禾牛薈火煱館 (金馬倫道)

營業中

休息中

天氣又凍返，今日決定去禾牛薈火煱館打返個邊爐~湯底我地叫左魚與鴻掌即鮑魚、牛蹄（$298）湯料十足，食得出冇味精真材實料。特級雪花牛肉粒（$148）牛肉好嫩唔鞋口。手打豬肉丸（$78）好彈牙。精選三式餃（$118）我特別鍾情佢嘅韮菜餃，食落好juicy。黑椒牛筋丸（$48）黑椒味濃但冇掩蓋牛味同~脆炸豬嘜午餐肉（$58）同炸魚皮（$48）直接食都已經好惹味，放入鍋淥一淥就更好食~打邊爐當然唔少得我最愛嘅金菇菜（$48）同天津娃娃菜（$38）啦，吸曬湯底嘅精華，正！飲品方面，我地叫左竹蔗水（$68）同蘆薈蜂蜜（$58）

天寒地凍最好是打邊爐，聽朋友說這裏的牛湯底不錯，於是便來試試。這餐廳面積很大，而且有兩層。我們是坐卡位的更有附設小型電視，餐牌很多選擇，我們選了牛雜湯底，不過可能要用心製作，所以都等了20分鐘才奉上湯底。湯底是棕色的，看得出很濃厚。牛雜是分開上，最喜歡就是牛肚，口感爽脆鵝腸是十分的新鮮，只需要灼幾下便吃得手打黑白墨魚滑很有彈性，墨魚鮮味十足自家製的餃子超足料，每隻都包滿大大粒蝦仁、帶子和豬肉，非常滿足如果要説最快清碟的就是鯇魚骨腩魚肉新鮮爽脆又無細骨，配上牛湯底，可以不點醬油直接吃值得一題是生麵，$38一大盤，兩個人吃完是很勉強的。這湯底較為特別是不用頻頻加水，當去到尾聲的時間，湯的濃度達最高峰喝下一口，味道可媲美所有已牛湯做主打的食店

今日同朋友黎禾牛薈再吹下水，邊爐都真係一個相聚既好選擇 !! 上到黎仲有個窗口卡位坐下，平日黎既好處 ~~ 呵 !!侍應姐姐推介我地試下佢既海中寶湯底，話係老火湯黎，咁我見朋友唔係成日屋企有湯飲，就試一試佢 !! 本來我仲睇呢個名以為係海鮮類既野，到左之後都有驚喜 !!首先梗係混醬啦 !! 呵 ~~個湯底黎喇 !! 好誇張呀 ~~~ 龍頭呀 !!!!!!! 本來我咪話以為係海鮮湯類既野，黎到呢個都真係嚇一嚇 !! 侍應姐姐有幫我地處理一下，我地成機問下，入面有咩 ~~原來入面好多野架 !! 豬肚內有花膠/海參/元貝/螺頭/魚唇/冬菇，唔怪得咁甜啦！湯底入面既食材勁多，湯又勁正 👍🏻黎完個湯底，侍應姐姐幫我地剪開哂之後，開始黎我地叫既野，打邊爐梗係叫我最愛既 鬼妹，西洋菜啦！我地見到個湯底咁正，梗係要叫下冬瓜吸下湯啦！手切本地牛，嘩，唔細碟架！兩個人食..妹在我地都叫少左野！哈哈！碟牛好甜呀，就算我地掛住傾計滾耐左，都唔老！正 ～好耐冇食過田雞，見到有梗係叫黎食啦！黎果陣震震下架！勁新鮮！如果我係港女應該會叫 🤣🤣🤣 但我選擇拍片🙈 仲俾朋友笑我添，入口鮮甜，又啖啖肉！大愛呀 👍🏻竹蔗矛

今天約閨蜜在尖沙咀做facial滋潤皮膚，也訂了禾牛薈的御膳宮庭海中寶 ，實行來個滋補養生由內靚到外。餐廳座位很寬敞，枱與枱之間距離也很闊，更有部電視收看，方便不同客人需要。火鍋醬料和茶芥每位收25元，火鍋醬料竟然有大量瑤柱，真材實料非常超值。御膳宮廷海中寶用豬肚包著很多名貴海產，有花膠丶元貝丶螺頭丶海參 丶魚唇丶冬菇 等等。侍應給我們 影了相後，就即席在我們面前剪開 豬肚。 火鍋底來的時候侍應更提醒我們先喝一些滋潤湯才把其他火鍋料放入。 因為鍋內食材，已令湯底十分清甜美味。另外加了一碟豬潤，豬潤色澤鮮明好新鮮。三色餃子款式是鮮蝦餃子丶牛肉餃子及菜肉餃子，材料新鮮味道調得十分好味。脆肉鯇切得薄薄成透眀蜂巢豆腐吸收火鍋滋潤湯底，口感及味道也特別好味。我們應該先吃了火鍋內湯料食物，然後才再加配其他食物。 因為火鍋底實在太多美味湯料，吃湯料也十分之飽。

樓上火鍋店很多，今日來食禾牛薈。一坐低就有一個裝滿調味品的籃俾你選擇，不過如果食雞煲之類濃湯底，其實清清地，少少調味就夠啦最鐘意可以睇住電視開飯，好似係屋企食咁，好放鬆好自由，非常抵讚👍我地得3個人，所以就叫咗一個寒天翅雞煲，d料就如圖片所見，唔好以為冰山一角，下面仲有好多，其實……因為用一圈⭕冬瓜墊底，所以賣相勁好樣遮食物質素好，湯底濃郁，奶白色，飲多幾碗都唔怕，但是個冬瓜我就覺得d姐姐cut得太隨意，好大舊，食果時好熱！仲叫咗招牌油條蝦滑，推薦牛肉都不錯最後有甜品送，是椰汁凍，清清爽爽，可以解膩

打邊爐是冬天再平常不過會做的事，一家人圍爐就最開心，但在家打邊爐預備功夫多，加上父母年紀漸老，打邊爐點都是油膩野，所以要僅慎地挑選較精緻的養生火鍋近年飲食界都注重養生起來，連火鍋湯底都要跟上這熱潮，禾牛薈有多款養生湯底，加加埋埋仲有20多款湯底，話係全港最多湯底的火鍋店，認真架勢🙋🏻‍♀️搭配火鍋的醬料比一般的火鍋多，足足有九款之多，基本款如生蒜、炸蒜、麻醬、沙茶醬、芫茜、麻油、蔥粒、紅椒乾都有，最特別是這個瑤柱絲蝦乾XO醬，也是我極力推介大家的這個瑤柱蝦乾XO醬內的瑤柱絲跟蝦乾份量毫不吝嗇，帶點點微辣，與食材很搭配呢～～用來蘸點火鍋配料有助提升其鮮層次，更顯餐廳的小用心💕多款湯底選擇一定令選擇困難症的朋友花多眼亂，同父母吃飯我當然做足準備，訂位的同時已訂埋當晚的火鍋湯底 一 御膳宮庭海中寶 這個海中寶光聽個名就知到霸氣🔥 待湯底滾起，店員主動走來幫忙剪開豬肚，豬肚內蘊藏花膠、元貝、螺頭、魚唇、海蔘及香菇等「寶物」，用上大量豬骨跟雞骨熬十多小時，湯頭呈奶白色，未正式打邊爐我們已經喝了兩碗，喝下去很甜又潤，豬肚洗得很乾淨，因為功夫做得不好，稍微有點豬腥味則影響整個湯底的味道，滋補養生的湯頭

哩個天氣基本上唔打邊爐都冇乜好做 當然前幾晚又去咗打邊爐🍲 不過我都成日都講 幾個人出黎食飯食乜其實唔係好重要 最重要都係坐得舒服可以傾下計✌🏻又一次簡咗打邊爐🤪聽朋友黎咗哩間禾牛薈打邊爐 有兩間分店 九龍城同尖沙咀 我地當然簡間最就腳既尖沙咀店🙆🏻‍♀️ 火鍋店係單點形式 價錢中上 湯底款式都唔少 我地四個决心豪一豪去 簡咗侍應力推既海中寶鍋底 海中寶鍋底其實係豬肚藏住一堆好豐富既材料🤭 我地先影相 然後侍應幫我地剪開 一打開 入面有齊花膠 元貝 海參 螺頭 冬菇🍄 湯底飲落好潤好清甜 我地一人飲咗兩碗先開始正式打邊爐☺️瑤柱蝦乾XO醬係調味料中最特別 幾推介🌟 唔辣之餘又幾惹味🙆🏻‍♀️ 手打黑白墨丸 係黑白墨丸既配搭 一共八粒 望見哩碟就令我諗起范范首「黑白配」因為係手打既關係 所以口感爽彈得多 爽口彈牙 有墨魚🦑味👍🏻 打邊爐必都要飲野 嗌咗一樽蜂蜜蘆薈 解膩之餘 唔會話太死甜 清清地✌🏻蘆薈粒都幾多 蜂蜜唔算太濃 兩者加埋都幾好😯 四個人一人都飲到兩杯 餐廳亦有茶提供 都幾解膩🤩點了最吸湯底既蔬菜🥬 天津娃娃菜 清甜乾淨 放得越耐越吸到湯底既精華😬怕淨係食菜 丸 牛肉唔夠飽 我地仲

Friends Gathering NightWe booked through app with 10% DiscHowever we didn’t realise the dining period only for 1.5hrs, for sure this is not enough, therefore we had to cancel the 10% Disc and keep continue for our happy gathering Actually the restaurant only occupied around 30% (around 4tables)We ordered the signature beef hotpot soup, which totally not recommended as super salty Overall the food quality is good, we tried the most expensive beef and it cost $388+

由九龍城開到出尖沙咀既禾牛薈火煱，睇黎來頭不少啊，尖沙咀這間佔地兩層，我同朋友坐既係卡位，好闊落，好有privacy，幾岩傾計，仲有部電視仔tim。-湯底有20幾款選擇，我哋最後揀咗寫住招牌嘅禾牛薈湯底（hk$198），即係牛雜湯底，有牛肚、牛膀、牛根、和大腸。湯底黎到，無論色、香、味都好濃，食到尾滾耐左就變得超濃味...入面有一大舊豬骨和一些白蘿蔔，另外配上一碟牛雜，牛雜煮得好腍好入味。而且份量都唔算少，yummy! -自家製帶子雲吞蝦餃子（$88）好大隻，一碟有8粒，都幾飽肚，入面真係見到有蝦有帶子，個人幾鍾意呢隻餃，值得一試。-叫左一碟招牌手切肥牛（$258），叫得招牌所以叫，但因為menu無相，碟肥牛黎到既時候，同我地想像中既肥牛有好大出入😥😥😥😥😥...我仲再三問左店員，「呢個係手切肥牛黎架？」店員話係。呢碟牛無乜肥，帶點厚度，睇落同食落都像牛腱唔似肥牛。雖然新鮮同牛味ok，不過如果我早知$258係咁樣我會寧願叫比多幾十蚊叫第二款。-另外點了一個小食老友鬼鬼($68)，係蝦膠油炸鬼，脆口唔油膩❤️，香口又好味。-總結我覺得呢度野食雖然唔平，但係平均都係有質素，就連醬汁都好好味，

星期日最好就係瞓到晏一晏，然後出街行吓，夜晚食餐好嘅！天氣咁凍係尖沙咀行完街，最好梗係烚吓烚吓！🤩環境唔錯，地方又大又整潔，最重要係重有唔少窗邊卡位，非常舒適！最驚喜既係是卡位重附設獨立電視，可以邊打邊爐邊看煲劇，爽呀！

我們訂了一個花甲蟹煲，湯很鮮甜，花甲超多好肉，螚亦很新鮮。極品手切牛肉很有口感，黑毛豬亦很鮮甜，服務員態度也很有禮貎。必食推介老友鬼鬼、松葉蟹皇包、自家製墨魚滑。

本身諗住訂御膳海中寶火鍋🔥即係鍋底有一豬肚內有花膠、海參、元貝、螺頭、魚唇、冬茹 哥個,聽說很出色,可惜近來工作😓很忙沒訂,今天就賣光光了😣,所以要食記得訂定喇~!.話說尖沙咀金馬倫附近禾牛薈地點都算方便,而且冬天也想打打邊爐暖暖身😎火鍋湯底選擇非常非常多竟多達22款,可算是香港之最~!💦💥兩層來說有圓枱有卡位有房,空間寬敞及私隱度高小編坐了望窗街景的卡位,更有獨立電視,總體環境不錯👍.今ROUND就食簡單些*蕃茄牛腩薯仔濃湯牛腩在慢火熬煮至軟爛後，加入大量蕃茄和薯仔再煮,味道豐富,營養十足,開爐已聞到香濃的蕃茄薯仔湯味,💦湯底很足料，也一如其名真的頗濃, 而無論牛腩還是蕃茄也不錯具水準💫*鮑魚 肉厚鮮甜，滿滿都是入口彈牙的鮑魚,配以濃湯底,味道更佳👍🌟*豬頸肉 肉質爽嫩，脂肪的分佈也平均,唔錯唔錯*手打牛丸蝦丸 ☺手打牛丸牛肉味濃，手打蝦丸鮮美，兩者都滑嫩有彈性，味道鮮美香郁，口感柔脆*牛胸爽很多人認為牛胸爽是牛的脂肪，其實它是胸腔肋骨中間的軟骨部位,質感很是爽口~!✨*芋絲皇帝菜 正正常常,都算新鮮.這家店內有設300多個座位可以坐，座位亦寬敞舒適，如果和朋友行到累來吃火鍋野和聊天

天氣又凍凍地，就想打邊爐暖笠笠。係尖沙咀見到呢間火鍋專門食靚牛，好似又幾好！決定就揀呢間。上到去都幾大間，又有大電視📺你睇，覺得太遠睇唔清，卡位仲有部電視仔你睇，爽！湯底有好多選擇，而我地就揀左椰子雞湯底，貪有好多野食。😄一黎到已經嗅到好香既椰子味。飲一飲頭啖湯，味道好清甜又幾好味喎。椰子味幾重，好足料！除左有雞，仲有粟米，椰子🥥，紅白蘿蔔，所以夠哂甜！叫左份招牌本地手切肥牛，🐂真係幾正，推薦呀！佢既牛味係特別重味，手切肥牛切得好平均，啖啖肉，滾幾滾就食得，唔好太熟！食落好鮮嫩又煙韌。😍三文魚🍣刺身，不得了的好味。好新鮮好肥美！冰鎮上菜，夠哂凍。好正🤗炸魚皮 大大塊炸到好金黃香脆！浸一浸就好食，食落好滋味🙂脆魚骨腩 份量都ok！魚肉夠新鮮，食落好爽脆。幾好味。自家製四寶丸，有手打蝦丸，墨魚丸，鯪魚球，牛丸，每款有4粒。每款都幾好味，好彈牙。我最鐘意佢個蝦丸，好足料，粒粒蝦肉，爽口彈牙。仲叫左 蜂蜜蘆薈 解解油膩，都唔錯！

成日經過呢間店都未有時間去try下，今次朋友話想打邊爐book埋位去食🤣有好多湯底選擇！最後我地揀左健脾養顏椰子雞湯 $188鍋入面有好又雞塊同椰子絲呀！雞肉仲好嫩滑👍🏻個湯好香椰子味，好鮮甜呀🤤有朋友係咁飲個湯🤣椰子愈煲愈出味！！😍.刺身拼盤(小) $268油甘魚好肥美、大件呀！😍海膽都好正，夠鮮甜！仲有泰式生蝦！配既醬汁好酸辣，正呀！自家製法國鵝肝蝦丸 $108好特別既組合！又幾好味wo👍🏻本地招牌手切肥牛(大) $318肥牛既雪花分佈均勻，望落肥牛啲色調很可以！而且個牛味都好濃！比想像中大碟！手打豬肉丸 $78豬味突出，味道好，又彈牙👏🏻豬潤 $48豬潤夠嫩呀！天津娃娃菜 $38油麥菜 $38

2019年1月15日。晴。尖沙咀。雖然蔡瀾話打邊爐冇文化，但係身為香港人冬天又點可以唔打邊爐呢？！呢日就繼續打！去咗想食好耐嘅禾牛薈打邊爐！餐廳有兩層，店員安排咗我哋坐一樓嘅窗邊卡位一坐低就擺低咗調味架，調味料五花八門推薦嘅係有個瑤柱蝦乾醬，非常惹味～有必食推介，最啱我哋呢啲第一次上去嘅食客做參考試完的確值得推介！點菜紙選擇密密麻麻選擇困難症患者需要研究一段時間～最令我哋驚訝嘅係卡位設有電視，可以邊睇電視邊打邊爐賓至如歸，令人有家的感覺，哈哈！寒天翅瓜滑雞鍋，$248同餐牌上面嘅相一模一樣！非常吸引～湯底好清甜，飲多多碗都唔怕膩！老友鬼鬼，$68即係油炸鬼加蝦滑，又真係幾盞鬼喎！油炸鬼唔係平時食粥嗰啲咁鬆化，因為太鬆化就會好似響鈴咁，一浸就腍呢款油炸鬼比較實淨，就算喺湯入面擺耐咗都依然香脆！松葉蟹皇包，$38一隻餡料好多，蟹皇包飽滿，鮮甜～雜菜籃，$58有菜心、娃娃菜同唐生菜～本地招牌手切肥牛，$258例牌份量都唔少，兩個人差啲食唔晒牛肉肉質嫩滑，唔似急凍肥牛咁多油脂，但口感一流～牛味亦夠豐富！送嘅甜品，係椰汁大菜糕同奶凍，兩個都好好味！邊爐果然係最令人滿足嘅美食～～