神山麺屋 (創紀之城五期(apm))

營業中

休息中

好一段時間無食過一個我想推薦既沾麵。不過神山既沾麵真係幾好食！見好似沾麵較為出名，所以就叫左一個白神山同一個黑神山。湯頭好香，味道好rich。不過如果怕油既人就未必會鍾意。沾麵普遍都會肥膩啲，而神山既湯頭係更加油。不過會有種邪惡既滿足感！肉滑，蛋香。佢既麵條既形狀同普遍既麵唔同，有少少紋路。我鍾意佢個麵較為Q彈！確紋令佢掛汁掛得更加好。其實仲叫左個神山餃子，不過唔記得影低。我都好推薦，佢係有湯浸住。個湯有種清清既藥材湯感，餃子都好juicy，可以一試！

窩夫與蝦子餅在神山麵屋開業不久時光顧過一次，但印象麻麻，日前多給它一次機會，結果改觀了。窩夫點了神山沾汁麵($89)，其實窩夫一向很少吃沾麵，因為怕湯頭很鹹，但這碗用豚骨、豚肉及魚介等材料熬製超過12小時的湯頭不會太鹹。較粗身的坑紋麵可以掛更多湯，吃得更加滋味。兩件厚燒豚肉稍嫌烤得太深色，幸好沒有影響它的肉質，肥瘦相間的腩肉燒過後沒有油膩的感覺，驚喜之作。蝦子餅點了限量的鰹魚豚骨湯拉麵($78)，在豚骨湯加入大量日本鰹魚乾以慢火熬製超過7小時，再加入秘製魚油提鮮，難怪鰹魚味極濃，值得一試。還點了神山手做餃子($38)，餃子皮很薄，餡料份量足，隻隻都脹卜卜。

第一次嚟，本身想食沾麵，估唔到都幾啱食。揀咗神山沾麵$89+10%佢嘅面條幾特別，好似兩條幼麵黐埋一齊咁，偏硬身幾有咬感。湯底好濃味少少咸咸地，每次點少少湯，送麵啱啱好呀，兩大件肥豚角肉好入味，好厚好淋身好鬆軟，係邪惡、兼唔健康架喇，不過久不久一次，當放鬆下應該可以的😂✌🏿唔敢講所有食物都好味，但今次神山沾麵第一次食係滿意。-不過服務就唔合格，有個女仔佢講極都唔明，動作又慢。另一個女仔覆單時啱架喎，但最後漏單，成班搞乜鬼？扣左分。-參考下，食埋小食$140up

今次到左觀塘一間大商場食午餐，有好多唔同菜式，見到呢間神山拉麵，望下個餐牌，有沾麵喎，入去試下佢先order左個黑神山叉燒沾麵，一放低就聞到香味，食落啲麵夠彈牙，不過個黑神山湯底略為咸左啲，同埋食到最後啲湯凍左，無咁好食，比起用石鍋嘅沾麵，呢個就差少少。另外都order左個白神山拉麵，呢個就無咁咸，唔錯餃子，普普通通啦。其他小食都係一般，無咩驚喜。整體嚟講，食物唔錯，價錢都合理，環境算闊落，可以一試。

喺東京幾出名嘅神山麵屋 成日都排曬隊 今次見無咩人排就試一試～ 一碗拉麵唔洗一百蚊 算係平價拉麵之選😋 份量略少但加多一個小食就啱啱好-// 神山沾汁麵 //厚厚的炙燒豚角望上去已經好吸引 邪惡的肥肉加上瘦肉雙間🐖 成舊豚角唔會好肥 柔軟得黎味道亦好香 而沾麵麵條亦夠煙韌 沾上濃味嘅湯底 絕對值得一試價錢：💲89 HKD（另加一）-// 黑神山叉燒拉麵🍜 //湯底係黑蒜豬骨湯 味道偏鹹 食完要飲水🙈 但拉麵麵質都係一樣煙韌彈牙 溫泉蛋亦係煮得啱啱好 呢個價錢黎講算幾好唔錯了👍🏻價錢：💲78 HKD （另加一）-// 神山炸雞（配芥末沙律醬) //炸雞外脆內嫩 炸皮唔會好厚 配埋個有wasabi嘅沙律醬好好味😋-價錢：💲42 HKD （另加一）

之前去過青衣分店，服務唔算好！今日下晝就同朋友一行四人去apm行街，見到神山觀塘分店即管試下，當時未到一點已經好多人拎飛等位，門口女侍應非常盡職，問佢有咩推介，佢會了解我地口味先介紹，食到一半依位女侍應帶完客埋位都有埋黎問我地齊哂野食未，依家好少見到咁盡責既帶位，至少青衣分店無，值得一讚！我地被安排坐係最埋既卡位，點知等好耐先有人埋黎幫我地點野食，野食都等左20分鐘先到！趕時間既真係要留意下！我地叫左招牌神山沾汁麵同赤沾麵，鰹魚拉麵，小食就湯餃子，雙色牛舌！真心比我上次係青衣食好味好多，湯餃子個湯都濃，點埋推介既辣醬有驚喜！鰹魚拉麵係推介而食，味道如推介般香濃，個湯夠膠！反而神山沾汁麵舊燒豚角唔夠林！我地埋完單行出去，見到班侍應企哂係中間位置度傾計，前面就兩個侍應同企門口既女仔做野！真係離譜左啲！埋單時，個黑衫四眼女仔係收銀木口木面唔識笑架，唉，只怪佢忙啦！

幾過幾次見到呢間拉麵都想試，終於試到，唔駛排隊，直入叫左碗招牌神山沽麵，份量夠既食完好飽， 塊叉燒兩邊煎左，煎得好香口，半肥瘦，好味但個沽麵湯汁一般 無乜驚喜，食完有啲口渴

話說早唔知1年定2年前第一次嚟食好似係啱啱開無耐佢個沾麵好食到好似係東京食無敵家咁好食咁我之後好耐都無嚟觀塘咁啱一個人行開呢頭就試多次啦今次無試佢個厚豚肉就食番日式差燒黑蒜油湯咁麵質就ok 嘅偽我鐘意嘅彈牙感覺紫菜都好鬆脆之後到個湯喇老實講無咩層次可能啲黑蒜油足料我飲落啲湯係好似一層野漿住個口咁湯底應該係豬骨湯？但真係飲唔到咩味，同埋又係犯咗唔夠熱嘅大忌一開頭已經係暖，食多兩啖直頭唔暖添！出面好多沾麵價錢又參唔多下次都未必再嚟食

對於這間(神山)慕名多時,今日終於趁著空檔假期來這試試。。。環境有點嘈但無阻我對這間知名店的好奇心,一人入座侍應好自然便帶了我坐上酒吧區、還好可以一面觀察幾位師傅厨藝，等候時間不多大約是五分鐘左右這碗沾麵便以呈上眼前~神山沾汁麵HK$89.來者賣相十分漂亮，那份厚厚的豚角被鐵板烤坑烤焦得很明顯、滿爆邪惡的肥肉雙間豚角肉咬在口中油脂感勁香，亦有微焦香味道、實在很是有滿足口腹之慾~至於沾麵麵條略較為粗條，煙韌而富爽彈沾在濃稠的湯醬內滿足至極~整碗麵亦包括了一隻半熟流心蛋，用筷子微微切開蛋黃已澎湃式湧出雞蛋之外、由於是流心所以吃在口中更感味濃~另外還要上一碟神山手做餃子HK$38.個人就覺得較為失色，不香不脆肉味欠奉、早知如此小食還是要其他好了~整體來說我喜歡《沾麵》勝於煎餃子，下次有機會應該可以試試這裡的湯麵比拼一下高低。☆此店是有加一服務☆

上次朋友生日系APM買左份禮物🎁 ，系商場換左啲飲食券 趁住今日過嚟睇戲食埋先 ！！！ 白神山豚肉拉麵🍜麵既份量五算好多 ，豚肉都算大件既 😁😁 同埋幾嫩滑下 ，配埋原隻既糖心蛋添呀😍 ，湯底方面 五會太濃 但都有啲膠質 個人幾鐘意 。。白神山叉燒拉麵 🍜 呢間麵既軟硬度 系冇得揀架 ，食落去個麵系偏硬少少既 我同朋友都ok 如果唔鍾意甘硬嘅朋友仔們記得要 問吓佢哋有冇得揀軟少少啦 ！！！叉燒都算嫩，不過就切得太薄食落冇咩口感 切厚少少會正好多囉🤣🤣

其實神山在東京是麵屋武藏分店的名稱, 在香港看似是一家新拉麵店, 但其實在裝修和店面擺設上, 和麵屋武藏是沒有分別的, 當她是其分店也成. 她主打的燒腩肉沾麵, 將由醬汁煮過的腩肉再燒一次, 焦香中帶鹹香, 但是腩肉不太Juicy, 有如這幾天的天氣般乾燥. 沾麵的湯汁以魚介和豬肉餚製, 可喜的是味道並非死鹹, 比較輕盈的口味作為Working Lunch是蠻適合的; 可惜的是魚介的魚香味不太突出, 層次感失色了些少. 結論嘛! 以連鎖拉麵來說, 就是不過不失, 只要大家不要抱著這是家獨立小店找特色的心態就可以.

Apm的店好像都比較早收，但唯獨這間店開得比較晚。食物的種類都比較多，有拉面或沾面，湯底，有蕃茄湯、白神山(鹽味)、黑神山(黑蒜油)、赤神山(辣味)，再選肉類，有叉燒、豚角煮、豚肉片，還可以跟個人喜好加錢去配紫菜、蛋等等，另外還有不少人食。提外話，這裡的拉面價錢十分相宜，不會過百，不過有加一。湯味很濃，拉面彈牙，但份量太少，但加面底要多付13元。另外兩片叉燒燒過頭，好老好「鞋」。竹荀吊味十分好味，做得非常入味。雞蛋有一隻，好滑好流心，值得一試。總結一下，如果拉面的份量多一點，叉燒火喉控制好一點會更好。

食過兩次呢度既沾麵諗住比多次機會佢可惜再一次失望收場份量係好多好飽麵好粗 掛湯既我係叫拉麵唔係沾麵但個湯勁咸 要飲大量水冇咩其他出色之處比較失望店員亦都態度麻麻 冇下一次同埋好逼

好耐冇食拉麵，下晝大約一點去到，到到都爆曬棚，淨係呢度唔使排隊有好多位，於是入咗去。餐牌比起其他嘢食拉麵店算係多選擇，除咗有黑蒜油湯豬骨湯招牌神山湯底之外肉方面都有多一種選擇，就係除咗叉燒之外仲可以揀豚角，即係大大塊類似五花肉咁。叫咗神山沾麵同煎餃，佢個麵有坑紋所以好上汁，面汁唔會太鹹啱啱好。狗肉都幾入味肥瘦都適中，可以話係好好食。煎餃就冇乜特別，有韭菜喺裏面所以幾香。坐咗喺吧枱，所以全程會見到師傅係入邊整嘢食，都幾有趣，但係師傅唔會直接將嘢食第俾你，一定會經過樓面職員再送俾你。

Me and my girlfriend were looking for a place for some chill out time at APM mall  after a music concern.  It was after 8pm and there were still lines outside some restaurants.We came across Kanzen Menya, thought it would be a good choice as we wanted something hot and it turned out to be an excellent choice.Everything on the menu is delicious, we were paralyzed to choose. In order to try as much as we could, we decided to share everything we ordered.We started out with a bowl of Ramen. Ramen br