神山麺屋 (創紀之城五期(apm))

營業中

休息中

呢排爆劇夜左瞓放工好倦唔想煮外賣又唔想食頹飯盒經過apm有間食㗎仔野嘅鋪頭有外賣menu 睇下有咩野食先鋪頭外有個電子板播放住日本畫 幾有趣幾靚吖～d丼最平四五十蚊已經有交易不過呢間野好似出名食沾麵有2款都相當吸引 就係神山沾汁麵同黑神山叉燒沾汁麵救命～選擇困難症又發作！點揀好呢！！！有句野講得好啱 小朋友才做選擇！一黑一白咪得囉！why not both 聽日星期六放假又唔經開呢頭 咁買左先 今晚食黑 聽晩煲劇又唔煮叮一叮埋白 懶下真係好爽！黑神山叉燒沾汁麵小食：煎餃子+可樂呢個黑蒜沾汁 真係不得了口味香濃又有濃厚質感拉麵麵質唔錯 沾汁緊貼每條拉麵 係絕配呀一沾再沾 我將叉燒同蛋都掉埋落去沾吖隻蛋係流芯架！實不相暪⋯我仲⋯沾埋餃子添呀！餃子餡量適中 唔會太滯太飽 亦唔會一陣風咁賣相亦不錯！神山沾汁麵小食：炸雞+可樂神山汁係豚骨鰹魚香味鍾意重口味嘅我認為黑沾汁稍稍優勝～但！神山沾汁麵跟果件肉 唔係普通叉燒咁簡單！係厚切吖 肥瘦肉一層層間 加上調味不錯好好味道！炸雞都唔錯 配嘅沙拉醬係有淡淡嘅wasabi味兩款沾麵～各有各優勝吖！

晚餐唔知食咩好，見到 #神山麵屋 有得外賣，唔洗諗即時試下啦！日本拉麵🍜食得多，但外賣都係第一次。見到有 #飯類 🍛同 #沾汁麵 選擇，我比較鐘意食麵，所以選擇了2款沾汁麵。#神山沾汁麵：有豚角、流心蛋、筍干。豚角非常厚身，肥瘦相間食落好淋，有很香油脂味😋粗身拉麵軟硬適中，配上濃厚沾汁好好味。#叉燒沾汁麵：有叉燒、流心蛋、筍干。叉燒夠簿而且很大塊，食落有口感但唔會老。流心蛋外層軟滑內裡流心，好味道想再加多隻☺️而沾汁有3款揀，選擇了 #赤神山，帶少少辣很惹味。配埋小食有：🍗 #武藏炸雞 ：外脆內軟，肉質嫩滑都唔錯。🥗 #和風蘋果沙律 ：有蘋果，青瓜，火腿，椰菜，配搭清新幾特別。

叫個女服務員過來埋單，佢將張單放下檯面，粒聲唔出，我望一望張單$174.9，拎出$200放上去，然後佢講咗一句多謝就離開了。結果只找回$5.1，咁我就話我俾咗$200你？跟住佢就拎走咗啲錢，之後找回正確的錢，但係佢一路撳住啲錢撳到放喺我枱面，嚟到枱面仲喺度繼續數錢，我望一望佢點解唔鬆開手俾我攞錢，而此時我係咩都冇講，佢突然又拎返啲錢走。重頭戲嚟啦，佢再拎返啲錢返嚟，講咗一句: 咪啱囉！ 其實由頭到尾我都冇話過佢找錯錢，但係佢態度就十分惡劣，激到我火都嚟。 佢啲同事出嚟話佢係新嚟嘅，但係佢連最基本做人嘅態度都冇，呢啲已經唔關新唔新事！其實已經唔係話對客人，對同事家人都一樣要有專重有禮貌！連最基本做人嘅尊重禮貌都冇！

呢間拉麵之前其實都幫襯過好幾次(佢改咗名，不過相信同以前係同一間，因為餐牌上的菜色，同埋啲拉麵都無唔同)。今次叫咗碗白神山叉燒拉麵、明太子玉子丼同雙色牛舌。首先碗拉麵個湯唔錯，之前食過黑神山(即係以前嘅黑武骨)，覺得太濃太有啲油，所以今次就叫白神山。啲湯係唔錯，兩塊叉燒又唔太厚(本人唔鍾意食太厚，嫌韌)，所以鍾意食啲薄薄地嘅叉燒。而佢隻蛋幾香，同埋都係流心，碗麵可以有7分。跟住到個明太子玉子丼，明太子比較少，同埋啲蛋個人覺得熟得濟，唔夠滑。而個雙色牛舌我就覺得有好有唔好。佢係分兩種煮法，一邊係茄汁煮，另一邊應該係清酒煮同埋係凍食。先講茄汁嗰邊，本人對茄汁一向麻麻(呢個唔關餐廳事)，唔算太酸，不過塊牛舌就韌得濟，唔係太咬得開；而另一邊係清酒煮，一聞落去已經覺得幾香，而且煮得幾淋，咬落口有少少酒味，同埋佢係凍食，相信如果用檢來餸酒應該唔錯，另半味餸值得一讚。整

神山沾汁麵($85)沾麵湯底用大量豚骨加魚介同醬油熬製，味道偏濃；麵條彈牙掛湯；豚角煮厚身，外層炙燒後焦香，肥瘦均勻，入口即溶；溫泉蛋入味，而且夠流心。每次都必定會點呢款沾麵，必試！神山手造餃子($38)去日本拉麵店除左食拉麵，都必定會點餃子！神山餃子皮薄餡多，外皮煎得香脆不油膩，合格！野菜甘酢豚($48)呢個小食有多款野菜醬炒豬柳，好少係日本餐廳食到酸酸甜甜好似鎮江醋汁既味道，幾特別，好大兜，幾抵食。

因為疫情關係，除左好耐無同友人食飯，平日午餐也是外賣返公司食，早前加班工作，放工收順便係附近食埋飯先返屋企。我鍾意食拉麵，去了APM 神山麵屋食野。先點飲品，巨峰椰果特飲。來這裡我多數食沾麵。今次點神山沾汁麵。鍾意食這裡的沾麵，麵質軟硬適中，麵較粗身，除了口感較佳外，掛湯能力也較高。豚角肥瘦適中，食完吾會太油膩。小食點了雙色牛舌。我愛食牛舌，這次可以一次食曬兩款不同整法的牛舌。凍食就較有口感，而酸甜整法就鬆軟。

呢間日本拉麵長期都多人食，今次已經係第三次食，味道都係保持到😅，唔算超好味到要特登黎食， 亦唔係難食，性價比就普通，但加半份麵就只需$13好抵，啱晒男士食。湯底超濃（我就覺得太重口味）食完好口渴，豚角必食，肥瘦適中，成舊肉都好入味，麵軟硬適中。如果咁啱係APM，又想食拉麵，又想食得heavy 啲，都可以食下。😁豚角必食， 入味，軟硬肥瘦適中。😁溫泉蛋極流心，必食😂湯底極濃，頭一兩啖都可以，再食就好喊

每次經過APM都系見到神山面屋好多人排隊等位，今次行開APM shopping😛下午茶時段都唔洗排隊等位，一入到去坐位唔算太寬敞，牆壁用咗日式設計木造感覺好舒適。🤗神山沾汁麵 $89首先Order神山豚角沾汁麵，拉麵比較粗身，沾滿曬熬制雞汁湯底味道非常濃郁🤤配合蔥花同埋筍口感更加豐富😲仲有原只日式糖心蛋蛋汁撈埋沾汁味道更加香濃🤩另外豚角用咗炭燒表面，兩邊微微金黃色，而食落去個口感外邊香脆裡面肉質軟滑😳，份量亦都啱啱好，怪不得咁多人排隊食👍🏻✨赤神山豚角拉麵 $85赤紅色嘅湯底原來系有辣味🌶🌶辣椒更加刺激味蕾濃厚，而豚角慢慢醃制，所以比較更加軟滑，拉麵🍜 口感夠彈牙不會煮得過淋，2款食法我就鐘意食沾汁面多啲😆雙色牛舌 $48用咗兩種方法去烹調牛舌，熱食牛舌食落去個口感好淋有少少辣，凍食牛舌經過烹調醃制之後爽口煙韌，我鐘意比較熱食牛舌比較惹味😋和風醬油煮豚肉腿肉 $45成日都食豚肉好少食腿部位置😝就order試嚇，配制豚肉食落去好似食緊熏蹄 ，口感會比起熏蹄更加煙韌 爽口配埋和風醬帶少少酸味好開胃😋蘋果椰果特飲 /巨峰椰果特飲$15特飲裡面有果肉，所以我就會叫咗少甜，啱啱食完熱拉麵，真系

去唔到旅行，食神山拉麵，當去咗日本。沾麵好食到以為自己去咗日本旅行呀，哈哈哈😄服務員都好有禮貌～ 呢晚超肚餓，要咗個神山沾麵，算係招牌菜，好食無得輸～ 炙燒豚肉大大舊，燒得香口啖啖肉～ 一層肥一層瘦～ 而拉麵軟硬度亦剛剛好，煙韌彈牙唔會硬，沾上濃厚嘅醬汁，真係好好好好食😋 雞蛋醣芯，蛋味香濃～ 再食多個煎餃子🥟 外脆內爆汁，超juicy~~ 食到舔舔脷😆 茶仲任飲～～飽到上心口，但食飽真心超滿足❣️❣️❣️

呢排身體較虛弱，而且老公工作好忙，所以呢次學用外賣 App 叫外賣。原來真係好方便，只要按幾下，好快就送到了。神山沾汁麵舊肉真係好厚身，好有嚼頭。隻蛋係流心的，把麵放入暖暖的沾汁後食用，混合竹荀和葱和香氣，口感彈牙。牛肉鯖魚日式四格便當配味噌而便當有魚有肉，份量唔算多，不過很腍身很入味。而飯也洒上白芝麻，很香口。武藏煎餃子、武藏炸雞餃子外皮煎得很香，裡面的饀料很香軟很熱，加埋香葱更添惹味。炸雞細細件，容易入口，但又唔算好多油。

神山麵屋乃apm的人氣拉麵店，繁忙時間通常都要等一陣位。呢度有拉麵有沾麵、仲有特色的擔擔麵等等，而且入面裝修光鮮，比人好舒服的感覺。神山沾汁麵（$89）沾麵的麵算粗身，更容易掛湯；豚角煮燒得好肥美好厚身，再加埋呢粒糖心蛋，沾麵連配料都如此豐富呢！黑神山叉燒拉麵（$78）黑神山乃黑蒜豬骨湯底，同樣屬於濃厚系，叉燒薄薄的，輕輕浸在湯內已經好入味。野菜甘酢豚（$48）酸酸甜甜的小食，好開胃。神山炸雞（$42）炸雞配芥末沙律醬，好邪惡呀！菠蘿特飲及雜貨特飲都只係$15/杯，好抵飲呢！

但呢度的肉近住肥膏個PART好味，但上面其實都係有點乾有D鋪個湯濃D就痴粒粒D，有D就冇咁杰其實我覺得兩種也好，最緊要個麵夠力食到D湯，咁先沾得起蛋喔麵喔湯喔其實都係咁係整體上唔錯，但北角的俺之沾都專門店好似更好 (可惜結業了)個餃子完全唔得，灣仔碼頭的更好味

呢間位於apm嘅神山沾麵我一直都想試下，今日咁啱黎到觀塘就決定去試一試佢嘅沾麵🥳。.神山沾汁麵（$89）既然要試就當然要試佢地最招牌嘅神山沾汁麵，湯底果然夠曬濃郁，用黎做沾麵一流🤤，而且兩件叉燒又大件又好肥美，非常滿足💕。再配埋隻流心蛋，d蛋漿流落個湯汁一齊食更正😋。.神山炸雞（$42）呢個炸雞係其中一個我最鍾意嘅❤️，炸得夠脆之餘，再配埋特色嘅芥末沙律醬🤤。.雙色牛舌（$48）牛舌亦都好特別，有兩種口味，冷盤加左少少麻醬，而熱盤就加左其她椒一齊炒，醬汁好惹味，再加上牛舌好爽口非常滿足🤩。

第一次光顧已有不錯的感覺！晚餐點了神山汁拉麵，炸雞和手造餃子，流心的溫泉蛋，味道和口感很好，拉麵麵麵質彈牙，加上專用的湯汁味道一流。最後湯汁可以加湯將它當湯飲埋！全家吃完都讚很好味

假日中午食係多人，不過都算快。叫左沾麵同餃子，沾麵有原隻溏心蛋，塊肉有差不多掌心大小，麵量多及夠食的，煎餃就正常啦。加埋一百幾蚊，算係想食質素好少少的可以一試。