稚

營業中

休息中

平時晏晝經過呢間舖頭覺得幾有特色，好似啲日本懷舊嘅小餐廳咁，所以今晚就過咗嚟食，試吓佢哋嘅菜式同埋個氣氛似唔似日本，因為真係好耐冇去過日本旅行啦，入到去坐低之後望到Menu，唔會好複雜，只有兩版紙，如果你有選擇困難症，強烈建議你可以嚟呢間日本料理度食嘢，因為款式唔會話好多，可能係重質唔重量，我哋叫咗個招牌蒲燒鰻魚，一個香煎和牛漢堡扒，同埋一個蟹膏蜆肉炒飯，首先嚟嘅係個炒飯同埋個漢堡扒，炒飯好香蟹膏未，每一啖都有蜆肉，飯粒分明，唔會太乾身亦都唔會太濕潤，覺得剛剛好，總會有啲粟米粒同埋木魚配料，和牛漢堡扒都幾大塊，有薯餅同一啲配菜，切開漢堡扒之後好香，裏面唔會太過硬身，好Juice亦都好軟林林，口感一流，最後就係蒲燒鰻魚，可能因為即叫即燒嘅關係，所以會等得比較耐少少，但係你都好香，令到平時都唔食鰻魚嘅我都忍唔住食返幾啖，完全冇魚腥味，鰻魚肉質好嫩滑，再配埋佢哋嘅自家製鰻魚汁，直情高質呀，整體感覺舖仔細細，估唔到嘢食質素唔差👍🏻👍🏻