禾牛薈火煱館 (金馬倫道)

營業中

休息中

朋友生日話想食打邊爐，搵左間地段方便, 又易搵既餐廳@禾牛薈！呢間夠晒多選擇，牛、海鮮、丸類、餃類、蔬菜類應有盡有！九款調味料，點混醬都得！芫茜皮蛋湯底夠晒下火，中和打邊爐的熱氣，好選擇！芫茜多到嚇人，有圖有真相。黑椒牛丸夠出色，黑椒味超重，牛肉味濃，咬入去仲有肉汁，讚！蝦膠讓喺叫油炸鬼內，唔單止新奇，仲好好食！蝦膠重蝦味，油炸鬼仲係脆卜卜！牛柳粒一睇雪花肥紋就知得唔得，要煮耐少少先內部全熟，雖然未做到入口即溶，但咬有口感的牛柳粒時，會感受到油脂嗶出黎！水餃不過不失，都唔錯。娃娃菜同菇都好新鮮，吸左湯底好正，而且湯底唔油，唔怕肥！

喺樓下已經有人去安排座位非常好！上到去2樓就已經有服務員去接！坐邊個位啦！兩個人都有個好闊落嘅卡位唔錯！仲要每一個卡位都有個獨立嘅電視俾你自己睇電視！好細心好似喺屋企咁！去到個位已經有好齊全嘅調味料擺喺度啦.就可以自己調教自己嘅醬汁！————-胡椒豬肚湯底好濃胡椒味！冬天食一流！同埋佢湯底有炸枝竹！好正又暖身！————特級手切肥牛（例）睇上去肥瘦分明，都新鮮！唔錯！————蘆薈蜂蜜平時去打邊爐大多數都係得竹蔗茅根飲！但係呢度都好特別有蘆薈蜂蜜！總結：好方便！又多款式！坐得舒服！態度服務好！

成個新年日日都熱辣辣難得今日人日，人人都生日梗係要慶祝下。天氣又轉凍，趁着這個時間就同媽咪去打邊爐。從朋友介紹得知這間火鍋店地點方便，在尖沙咀鄰近地鐵站，餐廳光猛舒適。當日好早去到，仲有靠窗位置坐，自成一角，仲有個獨立電視！啱晒我啲最鍾意用電視汁撈飯嘅人啦！ 餐牌選擇非常多，牛，羊，雞，魚類仲有刺身，廚師小食及小炒。花多眼亂，所以就揀選了幾款佢哋推介嘅食材。寒天翅雞煲用勁大圈嘅冬瓜上邊加滿素魚翅，鮮雞及魚翅骨。湯底奶白色，湯底濃郁，唔覺意飲咗幾碗添。2.油條蝦滑油條香脆配上蝦滑，做餐前小食非常適合。3.帶子雲吞蝦粒粒飽滿豐盈，滿載帶子及蝦，加入木耳，口感非常豐富4.新鮮粉腸 （洗得非常之乾淨)6.新鮮牛骨髓 （口感滑溜非常新鮮)7.竹笙蘆筍卷（爽口鮮甜）8.松葉蟹黃包（鮮味推介，內裏大量蟹肉，加一些陳醋，更添美味)9.爽脆魚皮（加入湯中，吸取湯汁，非常好吃）總括來說質素及價格成正比材料新鮮好吃😋最啱鍾意多選擇及大班人聚餐。和朋友烚吓烚吓，睇下電視，輕輕鬆鬆又過了一個美妙的晚上

要數到舒適嘅火鍋熱點一定要介紹呢一間禾牛薈除咗兩層雅座仲有特定房間醬油架非常企理乾淨 配料齊全湯底揀咗招牌和牛薈以牛蒡牛筋大腸同牛肚煮成充滿着牛嘅精華 濃郁至極呢度嘅招牌肥牛不容錯過特別係至尊本地肥牛更加係非常高質至尊本地招牌手切肥牛 大 $388價錢雖然係最貴 但係牛嘅部位非常特別部位有封門柳 邊爪 頸脊 大腩包 挽手腩每次可以選擇一款今次選擇嘅頸脊品質超好 油花肉嘅色澤勁靚而且入口牛味超級香濃白鱔片 $98白鱔片分量都幾充足品質非常新鮮大約滾1分鐘到就可以食 魚肉都非常鮮甜嫩口呢度嘅蔬菜都好新鮮 種類非常多蟶子皇 $48/隻海鮮拼盤$288呢度嘅海鮮分量十足大大隻而且都富有天然鮮味 唔會腥或者唔新鮮特別係蟶子 非常彈牙爽甜

終於約到一班新舊同事團拜，好開心大家依舊冇乜點變，依然滔滔不絕，笑聲連連。一開始，火鍋湯底上場，材料十分豐富，鋪滿滿滿嘅素翅，睇落就覺得好好味。然後海鮮十分新鮮，手打丸彈牙，手切肥牛肉林鮮甜，總之同事們都大讚今之揀得好，下次會再幫襯。

本身想揀沙嗲湯，但係個店員推介每日限定湯底，我地最後叫左個魚與鴻掌（有鮑魚，牛蹄）入邊有芹菜，大量蘿蔔，芫荽。望落去好似好清，但其實好鮮甜。職員仲會幫手剪細蘿蔔同牛蹄。牛蹄有大量骨膠原，女仕至愛。非常推介呢款湯底，因為真係好足料，蘿蔔份量已經抵上兩份食物，鮑魚亦都有４舊，有咬口得黎都算大粒，牛蹄剪出黎既牛筋份量都好多，一淡淡骨膠原咁食落口。　餐廳一嚟到就俾咗好多醬料我哋混醬，其中有瑤柱XO醬最為吸引，因為好多打邊爐嘅店舖都唔會有呢款醬料提供。但略嫌豉油味道比較淡。我地叫左稻庭烏冬，響鈴🔔，四寶丸。黑白墨魚丸，蝦丸，鯪魚球，手打牛丸。呢幾款真系好彈牙。其中蝦丸最出色。　響鈴都係自家制，即叫即炸，響鈴份量都算多，有８大舊，最後仲食唔晒。

係日本返尼之後呢個星期日，食日本野食到厭既男朋友同我，好想食港式既火鍋，係OP 搵到呢間禾牛薈，睇D相好似幾好，所以就尼試吓啦。早兩日打左尼book 位，餐廳安排左細房比我地，靜靜地仲可以睇吓電視tim。Menu 選擇非常多，除左火鍋配料之外，仲可以叫小菜同刺身等等。湯底揀左沙嗲湯，用料足，真係撈到有花生碎等等，仲有D菜同菇tim混醬係港式/台式火鍋既必備元素，呢度當然唔例外。手切肥牛(例)手切肥牛切大約2MM厚，唔會太薄身。咬落有牛味，雪花均勻，份量唔細架。蠔，唔知係咩國家同品種，大大隻，咬落爽口。手打蟹籽墨魚滑，好大舊，裡面有細細粒既墨魚肉，浸耐左都仲係咁爽韮菜餃，皮非常薄，唔好碌得太耐，唔係會淨返D餡。菜同肉比例係7:3，所以好快熟。粟米甜既，索晒沙嗲湯好入味。仲有叫左午餐肉同菜，都唔錯架。

之前成日聽朋友講禾牛薈火煱館好好食，一直好想黎試下係咪真係咁把炮。咁啱今日黎開尖沙咀，一於決定心動不如行動。由於一早book咗位，所以嚟到唔使等位就可以入座，店員嘅態度異常友善，有別於一般飲食店，所以一嚟到嘅感覺已經好唔錯。由於我一行只有兩人，店員迅速帶我哋到兩人卡位就座。真係估佢唔到！竟然有獨立電視，想睇咩節目就睇咩，最近要係有聲有畫。之後就開始落單，打邊爐就最緊要個湯底。呢到湯底款式繁多，要我揀一個真係唔知點揀好。諗咗好耐都係唔知揀咩好，最後決定由店員推介。佢二話不說就推介我哋魚與鴻掌湯底。就咁睇個名就知佢勁，但究竟有幾勁？店員轉頭將湯底送上時真係睇到我嘩嘩聲。一大舊牛骨，一睇就知係真材實料慢火熬製。再睇真啲，足足有４隻大鮑魚同埋一大舊牛蹄。店員仲話要慢慢飲個湯，飲完先好開始熝嘢食。我真係未過出街打邊爐會飲埋個湯，不過呢個湯真係飲到停唔到口，完全無味精之餘仲好似飲緊住家老火湯咁嘅味，真係媽媽都未必煲得到。　由於湯底非常足料，所以額外叫多少少嘢食已經好夠飽。先嚟一客響鈴，一夾落去已經聽到＂索索＂聲，證明呢個玲非常鬆脆，再加上禾牛薈嘅自家醬汁，甜甜酸酸又醒胃，呢個鈴真係不得了，佢認第二

至尊本地招牌手切肥牛超正， 又滑， 又有牛味， 其他海鮮好新鮮， 用料新鮮， 湯底夠味， 地點方便，環境舒服，又有電視睇，房間無限外加少費，服務超好，已經好耐冇見過這樣服務態度， 值得推介！

當晚無論火鍋湯底又或是配料，全都令人印象深刻，幾乎每一款都好新鮮好味!! 養顏椰子雞湯湯底，超多料!!湯頭完全唔肥膩而且好清甜! 記得落配料前先飲幾碗呀！ 食得火鍋最重要當然係牛肉，禾牛薈的本地手切牛肉叫價二百幾元一碟，絕對物超所值。好濃牛肉味!雪花分佈亦好均匀！ 特級雪花牛肉粒分量好多，牛肉好嫩唔鞋口，入口即溶 個四寶丸真係要食，係全部都係自家手打墨魚丸牛肉丸鯪魚球丸豬肉丸，唔同一般出面火鍋店貨式 桶蠔大隻蠔味又濃郁，讚呀! 自家製的餃子超足料，每隻都包滿大大粒蝦仁、帶子同埋豬肉，非常滿足 珊瑚蚌新鮮肥美! 小食就嗌咗 炸脆鱔，份量偏小，但好惹味！

襯還天冷，朋友相聚當然要打邊爐啦！無意中搜尋尖沙咀火鍋見到新店禾牛薈，就比機會他吧！😎本來不太抱期望，最後竟是喜出望外！打開餐牌，選擇不少，淨是湯底都好多款，心大心細。海中寶都好像不錯，但中女補膠好要緊，最後湯底選了魚與鴻掌，女生骨膠原之選！牛蹄煲八小時夠淋夠膠，鮑魚彈牙，好滋補！湯底清甜，不太濃味，不會蓋過配料的鮮味。小食都好多款，試左酸薑皮蛋，都可以，薑比皮蛋好吃🤣配料選擇頗多及較特別，真是看到眼花瞭亂。這裹竟然有田雞。田雞還好新鮮，上枱時還在跳動！明顯是即宰的。田雞腳夠大隻，啖啖肉，食得好滿足！另外，好少地方有分魚鮫，魚卜的，這裹都有，而且都好新鮮，無腥味。魚卜大大隻，未收水都有手掌甘大，而且無腥味，證明都好新鮮。重量級登場就係手砌牛肉，係有點貴，但一分錢 一分貨，質素真不錯👍🏻 牛味濃郁，對牛肉有要求就一定要試。整體來說，禾牛薈無論食物款式，質素，環境都不錯，好有驚喜，地點又就腳，真係有得再返轉頭。😋😋

雖然唔係冬天都要打邊爐，但係冬天就更加要打邊爐啦! 今次朋友推介呢間火鍋店，地點都幾方便易搵，我地四個人有得坐卡位，坐得幾鬆動，而且仲有私家電視睇添~打邊爐最緊要當然係湯底啦，呢個魚與鴻掌湯底就夠曬把閉，用咗12個小時熬製，入面有牛蹄同鮑魚，打邊爐之前可以飲番碗湯，味道濃之餘又唔覺鹹，鮑魚緊係好食啦，但係牛筋都唔可以睇少，爽口彈牙嘅口感，會令人上癮飲品有人飲啤酒，但係唔想飲啤酒嘅人就嗌咗枝天地壹號嘅蘋果味果醋，酸酸地偏甜都幾開胃口先黎係響鈴，記得唔好浸太耐，5秒左右就得啦，味道唔錯，唔覺太油，口感都幾好之後係我打邊爐必食嘅午餐肉!!佢仲要寫明係原味豬嘜午餐肉，食落味道真係幾好，唔會太易一夾就碎係午餐肉後面就有台灣鴨紅，姐係鴨血，口感好滑溜，唔會食到腥血味打邊爐必定會嗌牛肉，我地就叫咗個至尊招牌本地手切肥牛，食落有牛香，但係可以再濃啲，質感都算嫩，唔錯嘅最後仲叫咗個出前一丁公仔麵做總結，見到要$38，都嚇咗一嚇，原來係有兩個公仔麵嘅，拉勻好似差唔多價嘅

農曆年假期約咗位好朋友打甂爐聚一聚，於是就嚟咗尖沙咀金馬倫道呢間《禾牛薈火鍋館》。餐廳座位以梳化卡位為主，坐得舒服。座位旁邊仲有個電視俾我哋一路打甂爐一路睇，又幾貼心。醬料都算多選擇，其中仲有少見嘅 XO 醬，入邊有好多瑤柱絲同蝦米，味道十分香口。湯底方面都有好多選擇，我哋揀咗個比較有特色嘅“魚與鴻掌(鮑魚、牛蹄)” ($298) 湯底。湯底以原隻牛蹄熬製，又以白蘿蔔筒載住四隻爽彈嘅鮑魚，又有大大條炆得夠曬腍滑嘅牛筋，有滿滿的骨膠原。餐廳職員幫我哋將白蘿蔔同牛筋剪開後，提我哋湯滾咗之後可以飲返碗湯先開始打邊爐。湯底除左牛嘅鮮味之外，仲有白蘿蔔及杞子嘅甜味及中芹嘅香味，味道的確唔錯。白蘿蔔吸咗湯底嘅鮮味後亦相當好食。特級手切肥牛 ($208/例)，十分新鮮，油脂分佈平均，牛味濃郁得嚟帶有牛嘅鮮甜味，稍為渌一渌，口感爽滑。推介！油麥菜 ($38)，份量都幾多，十分新鮮而且洗得乾淨。健康之選！Asahi ($32/大)，同好朋友打甂爐又點少得佢。

朋友約咗今晚去到尖沙咀（禾牛薈）打邊爐，心想又是食一般的打邊爐，冇乜特別，但是上到去，見到餐廳設計十分有氣派，以紅色佈置為主，空間感十足，坐得好舒服。店員推介食海中寶湯底，一上枱賣相已經十分有氣勢，原來是用一個龍頭鍋載著湯料，分別有，豬肚、花膠、海參、元貝、螺頭魚唇、冬菇等，食完這些湯料，一定要飲埋個湯，用咁多材料淆製的濃湯， 一定會滋補養顏。經店員推介這碟（邊抓）是我食牛以嚟是最好的位置，牛的脂肪及雪花平均分佈，肉質粉紅鮮嫩，食的時候只要灼一灼便可，不要灼得太耐，否則失去肉的鮮味，由於邊抓的位置鮮甜，見議不用點任何醬汁，更可食到牛的肉質味道。美國桶蠔$188 ，蠔肉雪白，飽滿脹卜卜，食起時蠔汁滿載口中，超正。一份芫茜，一份西洋菜，兩份菜都好鮮嫩同翠綠。

天氣涼左，趁機去打返個靚邊爐。成日食放題任食邊爐都真係悶悶地，今次同個fd擇左去呢間禾牛薈，打返個靚邊爐。一坐睇到卡位~竟然有電視睇!好爽!本身想擇個海中寶湯底既，但太晏先去到賣哂，可見係勁受歡迎，牛蹄鍋聽落都好正。又好似好補~~~所以就佢啦~個鍋認真足料，兩舊大牛骨，足足有4隻鮑魚！好驚喜!係打邊爐前，飲返淡靚湯唔好浪費呀！侍應好好咁幫我地啲牛骨「骨肉分離」！好細心呀！(d湯鮮味，飲得出無落味精，鮑魚彈牙而且牛骨仲有好多牛根，好多骨膠原！)之後因為第一次食，試下menu 上面啲推介先！叫左個本地手切肥牛，蟹包，雜菜，魂吞，出錢一丁同烏冬。肥牛都算大碟，肉真心好新鮮，牛味濃郁，完全對得住個價錢任食同佢冇得比。蟹包好驚喜，咬落全部都係蟹肉，超juicy 。雲吞都好好味，大大粒蝦肉，調味都非常好。雜菜都唔普通，內容有油墨菜，生菜等等，全部都好新鮮，個fd平時笑人打邊爐落菜，佢都覺得好味😂最後用個靚湯底食埋個烏冬同公仔麵，豪華級享受呀💓💓