禾牛薈火煱館 (金馬倫道)

營業中

休息中

禾牛薈位於九龍城嗰間舖頭一直都有去開，質素相當有保證，啱啱先知道原來佢喺尖沙咀都有分店，急不及待即刻過嚟試下。呢度嘅座位安排私隱度高，卡位有好高嘅椅背，咁樣同朋友傾偈講大聲咗都唔使驚 嘈親隔離 啦。老友鬼鬼，即係蝦滑釀油炸鬼，上枱嘅時候已經炸好，熱辣辣脆卜卜，即刻就咁食又得，當佢係響鈴浸一浸啲湯先食亦得，得咗。鍾意食辣嘢嘅我揀咗招牌台式麻辣鍋，辣度揀咗中辣，辣得過癮，食到我周身大汗，裏面本身都已經有好多配料，好似冰豆腐，支竹同埋豬腸等等， 本身已經非常入味，未開始打邊爐已經相當滿足。竹笙露筍卷，呢個項目唔係度度有得食，夠哂特別，竹笙索盡麻辣湯汁，惹味非常；蘆筍爽脆清甜，同索盡麻辣湯汁嘅竹笙形成強烈嘅對比。松葉蟹黃包，呢一個係餐廳嘅招牌得意菜式，蟹黃包裏面充滿著啖啖嘅蟹肉，蟹肉鮮甜味美，包皮薄都好似小籠包一樣，令口感加倍昇華。藥膳酒香雞，酒香雞入口未算太勁酒味，啱哂同行嘅小朋友，不得不提雞肉嘅口感異常咁嫩滑，好明顯係用咗新鮮雞嚟泡製。本地招牌手切肥牛，卒之嚟到今日嘅重頭戲，由於本地肥牛係即叫即切嘅關係，肥牛最尾先到，越是期待越是美麗，招牌果然係招牌，手切肥牛口感鮮嫩，牛味香濃，真係好想嗌

今晚同屋企人去左尖沙咀禾牛薈打邊爐一上到去覺得幾光猛幾舒服，而且唔會好焗好油煙呢到有幾款湯底都好吸引，但店員recommend 宮庭海中寶，即係豬肚、魚翅、海參等等海味；同埋魚與鴻掌，即係鮑魚同牛蹄我地最後要左宮庭海中寶，個湯底果然好rich好潤，飲到停唔到口極品特級手切肥牛，果然好正入口即溶，牛味香濃而且雪花分佈平均，好滑好香自家製鵝肝蝦丸，真係呢到獨有第一次試鵝肝放起蝦丸入面，味道好香濃蝦丸打得爽口彈牙，包起裡面既鵝肝綿滑夾埋一齊口感十足仲叫左脆鯇片同西洋菜，都好新鮮整體都好唔錯，like!

公司聖誕聚會，同事建議黎禾牛薈，即管黎試一試，真係幾好味，由其是招牌手切肥牛夠新鮮，刺身都夠新鮮，手打六寶丸夠彈牙，花膠湯底夠濃滑，環境又舒適，值得推薦👍🏻

老爺今日生日，剛剛天氣凍，要揾過大家也方便的地方。上openrice見幾多人讚。呢度很多選擇，熟食刺身也有，價錢適中，比較特別是寒天翅瓜滑雞煱$248和豬多選擇$268。下次會再來

一班舊同學聚會，一如以往大家都想去食放題，近日天氣涼左，我們就決定去尖沙咀食火鍋，其中一位舊同學之前也來食過，說食物新鮮，有刺身、海鮮，多款火鍋配料等，大家圍爐聚在一起，邊食邊傾，盡興而歸，今晚就讓我們感一下吧！大家要求一個健脾養顏椰子雞湯，0k！鍋中看到都幾足料，一來到第一樣係試下個湯底，望落去好清以為會淡味，但椰子味十足好甜好香，無味精，散發淡淡的椰子香，女同學表示好滋潤。之後等左一會，試d雞唔錯，新鮮雞無雪味，下次可以再叫椰子雞湯底。至尊本地招牌手切肥牛，眼見已經知道好正！肉上帶著油脂，令肉質更鬆軟香滑！牛頸脊的牛肉味香濃，脂肪分佈平均，頂級果然係頂級，入口也很不錯，有咬口！不過要記得不可以灼太耐，否則會破壞肉質，甘就浪費左D靚牛喇！水晶粉好少見到有得食，水晶粉感覺良好，食落爽口，可以減輕一下火鍋的罪惡感涷蜂巢豆腐呢款也不是每一間火鍋店都有，涷蜂巢豆腐吸盡湯底精華，入味非常珊瑚蚌好靚又新鮮，份量多又爽口鮮美，好食。廣島蠔真係好滿足，蠔肉好肥美，咬落仲好有蠔味，一啲都唔腥！除左食肉之外，怎能少得菜，叫左個雜菜藍一菜也份量多，唔會有爛葉，食個健康的打邊爐覺得呢間鋪都算高質~ 因為款色

食物質素好新鮮 ，款式又多又有創意，服務細心，環境舒適適合朋友及家庭聚會！如想在清靜和私人聚會還有獨立房間提供👍🏻👍🏻👍🏻👍🏻👍🏻真是值得推介

次次經過尖沙咀都想試下，終於約埋朋友去慶祝下聖誕節，一早book 左唔駛等，座位唔錯幾闊落，幾思服～ 最怕勁迫果d 火鍋店....食物種類都尚算多選擇，而且都幾新鮮～～，叫左個咸菜胡椒豬肚湯，幾好味勁多胡椒，不過咸菜較少，多d 應該會仲好味～ ～個極品手切肥牛同西班牙棵果黑毛豬幾好味～～推介～～d 丸有點咸，個響鈴好新鮮，唔會似有d 火鍋店會淋又剩咁，萵荀片好正～～🤤🤤推薦幾個朋友聚餐～～傾下計～ 👍🏻👍🏻

係油尖旺區打邊爐等位多人迫是常識吧! 推介呢到比大家，位置寬敞之餘又有私人空間，食物質素高，湯底正😋卡位仲設有電視機😍配料齊全台式麻辣鍋+豬骨煲❤️湯底當然係火鍋嘅重點😚台式鍋味道正宗，濃郁帶點辣，好惹味。2倆大舊豬骨，原汁原味~老友鬼鬼❤️油炸鬼+蝦滑嘅配搭，外脆裡面啖啖肉😋手工即炸響鈴❤️香脆不油膩，層次感十足！特級手切肥牛❤️紋理突出，雖然係最平嘅選擇，但性價比非常高，牛味濃郁👍👍蒙古羊肉片❤️好正宗嘅味道，大大鬼，沾埋腐乳醬食，風味十足😍白饍片❤️無骨是重點，嫩滑彈牙同樣係重點! 煮耐左都一樣香脆~ 推介!!菊花茶❤️自家製，甜度剛好。 清甜解喝~

I’ve been here many times with both friends and family! We never left feeling disappointed! The soup base is really good, rich with ingredients and all of their dishes are fresh and good value for money, especially the beeeeef! Highly recommended !

地點都好方便的禾牛薈，餐廳面積仲好大，有2層，座位都好闊落，人少少去食仲可以自成一角，有電視睇，每枱都有壺茶任飲。湯底有好多款，每款都好吸引，我地揀左北海道鮮奶花膠湯，本身期望都唔太高，點知湯底滾起之前奶香味出晒黎，飲落好甜，面頭仲有少少雙皮奶的奶層，加上另上的整碗花膠，可謂驚喜。醬油配料都有多種，生蒜，炸蒜，紅青辣椒，麻醬，沙茶，芫茜，蔥，基本上諗得出都有。本地招牌手切牛牛味比較重，肉質鮮甜，感覺比起一般雪花牛新鮮，質感仲好滑，瘦肉比脂肪多，唔會食到膩。精選六寶丸每款都獨當一面，而且食落無乜味精的感覺。蝦 - 超級爽口彈牙，蝦味好濃好甜芝心 - 入面的芝士係流出來的，芝士味香濃鯪魚球 - 入面放左少少陳皮，輕輕帶出魚香味豬肉 - 一樣爽口，食落幾嫩口，肉香味濃魚蛋 - 又爽又彈，唔係一般的炸魚蛋貢丸 - 最大粒係佢😂，又大又爽口，菇粒令貢丸更香另外叫了娃娃菜，同湯底真係好夾，連普通的娃娃菜都可以煲到充滿奶香味，每條菜都好入味，証明個湯底真係有d料到。

大學同學相聚，最好就係打邊爐。咁啱個個都係牛魔王，見到有間火鍋店打正旗號叫「禾牛薈」，一於一齊去試下！MENU真係有好多選擇，無論湯底、牛肉、豬肉同其他丸類都好多野揀，我諗要來好多次先試得哂卡位非常闊落，四個人坐都好鬆動，每枱都有獨立一部電視，睇咩台都唔洗同人爭，正！湯底：轉鴛鴦鍋就喺貴Ｄ個鍋的價錢加$40，但唔係個個鍋都可以轉。招牌禾牛薈$198以店名命名的湯底，質素一定有保證！有齊牛肚、牛膀、牛筋、大腸，一次食盡幾個部位，唔同口感，而且牛味好濃郁，牛魔王必點！四川麻辣鍋(大辣)$168唔好被大辣嚇怕，其實對於食開辣的人來說係好容易接受，大辣更突出湯底的麻辣鮮香，加左好多我最愛的花椒，冬天食夠哂暖笠笠～三色水晶包$98都係招牌菜來，三款包括叉燒、奶皇、芋泥，個人最鍾意奶黃，配埋煙靭水晶包，熱辣辣流心口感，好好味特級手切肥牛(例) $208淨係肥牛已經有幾款選擇，雖然我地求其揀左價錢最平果款，但質素都好好～紋路、顏色都靚，肉質都好嫩，牛味亦夠香，有信心下次再來試更貴的款自家製餃子(雲吞蝦) $88皮薄餡靚，蝦肉好鮮甜。精選六寶丸$188水晶粉$48比薯粉偏幼身一點，口感彈牙，都好吸湯。

小弟好慶幸有一班好好嘅大學同學，每年都會同我慶祝生日，今年都唔會例外！有同學發現尖沙嘴金馬倫道有一間賣好多廣告嘅火鍋店，我哋就膽粗粗去試下喇！呢間火鍋店好貼心呀，每個卡位都有一部獨立電視機，等客人可以一邊打邊爐，一邊睇電視，好特別！呢度除咗打邊爐之外，仲有其他小食㗎，我啲同學就叫咗一個叫老友鬼鬼，就係油炸鬼同蝦膠，油炸鬼炸得好脆，同蝦膠好夾。到火鍋啦，我哋揀咗個招牌禾牛薈湯底，就係有牛肚、牛膀、牛筋同大腸，好足料，湯料仲可以食添呀，仲有鮑魚！配料都好豐富呀，首先，蒙古羊肉片完成唔羶；至尊本地牛頸脊肉，肥瘦啱啱好，又夠厚，好正；手打黑白墨魚丸好特別，粒粒都好爽口同彈牙，大家一定要試下；黑牛柏葉一定要試，除咗大碟之外，好爽脆！鮮蝦雲吞餃，每一粒都好大，入面用原隻蝦包，非常有心！海鮮就叫咗桂花蚌，因為切得好薄，所以淥一陣就已經熟，好爽口；脆鯇片都係大家嘅選擇一大樽䉀水甜品小弟好感激有你地咁多位，多謝哂，友誼永固！

跟朋友在尖沙咀逛街, 路過金馬倫中心附近, 看到這一家禾牛薈看起來不錯, 所以就去嚐一嚐~冬天就是衣服穿厚了, 不知不覺中變胖了, 所以我要多點一些蔬菜吃>< , 減慢變胖的速度…..芫茜馬蹄皮蛋湯: 一整個鍋都是芫茜, 多食一點芫茜清熱不上火!天津娃娃菜有一大盆, 跟其他餐廳相比較, 它的份量是很多呢!!三菇拼盤有秀珍菇, 雞脾菇及 鮮冬菇,菇都很新鮮沒有皺皮的, 我特別喜歡鮮冬菇,  很大的一隻, 吃下去有一種嫩嫩的感覺。當然, 吃火鍋是減不了肥的~哈哈,我點了小食老友鬼鬼, 名字太有趣了, 朋友誤會是要放在鍋內滾的, 哦!千萬不要,因為是小食來的, 已經熟了, 也可以沾一沾湯汁就吃, 如果把油炸鬼放鍋內會糊的….油炸鬼脆脆的, 除了配粥外, 當小食也很好!自家製餃子 – 帶子雲吞蝦: 很大隻的 雲吞!!咬開可以見到都是帶子及蝦, 很彈牙!黑椒牛筋丸: 咬開可以看到有牛油肉汁!! 絕對比在街市買的雪藏牛丸好!手打黑白墨魚丸: 黑白配? 黑色的是加了墨魚汁吧? 味道是再喊一點的, 手打的是特別彈牙有口感尖沙咀真是隨便去找也有不錯的餐廳~

天氣開始轉泠，又係出動打邊爐嘅時間之前去過九龍城禾牛薈幾次，覺得D牛真係好正，原來尖沙咀都有分店，一於和男朋友去食先環境乾淨，座位舒適寬敞，嘩！一睇張menu真係覺得好多選擇，淨係湯底都有22款，好想試御膳宮庭海中寶但賣哂，因為是每日限定，最後揀左招牌禾牛薈湯底其他還有厨師小食，小炒推介，刺身，海鮮，特色火鍋美食，豬，羊，雞類，餃子+丸類也有22款，魚類，菜類等手切肥牛也分至尊，招牌，極品，和特級，還有不同牛的部位，真係花多眼亂，即時覺得自己有選擇困難症自選醬料，我多數會揀豉油，炸蒜，辣椒和芫茜mixed埋一齊招牌禾牛薈湯底(包牛肚，牛膀，牛筋和大腸)惹味的沙嗲湯底加上牛骨和大量的葱，好香好濃味，隨湯底還附送一碟已炆和滷過的牛什，牛肚和牛膀炆得好腍，食的時候再放入湯底索吓D沙嗲牛骨湯汁的精華，很可口美味至尊本地招牌手切肥牛(頸脊)禾牛薈的牛真係無得輸，脂肪比例均勻，紋理清澈，頸脊位帶少少脂肪，爽脆而不肥腻，淥10-15秒已可品嘗到肉質嫩滑而牛味濃的極品，至尊級數當之無愧，真的好美味啊！睇吓D牛頸脊紋理幾靚白膳片~新鮮爽脆又大大片，仲好彈牙，好正自家製四寶丸( 手打蝦丸,墨魚丸, 鯪魚球

見到openrice評語唔錯，和好朋友一齊來試，真的幾好味，特別係牛肉好新鮮，手打六寶丸夠彈牙，花膠湯底夠濃味又滑，其他食物都可以，環境都唔錯，可惜價錢略貴，不過都會再來試的!