禾牛薈火煱館 (金馬倫道)

營業中

休息中

新年食埋食埋好多熱氣野, 想同朋友食得健康D, 又想打邊爐, 俾我地係OpenRice 搵到禾牛薈‧餐牌有D湯底係限定, 打電話訂位順便問埋, 魚與鴻掌係用新鮮牛蹄煲5-6 小時, 每日得五份, 所以要早D訂, 我地留定一份先😙坐卡位, 仲有私家電視😂我地最後叫左魚與鴻掌 ($298): 有鮑魚同大大條牛蹄筋, 佢地仲會過黎幫我地將牛筋剪到細細條, 食極都仲有, 勁多骨膠原, 女士必試!個湯好甜, 有少少胡椒味, 冬天飲會暖粒粒‧湯底入面有好多白蘿蔔, 煲到最後吸晒湯汁, 正!👍🏻老友鬼鬼(即食/$68): 好脆既油炸鬼加蝦滑三式水晶包($98)係兒時回憶, 有叉燒, 芋泥同奶黃, 好好食珊瑚蚌($88), 碌一陣就食得, 好爽口😋凍蜂巢豆腐($48) 鮮腐竹($38) 同天津娃娃菜($38) 加埋一個好既湯底, 吸晒湯汁好清甜🤩🤩我地冇叫肉, 因為我地想個湯底去到最後都仲可以咁清, 最後飲埋個湯, 好滿足☺

天氣又涼左少少，同兩老去打邊爐。佢地近排迷上嗰套古裝劇，話想食住睇電視，最終我揀左禾牛薈，卡位有獨立電視，可以邊食邊煲劇啦，滿意未？！揀左海中寶湯，用豬肚包住花膠、螺頭、元貝、海參、冬茹等，面頭仲放上素翅，材料十足！ 龍頭湯鍋，好有氣勢。 高湯底，加左腐竹落去，飲落沒有半點油，極之鮮甜清新。 入面冇落紅肉白肉或者骨頭，所以一路打一路保持極低油脂，感覺特別健康。松葉蟹皇包$38一隻仲要兩隻起，但一咬開啲蟹油就必出嚟，裏面滿滿蟹粉蟹肉，真係好好食。蕃薯蜆一碟七隻，上枱是開晒口嘅，點解呢？ 蜆唔算細，但淥完得返一粒仔肉，失望。打邊爐點少得肥牛？ 特級手切肥牛起雙飛咁切，牛味幾濃，淥完都仲係滑，唔錯。老友鬼鬼啱啱炸起，熱辣辣夠香脆，係即食小食。不過蘸湯食我覺得仲好食！開返枝蘋果味天地一號，飲住嚟煲劇。最後係送嘅自家製北海道牛奶奶凍，好好食，奶味濃，可惜太細，我想食多幾個！

坐位寛鬆，同朋友傾計方便，唔駛大聲嗌，一D都唔焗促，卡位仲有電視機，一路睇一路食食材新鮮，最愛本地肥牛，自家制四寶丸，刺身及水晶包！職員招呼好又快手，永無甩單！

尖沙咀出名多嘢食就係人都知㗎啦，喺科學館行完，就嚟到金馬倫道呢一邊搵嘢食啦見到有一間唔係咁起眼嘅大廈，但係入面都好似有唔少食喎咁就同男朋友入咗去睇下啦上到去侍應姐姐就畀咗個靠窗口嘅卡位我哋坐啦，一坐低就擺低咗個調味架，調味料五花八門睇住張點餐紙，上面係有必食推介最啱第一次上去食嘢嘅客人做參考啦最令到我哋驚訝嘅係卡位竟然有電視，等我哋可以電視撈飯，真係好有屋企嘅感覺老友鬼鬼$68油炸鬼加蝦滑，其實都幾盞鬼㗎喎拿~依到油炸鬼唔係平時食粥嗰啲咁鬆化㗎因為太過鬆化就會好似響鈴咁樣，浸一浸就會淋曬。 呢一款油炸鬼就比較實淨，同埋香口，就算放喺湯入面耐咗都係咁脆㗎御膳宮廷海中寶$368送上嚟嘅時候淨係得一大嚿豬肚表面材料： 蟹子，素翅，雞絲，豬肚裏面材料： 花膠，海參，響螺頭，乾瑤柱仔。根據侍應姐姐解釋：呢一 個個每日只會限量供應五個， 而且煲呢一碗湯係需要用六個鐘， 所以如果想要呢一個湯底做打邊爐嘅話，就最好提早book定啦等侍應姐姐剪開咗豬肚之後，我哋再煮滾，熄火，熄咗火飲湯就唔會咁燥熱。留意到， 呢一個火鍋個盤係特別唔同係有龍頭㗎。 侍應姐姐話呢一個盤其實係為咗呼應返宮廷御膳嘅感覺，因為佢話

呢間打邊爐想食好耐㗎啦，今晚行過尖沙咀，路過他鋪頭有位就想去試吓啦！位置位於大街中心好容易就搵到，樓下有接待處搭lift上去就係啦！餐牌有好多選擇，他們最特別嘅就係一啲特色嘅湯底！這些湯底出面都冇嘅，所以令到梗係試吓佢哋嘅特色湯底啦！價錢百幾蚊自動去幾百蚊都有！今次就揀咗佢哋嘅招牌禾牛會湯底，湯底係牛骨濃湯，配上牛雜！牛味濃郁，鍾意食牛嘅就不好錯過！本地牛肉細碟$258，牛係新鮮嘅，不過今次雪花就比較少左d珊瑚蚌桂花蚌，食呢兩樣野就最驚有雪藏味，他們都好好！中帶有一點海鮮嘅鮮味！油麥菜！份量夠多，洗得好乾淨，每一條都非常翠綠！兩個人埋單七百幾蚊！滋味滿足

火鍋店設有獨立房間，私隱度高一家人進餐時更舒適盡興招牌禾牛薈 $198湯底以牛肚、牛蒡、牛筋、牛骨及牛大腸熬製而成味道鮮甜而且非常濃郁 無論配上肉類或海鮮火鍋材料都相當配合海鮮拼盤$288非常豐富的海鮮拼盤有海中蝦、貴妃蚌、鮮蠔及原粒帶子各款都鮮味十足，而且帶子份外爽甜彈牙蟶子皇$48/隻肥美的蟶子皇分量十足，配上辣椒豉油進食提鮮又惹味特色火鍋美食包括松葉蟹黃包 $38/隻一咬開湯汁非常澎湃，嚐出蟹肉的鮮甜味蟹黃分量超多，食出啖啖蟹肉至尊本地招牌手切肥牛 $388牛肉部位有五款選擇，如邊爪、封門柳、頸脊、挽手腩及大腩包今次就試了頸脊，肉質鮮嫩可口而且每片肉都是開邊切割，盡顯刀工

我們晚上去了尖沙咀樓上的一間牛肉火鍋店，禾牛薈座位都相當大，尤其是他們的卡位可以同一時間坐六個人，亦都可以儲存酒水在店舖的酒櫃內。我們選了特色的一個火鍋：原味花甲蟹火鍋，他們的漲了選擇十分之多特別推介的是他的XO醬，好多瑤柱。上枱時，是用一隻色超大型的銅製大火鍋，十分之有派頭，火鍋裡有一隻足足手掌大的肉蟹，附加兩個巨型的蟹鉗，再加上很多花甲， 加上有大量的洋蔥，大蔥，令到整個火鍋生色不少。入邊有好多材料，中意食海鮮既我地覺得非常滋味直情想將啲湯飲埋，另外佢嘅配料好多，湯底勁鮮甜，我哋仲飲咗幾碗另外我們點了自家製的餃子，大大隻的自家製餃子裡面當然不會小的是爽滑彈口的蝦仁，食四隻已相當夠份量了，值得一題是，火鍋的湯底不要浪費，直飲下去非常之鮮味。正！

尖沙咀無野多，火鍋店至多～～係芸芸咁多選擇之中，呢間環境非常舒適，有卡位，仲有部細電視，好似私人包廂咁三個女仔叫返D養生野～健脾養顏椰子雞湯，呢料超多，湯頭完全唔肥膩又清甜脆炸響鈴卷 - 夠哂鬆化～如果唔想浸腍，仲可以直接點雲吞酸甜汁食，一樣咁有水準本地招牌手切肥牛 - 油脂分佈平均台灣鴨紅 - 好少有鴨血食，都幾嫩滑細緻自家手打蟹子墨魚滑 - 新鮮度十足，好彈牙呀黑椒牛筋丸 - 非常夠味，大大粒唔痴牙醬爆芝心丸 - 呢隻打邊爐必叫啦～水晶粉 - 呢隻比粉絲粗身，滾十幾秒度就食得，唔會係好難咬個隻，同時又吸收到湯底精華天地一號蘋果醋 - 呢隻有汽蘋果醋好過飲汽水啦～又消到滯總體黎講價錢相宜，豐儉由人～抵食！

朋友早一排約吃晚飯，她喜歡吃火鍋，還要求去未吃過的食店，本打算去九龍城吃的，但近年尾她比較忙碌，惟有去她寫字樓附近吃，上網給我找到九龍城火鍋店的分店，原來就在尖沙咀。醬油架 $25/位這裡的 XO 醬是頗不錯的。御膳宮庭海中寶 $368表面材料：蟹子，素翅，雞絲，豬肚。裏面材料： 花膠，海參，響螺頭，乾瑤柱仔 ...釀在豬肚裏邊，燉上數小時。上湯內有冬菇及腐竹。侍應哥哥剪開豬肚後，我們再煮滾後關火，關火飲湯不會燥熱，先飲湯與吃部份湯渣，因我兩都喜歡飲老火湯，不想被其他食物影響湯的原味，腐竹吸收了湯的味道，份外好味。螺片與柱仔留下繼續煮湯；豬肚，海參，花膠仔有腍，有爽身，上湯像家中煲的味道，我們喝不停口。自家製法國鵝肝蝦丸 $108朋友懊惱點墨魚丸還是蝦丸，當然選後者，因不是每間火鍋店都有的。卜卜的蟹籽與蝦味的丸子，當咬至中間，被鵝肝的甘香吸引著，記得慢慢咀嚼去享受這個滋味。炸魚皮$48新鮮的魚皮，大塊，沒油味，夠乾身。自家製水餃$88有蝦有木耳絲，還有帶子，皮薄，有餡料本身鮮味，略淡，加了xo 醬，很配搭油麥菜$38新鮮。最後，甜品來個椰皇大菜糕，如果大碗一點就更完滿。

天氣凍肥雞梗係最鍾意打邊爐啦今次就是咗尖沙咀呢一間和牛薈 入到去佢有兩層空間都幾大肥雞好鍾意佢嘅調料像爸又係試佢啲花生醬超香 肥雞嗌咗個胡椒豬肚湯個湯底好似譚仔湯底咁樣之後越滾就越入味肥雞嗌咗本地招牌肥牛同埋牛胸爽嗰啲牛肉真係好新鮮帶咗個綠寶園有全部都係自家手打墨魚丸牛肉丸鯪魚球丸豬肉丸 完全唔似出面街食咁多分再嗌多一碟珊瑚蚌 小食就嗌咗 鬼馬油炸鬼啫係蝦膠釀落啲油炸鬼道熱辣辣食非常之一樓整體嚟講佢啲食材都幾新鮮

好姊妹生日，又係藉此機會大家好好聚一聚。訂了尖沙咀和牛薈，睇中這裡環境舒適寬敞，傾計不用叫破喉嚨。湯底叫魚與熊掌，並不是熊掌，其實是牛蹄根，魚其實是鮑魚，佩服改名的人的想像力。牛蹄根已預先炆煮，保有牛根的爽口，軟骨部份又好易食，感覺補到滿滿的骨膠原，姊妹們很滿足。湯底的料很足，人少的話真的食湯底已飽一半。火鍋配料方面，怎能不叫牛。但不這裡的牛並非一般美國肥牛，而是本地牛，片片都是人手切成薄薄的，十分考刀工，只需15秒就熟，口感軟腍，肉味香濃。今次碟牛叫邊抓，問落先知即是牛肋骨位、包圍牛腩的肌肉，一般脂脂較多，但今次碟牛肉脂肪分布平均，並不覺肥。其他火鍋配料叫了魚卜（魚鰾）、魚胶及脆肉鯇等配料，全部都好新鮮，特嘢係個魚卜，又大又滑，重點係不腥，這些食材稍為不夠新鮮就好易腥，不是每間火鍋店都有勇氣試呢類食材。今次真係大滿足！

今日約左幾個BUDDIE去打邊爐順便團年. 朋友仔話呢間正野所以我地就一齊去食. 去到好開心呀, 地方又大張枱又寬敞, 叫勁多野食都唔會迫迫夾夾. 重點仲要有電視睇, 一枱一部獨立TV 我地可以隨意睇99 又得81都得... 好似響屋企打邊爐一樣. 叫晒食物店員就好好咁俾左個醬料架俾我地混醬, 要既醬料都有齊. 最重點要推薦既係佢地好豪咁俾左XO 醬我地. 裡面係足晒料又夠辣真心好味. 打邊爐我係必備XO 醬既野飲食物都好多仲要有大陸最HIT既天地一號呀~ 我地女仕最鐘意嫁... 所以我地都叫左黎一齊SHARE.先先黎左個熟食先, 老友鬼鬼-- 係熱辣辣脆卜卜既油炸鬼釀左爽彈既蝦滑. 唔用黎打邊爐當餐前小食都真係好正, 夠晒熱氣香口. 非常好味. 跟住鏡頭一轉一個霸氣既牛蹄湯鍋就已經到左, 俾佢既霸氣鍋吸引住.  裡面除左牛蹄仲要有鮑魚蘿蔔等等等等既配料. 令到個湯更加香. 當我地都唔知點樣落手既時候, 店員超好態度咁黎幫我地細心剪開細舊細舊的牛蹄等我地食得唔洗咁煩... 真係好窩心. 之後就一次過黎晒我地叫既食物, 樣樣都非常精緻. 我地都食得好開心, 味道上都真係好唔錯. 響鈴仲要

今日一早己约咗嗰朋友聚舊，約咗係尖沙咀金馬倫道嘅中國保險大廈一樓嘅禾牛薈打边爐，点知佢臨時 有事嚟唔到，但我又訂咗枱，最後唯有打比另外一個朋友，好在佢咁啱無街去，可以補到呢嗰位，如果唔係就要打電話去取消㗎啦。係約定嘅時間去到中國保險大廈嘅樓下等埋一齊至上去。門口招牌好大又起眼，但内裏地方都好大，坐位好寬闊同埋好舒服，侍應俾咗個窗口位俾我地，又放底啲點配料嘅纸，湯底朋友揀咗芫茜馬蹄皮蛋湯，呢個湯芫茜好多味好濃，配料有特级手切肥牛，擺得好靚，只要淥一陣就食得，好冧，沾啲醬汁更加好味，又叫咗白鱔片，鱔片冇草青味，入口好爽，廣島蠔，又大隻蠔味又濃郁，重有爽口豬頸肉同精選三式餃(鮮蝦雲呑餃，韮菜餃，意式牛肉餃)，第一次食意式牛肉餃，好有驚喜，係將啲牛肉溝埋啲特制嘅醬汁混合而成，唔使沾汁都好好味，可以叫多一碟，其他兩款餃都保持水準，另外就係豬頸肉，就算淥耐咗都唔會太冧，保持到應有嘅爽，飲品我地要咗青島啤酒。

今日同屋企人嚟打邊爐，都係經朋友介紹嘅，所以預先book咗位嚟食。叫咗個珍寶鍋，入面有好大舊嘅牛筋、牛骨等，就咁飲個湯都好好飲，感覺唔會係就咁清湯或者係味精水，而係熬咗好耐好有味道嘅老火湯呀！醬料自己撈，另外仲叫咗支啤酒同竹蔗水。呢度最有名梗係牛肉啦，每件牛肉嘅雪花紋都清晰可見，肥瘦適中，都算幾有肉味嘅~酥炸午餐肉，通常火鍋店一有呢味餸我都會點嘅，真係好邪惡！另外邪惡既食物仲有炸魚皮，大大件脆卜卜，無油益味！當然唔少得一系列嘅蔬菜！皇帝菜一啲都唔老，新鮮！粟米超甜，珊瑚蚌爽口，淥一淥就食得～整體嚟講，食物款式多，質素高，最值得推介係湯底，真係俾足心機熬架～

今日去尖沙咀探我最愛之一既豬 ......寶妮，跟住老公話去食佢鍾意既牛邊爐。依間邊爐店超多牛，所以我地點左個牛之最湯底 - 招牌禾牛薈（包括有牛肚、牛膀、牛筋、大腸）湯底加左沙嗲增加香濃，而且有蘿蔔條同牛牛好夾呀！牛腸： 用左五香粉燜，咬落好香五香味，爽得黎又帶點粉。牛肚：爽又入味牛膀：味道更加濃，質地入口即溶牛筋：jelly 狀，一d都唔靭手打黑白墨魚丸好彈牙xN次，好似上下牙齒咬左落去都回彈返咁。而且好香墨魚味😘墨色墨魚丸因爲加左墨汁，所以墨魚香味更多老友鬼鬼原來依間邊爐店首創依款菜色，老友鬼鬼，咬第一口，好香蝦膠味係面，再咬下面係超級脆卜卜油烤鬼，再點一點湯底食，吸引左牛湯精華，仲留有脆感，好正呀！特級手切肥牛雪花紋靚，肉質軟，帶少少油脂香皇帝菜好嫩，放一邊爐淥一淥，吸收晒湯底精華之餘，好入味呀～唐生菜好脆、好新鮮，放一邊爐淥一淥，吸收晒湯底精華之餘，仲好爽脆西班牙橡果黑毛豬片肉質好軟，吸收左湯底精華，混合著香濃沙嗲味，好香😋精選三式餃： 鮮蝦雲吞餃餃裡面粒蝦超大超彈牙🦐韮菜餃皮薄，韮菜又多又香，多到好似要爆出黎咁意式牛肉餃老公話肉食緊肉醬意粉個醬，好重牛同蕃茄味，好有特色。食