稻八日式火鍋炸物放題 (已結業)

打風的夜晚，和朋友來這裏打邊爐，點了$258一位的極上安格斯小排放題，除了放題還有刺身可以選擇，刺身選擇足夠，厚切三文魚刺身肥美，生蠔每人送一隻冇得重複order! 某一兩款牛都係只可以order一次，但Menu上好像沒有說明，自己感覺有些混亂，但整體牛的質素都好好，食牛都食飽晒，水餃是灣仔碼頭的，好像沒有特別所以我沒有order，丸類和菜是自助的，還有一個自製天婦羅的counter，我會趁着沒有人排隊的時候出去玩!

餐廳有幾種價錢可以選, 最貴係$368一位 (未加一) 日本黑毛和牛 , 9.30後有85折有生蠔, 同和牛(生食) 送 (只有一客)平時既日本刺生 : 三文魚, 劍魚腩, 甜蝦, 鮑魚等等都有.... (中上價既餐可以任叫) 不錯 !! 生鮮, 凍既但又唔係去到好似食冰咁, 剛好的個餐包一個海鮮組合(中上價既餐可以任叫) , 有蝦, 八爪魚(一粒粒申好一串串) , 海螺, 蠔, 青口 等等 , 每樣野都唔錯 主角 " 牛" - 好味  !! 兩個人食左4盤 (一分錢一分貨, 當然唔可以用成千蚊牛肉比) . 佢最重要係碟碟都係差唔多咁既樣, 唔會有一, 兩碟係全紅色或全白色全部野都屬中上, 依個質素絕對對得住個價錢 !! PS : 食完有兩張$100 coupon用 , 正 !!

入開黎荃灣，地頭蟲朋友介紹一定要黎稻八食牛放題！難得入到黎，見價錢爭唔遠 緊係要試下$368嘅日本國產黑毛牛放題！😍湯底選擇都幾多，有鮮蕃茄湯、味噌芝麻豆乳湯、北海道3.7牛乳牛骨湯、壽喜燒甜醬油湯、地獄火岩湯，花多眼亂嘅話加$18就可以雙拼湯底~牛嘅種類亦係超多選擇，美國極上安格斯牛小排、澳洲m6和牛、穀飼牛等等，仲要全部亦品質都唔差！而主角當然係九洲A4和牛啦，有好靚嘅雪花，油脂比例平均，入口嫩滑，而且牛味好重~我尤其鐘意食佢三角腩肉嘅位置，肥瘦適中，有啲筋食起上黎有啲咬口😋海鮮拼盤超豐富，有蝦、墨魚串、青口、蠔、帶子、象拔蚌，殻類海鮮都洗得好乾淨，一啲沙都無，而且食得出係新鮮而唔係雪藏，肉質肥美外仲好彈牙！呢度最特別係佢有個自助天婦羅區，可以自己配搭多種配料如蝦、腸仔、秋葵、菇、魚丸、矮瓜等DIY天婦羅，麵包糠份量自己決選，感覺創新又幾好玩😋最後當然係要食甜品啦，甜品選擇同樣地多，雪糕、雪條、糯米糍，連貴價d嘅韓式雪條都有，真係第二個胃都滿足埋😋

日式火鍋放題吃得多，可以自己炸天婦羅的就真的沒試過店內位置開揚，座位之間不太迫，放題來說坐得很舒服；放題有不同的選擇，當中有一款是不包刺身的，適合不同人士的需要。我們點了極上安格斯牛小排放題，有刺身和不同的肉類，此外還送了生蠔，正！生蠔新鮮又夠大隻。雖然是送的，但水準很好每款肉都會先上一盤，肉質全部很好，而且夠肉味。到了最重要的炸天婦羅時間，台上有圖文並茂解釋整個過程，很容易的，所有天婦羅都用一串串的放在大雪櫃內，很乾淨整齊！選好東西就拿去加炸漿和米糠，之後放入炸爐，超期待啊！炸得香香的，很成功啊其餘自助區的選擇也很多，蔬菜，丸類，小食，烏冬等等，有別於一般自助區，這裡很乾淨刺身選擇很多，每樣都點了少許，新鮮，好味～另外飲品選擇也很多，紙包飲品，汽水，茶類也有，總有一款合心水甜品方面有泡芙，蜜瓜雪條，雪糕三文治，　蜜瓜雪條在放題度店是很少見到。另外每人還放一杯雪糕，是Dreyers 和 Movempick!超級正！食物水準好，又可以炸天婦羅，吃得飽飽的，超幸福

今日陪媽咪入荃灣，整嘢整夜左唯有附近睇下有咩食，見到呢間有和牛放題，二話不說就衝左上去🙈一入去店員介紹有兩款放題：極上安格斯牛小排放題同日本國產黑毛和牛放題，既然價錢爭唔遠，我地當然揀個日本國產黑毛和牛😋調醬料選擇多得花多眼亂😂 昆布豉油，魚生豉油，牛肉豉油，蔥花，芫荽，蒜粒，沙茶醬，日本胡麻醬等，應有盡有，而旁邊仲有個沙律吧！最suprise嘅係原來放題嘅牛係伊藤A4和牛 ！無論肉質，細膩，油花和色澤都相當出色，而且牛味濃郁，相當有品質！我尤其鐘意快速攤開肉"碌一碌"，係肉不過熟透前夾起，蘸蛋汁後享用，真係回味無窮！餐牌上另有外國牛肉，包括澳洲M6牛小排，牛五花，牛肉粒，海鮮火鍋拼盤，海鮮刺身，水準亦係唔錯~如果唔係揸車，真係好想加$30試埋佢嘅清酒，梅酒和啤酒！真係物超所值！

在大埔就近太和的那一邊有很多的餐廳都在這裡扎根，而這次有一間可以自己做炸物的放題在這位置開業了。到了稻八這裡的光線跟裝修都恰到好處，這裡空間充足，食物也排放得很整齊，看起來十分新鮮。這麼的蔬菜有很多種類也排放得整整齊齊。而且即叫即切的刺身，還可以任點。我們的是味噌毛蟹湯底，小小的毛蟹很可愛，而且蟹味很濃郁。隨餐附的肉有海鮮跟豬、牛、羊、雞肉也有。當然其實太餐附的肉也足夠我跟Nana飽了，大家請不要浪費食物喔！

不知說什麼。。因為已來第3次因為上一次也是和媽媽來，適逢今次媽媽生日，她說很想再來這裡吃牛火鍋。。就預約吧因是媽媽生日，今次當然要試一下這裡最貴的價錢$368牛火鍋啦！真是物有所值好過其他牛火鍋店舖啦這裡的服務員也很好，謝謝你們

荃灣好多嘢食，除咗一般小店外，仲有好多唔同種類食物可揀。相信總有一樣啱你口味！今次嚟試呢間係日式火鍋，店內裝修都以日式為主。店員服務好好，會再講介一下邊啲係推介菜式，而且地方闊落，一啲都唔迫啊！今次試咗$258嘅餐，仲有任點刺身，果然好超值😗今次揀咗某幾樣自己特別想分享多少少嘅比大家，120分鐘嘅放題絕對夠時間食呢🤤記得最後食埋Movenpick或者Haagen daz雪糕先走啊😛🔍北海道3.7牛乳牛骨湯因為本身鍾意牛骨湯，所以一見到就二話不說揀咗😛加咗3.7牛乳後湯底真係相當滑！但滾起時仲聞到相當大嘅牛乳味，牛骨材料亦加入當中，份量都唔少啊！🔍極上安格斯牛小排$258呢個餐本身包咗呢個牛小排。肉質相當鮮嫩，唔會韌！而且牛味幾重。我自己本身好鍾意食牛，所以我覺得呢個價錢真的算不錯喔！🔍特級美國穀飼牛牛嘅愛好者總會試多樣牛😛但相比牛小排的確顯得遜色少少，但口感都算嫩滑，牛味一般。這可能就是安格斯與非安格斯分別吧🤣🔍天婦羅🍤區不得不提佢有個自製天婦羅區域，因為我口嚨痛所以就無整到了。感覺都幾可惜，但總有機會吧！而且見到都幾多人一係到炸，感覺幾得意😛🍽6／10

來到這間期待已久日式火鍋炸物放題店，目標當然是自己炸天婦羅啦～天婦羅大家都經常吃，但自己親手炸就真的沒試過；店內座位很多，而且很闊落，放題時間為120分鐘，有幾款不同組合可選，有包刺身及海鮮的，我們就選了$258的極上安格斯牛小排放題，包了幾款牛肉，羊肉，豚肉及雞肉，另外送了牛柳粒，牛白肉，金錢展及生蠔，非常豐富～湯底點了九洲豬骨濃湯，所有肉都會先上一盤，肉質都很好，生蠔是每人一隻，大大隻的，很新鮮自助區有日式小食，丸類，蔬菜，粉麵，而且非常乾淨整齊，refill 也很快飲品區選擇很多，可樂，茶類，紙包飲品等等，3個大雪櫃每隔都是不同飲品，正天婦羅區的食物用竹支串好，放在大雪櫃內 先選食材，再拿到旁邊點炸漿及米糠，之後就可放進爐內炸啦～成品也不錯啦～刺身方面有十幾款，每款都很新鮮呢～好味甜品有韓國雪條，雪糕三文治，泡芙此外每人也可選一個雪糕杯，有Movenpick，Haagen-Dazs 及 Dreyers 超級滿足的一餐，環境真的很乾淨又舒服，食物水準又很好，絕對會再和朋友家人 encore

2018年9月25日 四人行， 六點正到餐廳，食左2粒鐘。 叫左個258蚊餐，有85折，連加一埋單980蚊。有咩食，一入到去乾淨企理。有無限添既中華沙律，辣味螺肉， 小八瓜魚， 生薑片等既日式前菜。有得玩有食既自製天婦羅，炸蝦天婦羅好彈牙。我諗我地4個，應該食左50隻蝦😂😂😂。仲配好多粉比你選有椒鹽粉，七味粉，地獄粉等。除左天婦羅，有墨丸，牛丸，芝士丸，栗米，鮮腐竹，凍豆腐，蕃茄。基本野都好新鮮。但係主角就... 送左4隻蠔。味道一般。牛小排味道唔太出色，但都唔差。墨魚滑好食。牛白肉就唔覺得特別好食，但手切牛就好味道但又未到食到唔停留得口果種。最開心有movenpick係雪糕食。

今日有個同事生日，我哋為咗慶祝同佢食生日飯，咁就揀咗她摯愛嘅日式打邊爐放題 門口有啲櫻花佈置，相當美麗牆上掛了好多祈福牌， 好多人都將自己既願望寫上去，希望可以願望成真。 我都唔執輸寫低咗我個願望， 順便做個紀念內裏寬敞， 裝修比較日式化， 非常乾淨整齊我們選擇咗比較熱門既北海道牛乳湯底， 感覺清清哋同含有香滑牛乳味， 唔會覺得好熱氣嘅感覺。和牛分三種，包括牛肩肉， 三角腩和肉眼上蓋。 和牛肥瘦均勻， 顏色鮮豔奪目， 香滑之餘仲一啲都唔韌。手切牛肉，size大細適中， 份量都幾多， 牛肉好重牛味， 非常鮮甜牛白肉， 看起來好肥好膩， 但食落去一啲都唔覺，還帶點爽口，非常滋味牛肉粒細細粒之餘仲好有口感額外仲有刺身食， 我哋隨意點左三文魚，北寄貝，甜蝦和象拔蚌刺身。 刺身夠曬冰凍鮮甜， 打邊爐仲有新鮮刺身食，真係大滿足出面還有很多蔬菜類和肉丸，任君選擇。 食材排得井井有條，感覺非常乾淨衛生飲品選擇也非常多， 汽水，果汁，茶類應有盡有放題選擇竟然可以細緻到分六種唔同級數嘅牛肉以供選擇， 可以迎合對不同口味要求嘅人食用

聽朋友講呢道好抵食，今日訂左同隻佬收工黎荃灣搵食！我地選左個 258 極上安格斯牛放題，湯底選左 牛乳牛骨湯！之後就行出去睇下有咩拎喇 🤣🤣睇開飯都知道可以自己炸物，好有趣，本來仲諗住食住野再出黎玩！後黎堅太飽...冇玩！下次一定黎再試下呢個 😋蔬菜區好多選擇，今次我地丸都冇試 😤🙈 原因你睇埋落去就明喇 🤣🤣野飲選擇都好多，我地作戰，唯有飲茶 🤣🤣個放題有第一轉唔駛點既野放落黎，首先個廣島蠔係送架！仲可以刺身咁食，勁鮮甜呀！如果店主有埋檸檬就好喇 🤣🤣 之後就開始送牛肉果類野上枱 😱😱😱 好多野選呀！牛/豬/雞/羊都有，牛仲有好多唔同既位置！原來我地個餐仲有刺身、花膠、灣仔碼頭水餃，蝦滑....會唔會勁豐富呀 😱😱呢個係 北海道牛乳 3.7 牛骨湯，湯底好甜！呢個就係今晚既主題，安格斯牛小排，睇個樣就知佢靚囉！味道都好濃牛味 👍🏻👍🏻呢個係侍應姐姐話送既 手切本地牛肉，唔好睇佢好似好瘦咁，極度 juice 👍🏻👍🏻👍🏻 有咬口，但唔會好難咬開！真係唔錯！呢碟又係送既，侍應話係和牛金錢展，好爽口牛味濃，大愛呀 😍呢碟係黑毛豬，係餐既！豬味都唔錯 呢碟係羊...本人冇食 🙈 但隻佬話唔錯

原來現在連荃灣也有稻八了，之前在大埔吃過覺得不錯，而且荃灣更方便泊車，所以便去試試是否一樣有質素。這裡比大埔店面積更大，座位更寬敞舒適，桌子之間距離更充足，通道更寬闊好走。點$208或以上的套餐便可任點刺身和灣仔碼頭水餃。很齊的調味配料自助區。除了肉、刺身、餃子，自助區會有沙律，還有多款蔬菜選擇。丸類也是多款到不知怎樣選。當然，凍飲選擇亦不會少，茶水也備，雪糕甜品也不會缺。刺身的質素不錯，不會太凍或有腥味，特別喜歡櫻花魷魚。我們點的是極上安格斯小排放題 $258 一位，點完湯底便送上這一堆，包括特級美國穀飼牛、美國進口牛肉、美國自然黑豚肉、羊肉及日本北海道雞片，更會送上牛白肉及牛柳粒，這期更送花膠、蝦滑及墨魚滑。除了送的項目，其他肉類都可以再點，而肉的質素就是相片一樣，鮮嫩好吃。自助區的食物質素也是不錯的呢。當然稻八的特色就是有自助炸物，款式選擇多，教學清晰，還有多款調味料。可以自己炸物自己炸真的太好玩，特意留肚吃，最愛炸蝦，讚。除了因爲可以自己炸物好玩，食物質素也是真的不錯，所以會有下次。

日式涮涮鍋放題, 久唔久都會食下，今日經開荃灣又見到一間類似日式涮涮鍋放題，就上去試一試。北海道3.7牛乳牛骨湯：牛骨味夠濃，加埋日本牛奶非常之夾， 除咗呢一隻當中仲有幾款俾你揀。黑毛和牛肩肉，肉眼上蓋，三角眼：三種牛肉令我最深刻印象係肩肉，油花平均，口感肥而不膩，入口即溶。手切牛：肉質比和牛煙靭，牛味相畀亦都較濃，唔同嘅食法唔同嘅部位。海鮮拼盤：青口，大蝦，北極貝，廣島蠔，蜆，八爪魚。刺身:三文魚,象拔蚌, 甜蝦肥美三文魚，夠新鮮，象拔蚌好爽口，甜蝦大大，隻任你食。飲品雪糕全部都係任你食任你飲，由頭食到尾。總括嚟講又入門口，至到埋單，都係食不停，食才質素非常之高，服務態度亦都好好，跟嘢跟到好足, 唔會因為放題關係己Hea你

已是第二次食，喜歡食牛就真係要試下!價錢我覺得尚可接受!比起某間牛X價錢貴，還好似食垃圾咁!牛無牛味!又收得好貴!我寧願同朋友嚟呢間!任飲任食又有剌身，又有自炸天婦羅👍真心覺得真好味