福丸水產 鉄板燒 日本料理 (已結業)

試咗好多間浜燒，今次直頭走咗你荃灣試新野添，朋友試過新開嘅福丸水產，覺得幾好食，所以我哋今日就黎試吓。唐揚八爪魚＄68八爪魚即叫即炸，想到枱仲熱辣辣，外面脆卜卜，但係裏面冇炸到乾柴，仲係好彈口。日本雞肉腸＄38雞肉腸嘅味道有啲似台灣腸，但係就冇咗個d肥膏，感覺健康啲，外皮煎得好香脆。八點刺身盛合＄488呢度專賣水產，所以八點刺身都有啲特別啲嘅食，除咗有喜知次，赤貝，海膽，拖羅，油甘魚，牡丹蝦，最特別嘅就係佢有火炙左口魚同埋薄切鯛魚，真係一大驚喜，所有水產都超級新鮮，最鍾意就係喺刺身上面加左火炙左口魚，個油香滲到落黎，咁細塊真係唔係好夠喉，薄切鯛魚都好吸引，仲配咗特有嘅酸汁，食落好彈牙。特上壽司盛合＄328壽司方面都好大件，大部份都陪左唔同嘅醬汁，豉油都唔使甜，仲有睇到用咗嘅壽司飯都係有顏色嘅，同出面嘅有啲唔同，本身已經有味嫁啦，有海膽，赤背，牡丹蝦，油甘魚，拖羅，鯛魚，喜知次，仲有吞拿魚腩卷，每一樣都好新鮮好有味道，但係每樣第一件就有啲難同其他人分啦。燒魷魚筒＄68開始今日嘅主題，浜燒，叫咗個燒魷魚筒，原隻魷魚上，嗰時影一路燒已經一路聞到好似係街聞到嘅燒魷魚香咁，真係令人流晒口水，燒到

估唔到入到荃灣都有咁高質日本嘢食首先有呢個蔥燒和牛和牛薄燒以前係第二度食過，做法有啲唔同，佢係會將啲蔥好結實咁捲起，啲牛肉捲到圓柱嘅咁樣而呢度嘅肉反而係一片片，片狀嘅，啲A4鹿兒島和牛咁樣包，食到仲係好鬆軟，每片肉質好香濃，仲要係入口即溶嘅，入面嘅蔥同炸蒜片提升咗成個口感，一開始就咁正，令我哋都好期待其他嘢嘅質素唐揚小海老用嚟送酒真係一流！香脆可口每隻蝦仔都炸得金黃，多餘嘅油份都逼哂出嚟而且蝦嘅香味十足，有啲甚至有膏，食完一隻已經停唔到口，好想再食神奇地因為有好多蝦，所以食極都仲有然後重頭戲嚟啦，成日見人食呢個用蟹殼放住好多材料嘅燒物，原來呢度嘅浜燒有得食叫咗兩隻唔同味，分別係松葉蟹膏甲羅燒，同埋黃金蟹膏甲羅燒每份都有好大量嘅蟹膏，蟹味噌，蟹肉，蟹籽，仲有少少蔥同一隻鵪鶉蛋增加香味見到咁colorful,好想有碗白飯可以撈呀呢度嘅店員會幫你將全部材料混合，放係網上面燒，全程我哋淨係望住睇佢點整同等食，好香好正燒完嘅甲羅燒，蟹殼已經變到好脆弱，所以刮啲餡出嚟食嘅時候要小心所有嘅食材已經融為一體咁，仲食到蟹籽一粒粒脆卜卜咁，而蟹肉同蟹膏都好完美地混合個人覺得蟹味就係松葉蟹甲羅燒濃啲如果鍾意

去日本冇食到浜燒海鮮帶着遺憾回港，朋友知道後就帶我去食呢間新開的福丸試下。傳統日式裝橫的環境非常有氣氛，而且皮sofa係曲線型，可以貼住你的背脊，坐位舒適。有宴會房，xmas和新年可以包埸同家人或朋友慶祝。Menu有好多特色美食都未食過，最鍾意試新野。擺盤精美，有如置身日本一樣。大蒜味噌漬($48)，平時食生蒜都係夾燒肉或生蝦食，因為怕辣所以都好少生食，呢個蒜用味噌調味後，蒜味道不會好濃好辣，反而有種甜味，容易入口，作為小食又唔錯喎，幾開胃。山葵八爪魚($38)生八爪魚好彈牙，山葵味道都幾嗆鼻，好刺激。螢光烏賊($48)烏賊係生的，醃漬後幾好味，鮮味獨特，值得一試。帆立貝刺身($68)和甜蝦刺身($58 四隻)都非常鮮甜，蝦又幾大隻喎。唐揚八爪魚($68)炸得爽口彈牙，唔油腻，yummy。梅干汽酒($38)，梅干碎上，出晒D梅味。柚子檸檬酒($58杯)，柚加lemon味好味道，酒精味唔會太重，冰ball好靚，唔捨得飲。終於食到浜燒，黃金蟹膏甲羅燒(前/$88)和海膽松葉蟹膏甲羅燒(後/$88)，色彩繽紛，已經好吸引。店員會幫忙燒海鮮，等蟹收乾水就可以食，似蒸蛋咁，質地結實，每一啖都係蟹

於荃灣搵食，其實唔難，但來來去去都係雞煲同放題，想搵間坐得舒服又高質的餐廳，可謂少之又少。知道荃灣開水產浜燒，已經好想試，今晚終於搵啱人同搵啱時機喇。同朋友晚上睇完戲後，就即刻去食，仲唔記得上網訂定位添，心怕想食的水產售罄，還問店員幾點last order......餐廳佈局好舒適，完全唔迫硤，食物種類唔算好多，但每樣食材都好矜貴同新鮮。我地2個人叫左幾樣嘢食，包括:水產浜燒盛合、黃金蟹膏甲羅燒、壽喜燒、牛油果軟殼蟹卷，仲有飲品添。首先上場係黃金蟹膏甲羅燒，$88重點推介啊，一心黎到就係想食甲羅燒，選用松葉蟹肉，黃金蟹膏，蟹膏味香濃水產浜燒盛合，$428一場黎到，唔係唔食浜燒呀?由於我地好夜黎到，場內人流唔算太多，靚仔師傅幫我地燒埋，有人燒真係唔同D，好好味，如果自己燒，一定又係笨手笨腳燒到又乾又燶，與師傅仔一路燒一路傾計，原來佢响另一間浜燒過黎，邊一間响呢度就唔講喇，原來我朋友去食過，仲認得師傅仔添，傾左好多關於開舖的事，我呢個荃灣地膽又訴下响荃灣覓食既苦與樂，聊下聊下就燒完一盤海鮮，鮑魚燒起仲好爽口，元貝及蜆又好鮮甜，蠔仲好脆口無我最怕的腥臭味，好鬼新鮮呀!!!然後輪到牛油果軟殼蟹

今日放工之後，相約同事們去荃灣試食一間新開的日本料理－ 福丸水產.浜燒.日本料理。首先，依間餐廳開設嘅位置需要由地鐵站行幾分鐘，唔熟悉荃灣嘅人可能較難搵，餐廳開喺楊屋道街市對面嘅小商場上面，近荃新天地2期，步行過去只需要2 － 3分鐘。上到去，感覺餐廳好大好開揚，坐位寬敞，餐廳更設有房間坐位，適合一大班朋友聚餐。順帶一提，如坐房間坐位，所有燒烤食品不能自行烹調。因我地係坐房嘅關係，所以我地四位都無自己燒食物，但係啲人都好親切咁講話如果地點嘢食嘅話佢可以喺廚房幫我地燒。點完野食，第一樣黎到嘅係’福丸特製沙律‘，沙律足料除左有一般嘅蔬菜之外，裡面仲有海葡萄、三文魚子同左口魚邊，食落口時食到左口魚邊唔係生嘅係有燒過嘅。第二樣 '味醂雞泡魚干'味道好濃郁，高質素，送酒一流！第三樣 '燒日本茄子‘，因本人超鍾意食茄子，依個茄子啲燒汁再加埋木魚碎好好食。 第四樣 ‘福丸炒野菜，我地點左唔少刺身同埋燒物，所以多點番啲野菜均衡返成餐飯！就算連普通嘅炒野菜，調味同入邊嘅材料都好充足。第五樣 重點黎啦! － 'A4和牛刺身‘ 和牛係來自鹿兒島，肉同脂肪分怖好平均不在話下，一放入口就溶化嘅質感，真係靚牛黎嫁

同一個好耐無翻香港的朋友見面，因為知道佢鍾意食日本野，而我有朋友食過呢間，經佢推介，我就黎左呢度食。前菜我就嗌左呢個味醂雞泡魚干，我同友人都覺得好正，食到唔停口。雞泡魚干較少係香港嘅日本餐廳見到，而呢度的雞泡魚干食落口感香甜的，加埋沙律醬，好正。我好中意食沙律，就嗌左呢個，蟹子沙律上面有好多蟹子，酸甜嘅開胃菜，食完又肚餓翻xd我友人好中意食壽司，所以就嗌左個福丸盛合，有七件壽司同一份卷物。魚生非常新鮮，左口魚好鮮甜，而當中我最鍾意就係香味十足嘅鰻魚，多汁好味。終於食到浜燒啦，我地叫左鮑魚同蛤。先講鮑魚，2隻鮑魚都非常新鮮，鮑魚仲有小小郁下。燒熟後非常鮮甜爽口，而且價錢唔算好貴，價性比高。而蛤都好新鮮。不得不讚，呢度的店員都幾好，佢地見我地唔識，濛下濛下甘，就幫我地燒蛤haha。我放個蛤肉入口，一咬就好多汁，肉質爽脆，係燒得啱啱好。呢個甲羅燒，睇個樣已經覺得幾好味。蟹膏加入蟹子同蟹肉，放係蟹蓋上燒，無係其他餐廳食過。食落蟹味真系好濃好重，好好味。💓呢度的浜燒真係好正👍，不過如果佢有多d指引寫教我地點燒，好似會開心d haha，甘就perfect la xd

最近有朋友搬入荃灣住，所以去佢地屋企參觀傾下計，之後晚飯時間佢地帶左我去間新開既日本餐廳食飯。間餐廳係百悦坊，係11樓全層，地方位置闊落，坐得好舒服!我地3個人食左好多野,  先叫左個“福丸特製沙律”，入面好好豐富，有沙律菜、角切魚生之外，仲有好特別既海葡萄，仲有炙燒左口魚! 愈食愈開胃 =] 小食有：雞泡魚干、唐揚八爪魚香口好味，大蒜味噌漬好爽口，燒多春魚同鹿兒島雞翼都幾香脆～黃金蟹膏甲羅燒，有專人幫手處理，蟹膏、蟹籽、鵪鶉蛋嘅材料比例配合好，食到好鮮味！之後仲叫左d 飽肚野, 有天婦蝦卷，呢碟卷物好足料，有炸蝦、青瓜，牛油果，蟹籽，有d飽肚感. 另外有福丸盛盒 - 有三文魚、帶子、油甘魚、鰻魚、左口魚、赤身、青瓜小卷等. 擺得好靚，食落都好鮮美！最後仲叫左個芝士奄列炒麵，好cheese 好滿足。。。

喺香港嘅日本浜燒水產並唔多，呢間好似係我食過嘅第四定係第五間。每一家嘅海鮮各有不同，今次呢到食到大大隻嘅南非鮑魚係我最難望嘅。今次先講係主食海鮮，我就叫咗幾樣我最鍾意，呢一隻南非鮑魚非常之大，起碼有半隻手掌甘大，而且仲係郁緊嘅。所以保證係新鮮，仲有服務員幫你放落個爐到燒，即燒即食，唔使自己落手。另外呢我覺得非常之好食嘅就係呢一個蟹甲羅，相信有好多地方都有呢個食，不過呢一到嘅真係做得唔錯，佢嗰種配料份量做得幾好，味道都做得啱啱好，味道好濃。之後就係呢一個刺身嘅拼盤，個拼盤啱晒兩個人食。每一樣都係有兩件嘅，有足八款甘多，特別好食嘅我覺得係油甘魚，佢嘅油脂分泌啱啱好。跟住就係呢一個每一次我必定會帶嘅炒雜菜，雖然對普通人可能毫不起眼，但係對於我來講我就好鍾意用日式醬汁炒，仲要加埋有菇菌類非常之健康。最後就要介紹一下呢一個芝士炒麵，外面比一層蛋包住，入邊就會有一層薄嘅芝士，再加埋已經預先用調味料炒好嘅拉麵，佢嘅味道好似日式嘅醬油拉麵，再加芝士真係好邪惡。好鍾意呢度嘅環境，所有嘅設計其實同日本嘅浜燒餐廳一樣，一路食覺得好似去左日本甘，好想去旅行。。。

來了荃灣既福丸水產，地方環境很大裝修得很有日本風！人多去的話有卡位座！但整體都非常舒服飲了這個巨峰提子生啤，清清既提子味 mix左啤酒！易入口又好飲叫了日本飛機貨(白子刺身) 白子香滑美味，不會有腥羶味，白子剌身口感像雪糕一吃便會愛上！福丸盛合~所有壽司飯都已用上赤醋，飯既比例剛好唔會好大。赤身口感滑潤，脂香濃郁，帶有清晰的雪花紋路，呈粉紅色，肉質嫩滑而帶有獨特的香味油甘魚厚切~油甘魚的肉質較軟身，鮮味較重顏色油潤！燒左口魚入口即化！薄薄的非常軟淋！燒過後油脂比較多。壽喜燒有牛肉薄片、長蔥、茼萵、香菇、豆腐、蒟蒻絲等等，調味料用的是醬油、砂糖和味醂，風味較為甘甜。薄薄既牛肉配上蛋汁非常香滑非常入味。a4和牛薄燒~牛肉味超濃~薄薄既牛肉入口化開！不得了

慶祝生日當然要食好d，近期浜燒可以話大受歡迎越開越多，見到荃灣有新開福丸水產，立刻book 位試一試很多水產選擇餐廳地方非常大，座位寬敞，私隱度高👍🏻食物選擇多，我哋叫咗條鱸魚刺身肉質晶瑩剔透，肉爽、鮮甜，好新鮮喔😊盛合7件壽司--魚生新鮮、爽口鮮甜飯底粒粒使用醬汁包住，可以連豉油都不用👍🏻特別係油甘魚壽司--魚油甘香、爽口而最激讚嘅係左口魚壽司--咬落既爽口又甘香甘甜魚油緩緩滲出，層次豐富，入口即溶，令人回味😋😍牛油果軟殼蟹卷--所有壽司飯都係用醬油包住軟殼蟹好脆口加上新鮮牛油果及大量蟹子，非常好食特上6點盛合--所有魚生好鮮甜，帶子非常爽口，甜蝦好甜，最特別要介紹嘅係--魷魚鮑魚海膽魷魚爽口超鮮甜加上新鮮香甜嘅海膽非常match👍🏻👍🏻到浜燒既主角--黃金蟹膏甲羅燒及海膽蟹膏甲羅燒嘩呢兩個呢同係日本食嘅不相伯仲，所有配料配上新鮮嘅蟹膏，軟滑香口，啖啖蟹膏令人一試愛上嘅感覺👍🏻正喔🌟🌟🌟最後黎多個浜燒盛合不需多講嘅係所有海鮮都非常新鮮鮑魚仍然不停喺度郁下郁下爽甜味美好值得推介三五知己晚飯傾計同慶祝生日嘅好地方

經過一個月密集式Training course，老婆今日考完試之後終於可以鬆一口氣，為左同佢慶祝一下，今晚我book左係佢上training附近，川龍街百悅坊新開張嘅日式水產專賣店: 福丸水產.浜燒.日本料理同佢撐枱腳食好西。我地係飲食雜誌同網上食評都睇過關於福丸水產.浜燒.日本料理嘅介紹，知道呢度除左普通日本料理之外，仲提供好多款日本直送嘅活海鮮以浜燒、刺身等唔同方法新鮮即製俾食客，相當吸引。我地訂左7點半枱，餐廳裝修非常富日式風格，地方都幾大，我地附近兩枱食客都係日本人，最令我地驚奇係店員更能以流利日語同佢地溝通，配合埋日本民歌作背景音樂，感覺真係好似去左日本開餐。食主食之前老婆慣常都係要先點蔬菜類食，佢揀左麥粒味噌青瓜 ($38)同福丸特製沙律 ($98)。青瓜清新爽脆，麥粒味噌味唔算太濃，好啱老婆口味。福丸特製沙律材料非常豐富，除左有幾款刺身之外，仲有老婆鍾意嘅左口魚同海葡萄，配合特製醬汁，味道層次豐富。白飯魚干 ($38)係香港嘅日本料理店好少見到，白飯魚干嘅魚香味勁濃郁，而且非常香脆，連唔太好炸野嘅老婆都忍唔到口仲食得多過我。由於呢度專賣日本直送活海鮮，所以剌身款式都好多，

又去食日本嘢啊，今次去到荃灣這間新開不久嘅日本料理，主打新鮮水產同浜燒11樓全層環境都好大，坐得幾寬鬆先點了2杯汽酒，白桃香甜，檸檬酸咪咪A4和牛刺身 $368肉質幾粉嫩，可卷洋蔥跟炸蒜片點柚子汁食，食落有少少冰感，不過都幾嫩滑，牛味唔算好出有油香加州卷 $58飯團粘滿蟹籽，中間有蛋跟蟹柳等黃甲蟹膏88蟹膏甘香鮮味，仲有蟹籽跟海膽提鮮，當然唔少得鵪鶉蛋啦浜燒有鮑魚$136/2隻 大蝦$58鮑魚好新鮮，燒緊時好生猛，入口爽彈，大蝦都好鮮甜，蝦頭仲有少少蝦膏嘅甘香牛油燒帆立貝 $58唔算厚身大隻，但都好新鮮仲好香牛油味芝士奄列炒麵 $88蛋好薄包住炒麵，但麵好濕唔夠乾身，仲食到咖哩味，唔太鍾意什錦天婦羅 $88正正常常，外層炸漿入口微脆，入面都保持到微濕潤，唔會食到一口油

係香港一直好想試下食日本水產，但通常都要去到港島區先食到d有少少準既，早幾日係網上面見到有宣傳片介紹呢間新開既福丸水產，咁岩佢又係荃灣區，同屋企非常近，一於去試下啦！頭盤叫左個龍蝦刺食(2食) , 深海池魚刺身同甜蝦刺身！龍蝦刺身我第一次食啊！ 原來一隻龍蝦起到既肉唔係太多，原隻龍蝦殼擺係隔離，肉身晶瑩剔透，食落好鮮味！ 又唔腥！ 好正啊！之後既蝦殼同蝦頭拎左去煲龍蝦湯，飲落味噌味重左d, 唔係好食到龍蝦味，不過都唔錯既池魚刺身既口感好驚喜，爽既，唔似其他魚刺身係冧既，爽口得黎又厚身，呢樣都係第一次食啊，值得推薦甜蝦刺身既驚喜就少左d, 不過蝦好大隻，鮮甜，一d都唔霉啊！ 之後叫左A4 和牛厚燒，係成餐最念念不忘既食物啊，和牛有海鹽托住，食既時候可以hi下，會有少少鹽味吊味，下面有火燒住，和牛粒粒都好厚，但入口即溶，肥瘦適中，份量一d都唔少，我真係每啖都覺得好幸福之後叫左福丸濱燒盛合，有唔同既海鮮，有蠔，有帶子，鮑魚等等，職員會幫你燒，唔洗自己黎，有專業既緊係火喉岩岩好，帶子最好味，大粒鮮甜，燒完都唔縮水，baba mama就推薦生蠔，鮮得黎又唔腥，有少少海水味，好似日本食個d咁！最

鱈場蟹腳刺身不加任何調味就咁食，肉質清甜到不得了；亦可以沾上調咗味嘅醋，帶出蟹嘅鮮甜味已調味的鱈場蟹刺身，我鍾意食呢個多ｄ，但係男朋友就鍾意原味多ｄ。非常新鮮呢～～～ 福丸盛合例牌最基本有三文魚，赤身，帆立貝， 鰻魚，油甘魚，左口邊，鯛，青瓜小卷。留意啲壽司飯係加咗赤醋，令魚生味道變得更加鮮美。食材係新鮮日本貨，食落就知同响街嘅連鎖壽司店唔係同一層次 黃金蟹膏甲鑼燒一款集齊蟹膏、蟹肉、蟹籽同鵪鶉蛋，店員邊攪拌邊燒，越燒啲香味越濃，加上蔥花，可以用湯匙直接食落肚！ A4和牛厚燒和牛放响粉紅色鹽磚上燒，連調味都唔洗，雖然只係A４和牛，但油香好重牛味，配埋炸蒜片食，一流！ 牛肉壽喜燒叫咗個熱辣辣嘅壽喜燒，主要係想食裡面嘅菜同芋絲hahaha 白桃梳打 ＆ 巨峰梳打叫咗兩杯梳打，費事飲汽水咁唔健康