稚

營業中

休息中

「稚」可算元朗數一數二的日式小店，它受深不少食客喜愛，即使需要稍稍等候入座，大家毫不介意。今天亦不例外，為了吃好吃的，付出些許耐性不算甚麼回事。「稚」的午市定價廉物美，由50元至72元不等，定食包括前菜，煎茶，味噌湯及珍珠米，極度豐盛，我跟朋友分別選吃和風牛肉定食和招牌蒲燒鰻魚定食。是日前菜為胡麻醬青瓜，胡麻醬青瓜非常清爽，扮演一個開胃的角色。味噌湯一上桌馬上有一股濃郁的味噌香撲鼻而來，味噌湯輕易撈到豆腐和冬菇，完全不死鹹。和風牛肉定食太棒了，大碗裡擺了滿滿牛肉，光看就很爽。和風牛肉煮得入味，加上香辣的七味粉，和風牛肉味道超有層次，還有洋蔥的甜味，即使吃再多也不會有膩口感，這和風牛肉挺厲害。我另加10元升級做貓飯，貓飯簡直是神之誘惑，熱呼呼的珍珠米上的木魚絲正在跳舞，我欣賞了一下，趁還有溫度時趕快下肚。煎茶蠻好喝的，淡淡的茶色聞來茶香十足，所以別被它清淡的外表騙了。朋友強烈建議點招牌蒲燒鰻魚定食，鰻魚有夠巨大，跟她想象的相符，厚度令她大感滿意。鰻魚肥厚，魚皮焦脆帶點黏嘴甘甜的膠質，鰻魚肉質鬆軟細緻，鹹甜醬汁使鰻魚甜味提升，發揮得淋漓盡致，好吃。

元朗嘅小店臥虎藏龍， 其中呢一間位於西鐵站附近嘅「稚」， 係一張非常親民嘅居酒屋。 價錢貼地不特止， cp值亦相當之高。一個和式定食都只係60蚊左右， 質素亦同樣有保證。所以亦得到好多年青人同埋網民嘅推介。今日離開元朗， 就試下佢呢度好出名嘅招牌蒲燒鰻魚貓飯。 一個鰻魚定食包含咗大大條嘅蒲汁燒鰻魚， 一睇賣相都已經知道鰻魚勁之吸引。鰻魚肉厚肥美， 而且肉質彈牙結實， 絕對唔係平價貨咁樣淋pat pat。 而且最重要係燒得非常之香口， 鰻魚本身屬於比較肥美嘅魚， 燒炙過後油脂爆發， 滿口都是魚油嘅香氣。再加上淋上咗鰻魚汁， 美味非常。再講下呢碗貓飯， 可謂店舖嘅名物， 貓飯其實係日本人平時最簡單嘅飯， 以前大多用嚟餵貓。熱辣辣嘅白飯上面加上咗大量嘅木魚絲同紫菜。 木魚絲係熱辣辣嘅白飯上面蠕動， 個人喜歡加上少少麵豉湯一同吃， 熱辣辣相當滿足。另外定食仲包含了一碗麵豉湯，麵豉湯味道唔會太鹹， 但又有麵豉嘅香。加上熱辣辣嘅日本茶作結，消膩解滯。估唔到細細嘅小店都能夠將蒲燒鰻魚整得咁高質素， 下次必定要試下其他。

已經食過呢間幾次，幾鍾意呢啲日式定食！暫時食過幾款，最鍾意都係汁煮豬軟骨💜💜今次係lunchtime嚟食，叫咗午市套餐嘅汁煮豬軟骨定食😝好鍾意日式定食嘅presentation 😚豬軟骨份量都唔少！都有五六件豬軟骨！豬軟骨煮到軟骨好軟腍，食落係滿滿骨膠原嘅感覺😍豬軟骨送飯真係好正！我加咗$10轉白飯做貓飯嘅，即係白飯上面再加紫菜、木魚絲等等。定食仲有前菜，酸酸甜甜好開胃！麵豉湯都好足料！有機會會下次再嚟食！

🇭🇰Hong KongAverage expense pp: HKD$50-100+📍Address:稚, Yuen Long好難得入元朗見朋友，所以去到呢間日本餐廳食飯，一見到價錢嚇左一跳，因為好難得可以用$50-$70食到一餐飯，呢個價錢就算係學生都負擔到。餐廳放左好多日本動漫嘅畫，店面頗細，好似之前日本有套《深夜食堂》既感覺。不過雖然價錢優惠，質素真係高質，定食擺盤十分精緻😱建議如果點既話可以轉貓飯，採用珍珠米、木魚、紫菜同埋牛油，攪拌均勻再食好香。估唔到香港仲有呢種小店用心經營，而且水準出色，希望有更多人支持小店。吉列豬排定食(日式咖喱) - $55由於係即叫即做，等左大約10分鐘，豬排係熱辣辣新鮮炸好，肉鮮嫩多汁，唔會因為油炸時間過久而乾身，咖喱汁薯仔拌飯十分惹味，同行既朋友更食左一碗半飯😂汁煮豬軟骨定食 - $68 （貓飯+$10)呢個超級推薦，豬軟骨燉煮過，淋既程度岩岩好，油脂入口即融，旁邊既醃蘿蔔可以解膩，小店水準黎講做得好唔錯，我覺得我會再番黎食呢個定食！

喺街度見到一個好有特色嘅小店 入面充滿童年回憶 好多動漫人物 唔怪得餐廳名叫“稚”- 意思係童年叫咗招牌蒲燒鰻魚定食 同埋豚肉生薑燒定食最特別嘅就係可以轉貓飯 (紫菜, 木魚花, 日本醬油同牛油混合嘅貓飯) 首先個 個鰻魚勁好味 冇乜魚骨 最重要嘅係感覺好新鮮 唔會有雪蔵味 醬汁亦都係好容易濃烈😍😍 至於個豚肉生薑 我本身就會有d驚好大嘅薑味 但係食落去出奇地好味 d薑同啲醬汁混合得好和諧嗰薑味唔會搶味 餘味仲帶點甜 就算唔鍾意食薑味嘅人都好適宜食 至於個貓飯 上面鋪滿紫菜同柴魚 日本醬汁同牛油混合得好好 聞起上嚟有好香嘅牛油味 配埋啲餸好夾!

搬左黎元朗市中心之後發覺食野真係好方便，Ｄ餐廳多到唔知點揀🤣今日男友就提議食日本野，而佢知道我宜家好少食麵通常都食飯，我地兩個咁岩都係即刻諗起呢間好日系風格既＂稚＂😁平日下午差唔多２點去到，咁岩有最後一張枱✌️午市定食幾抵食👏 我叫咗個汁煮豬軟骨飯，男友叫咗個和風牛肉轉茶漬飯～跟餐味噌湯足料，好多菇，鮮味重👍我個豬軟骨一黎到就聞到超級香，舖到滿滿的😍 食落有啲炙燒既風味，好淋一啲都唔韌，夠入味，係我食過有史以黎咁多豬軟骨最出色既一次！！😋😋男友既牛肉份量都唔少，個汁有洋蔥既甜味，送飯一流👍 茶漬飯有啲脆卜卜好似米通既野係面頭增加左個 口感，配埋紫菜，木魚同茶味好香好特別👏 食物水準真心非常高！！😍 真係絕對唔可以睇小呢啲舖頭仔既魅力😎

今日入到元朗搵食，見到間鋪仔細細好自家形式嘅日式小店，午餐餐牌一d都唔貴，我地叫左兩個午餐有前菜、味增湯、煎茶同飯。吉列豬扒定食選擇左咖哩汁，豬扒炸得脆脆的一d都唔乾，咖哩汁甜甜地，日式咖哩係一d都唔辣。泡菜炒肉燒定食，泡菜汁好醒胃有小小辣，豬肉薄薄一片，吸晒d泡菜汁好好味😋送飯真係一流。我地兩個餐都改左貓飯，貓飯嘅意思係紫菜、木魚花、日本醬油同牛油🧈賣相已經好吸引，撈埋一齊食好香，其實碗飯唔使送野已經可以成碗食晒。

來開元朗不妨試下這間日本便當料理餐廳，這裡雖然麻雀雖小，但五臟俱全，完全正宗的日本便當料理風格，播放著日語歌，讓人身臨其境以為到了日本 對於疫情無得去日本旅遊的朋友，食返個正宗日本便當都係一件樂事。今日經過就特地來吃個午餐，點了一份午餐，山賊豚肉燒定食，因為都係即叫即做,等了大約8分鐘，就有得食啦。一份定食飯同菜會分開，飯是正宗珍珠米，面頭有紫菜擺放，另外還有面豉湯同埋日本茶任裝。這個山賊豚肉燒真係無得頂，味道好好之餘，送飯簡直開胃而且又好食，平時少吃飯的我，真係可以成碗飯食曬，你們下次來，真係要試下呢個餐。這裡環境舒適寧靜，吃完可以chill 下慢慢飲茶消化下聽下歌，是一個不錯的午餐選擇喔。

招牌蒲燒鰻魚🍱+貓飯🍚$72 👍🏻必叫👍🏻肥美飽滿既大鰻魚口感外焦里嫩..肉質彈牙入口即溶..再配合濃糖赤醬既蒲燒醬汁.. 真係色味俱佳☺️ 米飯雖然係配角.. 但粒粒分明既珍珠米又肥美又飽滿..結合起來能讓醬汁在米飯中滲透開..既唔會奪走鰻魚既香味，又能夠提升食慾..營養豐富...咖喱吉列豬扒飯🍛$55 👍🏻必叫👍🏻店員為我奉上, 一股濃濃的咖哩香立刻撲鼻而來.. 地道微辣日式咖哩.. 熱騰騰非常濃稠下飯一流..令人食欲大開..無法抗拒超滿足..吉列豬扒炸粉非常鬆軟.. 每口食落都咔滋咔滋的聲音..超級幸福🥰豬肉炸得柔嫩可口..就算涼透了都保證一點也不干不柴🥸配合咖喱汁更滋味..放入鰻魚醬汁也不錯呢...😚檸檬柚子雞翼🐥$40👍🏻必叫👍🏻焦酥的外皮..肉質脆口嫰滑.. 微酸中帶著冰糖甜味的檸檬柚子醬汁..酸酸甜甜酸咪咪...十分開胃😚店員10分細心並把後面翅膀的肉起了骨🤪甜薯🍠$18 👍🏻必叫👍🏻日本一口甜薯燒完過後加倍香脆..口感腍軟清甜..加上蜜糖..so sweet 😍

出元朗行街，上網睇下有咩好食，搵到呢間睇人地話貓飯同茶漬飯一定要食我就叫左汁煮豬軟骨定食$68+$10轉配茶漬飯朋友就叫左蒲燒半條鰻魚定食$72+$10轉配貓飯豬軟骨有4大舊好多，但軟骨唔係淋身，麻麻地，茶漬飯我都覺得麻麻地，無咩特別，可能普通白飯仲好食朋友話鰻魚係DONKI 果款鰻魚，佢個貓飯都係無咩特別，有幾片木耳，有少少紫菜絲，上網睇同menu都話有舊牛油，但朋友話唔覺有，所以都係好普通就係咁，無一樣值得我再黎後記：坐係最近門口位睇住廚房，見到「廚師」「掟」食物落煎pan煎，而唔係「放」，感覺唔太專業，似玩食物多d

餐廳望落好有日式小店嘅style，今日午餐嚟到就食咗泡菜炒豚肉定食🍱泡菜炒豚肉定食🌶豚肉係用咗五花腩片，肉質食落唔會鞋，夾埋泡菜同辣醬一齊食夠晒惹味，亦都可以配椰菜絲食就清新一啲🥗如果唔太食得辣都有豚肉生薑燒、山賊豚肉燒依兩款唔辣嘅選擇🍱貓飯🍚貓飯即係珍珠米加上木魚花、紫菜、日本醬油同埋牛油，店員提醒記得要撈勻先食🥢依一碗貓飯就咁食已經非常之好食，除咗有大量嘅木魚同埋紫菜，醬油同埋牛油嘅比例恰到好處，隱若食到牛油嘅香氣但係唔會過份油膩，絕對可以食多一碗🍚🍚

去唔到旅行，唯有留港食．食．食！😊今次去咗元朗朗屏站附近的一間日式隱世小店《稚》，店舖雖然細細，但勝在用心製作，難得放假當然去支持一下😗😗！餐牌清晰又易明👇🏻👇🏻汁煮豬軟骨定食 ＄68分量絕對唔少，一排豬軟骨鋪滿飯面，肉質煮得腍之餘，軟綿容易入口，排骨肋條兩側就脆脆的，咀嚼一點也不費力，下飯一流👍🏻👍🏻👍🏻！蒲燒鰻魚定食 ＄72簡簡單單的鰻魚，淋上一點蒲燒醬汁，甜甜的帶一點魚油香，連同熱辣辣的珍珠米飯一同食，超滿足😌！跟餐有前菜、煎茶和足料味噌湯一碗！下次必定試埋貓飯或者茶漬飯先！

呢日跟朋友入咗朗屏一間凍肉批發店掃貨，入貨前先醫飽個肚才有力氣，朋友帶路話呢間小店唔錯一於試吓餐牌山賊豚肉燒定食豚肉切成條形增加口感，入口爽彈，肉質軟嫩帶點脂香；山賊原來是指用黑椒、大蒜及醬油做的醬汁，味道香辣得嚟帶點醬油的甜，配埋香甜的洋蔥，辛香惹味麵豉湯麵豉湯加入豆腐野菌，入口順滑帶豉香，味道不會太鹹，而且湯底無咁混濁，呷一口沒有麵豉醬的顆粒，看得出師傅的細心，連一碗唔起眼的配湯都咁用心做招牌蒲燒鰻魚定食(半條)鰻魚肉質軟嫩，肥美肉厚，口感綿密札實，鮮甜無土味，加上鰻魚醬汁，十分惹味，而且師傅會臨上枱前再用火槍烤一吓鰻魚表面，將醬汁鎖在鰻魚內，令到入口多一分焦香味茶漬飯(加$10)好少見可以轉配茶漬飯，以煎茶混和昆布高湯，配埋紫菜絲、脆米及木魚花，入口清爽，配搭肥美的鰻魚同食，可減低肥膩感

今日約了朋友到朗屏食午餐！經過一間不太起眼的日本料理餐廳，雖然座位不多，但環境企理乾淨。我們點了兩個午市定食，吉列豬扒定食及蒲燒鰻魚定食，非常有驚喜、高質！吉列豬扒定食（和風紫菜）：🐥🐥🐥🐥🐣一般餐廳的吉列豬扒非常摻次，有時炸得太硬，或者沒有肉汁！但這裏的吉列豬扒炸得非常好，炸粉非常鬆軟，吉列皮鬆軟得來很乾身，但完全沒有影響豬扒的肉汁，非常Juicy！配搭秘製酸醬，去除多餘油膩感覺。招牌蒲燒鰻魚定食（轉貓飯）：🐥🐥🐥🐥🐣真的對得住招牌二字，餐廳沒有吝嗇咁將好似手掌✋🏼咁大塊的蒲燒鰻魚奉上，暖暖的鰻魚襯上濃郁的蒲燒醬汁，大滿足嘅享受🤤總結，兩個定食都非常高質，雖然餐廳位置不多，但食物非常高質素，味增湯也非常濃郁好喝！非常推薦喜愛吃日本料理的朋友。

今日再過嚟元朗呢一邊食飯，亦都揀返我之前食過嘅日本餐廳，事關佢真係好友兒時嘅風格，牆壁滿是卡通人物，全都是非常之喜歡嘅日本卡通角色，一邊食一邊上也是非常之嚮往！對於愛食鰻魚嘅我我當然揀返呢一個招牌蒲燒鰻魚定食啦！事關佢嘅價錢真係非常之親民， $72再追加前菜、煎茶、美珍湯配上珍珠米簡直讓我好似返咗去日本一樣！然而疫情之下出去食飯真係一件非常奢侈嘅事，我亦都非常之珍惜，所以我都慢慢享用呢一餐！個鰻魚做得非常之香，配上香濃嘅鰻魚汁在上面，下面呃純椰菜絲，再配上1塊紫蘇葉，而珍珠米上加上微微一絲絲的紫菜，香濃撲鼻！再配上濃郁的麵豉湯，通常嘅材料非常之多，不是外面隨便用湯粉加上去就得過且過！整體上我覺得比起上一次來說更加好了，因為鰻魚嘅肉質變得煙韌，加上我覺得廚師真係非常用心去燒佢， 再配上一杯熱茶作總結！希望疫情過後我能夠來到這裏享用他的招牌萬事啦！