福元湯圓

營業中

休息中

小編去親北角一定會食傳統糖水，養生糊食過實在太多次，所以決定試新野😬其實福元湯圓比養生糊嘅人氣高好多，多好多人介紹，不過... (因兩間鋪頭類型比較相似，所以以下會瘋狂比較😌).🥣雞蛋腐竹糖水(加湯圓)知道呢間湯圓好出名，唔食招牌野又好似唔係幾好🥲即使啱啱食完飯好飽，都加咗湯圓🤭首先雞蛋腐竹糖水非常之淡，唔係冇糖個種淡而係冇料個隻🥲湯圓係芝麻餡，啲餡幾濃，皮薄餡多，幾好食😬好彩加咗湯圓，如果唔係都幾失望下🥺.🥣木瓜燉雪耳都係好少料，味道比較淡🥲總結係，唔會難食，都絕對唔係好食🤔養生糊就樣樣野都值得試，每次叫唔同嘅糖水都會有驚喜，性價比非常高😝但福元湯圓就暫時淨係得湯圓好食，不過餐牌仲有非常多選擇，如果有人食過其他覺得好食嘅可以留言話我知，幫佢平反😂.🍽味道: 2.5/5🏙環境: /‍👨🏼‍🍳服務: /💧衛生: /💰價錢: 3/5

呢間位於炮台山小巷既糖水舖其實係區內一向都有啲名氣，憑住出色既豬油湯圓😈😈🤪一早都吸引唔少街坊捧場架喇，小編身為街坊之前都食過幾次，今年佢哋仲上咗米芝蓮街頭小食推介，即刻升價十倍，仲要係💛💛趁住新年要團團圓圓就買咗啲生湯圓返去煮，應吓節啦。 芝麻湯圓佢嘅湯圓皮係好軟糯，完全唔會黐牙，咬落去會食到微微豬油既香氣，芝麻餡湧晒出嚟好吸睛，芝麻味都幾香，帶沙沙口感，正😗 花生湯圓呢款就唔係就流沙路線，不過都食到幾香既花生味，餡料混入咗啲糖粒所以帶有沙沙口感，雖然無芝麻咁好食但都唔錯。 人均消費：$40推介指數（10分為滿分）：8分

可喜可賀福元湯圓入咗米芝蓮！有齊#米豬連 同米芝蓮認證🥳鴛鴦湯圓係必試有5粒花生同芝麻湯圓，薑湯可以再辣啲。一咬#流心芝麻即刻好澎湃咁噴出擋都擋唔住 濃濃厚實芝麻味#皮薄餡靚白裏透紅晶瑩剔透 嘅芝麻湯圓超。好。食！花生湯圓有超細粒嘅花生碎，花生味濃好厚滑，皮好軟滑。個人鍾意食芝麻湯圓多啲！次次都好長龍， 好食嘅嘢就係要付出。啲芝麻同花生湯圓應該係炒香左再慢慢磨碎。兩款甜美剛剛好！溫馨提示，所有糖水可以另外加錢配湯圓。同場加映腐竹雞蛋糖水加湯圓！

位於北角炮台山的福元湯圓，一直在我心水之列，亦是區內的老字號糖水店。店舖面積不大，位置亦不起眼，內裏沒有什麼裝潢，只放了兩、三張檯和少量的櫈。店舖主打中式糖水，價錢亦頗為大眾化，平均$20-$36元不等。與友人剛吃完午飯，就算多飽，必選其招牌糖水 - $26「鴛鴦湯圓」！所謂「鴛鴦」，即是芝麻和花生湯圓兩溝。熱騰騰的糖水端上，五大顆湯圓顆粒大小一致，先呷一口薑湯，溫度夠熱，薑味濃郁而不辛辣，在這寒冷的天氣下，的確可以暖身！湯圓外皮夠薄，入口煙韌，但不黏牙，咬下去芝麻有流心效果，芝麻蓉澎湃湧出，口感沙沙的，味道香濃，配搭沒有調味的湯圓皮甜度剛好！花生湯圓的流心程度同樣澎湃，花生味道豐厚，帶點碎粒，口感頗有層次！吃完湯圓再呷一口薑水，感覺非常實在！我，不是一個特別嗜甜的人，但「福元」的湯圓，必定令你一試難忘！

真係估唔係北角仲要咁傳統嘅糖水店 竟然都係咁有良心嘅小店我實在太開心了 因為一向只食佢呢一家嘅湯圓！本身佢舖面已經唔大 而且真係好少去北角所以一去開北角都會買佢哋生湯圓走😋佢哋嘅湯圓皮比坊間厚啲 但就好軟糯漲卜卜超足料 咬一啖就爆饀😍以往係超市買/出面食嘅芝麻湯圓總係覺得有陣芝麻腥味但呢到嘅湯圓真係令我好驚喜炒得好香 甜度適中 唔會有腥味而有少少厚度嘅皮又可中和到饀嘅甜味👍🏽額外一提 佢嘅花生味一樣咁好食不過我都係鍾意芝麻多啲😍

返到嚟香港一定要食返我好掛住嘅甜品而家喺酒店隔離途中好在有老公幫手買外賣放喺房門外問過其他朋友都好推介呢一間甜品店我就叫咗個芒果椰汁黑糯米芒果超級甜 一啲都唔會酸 黑糯米軟綿綿嘅感覺 配上椰汁剛剛好一定要繼續支持良心小店下次會試埋最出名嘅湯圓

最初認識＂福元湯丸＂，是在紅磡。那時一家人總會買點生湯丸回家煮，味道可好了。後來＂福元湯丸＂搬家至炮台山，也就少有機會吃。今晚難得來到附近，一定要重溫美味。點了＂黑芝麻湯圓＂及＂酒釀丸子＂。丸子彈牙有咬口，酒味不太濃(個人喜歡濃一點)，但味道實屬上佳，清新可喜。黑芝麻湯圓比起從前失色了不少，以往是餡料爆醬，一嘴滿口滿牙的黑芝麻，芝麻味香濃得不得了。不過薑汁糖水不似一般死甜，確是有濃烈薑皮煲出來的效果。整體一定屬中上，比一般中呀丶西呀、什麼花款名稱的糖水舖也要好，只是稍稍不及當年美味而已。

幸運地中咗IG Giveaway！但都不得不介紹比大家，真係超好食呀！話說吳師奶中嘅係由「福元湯圓」送出嘅鴛鴦口味湯圓一盒，味道分別係芝麻同花生！見呢排天氣涼涼地，夜晚又口痕，就煮咗嚟食！簡簡單單整幾片薑，加埋片糖，搞掂！廢話唔多講，到底有乜咁特別？！最最最驚喜係原來係爆漿湯圓嚟㗎！！真係唔講得笑，一咬開，入面啲餡真係即刻湧出來！真係好正呀，勁多餡料，同埋個皮一啲都唔厚！真心極力推薦大家去買嚟試下！最後再次多謝抽中我嘅福元湯圓

原本食完壽司 有罪惡感 所以決定行幾站 才上MTR ， 行下行下 到炮台山 想起了 中式甜品店走去看又忍唔住我挑了 芝麻湯丸。 朋友選了 紅豆沙湯圓及綠豆沙湯圓 。 印象中這店最出名是湯丸 所以大家也必點了 黑芝麻流心湯圓皮簿及滑，芝麻味濃厚，香甜+薑水（不是很辣）配合非常適宜紅豆沙 是起沙 因不是很甜 配上湯丸剛好。綠豆沙就比較遜色點 感覺豆比較小還是溶了 ？ 沒多少豆 但配上湯丸 還是不錯。 疫情下 外賣的人很多 看老闆也沒停手 。 補充 還買了生的湯圓給家人 明晚甜品

最近收工時間夜了，今天可以準時放工就買湯水回家哄哄媽咪開心啦😆🔸桂花酒釀湯圓媽咪好聰明一估就估中到係桂花酒釀湯圓，媽咪大讚個湯圓既芝麻好滑好濃郁，質感好軟熟💛酒味濃郁之餘又散發出一絲絲的桂花味🌼🔸 芝麻糊炒得香滑，一d都唔稀真材實料呀🙆🏽‍♀️又唔會好甜，夠健康😆 芝麻糊潤膚養顏又抗氧化👸🏼食過一次都令人回味無窮呀😍好彩有買到生湯圓回家呀！媽媽煲左紅棗百合糖水，我就叫媽媽加埋啲生湯圓落去😆🔸生湯圓雙拼 $42雙拼是黑芝麻和花生🥜食果時啲餡係爆漿流曬出嚟呀🤤黑芝麻和花生都好香濃，花生既感覺似糖不甩果隻味😗而且皮唔厚食飽飽都唔會好濟咁👍🏽會令你一次就愛上💛

呢間我食過數十次，佢哋個湯圓真係非常出色，有好多人會為湯圓慕名而來，唔少明星都係熟客嚟㗎！坐咗幾分鐘已經有幾位顧客入嚟買生湯圓！可想而知呢度啲湯圓有幾受歡迎🤩 呢度啲湯圓入面啲黑芝麻&花生都係事先炒香再用磨米機磨碎。次次食嗰陣，入面啲餡都好似爆漿咁湧出嚟，有流沙口感😍餡料加咗豬油調味，食落寧舍香😋兩款湯圓外皮都係煙韌唔黐牙，咬落去質感有少少似糖不甩咁有彈性。不過今次就唔食湯圓啦，試下佢其他出名糖水先！店舖較細，一眼望哂👀僅僅放到四張枱，晚市時候會在店外放多幾張枱。店內裝潢似舊式糖水舖，用上瓷磚牆，收銀處上方有圖文並茂嘅湯水放大圖，更有舊式糖水紅色牌。❤️ 楊枝甘露 $31呢度啲楊枝甘露非常好食，同普通酒樓食到嗰啲唔同，普通酒樓食嘅楊枝甘露奶味偏重。而呢度嘅楊枝甘露芒果味同奶味配合得天衣無縫，感覺上新鮮芒果汁份量比奶多少少，食落好清新，甜而不漏。配料方面有西米，芒果粒&柚子肉，份量多到滿瀉，食到底都仲有好多西米同柚子肉🤤整體口感香滑，柚子味香濃。好食度：⭐️⭐️⭐️⭐️(4/5)❤️ 芒果椰汁黑糯米 $31黑糯米粒粒分明，有嚼勁，唔會好淋，如果想口感淋啲可以叫熱食。芒果粒新鮮好甜😛 椰汁比例啱啱好，

上次生日 食咗黑芝麻糊 同 鴛鴦湯圓(花生、芝麻) 配薑糖水。個黑芝麻糊食到係有炒過，所以比較香口，又有芝麻油嘅幼滑，都應該會比較滋潤，對皮膚好。黑芝麻係有炒過，所以好香芝麻香，至於花生都混有芝麻，所以都好香，又有咬口。今次食 黑芝麻湯圓薑糖水，花生湯圓薑糖水。係即煮架，所以要等一等。結果，係無失手。黑芝麻仍然係有炒過，所以好香芝麻香，至於花生都混有芝麻，所以有啲芝麻香，又有咬口。係等待其中，有客人要小丸子，原來都係即煮架。😱😱😱 好用心呀！

適逢中秋佳節，人月兩團圓嘅日子，點少得去福元食碗湯圓😆😆之前嚟過好多次食，次次都話好好食，朋友唔信，今日終於帶咗佢嚟食😋😋**********芝麻湯圓（$26）每碗5粒跟薑水湯圓皮薄，芝麻餡料一咬就流哂出嚟🤤芝麻味香濃，有沙沙嘅口感，真係好正薑水無糖，薑味超重，飲落都幾辣😆**********芝麻花生湯圓（$26）2粒花生+3粒芝麻湯圓花生湯圓有細細粒花生碎，雖然流心未如芝麻餡咁流哂出嚟，但花生湯圓都唔錯👍🏻**********朋友最後都忍唔住買咗3盒生湯圓番去開心share😆生湯圓（$42/10粒）水滾煮5分鐘就食得

大大聲話你知，其實笨人怕熱得要死。有啲食物會喺秋冬季節先會食...eg. 薑母乜乜、薑茶物物...係時候啦...終於無咁熱...食湯丸都係好時機...呢間福元正呀…要咗鴛鴦mix，即黑芝麻 n 花生...得！好得！湯丸皮好煙韌，食落有糯米香。又笨人呢，本身唔食黑芝麻，係抗拒果隻。但呢度嘅黑芝麻完全令我改觀，直頭係愛上！湯丸一咬開，餡料係湧出嚟！啲芝麻炒得好香，久久不散，大愛！花生都好食，但硬要比下去，係2回事，香氣味道係差啲啲...以中式糖水嚟講，不論係湯丸或糖水都唔算好甜，好回味🤤🤤 好jeng...‼️ 門口有級，店內亦唔多枱。今次有備而來，輪椅入唔到都唔怕，因為帶埋私家枱面板，買完係門口食，趁熱食真係正好多。

一家人提早喺屋企做中秋節，家人買咗生料芝麻湯丸做飯後甜品，一盒10粒配上兩小碗薑味糖水。開爐水滾後放生料芝麻湯丸，當湯丸浮起就撈起來備用。用煲加熱薑味糖水，因為我個人比較鍾意薑辣味，所以另加咗幾塊薄薄薑片，糖水滾起就落已煮起湯丸再稍微悶煮1、2分鐘之後就食得，非常方便。薑味糖水入口順喉，甜味啱啱好，而且薑味好出，薑嘅辣味微微刺激，但係一啲都唔會嗆喉，飲一啖就即刻感覺暖烘烘。湯圓咬開一半，湯圓皮口感煙韌軟糯，香滑流心芝麻餡即時湧出，黑芝麻味道香甜濃郁，口感粘稠順滑，會令你忍唔住一粒接一粒放入口。一整粒放入口時，流心芝麻餡一爆而出，芝麻香氣由口腔衝上鼻腔，稠滑黑芝麻餡充斥成個口腔，嗰刻真係唔捨得吞咗佢落肚，想再嗒耐啲。第一次食已經愛上，有機會一定會去舖頭幫襯。