影片
更多
2017-12-01
65 瀏覽
係香港一直好想試下食日本水產，但通常都要去到港島區先食到d有少少準既，早幾日係網上面見到有宣傳片介紹呢間新開既福丸水產，咁岩佢又係荃灣區，同屋企非常近，一於去試下啦！頭盤叫左個龍蝦刺食(2食) , 深海池魚刺身同甜蝦刺身！龍蝦刺身我第一次食啊！ 原來一隻龍蝦起到既肉唔係太多，原隻龍蝦殼擺係隔離，肉身晶瑩剔透，食落好鮮味！ 又唔腥！ 好正啊！之後既蝦殼同蝦頭拎左去煲龍蝦湯，飲落味噌味重左d, 唔係好食到龍蝦味，不過都唔錯既池魚刺身既口感好驚喜，爽既，唔似其他魚刺身係冧既，爽口得黎又厚身，呢樣都係第一次食啊，值得推薦甜蝦刺身既驚喜就少左d, 不過蝦好大隻，鮮甜，一d都唔霉啊！ 之後叫左A4 和牛厚燒，係成餐最念念不忘既食物啊，和牛有海鹽托住，食既時候可以hi下，會有少少鹽味吊味，下面有火燒住，和牛粒粒都好厚，但入口即溶，肥瘦適中，份量一d都唔少，我真係每啖都覺得好幸福之後叫左福丸濱燒盛合，有唔同既海鮮，有蠔，有帶子，鮑魚等等，職員會幫你燒，唔洗自己黎，有專業既緊係火喉岩岩好，帶子最好味，大粒鮮甜，燒完都唔縮水，baba mama就推薦生蠔，鮮得黎又唔腥，有少少海水味，好似日本食個d咁！最
頭盤叫左個龍蝦刺食(2食) , 深海池魚刺身同甜蝦刺身！
龍蝦刺身我第一次食啊！ 原來一隻龍蝦起到既肉唔係太多，原隻龍蝦殼擺係隔離，肉身晶瑩剔透，食落好鮮味！ 又唔腥！ 好正啊！
之後既蝦殼同蝦頭拎左去煲龍蝦湯，飲落味噌味重左d, 唔係好食到龍蝦味，不過都唔錯既
池魚刺身既口感好驚喜，爽既，唔似其他魚刺身係冧既，爽口得黎又厚身，呢樣都係第一次食啊，值得推薦
甜蝦刺身既驚喜就少左d, 不過蝦好大隻，鮮甜，一d都唔霉啊！
之後叫左A4 和牛厚燒，係成餐最念念不忘既食物啊，和牛有海鹽托住，食既時候可以hi下，會有少少鹽味吊味，下面有火燒住，和牛粒粒都好厚，但入口即溶，肥瘦適中，份量一d都唔少，我真係每啖都覺得好幸福
之後叫左福丸濱燒盛合，有唔同既海鮮，有蠔，有帶子，鮑魚等等，職員會幫你燒，唔洗自己黎，有專業既緊係火喉岩岩好，帶子最好味，大粒鮮甜，燒完都唔縮水，baba mama就推薦生蠔，鮮得黎又唔腥，有少少海水味，好似日本食個d咁！
最後叫左個芝士奄列炒麵，以為細細份，點知一上枱嚇親，大到4個人食都夠，蛋包住d麵，完全無爛，賣相好好，切開既時候d芝士仲要拉絲，mama最鍾意就係拉絲芝士！ 我地食完都飽飽啊！
飲品我揀左柚子蜜，好多柚子，啖啖都飲到，又夠潤喉，秋冬岩哂！
最後想讚下呢到既員工，服務態度非常好，唔同既員工經過都會檢查d水產燒既情況，又有禮貌，值得一讚！
張貼
