稚

營業中

休息中

好耐無黎稚到食啦，是日咁啱過黎呢邊，順便食個午餐先。無黎一排，餐牌無乜轉喎，價錢比起舊年都係加左兩蚊咋。點左招牌蒲燒鰻魚定食，再轉左做貓飯。飲啖麵豉湯先，鹹鹹鮮鮮幾好味，入面仲有菇菇㗎。午市定食鰻魚有半條，賣相幾靚。鰻魚厚身好肥美，個皮煙煙韌韌有咬口，加上甜醬汁好味呀。係貓飯呀～加十蚊就可以轉食啦。飯入面加左紫菜，木魚，醬油同牛油，混埋一齊好好味，就算無餸都可以食到幾碗！仲有個前菜小青瓜，鹹鹹地仲有小小辣味幾得意㗎。最後飲埋杯茶夠完美。晏少少去人唔多，可以慢慢嘆個午餐。