神戶屋日韓放題

營業中

休息中

返左成日工忙到lunch 都未食夜晚即刻捉住朋友食返個放題神戶都係第一次試但估唔到有驚喜必食刺身個人十分鍾意刺身推介泰式生蝦刺身、象拔蚌、甜蝦刺身咬落去係feel 到爽口又新鮮三文魚都好正，唔會太多白色脂肪見到相又想食！串燒每樣都有試但要特別推介呢款韓國燒五花腩肉一層肉一層脂肪，燒到好香口再加埋啲香料忍唔住加左三次單芝士燒蝦蝦夠彈牙芝士夠濃唔試走寶😭放題都必叫呢幾款壽司火灸三文魚火灸甜蝦芥末八爪魚花之戀用料唔馬虎，值得每款一件試下！訂座優惠火鍋：要讚一讚個牛肉超級有肉味記得要加埋隻雞蛋落湯底到個湯底都令人好回味今次都未試晒所有野，已經約好朋友下星期再戰

今晚又是同朋友飲飲食食、開開心心吹水之夜😁之前我們已就是夜食什麼而煩惱了一陣子、朋友A話想食日本野；朋友B又話想食韓國野；朋友C話最好可以比一個價錢就什麼都可食到😂於是、我們便決定食放題了，左揀右揀之下、便選了這間☺️我們被安排了坐在房間內、還是窗邊位置添，可望到街景、開心👏一坐下便急不及待地填食物紙、先來一盤大大的刺身刺身好新鮮啊！可惜我不是什麼刺身都食😅但都選了幾款喔1.海膽（鮮甜啊、令人欲罷不能😆）2.三文魚（每塊都好肥美喔、睇見都流口水）3.泰式生蝦，加上店家自家制的醬汁、沾上一併食、太滿足了。但略嫌醬汁有dd辣😝）食放題、怎能不飲🍺、所以我都唔執輸😜一輪刺身之後、便開始進攻熱食了。日本一口薯（這個真得要推介啊、好甜好好味啊😋）招牌炒蜆（啖啖肉、炒得很惹味、很有地道feel）北海道燒扇貝（芝士很多、味很濃、中意食芝士的朋友、一定喜歡）芝士燒黃金沙律開邊蝦（加上芝士和沙律醬一齊燒、很香口、芝士同燒蝦很夾喔！再加上已開邊、方便進食、細心）期間限定：日本和牛壽喜燒（這個火鍋很足料、牛肉同蔬菜都兼顧到、健康啊！而湯底也不是太咸👍）最後，吃埋這個甜品、這頓晚餐就完美了抱住滿滿的肚皮回家去✌

跟朋友相約在旺角購物，晚上她們突然說到想食刺身又想食日本料理，所以我就帶她們來神戶屋食放題囉！放題最大好處就是可以一次過滿足不同的口味，而且神戶屋我之前有食過，所以對食物質素比較有信！這次聰明地趕在人流最多之前上去選擇一如以往的多↓期間限定壽喜燒我最喜歡壽喜燒了湯底也有比上次濃一點~刺身當然也一定要點的，她們全是刺身控！所以我們點了滿滿的一大盆刺身拼盤海膽有夠新鮮的，而我個人最喜歡也難得會食的就是蝦刺身，不管是泰式新蝦、甜蝦、有頭甜蝦或是天使蝦 全都很新鮮，而且蝦肉爽口鮮甜！另外，還配有自家製的泰式生蝦調味醬汁，味道還不錯的，但有一點點辣喔～芝士焗開邊蝦 與 北海道燒扇貝即叫即焗，上菜後即食味道會更好每次必點 --- 鐵板一口和牛粒好味得來肉質還是很"林"，,不會因為煮得太耐而很韌~同行的朋友也都很喜歡呢!芝麻雞翼都好好味~雖然不夠特別，但我就是覺得好好味!飲品種類方面，也有不少韓國飲品可以選擇!最後，職員還送上MöVENPICK 雪糕和Dreyer's 雪條簡值是既滿足又驚喜的一餐^^

約了朋友仔食放題，旺角區最集中的地方食放題的地方當然是兆萬。我們選了當中8樓的神戶屋日韓放題。上到去服務員己經好有禮貌地接待我們，由於我們6:15上到去，算比較早的客人，服務員安排我們去大房坐，讓我和朋友有自成一角的感覺。這裡的刺身選擇豐富，而且也很新鮮。我們點了三文魚刺身、甜蝦、松葉蟹鉗、泰式生蝦刺身、珍寶帶子、每枱還送一板海膽呢。三文魚刺身好肥美，新鮮啊看珍寶帶子刺身粒粒精瑩飽滿鮮甜 泰式生蝦刺生點泰式醬，一流 招牌炒硯夠火喉，硯肉惹味，而且砂也吐清，沒有砂粒 紫蕃薯天婦羅一口一粒，熱騰騰的，好香甜日式芝麻雞翼，有芝麻清香，皮香脆，有肉汁，好味鐵板一口和牛，有牛肉香，口感淋得來有點趙頭，推介北海道燒扇貝，好香，看見都想食芝士焗開邊蝦，芝士控必食 總結，要在兆萬這麼大競爭的環境生存實在一點都不容易，可看出每個服務員都是盡心盡力去招待每位客人，而且以二百元左右的價錢食到這多麼多刺身、熟食，性價比非常高，值得推介

地方不是好大，但位置幾好，舒適的卡位，環境特好，吃起來特別稱心。叫了招牌蜆肉，汁料足味，炒得有獲氣，不會有吉殼，隻隻也齊肉，入味惹味呢！扇貝肉很細，沙律醬配芝士不相符。芝士燒沙律開邊蝦，賣相吸睛有心思，但蝦肉有點難起。。帶子有厚切，希靈魚鮑片都ok炒魷魚好惹味，賣相正斗。麻辣鴨舌不太麻，細細件又細細碟，好快清理。壽司主打要了火炙系列，個人就狂食。火炙三文魚腩半溶於口，連吃半打最好啦！花之戀d沙律醬同三文魚又係好朋友，包到無散，很好吃。蟹籽粒粒勁脆爆，吞拿魚蓉都ok，重要紫菜不會淋唧，不過呢度壽司飯幾大，吃完十件肚子撐。食後感：有火鍋選擇但胃口不巨大，還是決定不點了。雪糕係雀記，飲品幾多，自助咁拎好方便。賣單時再加送的牌子雪糕稍甜了點。

N 年前大學生崖過後, 放題真係少之又少~可能我人大咗, 無以前咁食得, C9格嘅我覺得回唔到本卦... XD 但係自從同好食得嘅佢食過幾次放題...我鐘意放題哥份感覺又番黎喇... >///<今次佢叫我黎佢同 fd 子黎過 想再黎嘅神戶屋, 我 >///< 一口答應咗...哈哈... 好多野簡喎又~2個飲品櫃, 滿滿的, 自取的~一望 就有我鍾意嘅蘆薈飲啊~ hehe!!!甜品 2個櫃都係自取啊~啊~今日飲呢 3樣~ >v< 蜜瓜嘢我想飲好耐呀, 但次次都賣曬, 淨係飲過佢嘅芒果味咋之前~Wow!!! 先黎一盤樣樣齊等佢開心下~除咗海膽子同蠔係無得 encore, 其他嘅都可以再叫架~我呢啲平亞伯 plan 嘅人, 見到有 wifi 係開心嘅~ haha~ Wo~有得選一個 sukiyaki, 我呢個愛日式邊邊嘅人開心呀!!!我地仲同番個湯底, 再叫肉肉同菜菜黎食添~鍾意 sap下 sap 下~ ;)嘢食係黎得快同齊嘅~推介紫薯天婦羅, 我 encore 咗 3 round~炸得乾身唔油, 內裏甜甜綿綿, hehe!!!我地飲得最多係

今日係星期六，約左朋友出旺角食放題，都知道星期六會好多人食晚飯，所以先上openrice 睇下食評，邊間好就去訂定位，免得要等位太耐，結果就揀左呢間日韓放題。Book 左七點鈡三位，準時去到話執緊枱要等等，結果等了又等，竟然要等左半個鈡先入得，仲要詐晒型先快手快腳執枱個隻，唔係都唔知要等几耐先有（其實我前面一样有張三人枱又係等左好耐，一样在鼓噪中）。餐廳環境比較迫同細，食緊野時要小心侍應隔離枱上菜會撞到你，食物款式尚叫可以，但落完單唔好諗住一定會黎齊，叫炸物會等得耐d，食物黎到偏乾同硬，整体食物黎講一般水平，二百几蚊食兩個鈡既任飲任食放題，去一次真的便可以了！

返工一整日，好累。仲要無食到早餐，大家決定去食放題，神戶屋之前食過不錯又平，帶大家食！因為個個怕兆萬地獄食店，勁怕嚟haha。十張紙食物比我地擇，選擇困難症，仲有期間限定嘅日本和牛壽喜燒或者韓式芝士部隊鍋。叫完後先食刺身！厚燒玉子凍帶甜，好濕潤！甜蝦刺身仲有有頭甜蝦刺身隻隻勁大又真係好甜，呵呵，有頭好似特別新鮮？！松葉蟹蟹鉗刺身正正一小個無殼既，食得好輕鬆！松葉蟹棒更加一啖啖肉囉，帶甜。北寄貝刺身好彈牙，肉肉的。天使生蝦刺身好大口肉，夠哂厚。珍寶帶子刺身原粒帶子又厚肉係好少見。象拔蚌刺身薄點但清潔好唔會腥既，少脆。北海道角。刺身好易咬開，唔會係咬膠咁。希靈魚刺身少少脆，厚切嫁，甜嫁。鮑片刺身比較滑身，少少腥重海水味。胡麻溫室蕃茄沙律，一大個蕃茹勁足料多麻醬好好食。日式柚子大蝦沙律好多柚子粒，大蝦係泰式較爽口。超大又唔腥既生蠔，整到好乾淨又唔腥，好正，好香好有海水味，我隻最肥。枝豆好多，燒物都食左少少，炸雪糕細細粒外熱內凍既香茅雪糕。仲有天夫羅炸大蝦，紫薯，蝦肉秋葵。原燒海蝦薯仔炸蝦好新鮮炸好食，薯仔絲好脆口既。燒羊扒夠哂嫩，無雪味，骨肉分離，易咬！cool牙都可以大啖咬，爽呀。一口牛少

由三月頭朋友一直約食放題，約咗一個月多，今日終於約到了，而我們就選擇了旺角的神戶屋。我們一坐下，店員就問我們有沒有什麼刺身不要，然後為我們準備了一個刺身拼盤，幫我們開吓個胃。刺身有三文魚、甜蝦、松葉蟹蟹鉗、北寄貝、泰式生蝦、珍寶帶子、象拔蚌、北海道角螺…………等等等。用料新鮮，沒有慳家省錢的。真蟹肉軍艦、藍鰭拖羅、芥辣八爪魚軍艦、蒲燒鰻魚壽司，壽司的款式選擇不少，而且味道、用料也很讚。黃金芝士燒廣島蠔、北海道燒扇貝，喜出望外的兩款食物，廣島蠔和扇貝的份量是大大的，而且燒得很香，影完相後，馬上開動消滅。日本和牛壽喜燒，牛肉份量不少，四個人，一人一塊，唔駛掙，而且味道控制剛好。秋葵蝦天婦羅，近來大熱的秋葵，中間釀了蝦胶，可令大家更接受秋葵的味道。牛油果軟殼蟹卷、神戶和牛卷鐵板紐西蘭羊架粒你心太軟

兆萬有好多放題餐廳嘅選擇，但因為之前係網上見到神户屋嘅評價幾高，所以就揀咗呢間喇！神户屋望過去雖然一排排，好像綠色小巴座位一樣，但是十分舒適，就算兩人入座都可以坐卡位。 一入去坐低，第一時間睇下餐牌先，就咁揭幾揭已經見到好多想食嘅野啦。入座後不久，餐廳就送了一盤剌身，十分貼心，可以一邊點食物，一邊食。熟食方面都有很多選擇，以下是我推薦的：人蔘雞湯： 如果有去韓國試過嘅朋友，冇苦澀味，不過比較得意既係反而多左紅蘿蔔味炒蜆：清潔功夫做得足，冇沙之餘仲好有鑊氣。北海道扇貝：份量適中，而且加了洋蔥、雜菜、芝士更好味，我地都Encore左好多次，呢款份量有限呀，要叫就記得早啲點麻辣牛柏葉：夠晒辣，食完係有種麻痺痺嘅感覺，啱曬食得辣既朋友，有少少台灣嘅食物感覺芝麻雞翼：片頭冇好多野之嘛但係好脆茶碗蒸，蛋非常之滑，而且底部加了蜆肉，唔會只係得蛋咁Dry，然後都有蔥花豉油蒸蛋嘅鮮味更加出 壽喜燒，以為是和牛所以變了其實是肥牛。濃湯底，配以生雞蛋，又唔會Cover左肥牛既味道 燒五花腩及雞軟骨：加了炸蒜去煮，外面脆入面肉汁juicy甜品方面：有好多選擇，呢次選擇左心太軟：有小小苦澀味，留心，熱熱的，入口

一大班麻甩佬gathering,最好就係食放題，食到飽唔使諗。 有同事食過神戶屋話唔錯，一早book 左枱所以可以好快入座。選擇都幾多，有11個course揀，竟然仲有得打埋邊爐!真係岩晒我地成班麻甩佬!飲品同甜品都係自己任拎，選擇都幾多!放題必定入先既刺身紙。神戶屋呢度有份首單。侍應話第一盤刺身會大盤少少，同埋有得比我地三揀一款特別剌身!黎到都真係好大盤!我地揀左生蠔，好新鮮，有海水味，無沙，有少少入口即溶既感覺。其他刺身有三文魚，北寄貝，帶子，鮑片，希靈魚，玉子等，全部都大大件，好新鮮!每次師傅都執齊晒完全無漏!之後就開始挑戰熱食好欣賞神戶屋將三文魚骨都整成食材。其實呢啲放題店應該有好多三文魚骨，但唔係間間都有得食，物盡其用真係抵讚，最重要係我真係好鐘意食三文魚骨! 邊位脆，脂肪位夠肥!燒物新鮮做起，上到枱都仲非常熱，而且燒得岩岩好唔會太乾，雞肉串好入味又夠林，最推介係韓式腩肉，非常香口!帶子+蠔呢兩樣個汁係一樣的，都係用千島醬加左啲芝士，好開胃。本人鐘意食帶子多d,因為蠔係要生食先食到個鮮味!芝麻雞翼新鮮炸起，溫馨提示小心熱到個咀!非常香口，每次放題必食!避風塘炸豆腐夠晒脆，可惜

聽朋友推介話呢間放題好抵食咁我哋就試一試佢 一早打左電話嚟訂咗位😚 一坐低侍應姐姐即刻畀咗好多好多張贈送食物嘅紙畀我哋 當中包括有送海膽, 生蠔, 壽喜燒或部隊鍋😁😁 真係超級驚喜 估唔到呀 讚讚👍👍👍 作為海膽粉絲就梗係揀左送海膽啦😍😍😍 為咗留肚我哋又點會咁早晏個壽喜燒呀😂😂😂 結果流到差唔多食哂其他食物先叫😋2 pat 海膽😊😊 睇啲色就知佢勁新鮮 食落去入口即溶 好滑身非常有甘香嘅味道 😌😌自製世界級之極高享受- 帶子加海膽😂😂 一啖食落口嗰個口感 實在難以用筆墨去形容呀 😍😍😍刺身每一件都勁肥美超厚切!!! 尤其是係三文魚全部都係畀三文魚腩真係一啲都唔孤寒呀❤至於燒物方面有芝士燒帶子同埋芝士燒生蠔, 都燒得好香口好惹味😊 壽司啲卷物都唔錯的 睇下呢幅圖就知啦啲蟹子多到爆曬出嚟呀😛😛😛 原來蟹鉗同蟹棒係有分別㗎😂😂😂 蟹鉗係得半條蟹肉而蟹棒就有成大條蟹肉😌呢個超級麻辣鴨舌 唔食辣嘅朋友就唔好嗌啦😅 就算食辣嘅我哋嗌咗都中伏啊因為啲汁真係勁辣 就算唔食鴨舌就咁點啲汁條脷都即刻痹曬呀好辣呀 😭😭😭😭 建議各位自稱勇士的可以去嘗試一下嘅💪💪💪 最後我哋終於嗌咗個壽喜燒嚟食 個肚已經飽

人大咗，放題食得越嚟越密，好熟手，一畫完紙就即刻去拎嘢飲蘋果山楂 青森蘋果汁放題越嚟越多支裝飲品，但青森蘋果汁係第一次見 偽日嘅飲品，好似係高汁D，拎嚟試下都幾清甜，不過甜度都係正常偏甜既水平刺身拼盤三文魚、甜蝦、葉松葉蟹蟹鉗、北寄貝、泰式生蝦、松葉蟹棒、厚燒玉子、有頭甜蝦、珍寶帶子、、希靈魚、鮑魚片樣樣齊!!!!!大大盤刺身視覺上已經好治癒，食緊既時侯，生命簡直得到慰藉 三文魚頗肥美而蝦類都好爽甜 ，帶子更加係 大大粒牛肉火鍋呢間放題仲有火鍋畀你打，就叫咗個牛肉火鍋除咗牛肉，入面已經有唔少嘅蔬菜豆腐、鮮茄、金菇，食D菜就可以減輕食咁多肉類嘅罪惡感羊架 ，每次少不免都會叫㗎 煎香嘅羊架散發出羊肉嘅騷味，咬落就更加係軟熟，唔會煮到硬班班 烤虎蝦，中間戒咗一刀，淋上芝士 雖然肉質較為結實，但加上芝士香都好值得一試 烤帶子生蠔~~ 帶子同生蠔都配上芝士、沙律醬 咁就唔會食到好乾，反而有酸酸甜甜嘅惹味~~

日本放題真係食極都唔厭。 當你極肚餓又唔知食乜好時， 呀姐派張傳單比你，就會不自覺甘走左上去上到黎先發覺好似黎過，而且印象唔錯，同朋友就立即拍版坐低飲品櫃野飲自己拎。選揀雖然唔係食過甘多間放題之中最多，但勝在好多韓國飲品揀我就揀左罐韓國菠蘿汁，平時食放題未見過幾fresh 幾好飲主角刺身到神戶屋刺身入單有分首單，首單會大碟d, 而且有蠔同海膽！刺身切得好靚，而且好新鮮。最特別有泰國生蝦同松葉蟹刺身，唔係度度有得食其他三文魚，北寄貝都好大件，淨係盤刺身都好滿足！通常食放題都唔食壽司，因為想留返個肚食其他野。 但見到隔離枱食三文魚腩手卷同埋牛油果軟殼蟹壽司就忍唔住叫三文魚腩夠肥多油，牛油果軟殼蟹壽司，軟殼蟹拎出黎仲熱，而且牛油果夠淋，正呀燒物三文魚骨我好中意食三文魚骨，但唔係度度都有。 燒到好脆，咬到脂肪位又有油爆出黎鯖魚燒得唔夠脆，仍需努力避風塘豆腐芝麻雞翼天婦羅海蝦芝士年糕拎到黎熱辣辣，好好味如果再辣d 更加好全晚最中意既韓式豬腩肉，燒到好脆又好juicy, encore 之選！依家放題竟然食到熱炒！招牌炒蜆等左好耐應該即叫即炒，竟然食到少少獲氣，而且無沙，抵讚韓式辣炒豬腩肉，豬頸肉

諗住食放題，點知去左一間不知所謂既店鋪！出野又慢，野食唔算話好好食，第一輪落既野半個鐘都未黎到，真心嬲，見網上禁多好既評語先想試下，同埋貴公司係點樣教員工？d態度差到一個點，只係傾計，d野食Hold左勁耐都未出，出到黎都凍曬la，我崔你單仲要黑我面？只想說翻得工就做好d la，我有比服務費架！即使下面d人講得幾好都冇用，公道自在人心！唔想中伏既就唔好食呢間，d野食差到我都影唔落手，雖然好既食評係好多，但我唔想你地成為下一個中伏既人