係送一碟 包括厚切牛肉 其他是任吃的 推介個牛柳粒 好淋呀而丸都有成5,6款菜係最新鮮 粟米係好鮮甜既另外包埋蝦滑墨魚滑一食就食左 2個幾鐘 好采地方大 唔迫而且抽風算唔錯 舒服既係食飽飽 店員送上哈根大師 有士多啤梨or曲奇 真係食到飽飽 超滿足埋單加一270 值得一試!!!

之前都同過班朋友食過一次，覺得有水準又物超所值，值得encore ！我地揀左$238極上安格斯牛小排放題。套餐包括左特級美國穀飼牛，美國進口牛肉，手切牛，牛白肉，牛小排，安格斯牛柳粒，豚肉片，羊肉，日本北海道雞肉。肉類都係任添的，咁多款肉之中最推介安格斯牛柳粒同手切牛，煮耐啲都唔會老，而且脂肪分怖恰到好處，好惹味！我地揀左北海道牛乳湯底，有大大舊花膠，湯底濃郁細滑，夠哂養顏滋潤。等緊佢滾既時候就可以出去外面既自助調味吧同拎醬料，醬料都幾特別，有海鹽、七味粉等。一般火鍋都係肉類，丸類比較多，但呢度的蔬菜種類豐富，亦算新鮮，有南瓜、雞脾菇、油墨菜等，可去掉肉的膩感。仲有無限刺身供應，推介櫻花魷魚、甜蝦、象拔蚌片，刺身夠凍，櫻花魷魚好鮮甜爽口。炸物方面有甜番薯、茄子、秋葵、福袋年糕，搽啲粉漿再加啲麵包糠，炸2分鐘左右就好香脆可口，仲可以加七種調味粉。推薦日本小甜薯，食左一粒就食唔停口！仲有飲品同甜品無限拎，飲品超多款！甜品方面有團子、雪米糍同雪糕三文治，Haagen Daz雪糕就要另外加錢。整體來講食物環境都值得繼續encore，多款式的蔬菜，尤其啱女仔胃口。我地撞正閒日唔太多人所以冇限時坐

《稻八日式火鍋炸物放題 Inahachi Shabu Shabu》 #荃灣📍荃灣德海街18號富利達中心1樓➖➖➖➖➖➖➖➖➖➖➖➖➖➖➖🔸STEP 1 (先揀食邊隻肉)120分鐘 極上安格斯牛小排放題 (送牛白肉及牛柳粒) $238 + 10%*$238 - $368既放題都包左刺身任食*所有放題已包括無限飲品、沙律吧及雪糕揀好左咩Plan之後，服務員會一次過上一round肉俾你先，夠哂大堆頭。（牛、豬、雞、羊都有，份量幾多。記得食哂先好再叫，唔好浪費食物）刺身用紙入單就可以，種類都幾多。炸物、沙律吧既其他食材同醬料都係自助。🔸STEP 2 (再揀火鍋湯底)總共有8種口種，總有一種岩你！如果想食雙拼，每鍋加$18就可以有兩種口味！鮮蕃茄湯、鰹魚昆布清湯、味噌芝麻豆乳湯、北海道3.7牛乳牛骨湯、九州豬骨濃湯、壽喜燒甜醬油湯、沙嗲湯、地獄火岩湯今次揀左北海道3.7牛乳牛骨湯。湯底有牛肉粒，一上鍋既時候已經聞到好香既牛肉味。鐘意食牛既牛魔王岩哂！雖然聞落好香好濃，但食落唔會太重口味，剛好。➖➖➖➖➖➖➖➖➖➖➖➖➖➖➖同一般日式放題相比，依到最特別既係有得自己整炸物。鐘意食咩就炸咩，幾過癮！

由於一行四人都愛任食火鍋，稻八對我們來說實在是不二之選！喜歡這裡任食靚牛（今次選了第二貴的牛），豬，仲有雞肉同羊片！今次試既鴛鴦鍋一邊為辣味，另一邊為日式豉油湯底。辣味好夠辣，同一般日式地獄辣差不多，如果再香啲、惹味啲會更好！豉油湯底👍🏻！牛既質素絕不令我們失望，今次驚喜原來是牛粒，喜歡牛粒多過上次食的牛白肉！另外豬肉片只加鹽食（出面調味架自取）是我心水推介！今日太想食肉，所以冷落了刺身，竟然連相都忘記影🤣！雖然不是食了很多刺身，但每款都幾新鮮😍！值得一讚侍應生的服務及細心，我自己無為意將刺身放在火鍋附近，他很有禮貌行過來提醒我們要將刺身遠離火鍋！雖然是小小提醒，但亦看得出他們有留意每枱客人👏🏻。最後當然唔少得我最愛既Dreyers開心果雪糕🍦，無論在自助雪櫃食咗幾多粒雪米糍及雪糕三文治，都一定要食開心果雪糕😍😍😍。後記：呢度唔收切餅費，下次有朋友生日記得可帶蛋糕🎂！

近排熱到癲，難得打風降降溫，唔使等秋涼，都可搵個藉口打個邊爐，難得好友都有呢個想法，自然一拍即合啦！好友在荃灣返工，話想試稻八好耐，既然好友叫到，小妹一於奉陪！！ 一進場，已被東瀛風嘅設計所吸引，牆上嘅貓貓尤其可愛呢！ 🐱先嚟個刺身醫醫肚，這個自選放題刺身不算肥厚，但頗鮮甜湯底都有好多選擇，今次就加少少錢試咗雙併沙嗲湯及九洲豬骨濃湯~ (其實美肌膠原湯也很吸引😍)哇😱 黑松露湯，下次搵夠4隻腳可免費升級試食物款式都有好多選擇…今次就先試極上安格斯牛小排；黑毛和牛下次我唔會放過你 燈燈燈凳!!主角登場，左邊安格斯牛小排油花平均，薄薄一片，一涮即可放入口即溶，好味…右邊是手切牛，牛味濃郁，好牛的我絕對不會錯過!! 好友是豬痴，這個美國自然豚肉片佢話得喎…和牛粒油脂甘香，留在口腔揮之不去，重要完全冇渣這個牛白肉真係不得了，這是接近牛胸骨嘅軟骨位，是牛的刁鑽部位，咬落爽脆，牛味濃郁，平時要相熟牛檔留起至有，估唔到放題都有得食，滿足!! 墨魚滑、蝦滑及花膠不過不失。呢個好玩，自已炸自己食!! 丸類都好多選擇，蔬菜洗得幾乾淨~ 汽水櫃飲品選擇多最後來個Haagen-Dazs及雪榚糯米滋，幸福滿滿!

星期五晚遇著個OT day，迫於無奈放棄了Happy Friday。放工心養養著實想打邊，立即散佈消息，換來幾位住附近的義氣仔女出場。 晚上9點半來到了稻八食其宵夜火鍋放題。發覺人也不少！決定了$368的黑毛和牛放題，因為有貓頭鷹的85折優惠，所以好抵食！ 湯底是3.6牛乳和沙嗲，夠濃郁基本上不需點豉油。先來是刺身，三文魚、櫻花蝦、甜蝦、北寄貝、鮑片等皆肥美。你說香港人多心也好，邊爐的前菜是刺身，感覺令人打得更爽！ 這裏正中我心，而且環境、食物質素都令人好滿意，所以十分推薦！ 這個和牛盛合當然也是每次必點的，因為三百零就可以任食黑毛和牛的牛肩、三角腩、牛肉眼！還有澳洲M6和牛、牛小排、穀飼牛及其他牛、羊、豚肉，食肉獸之最佳選擇！ 這裏的肉質素絕對物超所值，因為從的顔色及脂肪紋都知道，我們最主要的都是食肉，所以黑毛和牛、澳洲和牛我們都ENCORE了幾轉，食得開懷又放縱。那肉的牛脂香和入口即溶的感覺，實在太好，尤其在夜晚食，更加邪惡。 而且呢個餐仲有按人頭計的海鮮，份量也絕對不少，可算是完全過足了口癮~ 因為個餐其實好豐富，所以基本上我地都無

有次夜晚餓到扁黎荃灣找朋友朋友都幾唔好意思咁講:「不如今晚食好西喇」我心諗 唔係又係大鴻輝個到食呀嘛朋友說:「放心喇，有一間和牛日式火鍋炸物放題，一定啱晒嘴刁既你」間鋪叫稻八日式火鍋炸物放題交通都算方便，荃灣千色匯附近，或者由荃灣站 B1 出口步行約 6 分鐘就到左。這家店提供多達 6 種不同的放題組合，而嘴刁既我當然要叫最貴既 SET 啦，亦即係 $368 個個，佢比起其他唔同既 SET，係多左日本國產黑毛和牛包括牛肩肉，牛肉眼上蓋和牛三角腩，以及澳洲 M6 和牛任食。環境方面，比起香港傳統著名火鍋店的擁擠，這裡顯得格外寬敞，二人能坐相當於四人座位的空間，令用餐體驗提升湯底方面也富有日式火鍋的特色，包括九州豬骨湯底和北海道3.7牛乳牛骨湯等，特別的湯底也令我有一飽嘗的欲望而朋友卻喜歡昆布湯和日式沙嗲湯底，所以我決定選他喜歡的湯底味道。刺身作為標誌性的日式食物，當然不會缺席於這家店的餐牌內，但出奇地，作為不是專門刺身店的店鋪，卻吃出不亞於刺身店的水準，先拿本人最愛吃的三文魚刺身來說，淡紅偏橙的肉色，平均的脂肪紋路，吃下去 OMEGA3 魚油在口中散發出的香味，都能看出店鋪對刺身來源的嚴

過往間唔中都有食呢類型嘅火鍋任食，貪佢唔洗傷腦筋點啲咩食，收費亦都唔會太貴，啱哂大食我嘅。今次去左稻八食火鍋，佢地做放題，點了和牛套餐，價錢係$368/位。環境幾企理，日式裝潢，坐得舒適湯底有七、八款選擇，另外亦有幾款可以加錢升級，例如加$88可轉日式芝士龍蝦湯底，不過我地就冇點喇，簡單點左個牛乳牛骨鍋試下。呢度亦有刺身供應，點左少量，包括三文魚、帶子、北寄貝、八爪魚等。牛肉方面，用上九洲A4和牛，分別有牛肩肉、肉眼上蓋、牛三角腩，雪花脂肪較為均勻，入口不單止滑，仲好嫩而腍身，輕淥幾秒就食得。相對地牛味唔會好重，但口感來計，一定取勝火鍋配料不少，有菇類、蔬菜、瓜類，亦有接近十款丸類，例如芝心丸、蟹籽丸、墨魚丸等。另有烏冬、拉麵、公仔麵提供，肯定食到飽飽。最特別係有個天婦羅區，客人可以自製天婦羅，有好多串好嘅材料，例蝦、茄子、香腸、煙肉卷、魚蛋等等，凍櫃都乾淨衛生，配備一個熱爐，可以沾粉做炸物，又有得食又有得玩飲料多款，我諗有十幾廿款，汽水、茶、維他奶、檸檬茶等都有供應。當然唔少得有清酒同啤酒啦，鐘意飲酒打邊爐嘅都啱哂！最好仲有雪糕糯米糍、阿波羅雪糕三文治、韓國蜜瓜雪條作為結尾，大滿足呢

呢間火鍋店唔係第一次來，不過第一次食呢個餐呀，因為見訂位兼7點半前埋單有折，所以專登約埋個同事收工過來食呢，抵食又好食！餐廳位於荃灣，位置都唔少，但平日生意都唔錯，所以最好訂位先啦。店員好快安排左位置俾我地，雖然對面有枱9位，都唔算好嘈呀，因為餐廳空間感足，又唔會覺得逼狹，環境都幾舒服，冷氣夠涼湯底有好多選擇，有D免費可點，有D可另外加錢，免費嘅有鮮茄，昆布，牛乳牛骨，壽喜燒，沙嗲湯底等等，我地揀左北海道3.7牛乳牛骨湯，湯底裡面有幾件牛肉，湯底乳白色，唔會太鹹，不過唔會有好明顯嘅牛乳味，配肉類都ok嘅刺身方面始終係配角，所以我點左少少試下，專心食牛肉好過。刺身方面試左三文魚，北寄貝，八爪魚，帶子，整體中規中矩呢，都算新鮮。呢個係日本國產黑毛和牛盛盒，368一位，包左黑毛和牛牛肩肉，黑毛和牛肉眼上蓋，黑毛和牛三角腩呢幾隻和牛，當然啦都包括左其他例如牛小排、進口牛肉、榖飼牛等等，款式夠多，羊肉、豚肉、海鮮盛盒、炸物。而且呢個餐送埋牛柳粒，而因為餐廳開左一年，每枱都會送手切牛肉，所以真係肉類已經超多選擇三款和牛都試左兩盤，我地戰鬥力唔算好強，所以都唔算話食左好多。和牛肉同一般牛肉真係有分別