福元湯圓

營業中

休息中

難得出到咁遠，揾到呢間出名嘅老字號食甜品。店内座位唔算太多，見唔少人都揀外賣自取。湯圓係最出名，所以都唔試其他住了。薑湯唔會太甜，薑味出但唔會太霸道，有種家常嘅感覺。要左雙併($26)，有芝麻花生兩種味。湯圓大大粒，好似魚蛋咁。個皮好滑兼軟糯，輕輕一口就咬得開。餡好足料，幾乎係爆出黎咁濟。芝麻味好香，一咬開非常流心，見到芝麻饀好有油分先會做到岩漿嘅效果。雖然花生冇芝麻咁流心，但就有花生微粒，增加左口感。手作湯圓的確係好食啲嘅，入得北角嘅不妨試下。

傳統老字號手工湯圓 食完晚餐經過見到好多人排隊 就決定買走試下 買左10粒芝麻湯圓 5粒花生湯圓 湯圓勁大粒 好似魚蛋咁大粒 仲要粒粒都好足料😍😍食落勁滿足 薑湯夠味夠香 奶啖湯圓一啖薑湯 jeng

第一次食福元湯圓係買生的回家煮，但由於路途遙遠，天氣又熱，攪到部分湯圓也融咗，影響了質素，今次出開炮台山，決定堂食，剛好有人走，立即有枱，叫了鴛鴦湯圓$28及芝麻糊配芝麻湯圓$34，食物好快上枱，鴛鴦湯圓芝麻香濃流沙，一咬好似岩漿咁湧出來，湯圓皮夠滑，不黐牙，果然係招牌湯圓，花生味也不錯，有微粒花生有口感，至於個薑水真係好夠薑，冬天食嘅話，食完成個人暖笠笠，另外個芝麻糊不是好甜，配埋相對比較甜的芝麻湯圓甜度剛剛好.

早輪去港島海逸君綽酒店staycation, 夜晚想食宵夜，打算一試好出名既老字號｛福元湯丸｝橫店咁近，行大約10鐘就到。一去到門口已有人等外賣同等位，店內亦坐滿，所以我地都係買外賣返酒店食，返去慢慢細心品嚐叫左碗黑芝麻湯丸（$26）湯圓大大粒，每粒都差唔多大細，皮薄餡料好足，個流心餡真係好澎湃糯米皮又不黐牙👍🏻👍🏻個薑湯底都好正😲味道又夠香都幾夠辣，睇顏色都覺得濃濃✨真心唔錯🙌🏻值得推介

在太古城Staycation，朋友沒嘗過福元湯圓，因此我們坐叮叮到炮台山買外賣。我們買了鴛鴦湯圓和雜果涼粉回酒店慢慢品嘗。鴛鴦湯圓有芝蔴和花生，兩種都好吃，我只吃了芝蔴，吃得出芝蔴餡油感豐富，好香滑。朋友十分欣賞花生湯圓，說花生餡有花生微粒，好有口感。至於雜果涼粉，因朋友負責付款而進到店內，她說水果是即場取肉，十分新鮮。涼粉口感彈口有份量，加上花奶，令雜果與涼粉恰度融合。下次有機會一定再去和嘗試其他糖水

食福圓的湯圓已超過十年，到目前為止仍未找到比她更好食的。湯圓皮薄，咬開後是湧出來的澎拜黑芝麻，還有微辣的薑湯，全部加埋就是明知吃一碗等於食咗兩碗飯也要冒死吃掉全部5粒。今次有朋友叫了湯圓糖不甩，所以寫下食評。湯圓仍然是湯圓，無嘢挑剔，不過糖不甩的花生椰絲糖粉就麻麻地。糖粉大部份是糖，少許椰絲，花生只得極少量。雖然我會更喜歡粗粒花生，但磨得幼細的花生我也不抗拒，問題是它太少量，於是整個糖粉無香味只有甜味，配合湯圓就更甜。結論是：湯圓和薑糖水才是最佳拍擋。

一盒有10粒湯圓🍡包裝寫上口味🥜個盒好好保護到粒粒湯圓，表面印有福元湯圓logo🏵️睇得出個包裝好認真製作💪🏻🌀煮法好簡單，水滾後落湯圓，等湯圓浮起就食得喔～加片糖一齊煮有少少湯水～🍡圓碌碌芝麻湯圓超流心🍡未食聞落去之後有好香芝麻味🤪咬落去芝麻餡喺裡面湧出嚟💯餡料好足🤩餡料又唔會太甜！ 🥜花生湯圓🥜咬開一半時餡料啖啖都有花生粒粒😳香濃嘅花生味😋原來食湯圓都可以咁有驚喜🤪堂食嘅話都只喺$26 5粒 福元湯圓嘅湯圓好高質✨糯米皮薄餡靚之餘，帶點煙韌重要唔會黏牙！

超過30年歷史嘅老字號糖水舖，店舖鋪位比較細，堂食唔算坐得舒服，主力都係做外賣👍🏻 知道佢哋榮獲米芝蓮街頭小食之後更加係經常出現人龍，今日到訪後糖水質素果然唔錯，湯圓亦都做到皮薄餡靚，不過如果要排隊食就未必會啦🤔 但勝在始終人手製造，食到嘅係一份心機同堅持✊《 棗香合桃露併湯圓 》$35 4 / 5合桃露有淡淡清香，口感順滑，今次叫咗凍食都無減合桃露嘅甜味😋 湯圓有三大粒，本身以為會係隨機芝麻花生湯圓，原來最後三粒都係芝麻味🙈 軟熟嘅湯圓一啖咬落去係澎湃嘅流心餡，令人回味！👍🏻《 芝麻糊拼湯圓 》 $32 4 / 5芝麻糊拼芝麻湯圓當然夾，但可能本身芝麻湯圓嘅餡比較甜同突出，顯得芝麻糊相對平淡😌 不過口感同樣滑溜👍🏻 質地亦唔會太稀😋 另外要讚芝麻餡入面啖啖都有芝麻渣，真材實料👍🏻

平時如果一到元宵佳節，呢間位於北角嘅福元湯圓就會大排長龍，趁而家淡季就過嚟試吓食佢聞名嘅湯圓❗️❗️今次一共叫咗兩碗，芝麻糊同合桃露加湯圓一碗有四粒湯圓，分別可以選擇要芝麻定花生餡，芝麻糊就梗係配芝麻湯圓，芝麻糊芝麻味好重，又唔會太希或者傑，湯圓又大大粒，好煙銀，芝麻餡又多又香，好食❗️❗️❗️至於令一碗合桃露，合桃味都好重，整體好高質，花生湯圓花生味好香，外皮煙銀配合花生嘅香脆，層次感豐富整體來講質素好高，鍾意食湯圓嘅朋友一定要來

去天后吃飯 近近哋 坐一站巴士 到炮台山 吃個 今年度才登上 米芝蓮 街頭小食推介 福元湯圓 🥣🥣老闆梳平頭裝 身型高大 臉帶笑容 我對他說 好勁喎！小小食店 得到米芝蓮 加冕 他嗯…笑了笑 港人就是本事 且低調 但絕不傲慢 今天這小店 就是好例子 掂呀！沒有事可難倒 香港人的 💪💪鴛鴦湯圓＋糖薑水 🥣🥣糖不甩 🥜🥜杏仁茶＋湯圓 😍😍餡料足 有爆漿感 芝麻及花生 濃郁而香甜 味道極好 外皮軟糯 軟韌恰到好處 🥜🥜糖不甩讓人驚喜 灑在面上的配料 花生芝麻糖 分開小包 隨你喜好 加多或少 我全包倒下 小糯團 沾滿滿的 超級好吃 也沒有太甜 🍡🍡杏仁茶厚身的 配上湯圓 正是我的最愛 😋😋

呢間黃店真係童年回憶嚟，由細食到大都咁好食😋佢啲招牌湯圓真係勁勁勁勁勁爆漿‼️好開心佢係黃店可以大大力支持💛，仲入選咗米芝蓮2021推介😍 最近教主AL嘅MV都喺嗰度取景㗎，大家快啲去試吓🤓▪️雞蛋腐竹糖水+3粒湯圓 $20+$9▪️腐竹煮到好溶，食落好綿滑好香，同埋佢係用原隻雞蛋，好足料～重點來了！！必定要加佢手工自家製嘅湯圓，超大粒超好食😱😍，湯圓望落已經係好飽滿，細細啖咬芝麻真係湧出嚟🤭，湯圓皮好厚薄適中，好有炒到好香個種芝麻味，呢個湯圓真係世界級，仲可以買生湯圓返屋企自己煮👍🏻 其實花生湯圓都好好食，不過今次冇叫🤪▪️芒果西米露 +丸子 $28+$7▪️呢個配搭簡直係嘴刁仔最愛嘅糖水😍，西米粒粒分明，唔會好似有啲糖水鋪咁煮唔散一舊舊咁～撈落西米露嘅芒果汁都唔會太甜，配埋新鮮嘅芒果肉超好食🤤，丸子煙煙韌韌份量仲要唔少，加埋黎食都好夾🥰

北角爆餡芝麻湯圓！🥰🥰終於試到大名鼎鼎嘅福元～ 湯圓好好味，一咬就知同平時嗰啲唔一樣，外皮非常之軟滑，一定落咗好多油去搓，輕輕咬開少少，啲芝麻餡「把把」聲咁流出嚟，好似火山爆發咁，haha 😚 芝麻湯圓勁流心，芝麻餡好香好滑溜 一咬就湧出嚟😍另外花生湯圓都好香，wingwing.foodfood建議嗌鴛鴦湯圓，咁就可以一次過試晒兩款喇！🤗.福元湯圓地址：北角炮台山福元街7號利都樓地下I-1舖。

💛💚🧡💜🍡 芝麻湯丸小小的店面，只有十個坐位，三位嬸嬸努力地煮糖水中。一年都吃不到一次的「福元湯丸」。一碗有5粒，圓圓的，很飽滿。外皮薄及煙韌（Q彈），內裏是香甜的芝麻流心。薑湯有薑味，不太甜。用的糖應該是比較好，吃完咀巴沒有酸味。要給一個like! Sesame Rice DumplingVery famous rice dumpling in Hong Kong, you may choose “sesame” favour or “peanut” favour. 5 rice dumplings are served with ginger sweet soup. The thin and chewy thin is the signature of these rice dumpling. The sesame is fired and emits strong favour. The sweetness of ginger sweet soup is just right and fit Hong Kong People.

呢間位於炮台山既米芝蓮中式甜品舖相信都唔少人聽過😋係20幾年既老店 主打大大粒湯圓！😍用平民價已經可以食到米蓮連食物啦🤩－ 鴛鴦湯圓 $26湯圓有黑芝麻🌚同花生🥜兩種口味！黑芝麻起晒沙濃濃厚實 花生味濃仲有啲花生碎💡湯圓超大粒係平常嘅兩倍😳湯圓嗰個皮好薄好滑煙煙韌韌🤤做到晶凝通透 會隱隱約約睇到裏邊係咩餡料☺️薑水好好飲 唔會太辣🌶－ 杏仁茶 $25好濃郁杏仁味😋好滑 唔會有渣🤗甜度又啱啱好 健康養顏之選👍🏻呢間良心老店啱曬我哋呢啲窮人😥冇錢又想食米芝蓮🤪大家真係可以一戰啊！

自上年食完福元湯圓，一直都念念不忘！今次咁岩路經附近，緊係要整返碗！人龍唔算長，老闆娘無停手咁應付，比咗錢買完唔洗十分鐘就有得食！今次食薑湯底雙拼，熱辣辣，大大粒好好食～！再買多個外賣比屋企人👍🏻