福丸水產 鉄板燒 日本料理 (已結業)

家住荃灣西嘅朋友話最近開咗間高質日本嘢我哋作為日本嘢同好會成員即刻嗱嗱聲 book 位一搭𨋢上到去已經覺得好有日本 feel 😭出面擺咗啲海鮮出嚟，因為呢度有刺身同浜燒海鮮食㗎仲可以睇到師傅處理刺身同壽司坐嘅地方係一個個卡位，掛滿哂燈籠勁好氣氛外面就有布簾，好有私隱度！【終極 8 點盛合】顧名思義有八款刺身矜貴一啲有深海池魚同金目鯛刺身油甘魚同吞拿魚都一樣切得肥厚活赤貝同牡丹蝦好爽甜，而且夠哂大隻～海膽顆粒整齊，好鮮甜 🤤【福丸盛合 7 件壽司 + 1 卷物】啲飯有少少深色，朋友話呢啲係赤醋飯我最欣賞個赤醋調味得宜，唔會喧賓奪主可以提升魚鮮嘅鮮味～【牛油燒帆立貝】厚過我件衫！😂喺呢度食浜燒海鮮係唔駛自己郁手㗎睇住店員慢慢燒～ 真係流哂口水阿加埋牛油勁香 🤤🤤🤤連裙邊都好爽好好食【刀貝】燒到開口之外，店員會切開個殻繼續燒所以食嘅時候好方便，有人整埋特別好食 🤣【黃金蟹膏甲羅燒】係必食！影完相又係交比店員搞 😂燒好之後店員比咗幾隻小匙羹我哋每一啖都係濃濃嘅蟹膏 😋【銀鱈魚西京】係我食過最好味嘅！銀鱈魚醃漬得微甜，魚肉超級滑溜前面係來自和歌山嘅金山寺味噌層次特別豐富㗎【海老天婦羅】炸衣薄脆呢

最近磯燒及浜燒等非常流行，係各大放題店都可以食到，但係質素就良莠不齊。今次去左呢間新開嘅福丸食浜燒同海鮮，真係非常出色! 福丸並非放題形式，食幾多叫幾多，海鮮質量亦較一般放題高水準。海膽刺身非常新鮮，食落只有鮮味而冇怪味。生蠔刺身亦非常新鮮有蠔味，亦非常有肉，加左蔥、辣蘿蔔等配料係上面，食落冇一般嘅蠔咁膩。壽司拼盤有好多款，帶子、左口魚、鰻魚等等，從壽司飯嘅口感就食得出壽司嘅質素都幾高。呢個沙律材料非常豐富，有左口魚、油甘魚、帶子等配料，配合特製嘅醬汁，非常開胃。跟住就到重頭戲浜燒喇~我地叫左蟹膏、帶子同鮑魚，真係非常有驚喜!!! 有專人幫我地去燒，火喉控制得岩岩好，食落啖啖都係蟹糕嘅鮮美。帶子亦都相當唔錯,非常大隻，配合埋牛油，非常鮮美。鮑魚絕對係呢餐飯嘅亮點，非常新鮮，未燒之前係仲識動架😍因為有店員幫我地掌控火喉，所以生熟程度岩岩好，食落非常有口感，又鮮美。炸雞同烏冬分量充足，相當唔錯。

最近荃灣多咗好多新嘅餐廳，其中一間比較特別，我諗算係喺荃灣第一間開既日式濱燒餐廳，由於我係出邊試過好多濱燒餐廳感覺都好滿意，難得有一間喺附近，決定要去試一試上到去地方好闊落，而且裝修得好靚，座位與座位之間嘅空位好多，第一印象不錯我哋一行四人決定叫幾個set試吓，首先嚟咗一份五點刺身，刺身感覺好新鮮，而且賣相都好吸引，特別係油甘魚油香豐富而且香濃，正另外一定要食嘅係黃金蟹膏甲羅燒，一人一隻唔使爭，佢既配料對比其他餐廳算好豐富，而且有齊蟹膏蟹肉同埋蟹子，鮮味十足，特別鍾意個蟹膏撈埋鵪鶉蛋之後，特別軟滑同埋香濃輪到主角方面，濱燒我哋選擇咗帆立貝用牛油煮，帆立貝好大隻而且好新鮮，加埋牛油更能夠突顯佢嘅鮮味，另外要讚一讚佢既大蜆，真係超級鮮味十足，建議大家唔使加任何調味料已經好食到佢嘅鮮味，另外鮑魚肉質好淋而且加埋佢嘅特製醬汁十分惹味，另外生蠔亦都係好新鮮另外其他主食方面我哋選擇左個壽司盛，黎到之後覺得性價比好高，因為價錢唔算貴，而且魚生都好新鮮，正整體感覺呢間餐廳食物質素不錯，希望佢可以保持水準，為呢一區帶黎一啲高質素嘅餐廳

荃灣百悅坊新開的浜燒水產店—福丸水產，朋友生日飯，環境舒適，卡位設計無人騷擾，邊食邊飲清酒邊傾計，渡過一個愉快晚上。食物質素好好，我們先食刺身終極8點盛合，8種刺身樣樣都好新鮮好好味，個蝦又爽又甜，食完刺身再炸蝦頭，又香又脆。跟住食招牌菜蟹蓋甲羅燒，松葉蟹蓋上放滿松葉蟹蟹膏、蟹肉及鵪鶉蛋，邊攪拌邊燒，香氣四散。入口蟹膏軟滑，蟹肉鮮甜。再食浜燒盛合，鮑魚上枱仲郁緊，燒好真係好好食，帆立貝好鮮甜，總之樣樣都好好食

獨自去荃灣搵嘢食， 先去食碗豆腐花， 一樣都係咁好食， 又平又抵食， 行多兩步係時候食正餐。又係食日本野，貪佢份量可以自己預計， 豐儉由人。一個人緊係食得簡單啲，福丸炒野菜， 野菜種類繁多， 雖然睇唔明點解要跟福丸2個字，可能係餐廳噱頭。 性價比較高， 價錢又抵食，分量又夠多， 完全超出咗我預計。 雜菜夠新鮮，多種唔同花款， 食落口感一流。主食帆立貝壽司及甜蝦壽司， 都係輕食為主，帆立貝夠新鮮，又鮮甜，如果可以再厚切啲， 咁就真係冇得輸。 至於甜蝦壽司， 同平常嘅冇乜分別， 但係要讚下個師傅， 佢煮過飯真係出色，有味嘅日本飯， fusion得嚟又有日式風味。其實一個人食日本嘢，都可以好好食。

上到黎到福丸水產感覺好似去左日本咁，和風設計超級好 Feel！座位全部都係私隱度甚高嘅卡位，乾淨企理終極八點盛合可以試到八款刺身，賣相討好之餘，全部都鮮味十足吞拿魚油份豐腴，放入口中即化！薄切魚點加了蔥花的柚子醋，更加帶岀魚GE鮮味，非常清新又好吃壽司就叫左福丸盛合，有七件壽司同一份青瓜卷物，可以試到多種款式。壽司飯好特別，選擇混合赤醋調味。壽司飯顏色帶深，吃下去有陳郁香氣。多數店子都是用白醋為多，這裡選用赤醋是頗有特色和風味火灸左口魚邊壽司，上方放置了一小粒青檸片作調味，經過輕輕火灸鮮味十足黎食浜燒必點嘅黃金蟹膏甲羅燒！又嗌左杯麒麟冰啤嘆下！LEE到店員會幫手燒，唔駛自己動手，可以慢慢享受美食！浜燒刀貝蜆，加左小小清酒去澆，非常清甜鮮味！食到咁上下就食翻個炸物 海老天婦羅。外面炸得金黃酥脆，內裡GE蝦肉則十分嫩滑鹿兒島赤雞翼火侯燒得恰恰好，乾身香口，送酒一流！食完個牛肉烏冬就真係大滿足！餐廳中價位但高水準，絕對會再encore，非常推薦

朋友是荃灣地膽，發現新開新鮮浜燒 Facebook 大行其道，食材由北海道直送，今次地膽帶路去潮聖下自設特大魚缸，海産生猛𣈱泳店內濃厚日本色彩，包廂座位舒服桌上有清酒、醬油、海鹽調味料八點刺身$488由北海道直運到港，八款魚生款款新鮮，包括左口魚、金目鲷、紅目鲷、金倉魚、赤貝、牡丹蝦、拖羅、海膽，點少少鼓油，鮮味無窮肥美拖羅鮮味海膽左口魚配上特製酸汁黃金蟹膏甲羅燒 $88松葉蟹加黃金蟹蟹膏、蟹籽、蛋燒4分鐘，焼物有專人協助，即使地獄煮廚神都不怕蟹膏入口鮮味無比，沒有一點鯹味！如果有白飯伴就更好！南非鮑魚 $68南非鮑魚由魚缸活捉，活燒鮑魚可能有點殘酷，不過過幾分鐘，鮮味鮑魚在眼前又怎可能錯過！入口鮮味彈牙，肉質彈牙，不需要醬油已經非常鮮味牛油燒帆立貝 $58帆立貝大粒會剪成小粒燒，加牛油燒到八成熟，帆立貝八成熟仍保持嫩滑，入口鮮甜帶牛油香燒大蝦 $58大蝦足足長六寸，由於身形飽滿，師傅燒到半熟剪開邊再燒，大蝦燒得剛熟，肉質鮮味彈牙海老天婦羅 $884隻海老天婦羅炸漿薄而輕脆，蝦肉新鮮彈牙，配上羅白蓉及鮮味天汁非常合配野菜稻庭烏冬 ＄105稻庭烏冬纖巧細緻，口感柔滑，簡單用清湯煮熟，加入

最近好似好流行食磯燒野所以帶左屋企人去食首先前菜叫左個他他牛沙律份量唔算多 但係個牛就好薄好鮮嫩仲有叫左個青瓜仔開下胃上面啡色既係味噌麥粒黎都幾咸架 大家每舊青瓜點少少好啦另外仲叫左個燒茄子 燒得岩岩好唔會乾哂 咬落仲好多汁勁趣怪 佢個size好細粒個定都仲連住喺到架！然後再叫左個壽司盛 有齊哂拖羅 海膽 牡丹蝦等等真係好肥美好豐富！另外仲有叫到海膽天婦羅價錢有啲貴 不過唔似岀面既天婦羅咁多粉呢個皮好薄唔油膩最後係重頭戲 叫左蟹蓋同海鮮燒個蟹蓋勁好味 完全好似返左日本食野咁海鮮都好新鮮生猛 食落勁鮮甜又大大隻 好滿足！

好難得新界區終於有日本浜燒店，唔使專登出尖沙咀或銅鑼灣食。開得咁近我住個頭，而且早前係網上平台見到佢地既報導，望落幾高級同企理，咁啱有朋友生日，就即刻訂左位食呢間！燒海產類我認為呢間浜燒最特別既地方就係有店員一直會企你隔離，幫你燒野食同切好所有食物。完全唔使怕自己唔識燒，會燒唔熟或燒燶之外，亦唔使擔心食物幾時可以食得，呢項服務完全係貼心。黃金蟹膏甲羅燒($88); 海膽蟹膏甲羅燒($88)我同我朋友都超級喜愛食甲羅燒，所以就一人食一款。呢度既甲羅燒非常重料，大大的蟹蓋裝著不少份量的蟹膏，另有脆口鮮甜的蟹籽同有海水咸香的蟹肉。拌上鵪鶉蛋黃，甲羅燒變得格外甘香幼滑。兩者甲羅燒的分別在於：黃金那款較香濃，因為拌有濃郁的味噌; 而海膽那款則較清甜，相對容易吃到蟹膏原來的味道。重口味的我，偏好黃金甲羅燒多一點點。吃完這甲羅燒，都已經滿足了大半，果然是這裡的鎮店之寶！燒鮑魚($68)鮑魚十分新鮮，燒的時候還在動。鮑魚不太厚，所以食落夠腍。不過就唔係太夠味，要自己點海鮮醬油就調返鮮味喇。牛油燒帆立貝 ($58)帆立貝肉質爽、大粒厚實、鮮甜。用牛油燒更香滑，一啲都唔韌！刺身類生蠔 ($68/隻)生蠔有

荃灣百悅坊竟然開左間日本野有浜燒，刺身，日本料理。見到廣告就好想去食啦。自己生日將近豪一次半次，朋友應該唔會詐型嘅。 一講佢就話無問題最緊要我鐘意仲話等佢訂位添。兩個女仔放工就直接上面等， 11/F 開lift就大大個福丸招牌， 裝修都好有心， 地方寬敞有好多卡位，不過我地兩個就坐普通兩人位，每枱都已準備浜燒嘅爐，有點兒肚餓。終極8點盛合賣相靚 ,足夠8款，當時得令嘅新鮮刺身，海膽鮮甜一d 腥都無，赤貝爽脆彈牙，金目鯛，油金，拖羅，紅鯛同大隻牡丹蝦，蝦肉好糯膠質重，全部都係超新鮮同時食到魚味黃金蟹膏甲羅燒 $88見到都流口水，松葉蟹蓋載滿蟹肉，蟹膏，蟹子， 鵪鶉蛋同蔥粒。還有專人為我地燒添，服務一流保證煮熟後上碟比我地品嘗，真係好濃郁蟹味充滿口腔內，一份兩份分享，盡量試多些不同食材$68 一隻size不細仲會郁嘅鮮鮑魚係缸直接捉上，亦由專人負責煮理，味道彈牙剛剛熟透鬆軟得黎有嚼頭。牛油燒帆立貝 $58又係巨型貝身豐厚，燒到差不多熟就落佢地祕製海鮮汁比燒海鮮專用的，食落特別夠味還滲出淡淡牛油香肉質嫩淋的。鹿兒島赤雞翼 $98兩隻雞亦比一般普通雞翼為大 心諗咁貴有什麼特別呢？ 雞皮脆口燒得

我第一次食浜燒，估唔到…係咁令人著迷！！！未入到店內，已經feel到老闆放左好多心思喺呢間舖頭度，因為單啤係門口，由天花到地面已經佈置得好靚好eyecatching. 入到去有種日對人對日本料理嘅執著，見到d海鮮有魚有背殼類好整齊咁放喺冰上，店員著得都好有日本feel。首先食左個鯛魚刺身，好中意個醬汁，有甘甘嘅柚子味，點個魚刺身，好鮮甜！之後...食左個全餐最心心眼、最回味嘅食品－黃金蟹膏甲羅燒，淨係睇個樣已經流哂口水，最初都有d驚會好漏，諗住要餸白飯，但估唔到係食落一d都唔漏，亦唔會好咸…味道岩岩好，又唔腥，係真好好食！！！仲叫左刺身，最中意佢個墨魚卷住海膽，墨魚好新鮮，食落有種痴牙嘅口感，好中意！另外其他小食－雞翼，聽店員講，隻雞好特別，係鹿兒島嘅走地雞，所以食落好滑而又唔肥膩！蛋包芝士麵，當切開d蛋嘅時侯，有拉芝士！最後，仲有個特別甜品（餐牌無show出黎嫁，所以大家記得問店員！）呢個甜品盤都十分有誠意，首毛講雪糕，有三種口味，1.wasabi 2.紅豆 3.vanilaWasabi 味道好得意，絕對可以叫黎試試。而我好中意呢隻紅豆雪糕，真心好食！至於周邊嘅果子，都好有特色，中間

荃灣都有浜燒日本料理食喇～店內有放滿新鮮海鮮嘅大魚缸，可以感受下日本岸邊即捕即燒嘅風味行左一圈點左以下菜式～福丸特製沙律$98幾乎每間日本菜都有一款用店名命名嘅signature 沙律，比較特別福丸沙律係用上火炙左口魚邊同沖繩海葡萄，同帶子、三文魚籽、青瓜、菜，撈埋醋汁食，好開胃嘅一款沙律鰈魚天婦羅$98鰈魚起骨之後切開三件再炸，外面香脆，魚肉嫩滑唔腥，唧埋檸檬汁食更加鮮味八點盛合$488有6款魚，拖羅、深海池魚、油甘魚等等，牡丹蝦同海膽，全部都好鮮甜！仲有我鍾意嘅鯛魚刺身，配上蔥酸汁食仲回味緊好多蝦膏好爽口嘅牡丹蝦同埋油脂花紋好靚嘅拖羅天婦蝦卷 $68估唔到呢個卷物咁大件咁足料，有炸蝦、青瓜，牛油果，蟹籽多到蓋過晒壽司飯，飽肚之選店長推介嘅黃金蟹膏甲羅燒 $88最近食左幾間甲羅燒，估唔到呢間新開嘅最好味！蟹膏、松葉蟹同蟹籽、鵪鶉蛋嘅材料比例配合好，好鮮味！加上師傅即場燒火候控制得好，唔會太乾或太濕，好滋味！燒刀貝 $98就喺店內魚缸新鮮撈起即加入清酒燒，海水味豐富，蜆肉鮮味無沙芝士奄列炒麵 $88蛋包住芝士炒麵，感覺似食緊大阪燒嘅炒麵白桃梳打$23梅干梳打$23用梅干搗爛再加入梳打，

香港比較少店舖提供日式浜燒，今次找到了位於荃灣的褔丸，進入商場後上了兩條扶手電梯，再乘搭客上11樓便到達了。踏進店內便瞬間被眼前的大魚缸吸引著，還有不同種類的海鮮躺在碎冰上，非常奪目。就坐後先點了生蠔作前菜，生蠔一般都以cocktail source和檸檬作調味，而褔丸則特別提供他們自家調製的醬汁。生蠔肉厚味濃，加以醬汁點綴令味道昇華，吃罷後蠔味仍停留在口腔內，令人感受到齒頰留香的享受。再來點了刺身六點盛合，令人深刻的是魷魚卷。師傅以細膩刀功切出魷魚片，並在中間加上少量海膽，咬下去時如爆珠般在口中漿著，非常好吃。終於來到燒物，首先是兩款甲羅燒，分別是黃金蟹膏甲羅燒和海膽蟹膏甲羅燒。店員為我們在席上烹調，看到豐滿的蟹膏加上蟹籽、蟹肉和蔥花，還有鵪鶉蛋去加強滑溜的口感，絕對是減肥人士的大敵！店員在席前把蟹殼裡的材料一拼攪拌，為免因熱力影響而粘在殼上，他們都會一直攪拌至熟透為止。燒好後蟹膏香氣慢慢飄上來，每口充滿著濃郁的味道，令人一試著迷。另一款是活鮑魚，店員先以燒物醬油輕輕澆一圈後便將鮑魚連殼在網上烘烤，途中鮑魚拼命地掙扎，可見用料相當新鮮。當差不多熟透時店員把肉和殼剪開再放在網上稍燒一

近荃灣西這一帶, 雖然有不少舊樓舊街坊, 有不少平民食肆, 但同時亦有不少高級住宅落成, 且會越來越多, 令這邊消費力增強, 最近就出現了一家在荃灣該沒有見過的浜燒日本料理餐廳, 看到了雜誌報導後很是心動, 立即約朋友來吃。刺身八點盛合$488相信大家曾在巿區日本料理吃過大概這價錢的刺身盛合, 都會有所比較, 福丸的刺身盛合實在是太豐富太抵食, 大大的一盤, 以碎冰盛載, 以保持新鮮及冰涼, 刺身包括: 吞拿魚腩、海膽、深海池魚、牡丹蝦、三文魚腩、鯛魚、赤貝兩食、火炙左口魚等。 首先吸引我的是鯛魚刺身, 配上特調的酸汁, 很醒胃, 鯛魚有種特別的魚油香, 在眾多刺身中較有個性。海膽亦是我很喜歡的一款, 它柔潤甜美, 入口即溶, 是新鮮的味道。牡丹蝦質素很高, 大大隻晶瑩雪白, 蝦肉有膠質感有彈性有鮮甜味, 令人回味。黃金蟹膏甲羅燒$88甲羅燒不是第一次吃, 但如果要自己燒總會雞手鴨腳, 始終不熟悉, 還好有店員幫忙, 松葉蟹蓋上放滿松葉蟹蟹膏、蟹肉、蟹籽及鵪鶉蛋, 邊攪拌邊燒, 香氣四溢, 蟹膏有蛋黃流沙感覺, 口感特別, 口味不會太鹹, 單吃也不膩。牛油燒帆立貝$58已清洗得乾乾淨淨

香港人鍾意去日本旅行，除左欣賞當地風景同可以瘋狂買買買之外，大部分人都會被日本各種美食吸引。無論係刺身、SHABU SHABU、端爐燒等等都有唔少捧場客。而浜燒又係當地一種獨特文化，「浜」即係海濱或海岸嘅意思，「浜燒」就即係海邊即捕即燒咁解，而且仲可以保証食到最新鮮嘅味道。近年香港亦引入左浜燒，所以今次就同老婆黎試下荃灣呢間新開嘅日式料理。荃灣呢間福丸水產.浜燒.料理十月底先開張，地方夠大，四圍新淨整齊，感覺好舒服。座位係卡座設計，加上有布條遮住，私隠度相當高，可以大口大口咁食都唔怕比人見到啦。甫坐下店主就隨即遞上MENU，並慢慢介紹一下。呢度浜燒食材都有好多選擇，但主要都係睇當日有咩新鮮運到。飲品就以酒精類為主，各類生啤、冰啤、汽酒、梅酒等等。如果唔啱仲有其他梳打或汽水可供選擇。我地分別叫左柚子生啤同卡西斯橙汁。柚子生啤係用上Orion啤酒，加入柚子。成杯生啤都充滿柚子味，容易入口，非常適合較少飲酒嘅人。卡西斯橙汁睇落完全唔似橙汁，因為橙汁被卡西斯酒蓋過了顏色，而味道也調得相當唔錯。終極8點盛合--有油甘魚、拖羅、牡丹蝦、左口魚、三文魚腩、鯛魚、海膽同金目鯛。全部都係今日新鮮到港，我