稚

營業中

休息中

屋企人整親手今日同佢睇跌打，所以就無煮飯揀咗稚😌裝修都幾有居酒屋嘅感覺兩個人揀咗兩個主食- 招牌蒲燒鰻魚（半條）$72鰻魚厚身，啖啖肉有油香，有焦香又唔會太燶👍🏻- 和風牛肉 $60和風醬汁好惹味又唔會太鹹，牛肉亦都唔會太肥配埋爽甜嘅洋蔥，用嚟送飯真係一流🤤因為屋企人係飯桶我哋加咗$30轉做定食😋定食有:前菜·漬物·煎茶·味增湯·飯飯上邊加咗飯素🤤鹹鹹香香咁前菜係椰菜絲，爽口新鮮，加咗麻醬，超好食🤭仲有一片香甜嘅玉子漬物係麻醬豆腐同帶子裙邊，都係好好味嘅

今日中午老公放假，就心血來潮來到朗屏站附近的日本小店lunch入到餐廳，播住日本歌，有幾幅日本動漫壁畫jo點了兩個lunch set，每個set都有煎茶、味噌湯、珍珠米和前菜，味噌湯相當不錯，好足料有好多菇同豆腐，值得欣賞係擺盤好靚，木盤擺咁多小碟，用住木筷子木匙食好有feel❤️汁煮豬軟骨定食 $68豬軟骨份量好多，煮到好入味和淋身，仲有有漬物伴碟，好食！蒲燒鰻魚定食 $72鰻魚好彈牙，呢個價錢算好大條， 再加上鰻魚汁撈飯好正，仲有椰菜絲伴碟.呢個價錢有咁ge質素相當不錯，性價比高，如果住附近推介一試支持小店，等jo下次加$10試下貓飯同茶漬飯先😋

招牌蒲燒鰻魚定食前菜係新鮮爽脆沙律菜，仲香甜嘅玉子同番茄。漬物有煙韌有嚼口嘅海哲同嫩滑嘅日本豆腐。味噌湯味道濃郁，裡面有冬菇。飯係珍珠米，軟糯可口，上面仲有些許紫菜同木魚碎，增加咗香味同口感。主食燒鰻魚，外皮燒到焦香，煙韌有嚼口，肉質嫩滑油潤，入口即溶嘅感覺，濃厚嘅醬汁鹹鹹甜甜非常好味。日式和風牛肉定食前菜、漬物、湯同飯都係一樣嘅。牛肉嘅湯汁好惹味，牛肉肉質肥瘦均勻，食落爽口，甘香有牛味，仲有爽口清甜嘅洋蔥。最後整番杯煎茶，滿足晒。

嚟到元朗朗屏呢邊，係熱鬧嘅街市入面竟然有一間日本餐廳😂細細間，收得好埋，見係小店，好想入去試一試，見佢嘅set嘅價錢都好親民💓😎同埋好難得晚市都有定食!!!每個定食都跟前菜、漬物、煎茶、味噌湯、珍珠米，份量好足，性價比好高。招牌蒲燒鰻魚－半條🍱（＄72）：大半條既鰻魚，食得出佢係有用火槍燒過既焦香味，雖然半條，但都唔少!鰻魚夠厚身，又俾得夠饅魚汁，食落唔乾身!女仔食，半條都夠曬架啦日式和風牛肉🍱（＄60）：和風牛肉幾惹味，佢仲加左少少七味粉點綴一下，亦都有多少少牛汁，用黎送飯真係唔錯!前菜(麻醬玉子豆腐、帶子裙邊): 麻醬玉子豆腐正常水準，但估唔到個定食仲有配帶子裙邊，食落好爽口，少少地咁，好開胃!味噌湯: 出面好多味噌湯入面都無配料，但呢到既加左好多蘑菇係入面，成件事好提鮮!加分加分!章魚小丸子－6粒（＄42）：一黎到即食，熱辣辣咁個皮幾脆身，食落去無論菜定章魚，都好足料，6粒2個人食都夠曬

已經食過稚好多次，我好鍾意佢哋嘅豬軟骨😚😚今次試吓食新嘢，食日式和風牛肉。牛肉份量好多！！！食極都仲有咁😍加咗$30轉定食，成set日式定食咁樣上好吸引好精緻🥰定食包前菜、漬物、茶、味增湯同埋白飯。牛肉食落甜甜地，非常好送飯😚前菜係椰菜絲沙律，上面仲有玉子！好食☺️另外我鍾意佢嘅麻醬豆腐😍😍.朋友叫咗蒲燒鰻魚，都係加$30轉定食。鰻魚肉質嫩滑，食落冇細刺。另外我哋叫咗個小丸子share🥰其實之前都食過呢度嘅小丸子～

平時晏晝經過呢間舖頭覺得幾有特色，好似啲日本懷舊嘅小餐廳咁，所以今晚就過咗嚟食，試吓佢哋嘅菜式同埋個氣氛似唔似日本，因為真係好耐冇去過日本旅行啦，入到去坐低之後望到Menu，唔會好複雜，只有兩版紙，如果你有選擇困難症，強烈建議你可以嚟呢間日本料理度食嘢，因為款式唔會話好多，可能係重質唔重量，我哋叫咗個招牌蒲燒鰻魚，一個香煎和牛漢堡扒，同埋一個蟹膏蜆肉炒飯，首先嚟嘅係個炒飯同埋個漢堡扒，炒飯好香蟹膏未，每一啖都有蜆肉，飯粒分明，唔會太乾身亦都唔會太濕潤，覺得剛剛好，總會有啲粟米粒同埋木魚配料，和牛漢堡扒都幾大塊，有薯餅同一啲配菜，切開漢堡扒之後好香，裏面唔會太過硬身，好Juice亦都好軟林林，口感一流，最後就係蒲燒鰻魚，可能因為即叫即燒嘅關係，所以會等得比較耐少少，但係你都好香，令到平時都唔食鰻魚嘅我都忍唔住食返幾啖，完全冇魚腥味，鰻魚肉質好嫩滑，再配埋佢哋嘅自家製鰻魚汁，直情高質呀，整體感覺舖仔細細，估唔到嘢食質素唔差👍🏻👍🏻

之前已經黎過一次呢間“稚”，好食又抵食！今日再同男友過黎回味下😋我地叫左一個蒲燒鰻魚定食轉茶漬飯少飯同埋一個生薑豚肉燒轉貓飯～前菜係啲加左七味粉既青瓜，爽脆開胃👍鰻魚燒得好香好靚，賣相吸引😍 肉質肥美，無骨，個汁要黎送飯一流😋茶漬飯口感豐富，有啲脆粒係面頭，又夾雜住啲紫菜同木魚香👍生薑豚肉燒超重生薑味，洋蔥好甜而且煮得夠淋，豚肉應該用左豬頸肉部位，肥瘦適中帶啲咬口，又係超好送飯🙊貓飯同樣口感豐富得黎帶淡淡既牛油香味，幾特別～咁高質抵食難怪儲落咁多熟客 (包括埋我🤣) 值得支持！👏👏

只要係咁以喺OpenRice度search過吓元朗有啲咩好嘢食嘅人 都會對呢間野唔陌生😂因為只要喺網上面打元朗美食 頭幾間一定會有呢間嘅出現🤩呢間日式小店係呢幾年喺元朗嘅大熱門😚專門係食一啲日式定食😆入邊嘅裝修都令到我哋好似返咗去日本旅行咁☹️❤️《吉列豬扒定食配咖喱汁🍚》本來想叫佢嘅泡菜豚肉定食嘅 但係當日兩點幾舖頭已經話啲泡菜賣晒啦😭所以就諗住轉策略食一啲睇落點都唔會伏嘅定食 不過其實吉列豬扒周圍都有得食 但係做得好食嘅又真係冇乜幾間🥲呢間啲豬扒食落唔鬆軟 而且豬味道好淡 咬落去成口都係粉漿嘅味道😿只係一個好普通好普通嘅炸豬扒☹️不過都好在佢個炸粉唔算厚 都未至於差到貼地嘅🥶佢啲咖喱就好正常 都係普通周圍都會有嘅日式咖喱味道😂當日嘅白飯唔知點解煲得有啲硬 又好似有啲乾 總括嚟講成個餐得個咖喱係比較正常🥲🥲《蒲燒鰻魚定食配貓飯》為免有啲人唔知道咩係貓飯 我首先輕輕咁樣形容下先🤣貓飯即係係啲白飯上面加上紫菜 木魚花 日本醬油 同埋牛油撈埋一齊🤣本人見識少都係第一次見有舖頭係會咁樣食🤣所以就加咗$10諗住試試佢 呢一間舖出名都好似係因為呢一個飯😋本來食之前真係抱有好大期望 因為網上面啲人好似真

呢間係家庭式居酒屋🏮 店內位置唔多, 牆上面掛咗好多動漫嘅畫, 有和風嘅感覺🎏-主食可以加$30轉定食, 包咗前菜, 漬物, 味噌湯同珍珠米🍚 前菜係芝麻醬豆腐, 漬物係麻辣帶子裙邊, 好爽口仲少少辣🌶😋 每份定食都有沙律同玉子燒, 好豐富😍-🍱招牌蒲燒鰻魚(半條) $72半條鰻魚都好大條好厚身, 肉嘅質地都嫩滑, 淋上甜甜哋嘅蒲燒汁就更正🤩-🐮日式和風牛肉 $60和風牛肉醬汁好濃同埋咸中帶甜, 灑咗七味粉令味道更突出👏🏻-🐟味淋魚干 $42雞泡魚乾用味醂醃過再烘過剪開一條條, 點埋沙律醬絕對係居酒屋佐酒嘅最佳小吃🍶

You could call this place cosy as its not very big , similar to the little eateries in Japan.Only have menu in Chinese.They have a choice of mains, with which can add rice or udon or upgrade to a set (including soup and sides).Opted to go with the set and also paid extra for the 'cat' rice - rice mixed with melted butter, topped with bonito flakes and shredded seaweed which gave it a nice savoury flavour.The main I picked was the pork cartilage which was cooked really tender, rich in flavour and

呢間日本菜之前都聽好多人講 都有啲小名氣 所以就去試吓入到去比佢個裝修吸引 因為有One Piece啊😍😍嗌咗兩個set「招牌蒲燒鰻魚定食」同「吉列豬扒定食」 包前菜、漬物、煎茶、味增湯同珍珠米 招牌蒲燒鰻魚定食 ⭐️⭐️⭐️⭐️鰻魚肥瘦適中 好厚 咬口軟林林 魚身燒得香口 微微有焦香 呢個價錢食到咁高質嘅鰻魚真係超值吉列豬扒定食 ⭐️⭐️⭐️⭐️⭐️豬扒肉質厚實 好大條勁足料 炸粉唔厚 炸至金黃色 十分香脆 點埋燒烤醬配沙律醬 十分夾！流心芝士年糕 ⭐️⭐️⭐️⭐️⭐️呢個年糕真係出色 炸得好脆 未食已經聞到濃濃芝士香 一咬芝士漏出 正呀！整體 ⭐️⭐️⭐️⭐️⭐️真係會再encore嘅一間店 前菜好豐富 海蜇皮同豆腐都好正 而味增湯仲有香菇 成個定食CP值極高呀！

元朗美食多，今日見到呢間近朗屏既日式小店，店面吾太起眼，但內裡就有好多出名日本卡通既掛畫，夠哂日本風味🤩✅蒲燒鰻魚定食（半條）自己本身都好鐘意鰻魚，黎到見到當然要試下，鰻魚燒得焦香，肉質厚實，加埋鰻魚醬汁，送飯一流，另外加錢轉定食除左有飯之外，仲有味噌湯同小食-麻醬玉子豆腐同海蜇，個人好欣賞個海蜇，帶有微微麻味又唔辣，咬落爽口唔會韌✅和風牛肉定食和風牛肉以前係某連鎖集團成日會食，但黎到呢度試，都相當有驚喜，份量足料之餘，牛肉汁味道香濃，牛肉夠薄切而且脂肪比例適中，連埋甜甜既洋蔥，又係送飯之選，值得一試😍✅酥炸生蠔呢個小食要推介，生蠔有四件，炸漿厚度適中，炸得夠乾身咬落唔會成口油，蠔冇腥味，鐘意食吉列野既都可以一試🤩呢間小店既食物上碟擺得靚有誠意，食物亦有質素，下次想食日式料理就有心水了👍🏾

聽元朗嘅朋友講話呢間位於朗屏嘅日式小店價廉物美，於是就同朋友專登入嚟試一試😆一出朗屏西鐵站，B出口行大概5分鐘就到咗餐廳啦！餐廳唔係好大，座位大概有16-20個左右啦！要人齊先可以入座！雖然餐廳唔算好大但十分骨緻舒服😊香煎和牛漢堡扒漢堡扒十分厚身，口感鬆軟及Juicy😋配上新鮮炸出黎嘅薯餅，外脆內軟👍🥰鰻魚炒飯鰻魚肉質鮮嫩，炒飯鹹淡適中，粒粒珍珠米都包裹着魚香與醬香，再鋪上紫菜及木魚，撈勻一齊食，口感十分有層次👍章魚小丸子（6粒）外皮煎得金黃平均，章魚軟腍彈牙有鮮味，配埋木魚同紫菜喺面，再加埋沙律醬一齊食，口感豐富😋

今日同男朋友去咗元朗食飯入到餐廳就比掛咗喺餐廳牆上面嘅畫吸引因為真係好靚令到成間餐廳嘅感覺好別緻之後我男朋友就叫咗個半條蒲燒鰻魚定食鰻魚嘅質感唔錯 燒得好香而且肉質Q彈配埋佢哋個飯真係啱啱好定食入面嘅麵豉湯我都覺得非常之好飲之後我哋仲叫咗個蟹膏蜆肉炒飯個蟹膏好香 而且啲蜆肉都幾新鮮㗎個炒飯炒粒粒分明 我自己就覺得佢炒得幾好食之後我哋唔夠喉再叫咗個香煎和牛漢堡扒一咬入去充滿着肉汁 而且都煎得好香所以我哋都非常之滿足

之前午餐試過鰻魚飯，覺得幾好食，所以今日帶阿媽黎食晚餐。上次午餐時間去好多人排隊，今日就襯佢6pm一開門就入去✌🏻🦪 酥炸生蠔（4件）$38外層炸得酥脆香口，內裏嘅蠔幾好肉地，一啲腥味都冇，肉質鮮嫩，點埋沙律醬食更加滋味～🐟 招牌蒲燒鰻魚（半條）$72轉定食（前菜、漬物、煎茶、味噌湯、珍珠米）+$30黎呢度必食鰻魚！鰻魚外皮焦香，肉質肥美，淋埋醬汁食好入味🤤 阿媽都鍾意食啲漬物，爽口之餘又酸酸甜甜👍🏻 轉左定食好豐富，阿媽好快搞掂左個餐🤣🐖 吉列豬扒（🍛 日式咖喱）$62轉定食（前菜、漬物、煎茶、味噌湯、珍珠米）+$30吉列豬扒有好幾塊，都係厚切，肉質厚實，配埋日式咖喱，唔會辣，帶少少甜。前菜係豆腐同海蜇皮，豆腐配埋麻醬，口感順滑。海蜇皮好有咬口，夠爽😋 我鍾意呢度嘅味噌湯有埋菇🍄值得二訪嘅日本菜🇯🇵 下次想試豬軟骨🤤