稚

營業中

休息中

店門擺放兩張長櫈，店名一個”稚”，門面格局似咖啡店，有悠閒感覺😚。食店牆身掛左幾幅日本動漫嘅畫，有幾張2/4人枱。店舖雖小但每枱都可自成一角，私密度高。木質裝修，環境都幾舒服😌。今次試了一份蒲燒鰻魚定食🍱 ($72)—— 包括前菜麻醬青瓜、麵豉湯、珍珠米、煎茶厚身鰻魚燒得軟稔，魚肉肥美有鮮味。淋面醬汁均匀，甜而不膩。鰻魚夠大份，配上軟硬適中白飯，一啖接一啖好快清碗了。🤪一般麵豉湯對我來說太鹹了，這裡的調味剛好，吃完整份定食離開，相當滿足啊！🥰

前排去左元朗做野，放晏順路行過見到呢間日式小店，午市價錢都算平，就即刻入去試試🥰。每個定食都會配上前菜，茶同味噌湯～味噌湯另外仲配上超多冬菇係入面呀 😆 🐖 汁煮豬軟骨定食 $68一上枱見到個碟😱，啲豬軟骨大大塊而且份量超級多～肉質較淋身夠入味❤️ 豬軟骨上面仲加左炙燒沙律醬 😆 正到～～🤧 🐣照燒雞扒定食 $58照燒雞扒雞皮夠脆，肉質脆口嫩滑，醬汁香濃😚啲汁用嚟撈飯都好正啊～！大推介❤️呢間小店地理位置方便，朗屏站一出行條天橋就到～而且平靚正！晏晝去仲好多人等位添啊～😆 大大大大推介 😉#伏遊元朗#元朗美食📍稚 (元朗)元朗俊賢坊18號權益大樓3號舖

行完山已經好攰 ⛰翻元朗就隨便睇睇有咩好食有時路過稚都見有好多人等位今次時間可能比較晏 無咩人等位於是就入去食咯🤤唔好睇佢門面好細 其實裏面都大 重有個半開放式廚房 有時候都可以睇到廚師煮野😂佢地用好多唔同既漫畫做裝飾而且又會播d漫畫主題曲有時聽到岩自己既歌 又會諗起兒時回憶我叫既係汁煮豬軟骨首先一黎到好興奮🥰色香味俱全，有肉有蔬菜🥬豬軟骨勁軟，筷子都可以夾爛d肉，就知有幾淋啦重要舊肉係吸左d汁 佢個汁真係好入味，肉既分量都多 多到每啖飯都可以配肉，而且肥瘦均勻 啖啖骨膠原😋吉列豬扒和風紫菜豬扒炸到皮簿 外脆內軟，肉質鮮嫩，最主要佢係炸得乾身，唔係油淋淋，沾燒汁醬食一流酸酸地，夠開胃佢每份主食都配有一份涼拌同味增湯我幾鍾意食佢既海蜇絲同共菜佢既辣好特別味增湯多菇同豆腐真係正我地重叫左分小食酥炸生蠔🦪埋相好靚炸到金黃色粒粒生蠔大大粒 粒粒都漲卜卜咬落去有汁落出黎 好彩我地放左陣先食 唔係就熱到咀食落無生蠔既腥味 反而帶有鮮甜味 真心好欣賞佢d炸物 炸粉小 所以做到皮簿睇得出佢著重食物既本質👍👍👍

黎到元朗國真係好多選擇，花多眼亂。不過朋友介紹一間食日式定食的餐廳 – 「稚」。由西鐵站朗屏站落車後，沿天橋一直到餐廳，都不算難找。朋友推介性價比頗高的日式定食，我們點了兩款試試。1.招牌蒲燒鰻魚- 半條$72 >>>轉定食 + $30 = $1022.日式和風牛肉 - $60 >>>轉定食 + $30 = $90***定食是包括了(前菜·漬物·煎茶·味增湯·珍珠米)前菜: 除了麻醬玉子豆付是我的喜好，最令我驚喜是似海哲，又似帶子裙邊的小食，加了一點似麻辣的秘製汁，很香佷特別! 非常開胃!味增湯: 這個味增湯，裏面的蘑菇絕不吝嗇，入面的蘑菇令湯更鮮甜，繼前菜再次加分。主食: 平時我是不太喜好鰻魚，因為有些餐廳煮出來的鰻魚會有種似鐵锈的味道。但這個真的是出乎意外地味道很好，面上用火槍燒過，增加了一份焦香的味道，沒有鐵锈味，而且魚比較厚身而且有汁，半條份量都不少，愛上了這個鰻魚，完全對鰻魚改觀，絕對推介及好評。主食: 日式和風牛肉肉味濃郁，面上還加上香辣七味粉，提升了牛肉的味道。份量之多，一啖肉一啖飯，吃完了整碗飯都還有牛肉剩，真的很厲害!

最近先發現呢間匿藏元朗嘅平價日式定食店簡單唔花巧，就做日式定食室內地方偏小，陳設都係日本動畫餐牌寫明8款主食都可配上定食套餐由$60至$122都有，豐儉由人，最貴都唔算好貴，都可負擔得起加$30包含前菜、漬物、煎茶、味噌湯、珍珠米，甚豐富前菜簡單，但有別於一般定食選用胡麻醬配玉子豆腐、調味海蜇，幾開胃味噌湯含豆腐粒、冬菇片，唔算太鹹，有味噌香重有杯煎茶，比較清淡，略有茶香，呷下口會發現稍有菊花香套餐用日式托盤，擺盤精緻招牌蒲燒鰻魚$72/半條鰻魚份量算適中，總算肥美嫩滑，夠厚肉燒製時火喉控制得好，魚皮焦脆，魚肉彈牙，無骨有油脂香，唔太肥膩，醬汁略有微微甘甜旁邊有大量爽脆椰菜絲沙律，可解膩珍珠米飯份量充足，暖笠笠，飽滿+煙韌，有少量紫菜碎點綴日式和風牛肉$60 撈飯一流，牛肉舖滿一大碗，份量足夠牛肉入味，牛肉汁唔太鹹配料有清甜洋蔥、香蔥，灑上用作調味嘅七味粉整體帶香辣，味道提升厚燒玉子$30/4件僅略有甜味，甜味唔重，有足夠蛋香味，尚算滑溜配少量醬汁+木魚碎+紫菜整體增加層次感，畫面夠豐富味淋雞泡魚干$42 燒得香口，表面有惹味燒汁，鹹中帶甜色澤光鮮，表面稍硬身，入口逐漸變軟，並非乾柴感

今日收工去左大西北搵朋友, 順便食埋晚餐先番屋企! 最後揀左係大街旁邊嘅一間日本餐廳<稚>, 一入到去就見到大大少少80至90後嘅動漫, 充滿著童年回憶! 小妹同朋友點左一人一個主食再追加做定食🍱, 入面會有埋前菜, 漬物, 煎茶, 味噌湯同珍珠米!😊🌟芝麻醬玉子豆腐/香辣帶子裙邊涼拌玉子豆腐口感清涼, 岩哂e家嘅天氣, 帶子裙邊幾爽脆, 食落辣辣地幾開胃🌟味噌湯🌟和風紫菜吉列豬扒吉列豬扒炸粉唔厚, 外層酥脆, 豬肉軟腍有肉汁, 單食已經幾好味!🌟海塩燒鯖魚鯖魚表面焦香微脆, 食落肉嫩唔腥, 有少少魚油溢出!

🎐較早前告知朋友，元朗有一間日式小店 ，製作有水準的食品🎏朋友很有興趣光顧，那天中午12點前已到達，等它開門，皆因製作需時，可能約20分鐘或以上，為免多人等候太久，所以即入即叫「香烤雞扒定食」，可選蜜糖/照燒/日式咖喱🔰香烤雞扒定食(蜜糖)$58，水準依然🤩🔰蜜糖雞扒，將雞扒放在烤網上，慢慢翻烤，將雞皮的油迫出，故雞皮烤得薄脆香口，最後翻烤時，將蜜糖掃在扒上，美味的蜜糖雞扒呈現眼前🔰白飯裏有惹味的燒肉汁和少許紫菜條🔰麵豉湯，味道合我胃口，不像坊間的偏鹹。今天很幸運，湯裏的小豆腐粒和菇粒比平時的多😁

今日Day off入左元朗探個朋友，夜晚佢話帶我去食價錢親民既好野😆原來係呢間的的色色裝修好日本風既日本餐廳🍱🍛我地叫左半條招牌蒲燒鰻魚定食，和風紫菜吉列豬扒定食同埋一份厚燒玉子～一上菜就覺得真係好有係日本食野既感覺，托盤上面有齊前菜，漬物，煎茶，味噌湯，主菜同埋靚靚既珍珠飯，見到就開胃😍味噌湯幾鮮味唔會太鹹👍鰻魚燒得好香，個汁送飯一流😋肉質肥美，半條份量都唔少😁吉列豬扒岩岩炸起勁香脆，炸粉唔會太厚，食落完全唔油膩👍 配左個類似日式酸梅既醬汁就更加開胃👏厚燒玉子幾滑，本身都夠味，搭配沙律醬同酸梅汁就有另一種風味😊地頭蟲街坊果然無介紹錯🤗

好日都唔入元朗 一入梗係要突登search下有咩好野食啦🤪見呢間小店都幾多人推薦一於試試佢 位置亦唔算好搵 兜兜轉轉左幾圈先搵到 🥢 招牌蒲燒鰻魚(半條) $72諗唔到食咩既 絕對推薦呢款招牌菜💕鰻魚層皮燒到有焦香 肉質都係嫩滑 完全食唔到腥味 加埋甜甜地醬汁好好食！🥢 汁煮豬軟骨 $70豬軟骨好淋亦又好入味 仲要大大舊 份量唔少 送飯一流🥢 定食 +$30定食有前菜 煎茶 味增湯 珍珠米4樣💭另外我地加左$10再轉做茶漬飯 前後total要$40·前菜係麻醬豆腐🙈豆腐好滑 加埋芝麻醬調味仲開胃·味增湯唔算鹹仲要有冬菇同豆腐粒調下味咁 ·完全無後悔+$10轉茶漬飯 口感好豐富 配料亦都好多 個味道好夾 食完一啖又一啖 飽晒😬

今日難得放假，同朋友喺朗屏行完，搵到間日式小店入去試吓個lunch，入到去座位唔多，好彩我哋係平日兩點嘅時間所以唔駛等好耐，職員都好有禮貌！Menu可以揀嘅款都唔少，我就揀咗一個蒲燒鰻魚定食平日食真係好抵，另外佢哋都有假日午市定食，佢係好食嘅鰻魚燒得來外面有少少脆肉質好厚，佢呢個係半條，但係其實都好夠。我幾鍾意佢個湯，味增湯但放左唔少冬菇🙆🏻‍♀️仲有驚喜嘅位就係個飯，佢有得揀轉貓飯、茶漬飯或者烏冬不過我冇特別加我朋友食另外一個定食就試咗貓飯都幾特別(佢係有埋紫菜木魚花日本醬油同牛油)但係我食普通珍珠米嘅飯佢都煮得好好。一個定食我覺得飯係最重要呢個位我覺得高分❤️地鐵站行過嚟又方便我諗我都會好快再嚟🙆🏻‍♀️😊

同朋友食lunch 見到一間有好有日式風格既小店Lunch又唔算啊決定一試Lunch set都有幾多選擇啊我叫左和風牛肉定食+貓飯貓飯係多咗紫菜，木魚花，日本醬油，牛油成個飯香左好多啊！定食有個香菇湯 牛肉係有小小甜味 牛都好滑 好開胃啊朋友叫咗蒲燒鰻魚定食本身我自己唔食鰻魚嘅但係朋友話好好食叫我試吓點知原來真係好好食😋完全冇腥味好香鰻魚味！好似日本食果種咁香估唔到會有咁好既質數！因為食既多數都係好難食所以我有驚喜呢

好耐無黎稚到食啦，是日咁啱過黎呢邊，順便食個午餐先。無黎一排，餐牌無乜轉喎，價錢比起舊年都係加左兩蚊咋。點左招牌蒲燒鰻魚定食，再轉左做貓飯。飲啖麵豉湯先，鹹鹹鮮鮮幾好味，入面仲有菇菇㗎。午市定食鰻魚有半條，賣相幾靚。鰻魚厚身好肥美，個皮煙煙韌韌有咬口，加上甜醬汁好味呀。係貓飯呀～加十蚊就可以轉食啦。飯入面加左紫菜，木魚，醬油同牛油，混埋一齊好好味，就算無餸都可以食到幾碗！仲有個前菜小青瓜，鹹鹹地仲有小小辣味幾得意㗎。最後飲埋杯茶夠完美。晏少少去人唔多，可以慢慢嘆個午餐。

自從第四波之後都好少出街食飯，公司要人清假，難得平日放假，所以就出街搵下啲少去嘅地方覓食。.🍴汁煮豬軟骨定食豬軟骨好稔，入味，但唔會柴，漬物有加分，驚喜嘅係紫蘇葉，配上定食，一流，而家份量都好多。🍴招牌蒲燒鰻魚定食配貓飯鰻魚大大條，油脂重，但略嫌燒汁過多，有啲太甜。貓飯好特別，第一次聽呢個名，飯上面有紫菜、木魚花、日本醬油同牛油，配搭好好，不過一定要攪拌均勻，如果唔係會一啖好鹹，一啖無乜味，配搭新鮮好味。全部定食都附送前菜、煎菜同味噌湯。是日前菜係胡麻青瓜，胡麻醬配青瓜係經典不敗組合。味噌湯有好味菇菇，不過略嫌太鹹。🍴玉子燒有4舊，不過不失，甜甜的。整體黎講，食物質素不錯，店內裝潢帶點舊日本風味，而且有幾幅有名的動畫puzzle，引起90後肥A嘅共鳴。

上年年尾去食，同小朋友一齊去的。有點失望，味道算幾好，但又貴又細份好出名嘅貓飯要加錢叫set再加廿幾蚊先食到。居酒屋格局但無酒賣，每枱限期1.5小時。唔會再去懲罰。

記得1、2年前係柳川食左個$3xx-4xx嘅鰻魚飯💸 咁耐無得去旅行，身痕想係香港搵間日本餐廳，平平地食個鰻魚飯。見呢間餐廳咁多後生仔女排隊，應該係正嘢，咁就試下啦～ 排左15分鐘隊，終於入座❤️招牌蒲燒鰻魚定食 $72🥗 前菜：配飯食都唔錯，感覺清新健康啲～🥣 味噌湯：有好多🍄，清甜而唔鹹🐟 鰻魚：醬汁香甜，但唔會膩；鰻魚肥美，鮮甜而唔腥，份量都唔少💯 係🇯🇵嘅味道🥲🍚 珍珠米：飯粒飽滿，裝得幾多下😂🍵 煎茶：食完飯清下個口，解下滯～15分鐘就KO左個餐😋 好嘢係值得等待嘅！