稚

營業中

休息中

元朗可以話真係黃店美食天堂😂😂何大總統有啲料到！今日就試左間日式黃店嘅午市定食。香烤雞扒定食 $58+$10轉貓飯一黎到就覺得成個set真係好豐富！一碟餸加一大碗飯，有個湯，仲有個細細碟青瓜，$58有咁嘅配套真係抵到爛，仲要去雞扒好大份！塊雞非常嫩滑，但外面煎到好香脆，配埋照燒汁同紫菜，真係非常夾。至於個麵豉湯，冇昆布嘅麵豉湯硬係覺得爭啲嘢😂所以我就覺得一般般。但我覺得最麻麻嘅就係佢個貓飯，啲木魚好影響口感，因為冇執嘅關係，所以非常之乾，而且仲要非常大塊，同時又帶唔到啲咩香味俾個飯，搞到食得好辛苦，所以建議大家唔好加$10去轉貓飯，明明個珍珠飯好好食🥲。汁煮豬軟骨定食 $68 +$10轉貓飯豬軟骨煮到夠冧，同時又帶有少少爽脆，幾正。而且啲豬軟骨非常入味，一啖豬軟骨一啖飯咁食真係啱啱好。但相比起豬軟骨，都係鍾意雞扒多啲，性價比高好多！總括而言，係價廉物美之選，入到元朗可以一試！

“蟹膏蜆肉炒飯”($98)“芝麻雞翼(3隻)”($42)“章魚小丸子(6粒)”($42)“厚燒玉子(4件)”($30)出開元朗去咗呢間口碑唔錯嘅日式餐廳食嘢☺Menu選擇分成小食,燒物,主食同料理4大類價錢仲相當親民好抵食😍今次叫咗1款料理同3款小食😝首先係蟹膏蜆肉炒飯🦀蟹膏同飯粒炒到好均勻,食落鹹鮮味十足☺蜆肉真係超多,仲要大大粒幾鮮甜😚而且碗飯份量超大😆2個人share就岩哂🤣3款小食分別係芝麻雞翼🐔,章魚丸🦑同玉子燒芝麻雞翼夠大隻,皮脆肉嫩🤤加上芝麻真係超香口惹味😋章魚丸食落唔會一pat粉咁☺面頭加上大量蛋黃醬,燒汁,紫菜同木魚碎🤩正😝厚燒玉子食落蛋香十足😍表面仲加咗啲芝士🧀火炙完特別香🤤呢間餐廳啲嘢食cp值幾高🤩如果下次再嚟一定要試埋佢啲定食先😝

呢間稚位於元朗俊賢坊18號，係一間日式店舖，店舖風格好有日本feel🤔，而去嘅每一款食物都好有水準👍!.香烤雞扒定食(蜜糖)配前菜/味增湯/珍珠米/煎茶賣相相當之吸引😍色香味俱全😙😋，真係睇得又食得，而去嘅雞扒外皮金黃香脆，皮薄帶點脆完全唔覺得肥又帶點甜😋，肉質又夠腍身味道都唔錯🤔，配埋D配菜食恰恰好!.海塩燒鯖魚定食配前菜/味增湯/珍珠米/煎茶呢款燒鯖魚都好睇得吓😮，鯖魚睇見都好想食🤔，食到入口完全唔覺腥😙，肉質都好鮮味😋口感都唔錯，再加D檸檬汁更加鮮甜令到魚身更加好味😋，配埋去嘅珍珠米更加正👍，食入口粒粒口感軟硬適中!.*價錢一般，用到平價錢食到高質素，我覺得值得試吓👍*

來個快閃日式午餐🍱店舖地方不大，日式雅致裝修，牆上有幾幅日本動漫掛畫🌁，幾特別！午餐定食有齊 前菜、味增湯、主食、前茶🍵「蒲燒鰻魚定食」🌟招牌必試！鰻魚夠肥美肉厚，淡淡焦香，配燒鰻魚汁夠香甜！白飯係日本珍珠米，軟綿煙韌，是我最手愛吃的米☺️🍚「和風牛肉定食」牛肉肥瘦適中，咬落唔會韌，牛肉汁非常惹味但唔會太咸，配搭洋葱🧅少許七味粉，提升肉鮮味，送飯一流！😋 飯面仲鋪咗飯素紫菜，更加香口美味！

返工經過元朗同同事見到呢間日式野好似唔錯所以就試吓啦～餐廳細細間入到去都好日式feel 聽住日文歌望住牆上日式海報雖然餐廳細間但係都好多嘢食 坐得都舒服首先點左一個原條招牌蒲燒鰻魚定食 再加貓飯鰻魚真係大大條 鰻魚超級厚肉，好似食緊魚扒一樣啖啖肉，仲散發住鰻魚的甘香用黎餸貓飯一流第一次食貓飯 原來係將木魚 紫菜 放喺飯上面 撈勻佢食 味道又唔錯喎點咗幾串串燒 雞軟骨好爽口 熊本和牛大大串 入口即溶😋厚燒玉子又係超好味 $30 有4件 超抵食酥炸生蠔 $38外脆內軟 蠔味好香 一啲腥臭味都冇最後仲點左個原隻汁燒魷魚筒 $68超大條魷魚 🦑 同同事兩個人食食吓越來越多每一樣都好好味 好似去咗日本嘅感覺值得推薦

#哈比四圍食 #元朗 #元朗美食🥚玉子燒好好味，甜度熟度無得彈，用心製作，所以最遲上檯，食完唔係太飽都想叫多一份。🐮和風牛肉定食肉量十足抵食，甜咸味較得岩岩好，汁撈飯都唔會有濃味感覺🐟蒲燒鰻魚定食鰻魚整塊燒得岩岩好，肉質嫩，口感好，鰻魚汁滲埋入肉內🐱貓飯👍🏻員工提醒！要襯熱撈勻食紫菜、木魚絲腍咗難均衡攪拌用料份量足夠，單靠兩款料撈飯都唔會唔夠味.➡ 稚 (元朗)元朗俊賢坊18號權益大樓3號舖.

約左朋友食飯，又唔知食咩好，朋友介紹左呢間＜稚＞日本菜餐廳，佢話之前黎試過，覺得唔錯，今次帶細佬黎見識下咁話～原條招牌鰻魚（$122+$30轉定食）鰻魚差唔多成呎長😂，外面燒到焦香，而且非常肥美，啖啖肉，加上甜甜既鰻魚汁，食落非常滿足。跟餐既小食有煙韌既帶子裙邊同滑嘟嘟既麻醬玉子豆腐。另外伴碟菜仲有椰菜絲沙律同我好鍾意食既福神漬，加上麵豉湯，非常豐富，如果一個人食，我可能都食唔哂🤔酥炸生蠔（$38）生蠔外層粉漿炸到脆卜卜，裡面岩岩好熟，蠔身都夠肥美芝麻雞翼（$42）雞翼外脆內嫩，咬落肉汁豐富厚燒玉子（$30）將玉子撒上砂糖，再用火鎗燒出一層焦糖脆皮，一口咬落先係薄薄既糖衣，之後就到軟綿綿既玉子，感覺有d似小時候食既冰糖胡蘆

公司附近有間和食屋，我常常光顧，面積雖小，但食物質素不錯，又平又好食。今日點了🐱蒲燒鰻魚定食$72鰻魚飯是我的最愛，因為真的好抵食！鰻魚大大塊，軟綿綿，很香的蒲燒燒汁味，配飯一流！麵豉湯也很足料，清甜好味！🐱豚肉生薑燒定食$60豚肉肥瘦適中，非常入味，和煮到軟軟的洋葱一起吃，甜甜的很開胃。🐱流心芝士年糕$28年糕外層很鬆脆，芝士流心很香、很軟綿綿。一口一個正好不會太膩。🐱兩個定食的白飯轉貓飯$10@加了很多紫菜、木魚花後飯的口感味道豐富了起來，牛油和醬油的搭配令飯吃起來很香。店內有一些少年漫畫的裝飾，喜歡日本漫畫的我覺得特別有親切感。

今日響元朗附近收工，附近都係茶餐廳，但突然見到有間日本餐廳，俾佢吸引左，於是入去食晚餐😊🌟 芝麻雞翼 x 流心芝士年糕 ($42 & $28)芝麻雞翼即叫即炸，外層炸得香脆，肉質嫩滑，而且無雪藏嘅味道，調味剛剛好，唔會太咸😋芝士年糕都係即叫即炸，芝士香濃，而且流心，做到拉絲既效果，外層皮軟熟，必點😋😋🌟 蟹膏蜆肉炒飯 （$98）即叫即炒，好有鑊氣，炒飯唔會太咸，而且粒粒分明，加上用海鮮炒，好香嘅海鮮味，加上蟹膏濃郁，蜆肉新鮮，而且無沙，加埋蔥花同醬油炒，香味十足，價錢亦都唔貴😋😋🌟 大阪燒 （$78）好耐無去日本🇯🇵，見到大阪燒於是即刻點，果然無令我失望，醬汁，紫菜，木魚鋪滿全個大阪燒，而且大份，粉漿調教得岩岩好😋😋

呢期女朋友返工好辛苦，日日OT慘慘豬，夜左收工都帶左佢黎左元朗行街街，亂行行到去朗屏站，本身諗住求其食d野，求其亂入左依間叫「稚」既日本餐廳，點知超有驚喜！唔好睇佢門口細細唔起眼，估唔到食物係咁有誠意！一坐低已經勁開心，入面好多動漫野，有幅油畫係集合左好幾套動漫角色人物！勁正（毒男發作）。講返正題，前菜我地叫左溏心蛋，芝麻雞翼，主菜叫左個蟹膏蜆肉炒飯，牛油雜菌炒帆立貝。自家製溏心蛋：甜而不漏，熟度啱啱好（因為女朋友好憎d太生既蛋），涼涼地好開胃！芝麻雞翼：我地一致覺得係非常非常非常之好食！外表睇落係普通既煎雞翼，但佢係半煎炸，表皮勁爆脆，鎖住晒入面d肉汁，熱辣辣正到脾。最後連個雞翼尖都要「損」到乾乾淨淨，依個係必食推介！牛油雜菌炒帆立貝：黎到第一個反應係，份量超多，食極都仲有菇。金菇好香好入味，女朋友超中意，我自己就最中意帆立貝，所謂細細粒容易食，CP值夠晒高！蟹膏蜆肉炒飯：超多蜆，超多蜆，係超多蜆，多到好似唔洗錢咁，淨係依點已經誠意滿分！！炒飯係用日本珍珠米炒，夠晒乾身粒粒分明，仲有d木魚同粟米粒，入口口感一流。總結：完全無估到隨便行入一間餐廳會咁有驚喜，俾足料一d都無渣攤，CP值高

在元朗，日本食物多不勝數。除了大熱omakase，其實也有很多日式小店價廉物美。今次要介紹的，就是為位置隱蔽的日式餐廳「稚」，沒有浮誇的門面，更吸引街坊幫襯。老闆特別喜歡日本漫畫，牆上掛有90年代男兒當入樽、海賊王的畫作，童心未泯，可能餐廳名為「稚」就是這個原因。午市套餐有8款，由$50-78不等，有雞、牛、豬、魚選擇，都能夠顧及不同食客所需，總有一款適合你。今次點了蒲汁鰻魚及和風牛肉定食，均包一碗珍珠米飯、餐前小食麻醬青瓜、香菇麵豉湯，另加飲品。1.蒲汁鰻魚定食 6/10 （$78）鰻魚醬汁充足，甜甜的，喜歡這個汁送飯的朋友一定喜歡。鰻魚雖薄身，份量也有一隻手掌大。2.和風牛肉定食 7/10 （$50）肥牛嫩，易入口，配上七味粉，少少辣，更惹味。眼見這間餐廳做很多外賣，應該是親民品質及價錢吸引到街坊支持。實而不華就是小店的生活之道。

#元朗 💃假期同媽媽到元朗閒逛, 嘆個晚餐再回家! 途經舅父曾經開店的地方, 發現有間日式小店, 試試吧! 🥚厚燒玉子 $30/4件 ~ 有啲功底! 肉子燒好考功夫的, 外邊微焦, 內裡軟滑不過火, VERY GOOD! 🐥芝麻雞翼 $42/3隻 ~ 雞翼肉好厚, 外皮炸得香脆, 無雪味, 灑上大量芝麻, 好香啊!🦪黃金醬燒蠔 $28/2隻 ~ 蠔乃媽媽至愛, 作為乖囡的我, 當然將蠔全數比晒媽媽食喇! 🦀蟹膏蜆肉炒飯 $98 ~ 一般餐廳都會將蟹膏放面, 怕食客以為無落同埋顯示份量之多! 但呢間店家無有怕, 直接將蟹膏同炒! 蜆肉份量多, 食得出蟹膏的鮮味! 💁‍♀️店面不大, 店員親切有禮, 食物質素中上, 價格優惠, 讚! 

稚呢間日式小店都幾難搵🤣去到既時候都搵左一排先搵到佢係邊，入面嘅座位比較少，所以如果假日去嘅話就可能要排隊。呢度嘅午市定食都幾抵食，又有前菜，又有味噌湯，仲有煎茶同埋珍珠米，價錢都係五十至七十蚊左右。 見到網上都幾多正平，食完之後果然冇令我失望😍又好食又抵食！ 1⃣️和風牛肉定食（$50）前菜係青瓜，加上一啲胡麻醬，食落幾清爽幾開胃。和風牛肉份量都幾多，加上一啲煮得入味既洋蔥同埋面頭灑上七味粉，幾惹味。醬汁甜甜鹹鹹咁，拌飯食一流！另外呢度嘅飯係珍珠米，好有飯香，加上一啲飯素，好食😋仲有味噌湯同埋煎茶，味道正正常常冇咩特別🤣但係五十蚊有成個定食食，仲要質素都好唔錯，真係好抵食！  2⃣️蒲燒鰻魚定食（$72）見到佢嘅餐牌有寫推介呢款，咁梗係要試吓啦！定食一樣有跟啱啱上面嗰款嗰啲嘢，主角蒲燒鰻魚好厚肉、肉質夠淋，有少少碎骨，但係絕對可以接受。鰻魚汁比得好足，加上爽脆嘅椰菜絲做裝飾同伴菜，非常唔錯🤤  

蒲燒鰻魚定食 其實就係正常鰻魚味，冇咩特別，肉唔算好多，同埋佢偏多骨。另外佢有配湯同前菜，味道都係正正常常，$72呢個價錢都尚算合理。貓飯呢個要加$10轉，其實都幾貴，因為佢冇咩特別。佢冇咩牛油味，好難撈得均勻，而且調味唔夠，可以再重手啲。章魚小丸子 其實食得出係急凍嘢，佢都幾細粒下。不過佢好多紫菜同木魚碎，所以味道方面都好夠。其他評價：佢座位唔多，如果住喺附近都可以試吓，特登去就冇咁嘅必要啦，同埋都見到要排隊嘅。

呢間店我已經吾係第一次黎佢鋪路雖然吾大但由門口到鋪頭入邊裝修風格都好日式溫暖感好似去左日本居酒屋甘🇯🇵鋪頭主要係做日式定食為主🍚今次我食左兩個定食再加三款小食汁煮豬軟骨加貓飯豬軟骨煮得好琳同好入味而且份量好多貓飯上面有紫菜，木魚花，牛油同日本醬油味道好濃厚，好正呀日式和風牛肉配定食牛肉飯勁似日本連鎖店既味道牛肉煮到啱啱好唔會太熟肥瘦適中牛肉醬汁配日本珍珠米飯簡直係一流呀味淋魚干熱辣辣送上啱啱好配埋沙律醬點嚟食係完美嘅組合酥炸生蠔煮得啱啱好外脆內軟生蠔唔會有臭味好新鮮勁香好味大蔥雞肉串$25有3串好抵食每舊肉都好大嚿燒得啱啱好唔會好乾食落好香好有肉汁鋪頭位置都好朗屏站😆佢既價錢吾貴，好親民野食都好好味🙆🏻‍♀️CP值好高，值得要再到訪😍