影片
更多
2017-12-08
60 瀏覽
去日本冇食到浜燒海鮮帶着遺憾回港，朋友知道後就帶我去食呢間新開的福丸試下。傳統日式裝橫的環境非常有氣氛，而且皮sofa係曲線型，可以貼住你的背脊，坐位舒適。有宴會房，xmas和新年可以包埸同家人或朋友慶祝。Menu有好多特色美食都未食過，最鍾意試新野。擺盤精美，有如置身日本一樣。大蒜味噌漬($48)，平時食生蒜都係夾燒肉或生蝦食，因為怕辣所以都好少生食，呢個蒜用味噌調味後，蒜味道不會好濃好辣，反而有種甜味，容易入口，作為小食又唔錯喎，幾開胃。山葵八爪魚($38)生八爪魚好彈牙，山葵味道都幾嗆鼻，好刺激。螢光烏賊($48)烏賊係生的，醃漬後幾好味，鮮味獨特，值得一試。帆立貝刺身($68)和甜蝦刺身($58 四隻)都非常鮮甜，蝦又幾大隻喎。唐揚八爪魚($68)炸得爽口彈牙，唔油腻，yummy。梅干汽酒($38)，梅干碎上，出晒D梅味。柚子檸檬酒($58杯)，柚加lemon味好味道，酒精味唔會太重，冰ball好靚，唔捨得飲。終於食到浜燒，黃金蟹膏甲羅燒(前/$88)和海膽松葉蟹膏甲羅燒(後/$88)，色彩繽紛，已經好吸引。店員會幫忙燒海鮮，等蟹收乾水就可以食，似蒸蛋咁，質地結實，每一啖都係蟹
傳統日式裝橫的環境非常有氣氛，而且皮sofa係曲線型，可以貼住你的背脊，坐位舒適。有宴會房，xmas和新年可以包埸同家人或朋友慶祝。
Menu有好多特色美食都未食過，最鍾意試新野。
擺盤精美，有如置身日本一樣。
大蒜味噌漬($48)，平時食生蒜都係夾燒肉或生蝦食，因為怕辣所以都好少生食，呢個蒜用味噌調味後，蒜味道不會好濃好辣，反而有種甜味，容易入口，作為小食又唔錯喎，幾開胃。
山葵八爪魚($38)生八爪魚好彈牙，山葵味道都幾嗆鼻，好刺激。
螢光烏賊($48)烏賊係生的，醃漬後幾好味，鮮味獨特，值得一試。
帆立貝刺身($68)和甜蝦刺身($58 四隻)都非常鮮甜，蝦又幾大隻喎。
唐揚八爪魚($68)炸得爽口彈牙，唔油腻，yummy。
梅干汽酒($38)，梅干碎上，出晒D梅味。柚子檸檬酒($58杯)，柚加lemon味好味道，酒精味唔會太重，冰ball好靚，唔捨得飲。
終於食到浜燒，黃金蟹膏甲羅燒(前/$88)和海膽松葉蟹膏甲羅燒(後/$88)，色彩繽紛，已經好吸引。
店員會幫忙燒海鮮，等蟹收乾水就可以食，似蒸蛋咁，質地結實，每一啖都係蟹，鮮味十足，兩款都很喜歡，一定要食。
燒鮑魚($68一隻)
超級新鮮生猛，放上去網的時候還在動，店家為你剪開兩邊再燒燒，口感彈牙又鮮甜。
花魚一夜干($160一條)
泡菜豚肉鍋($98)好足料，有豆腐、冬菇、粉絲、大葱、泡菜、蘿蔔、金菇、蘆荀，日本粉絲好得意，呈粗身短，很有嚼勁。豚肉加入去食，即係shabu shabu，湯底味道濃郁，令人好滿足。
張貼
