神山麺屋 (創紀之城五期(apm))

營業中

休息中

話說lunch未諗到食乜之際，見神山出面個牌影住碗擔擔麵，似乎係新野，而且樣子紅通通，本人嗜辣，凡聲稱自己辣味都要試食，試吓佢真偽。辣就算了，唔覺佢辣。如果唔好鹹野，我都唔會建議，唯一亮眼之處，就係有芫荽！話說我好鍾意芫荽，初頭唔知有，一食好驚喜！大大塊。叫了菠蘿特飲，跟麵唔洗加錢，還可以啦，菠蘿汁咁囉。Overall 來講，今次第四次食呢間，係咪好好食又唔算，但又唔係唔好食。弊，好似無講咁？😂😂不如咁講，還可以，坐得也舒服，但apm有其他更好味的選擇。埋單88沒有特價，有野食有野飲有一碟仔蘿蔔前菜，算係抵㗎啦。

之前個排味有堂食但又好想食拉麵,就用網上外賣平台叫左依間主打沾麵既餐廳,沾麵黎講依個價錢吾貴,而且係屋企就食到好方便❤️神山沾汁麵($89)麵條比較硬身,湯底質感濃稠,將一小撮麵放係豚骨湯,麵條沾滿哂湯汁,食落去味道濃郁但吾會太咸,而且麵條口感好煙韌,再配上厚燒既豚肉,豚肉燒得岩岩好,秘製既醬汁好入味,仲有溏心蛋好流心🥰 叉燒沾汁麵(黑神山)($79)味食已經聞到好香既黑蒜油味,叉燒口感軟嫩,惹味既蒜香岩哂鍾意重口味既人❤️神山炸雞($42)炸雞配芥末沙律醬,雖然外賣係屋企食已經無咁脆,但雞肉鮮嫩肉汁豐富,食落去吾會好油膩神山手造餃子($38)每次食日本野都好鍾意食煎餃,底部煎至金黃色,再蘸點醋食好正🥰

餐廳：神山麺屋 (觀塘)地址：觀塘觀塘道418號創紀之城五期(apm)2樓L21B號舖今次介紹嘅呢間拉麵店，係黎自東京嘅神山麺屋 🍜，佢地最出名嘅，莫過於招牌神山沾汁麵，一定唔可以錯過😍神山沾汁麵 $89用咗大量豚骨同優質豚肉🐷，加上日本魚介同秘製醬汁去熬製呢個湯底，成個慢火熬製過程至少1️⃣2️⃣個鐘；睇下呢塊厚燒豚肉😋，脂肪同肉分明，表皮以高溫烤煮以致有啲焦香味道🥰，望見都想一啖咬落去😆叉燒白神山沾汁麵 $79白神山即係白濃豚骨湯底🍜，兩大塊薄切、肥瘦均勻嘅叉燒令人垂涎三尺🤤，仲有成隻半熟溏心蛋、滷荀乾同京蔥，叫網上外賣平台外賣返屋企食依然保持到原汁原味👍🏼小食方面我就叫咗個武藏炸雞($38)同和風蘋果沙律 ($45)，一客炸雞有7-8舊，配上芥末沙律醬，充滿日本風味🇯🇵；蘋果沙律除咗有爽甜嘅蘋果絲🥗，仲有唔少火腿絲，係食麵前嘅好前菜😆

今日吾想出街食，就用左網上外賣平台訂購，超方便🤪神山沾汁麵 ($89)鎮店之寶👍🏻湯嘅温度仲keep到微暖，麵條大概2-3毫米，仲有少少坑紋~入口口感不錯。湯底吾算好咸，但好夠味👍🏻厚燒豚肉表皮微微焦香，啖啖肉🤪溏心蛋做到流心效果，加不少分👻.武藏炸雞($38)嫩滑多汁！做到脆皮嘅效果✅沙律醬可以比多少少(件雞太大，一嚿已經點左半盒醬😹).叉燒沾汁麵($79)揀左白神山湯底，即係豚骨湯底。相比神山沾汁麵會清啲，冇咁油膩~叉燒切得夠薄同大件😋.和風蘋果沙律🥗($45)好清新~幾多蘋果，酸酸甜甜，非常開胃💕加 $8換一瓶汽水🥤

突然想食日本麵，猶豫左好耐叫唔叫外賣好，因為擔心啲湯啲汁好麻煩。不過真係想食，叫左外賣!食物完全完美地著陸不過外賣無得揀拉麵，試左呢間舖既著名沾汁麵。神山沾汁麵湯底係豚骨白湯湯底，好濃郁既湯底但唔會太咸!至於麵條屬粗身，湯汁掛麵豚角用上乘豚肉，非常厚身，燒得岩岩好，豚肉帶有少少甜味。肥瘦適中黑神山叉燒沾汁麵用既係黑蒜豚骨湯底湯底好濃郁，好香黑蒜味，而湯底都有豚肉同蒜頭。湯底略嫌有啲油膩但沾上麵尚可接受，同時又唔會令麵條只有黑蒜味，兩者恰到好處。叉燒有兩大片，相信熱食會較好味。另外亦有流心蛋!唐揚炸雞配芥末醬炸雞皮脆肉滑，配上芥末醬都好夾!煎餃子就跟一般煎餃子一樣吧!

Was excited to come here for lunch to try their tsukemen. After ordering their signature kanzan tsukemen my food arrived within a minute or two. I was really surprised but happy that the wait wasn’t long. Just assumed that there wasn’t much time needed for prep. The noodles were not bad, ok chew to it. The egg was jammy. Now, the broth was thick but the flavor was quite average and the worst part...it was barely warm. The roasted chashu was extremely dry and tough! It was so bad I had to force i

二零二零年七月十九日下午黎到觀塘apm 2 樓 神山麵屋如欲入座請先熱 然係使用消毒液再消毒雙手赤神山豚角煮$85豚角煮好似東坡肉 夠哂肥美湯底只係辣 紅紅湯底 就睇落好辣拉麵質地有口感 但份量就有d 小 仲有全隻玉子 同蔥粒神山沾汁麵 $89濃濃湯底掛係沾麵上燒肉好香 有咬口 仲有肥膏痴住麵質夠爽 唔會煮得太稔半熟玉子醃得入味 蛋黃半生 幼滑蛋汁留出神山湯餃子$38有6 件 熱辣辣上菜有芹菜 芫茜係湯底 同拉麵嘅湯底係唔同係煎左長形日本餃子再放湯

食物很好！可是員工管理質素極差！只是說門口男經理！完全沒有禮貌地回答問題，並且沒有了解過顧客需求便提出自己的態度冷淡的建議！最重要的是，禮貌地向他發問拎碗碟，之後完全沒有理會我們的要求！要我們自己再問其他店員！😡😡😡並沒有解釋為什麼不能拎！直接當沒有一回事！簡直離譜！其他員工服務態度很好👍🏼！詳細解釋不能夠提供的原因！這點10分滿意

每次經過觀塘都唔知食咩好，又唔想大熱天時行去工廈嘅時候，我就會諗起神山沾麵👅上年已經食過一次，嗰一次仲叫埋炒飯，一試難忘😛食完之後好想即刻飛去日本再食過呀～🍜神山沾汁麵 $89Kansan Tsukemen好多人食沾麵嘅時候都擔心啲湯會好鹹，但呢一碗嘅味道調配得剛剛好，夾一口麵再沾一沾少少湯，好喜歡呢種味道～啲麵就比較硬身，咬感不錯～其實仲好想試埋佢哋嘅餃子，但食完碗沾麵已經好飽喇～唯有下次光顧再試～

太耐冇嚟過APM啦，平時都係食啲連鎖式嘅餐廳. 今日就試吓食沾麵既神山麵屋.神山沾汁麵加豚角平時食開啲豚角都覺得係好乾好柴，點知呢間神山麵屋嘅豚角一啲都唔乾同埋柴！！！仲好香燒嘅味道，一邊肥一邊瘦又唔會話太過肥膩.😋😋😋初初望落去知面啲汁好似好稀咁，但係放埋啲面落去呢，又好容易掛到麵wor. 因為啲面有坑紋，所以大大提升掛麵效果！食完碗麵加叉燒已經係超級飽！黑神山 - 黑蒜豚骨湯底呢碗黑蒜油既蒜味唔算好突出/太濃，但勝在啲湯夠熱. 同埋豚角好食，如果濃d味就好啦⋯⋯😋😋同埋間餐廳出餐嘅時間比較耐.

臨時約左個好耐冇見面嘅朋友食晚飯，喺唔知食乜好嘅情況下揀左呢間餐廳，之前朋友食過幾次話沾麵幾好，不過帶我嚟食呢次就一般，食物質素比以前差左。神山沾汁麵 $89- 沾汁好一般，冇鹹味，感覺廚師冇落鹽，食沾麵連個湯都做唔好令我好失望。我地決定自己加調味料，狂落七味粉，個沾汁先有翻少少味道掛落拉麵度。拉麵口感幾彈牙，燒肉好香炭燒味道，黐住肥膏嘅肉好淋好滑，不過有啲部份就好鞋，肉質非常乾。我最中意半熟玉子，醃得好入味，蛋黃質感好幼滑濃郁。

杞子醉雞卷賣相精致，凍凍地食最適合做餐前小吃，入口啖啖肉，淡淡酒香濃縮在滑嫩的雞肉中。限定鰹魚豚骨湯拉麵加入鰹魚乾以慢火熬製超過7小時，再加入秘製魚油提昇鮮味，感覺湯頭比沾汁麵的更濃郁，而豚肉則是預先以東京風秘製醬油腌製，以慢火蒸煮3小時，肉質鮮嫩，個人比較中意厚燒豚角。神山沾汁麵，用豚骨、魚介熬製多小時而成，湯頭同時帶出豚肉和魚介的鮮味，炙燒厚切豚角肉燒得好靚，肥瘦相間，油脂甘香，豚肉口感鬆軟，建議湯底再熱上會更正。

今日試咗個神山沾汁麵兩舊肉入味，但覺得太厚身，肉食略‘唉’麵硬身，需要多咀嚼，汁咸流心蛋最好食整體來講其實略有失望，應該唔再試但見隔離枱係普通拉麵， 好似吸引過自己個碗仲有沒有服務都收到服務費？

自從APM開左呢間神山麵屋後, 已經光顧過幾次, 每次都必點沾麵, 誰叫我是沾麵控平時都只叫最普通的神山沾麵及煎餃, 今次就嘗試黑神山叉燒沾麵及湯餃。最先上的是這個湯餃子, 湯很夠熱及很濃, 有4隻餃子, 不過最好食的竟然係旁邊的菜餃子就比較一般之後就上我最期待及第一次試的黑神山叉燒沾麵了，上菜第一眼就覺得沾麵的湯好像芝麻糊豆腐花一樣, 左右兩邊分左黑白兩色, 之後就試食啦，一食..........凍嘅? 再食清楚, 發現應該是黑色那邊的黑麻油不是熱的，但原湯那邊是熱的，如不好好溝埋一齊像我一樣只沾黑色那邊, 那就會覺得凍, 不過就算兩邊溝埋D湯也只是暖而已, 但味道是不錯的, 只是下次不會再叫這款沾麵了.P.S: 流心蛋真的很好吃最後還有加一服務費呢

即使肺炎疫情嚴峻，姊妹逛街是停不了的。今天和姐姐來到觀塘 APM，看看有沒有減價貨。所以吃過快快的午餐。白神山叉燒拉麵白神山是濃厚的豚肉湯底，配料加入筍和蔥作點綴，味道濃郁，色澤濃厚，拉麵彈牙，叉燒薄切易入口，肉味香濃，溏心蛋做得出色，輕輕弄破蛋白，蛋黃已經緩緩流出，入口稠密緻滑。赤神山叉燒拉麵赤神山是辣味豚肉湯底，配料同樣有筍、蔥、叉燒以及溏心蛋，湯底濃厚，辣味不會很重，即使平常吃不了太辣的人士也適合，拉麵煙韌彈牙，叉燒用薄切的方式，入口香腍軟嫩，溏心蛋嫩滑香濃，美味可口。唐揚豆池魚豆池魚炸至色澤金黃，入口酥脆香口，魚肉鬆軟，肉質細滑，沒有仼何腥味，配上檸檬汁或柚子醋進食更開胃惹味，而且大小適中，亦可以連骨進食，鈣質豐富易入口，是佐酒的好選擇。二重芝士手羽以高溫炸至雞翼表面金黃，再於表面灑上特選的芝士粉，外層香脆惹味，肉汁嫩滑鮮美，再配上特濃的芝士醬，酥脆美味，香而不膩。朝日啤酒朝日啤酒色澤金黃亮麗，呈奶油狀的泡沫，是保護啤酒的香氣以及防止碳酸氣體流失，入口順喉清新。整體而言，食材製作用心，著重食物每個小細節，環境簡約乾淨，裝修富有日本氣息，是聚餐的好地方。