神山麺屋 (創紀之城五期(apm))

營業中

休息中

其實APM都有好多食肆, 最近都不斷去試食, 今日揀咗呢間麵屋, 價錢其實都偏貴, 店裡座位都唔算好多, 加上疫情只可入半數人, 所以等位都等咗10分鐘黑蒜叉燒拉麵 - 賣相一般, 叉燒好薄都好食, 黑蒜油係比較油口, 所以成碗麵都油感黑蒜叉燒沾麵 - 賣相都係一般, 沾麵湯底偏咸, 沾麵都不錯總結 : 今次嚟真係試食, 比想像中好一般, 心態係試一次就夠, 起碼有試食過, 或者可能我真係唔識欣賞, 都係鍾意食返傳統既拉麵, 好懷念札幌拉麵店

就黎限聚令，諗住食返個最後的晚餐，見APM有間神山，個樣好熟口面，好耐之前喺呢個位食麵屋武藏， 沾麵已經係差。因為太耐無去APM，以為轉左手，原來只係轉左名，唔明點解咁多人行入去食，價錢還算平。黑蒜油一啲香味都做唔到只係黑色嘅一啖油基本上已經唔想食，好彩枱面既辣椒油幫到手，有蒜片，變返有味既汁。叉燒黎講幾好食，流心蛋係好食，面麵都可以掛到好多汁個汁就偏凍左少少，可能打左卡啦但個汁無味，唔係咸唔咸，而係真係無味，真係浪廢左成碗麵只可以講唔會再食

為咗呢個沾汁麵而黎～大愛佢嘅粗度煙靭度，而且沾汁可以自己控制，本人每啖麵只會沾小量汁，味濃剛好，仲有果件邪惡度十足嘅豬腩肉，表面燒過香脆，裡面多汁，入口即溶，必吃之選本身想食菜，嗌咗個麻醬先發現原來上面有咁多肉，可惜豚肉冇味又鞋囗，淺嘗一口已放棄呢個藥膳雞，凍食，略嫌味道較淡口，可試煎餃，呢個有驚喜，外邊煎得香脆，但唔會硬身，裏面多汁鬆軟夠juicy，一口一隻，沾餃子汁一流

😣見好評唔少，相都影到幾吸引，打算黎試個沾麵，結果發現係言過其實，真係有點失望神山沾麵 $89😅感覺呢個招牌會係必點，圖上既豚肉都影到好吸引，結果。。。🤯🤨豚肉外表吸引，係夠厚，但燒到好乾好硬，食到幾攰😞麵都不相伯仲，本人本身都比較鐘意有咬口既麵質，但今次依個係硬得黎無彈性，好似擺左好耐咁黑神山豚角煮 $85🥸再黎講個湯底啦，沾麵既湯要夠濃係基本，可惜味道唔濃，🤥只係一股既油。黑蒜應該要夠香，但佢都未做到。。。.😵要揾一樣讚既話，真係未諗到，所以不得已要比負評，希望餐廳改善下🙏🏿

雖然經過APM呢間拉麵店好多次,但係從來都未食過,因為見每次都要等位。今日食early Dinner見冇乜人就試吓。一坐低就嗌左兩個小食填住肚先,雙色牛舌有驚喜,用咗兩個烹調方法呈現牛舌兩食法,有熱食同凍食。熱食牛舌被煮到肉質軟淋,凍食牛舌相反口感夾口。辛味咖喱魷魚足唐揚嘅炸粉啱啱好,食落香脆香口帶有輕微少辣。我同男朋友都絕對係沾麵愛好者,如果拉麵同沾麵兩者之間我地絕對會選擇沾麵。我選擇左店員推介嘅神山沾汁麵, 佢哋嘅湯底用咗大量豚骨,豚肉,魚介同秘製醬油用慢火熬製左12個鐘而成,味道濃郁同比較杰。麵條經過過冷河處理食落比較煙靭有口感,而且仲有微微嘅坑紋,令掛湯效果更好。不得不提佢地嘅厚燒豚肉,好大塊,表面有秘製醬汁再以高溫烤煮到表皮微微焦香,而且吾會太乾仲有肉汁。溏心蛋嘅流心效果超好,連埋沾麵一齊食,正。男朋友選擇左黑神山沾汁麵,其實就係黑蒜豚骨湯底沾麵。湯底面頭加左一層黑蒜油,令湯底味道更有層次,依款沾麵就配上日式薄切叉燒同大量筍,蒜迷必選。

🍴 神山沾汁麵 ($89) ⭐️⭐️⭐️⭐️ 暖暖地嘅湯汁好濃郁，麵條係比較粗身，咬落煙煙韌韌，加埋d蔥吊下味，麵好掛湯，正！而炭燒到金黃嘅豚肉就有少少肥，但好彩都燒得幾香。 🍴 鹽味炙燒豚肉清湯麵 ($80) ⭐️⭐️⭐️ 比較普通嘅拉麵，麵條夠煙韌，但係豚肉就燒得唔係好香脆，似係打邊爐咁淥熟佢，炙燒味不足。 🍴 神山炸雞 ($42) ⭐️⭐️⭐️⭐️ 炸雞都幾大件，炸得好脆！仲有啲芥末係炸雞上面，令到冇咁單調，配埋拉麵食好味！ .............................. 神山麺屋 地址📍: 觀塘觀塘道418號創紀之城五期(apm)2樓L21B號舖 總評分: 7/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️💫 服務👨🏻‍🍳: ⭐️⭐️⭐️💫 衛生🧹: ⭐️⭐️⭐️💫 抵食💰: ⭐️⭐️⭐️

呢間神山麵屋以日本江戶時代做主題，十分有風味 ！🇯🇵據講沾麵的湯頭選用大量豚骨及秘製醬油調味，經過12小時慢熬製，非常入味！！😉😉今次叫咗呢一個招牌嘅神山沾面😋😋沾麵上的厚燒豚肉表層有微微焦香🤪非常之香脆。至於麵條方面 佢嘅面質比較粗而且都幾彈牙！🍜好有口感🤩🤩🤩係我鍾意嘅麵條🙆🏻‍♀️而且啲麵都夠掛湯！食落好香濃😋豚骨湯底夠濃郁，唔會過鹹😎仲有流心蛋添！大家都快啲去食啦👻

經過apm揾食想食日本野，就入咗呢間神山麵家試下。嗌咗一個沾麵同一個拉麵。神山沾麵 ($89) 睇圖可以見到有兩大大舊肉，真係好大舊，不過唔係肥既位就真係有啲柴。如果油脂分布平均啲就更好食，因為有一舊偏瘦，咬到中間有啲乾。呢款拉麵好掛汁，不過我略嫌個沾麵汁唔夠熱，上枱既時候都係暖，我覺得熱會加分好多，因為唔夠熱個鮮味冇咁出。個蛋同荀都好食既。叉燒拉麵 ($80)呢碗既叉燒唔似出面一圈圈圓形，不過呢個叉燒好食，又嫩又香。總括呢間拉麵同沾麵表現中上，不過有啲位可以做得更好食。

**⚠️此試食不是自費**香港拉麵鋪就多，但食沾麵而又好食嘅真係唔多😂今次試咗間沾麵好出名嘅餐廳，發現呢間質素好好👍🏻經過APM都值得一試🥰神山沾汁麵 $89角落評分：🌕🌕🌕🌕🌕呢個麵可以話係神山麵屋嘅招牌款式👍🏻首先會有兩大嚿即燒嘅肥叉燒，脂肪比例超多，但食落又唔會好油膩😍而且沾麵汁麵好濃郁，但又未到會好膩🥰所以呢個都幾抵叫☺️鹽味炙燒豚肉清湯麵 $80角落評分：🌕🌕🌕🌕🌗湯底比較Fresh，唔似平常拉麵湯咁濃郁，所以唔慣重口味都可以一試👍🏻而且豚肉切得較薄身，但肉味好香😍所以成碗食完都唔會好濟☺️和風蘋果沙律 $45角落評分：🌕🌕🌕🌕🌗呢款前茶第一次見到覺得好有趣，不過入口真係幾好食👍🏻蘋果絲好爽口配埋青瓜絲真係好夾😍而且沙律醬唔會好多同會帶有啲Wasabi嘅感覺，食落都好Fresh🥰🥰北海道流心芝士球 $28角落評分：🌕🌕🌕🌕🌑芝士球即炸真係好正，而且入面啲芝士係流心㗎😍總可以有少少拉絲嘅效果👍🏻

佢哋嘅質素不嬲好好之前係觀塘番工既時候已經成日幫襯☺️自從我喜歡上食沾麵之後 呢間係其中一間我好鐘意既拉麵店😻神山沾汁麵 $89佢地既沾麵不單止口感煙韌麵條中間有特別既坑紋可以令麵條吸收更多沾汁🤤🤤🤤麵條硬度亦麵係相當適中😽真係兩個字 ： 出色👍🏻👍🏻湯汁都非常濃郁 口腔滿佈濃稠魚湯鮮味一口麵配合 沾汁一齊咀嚼加埋超入味既溏心蛋同竹荀一齊食🤤🤤滿足感爆登🤤 好幸福啊😳‼️‼️係我每次黎到必點既首選‼️加埋配角經燒過既厚切豚肉🤤表面有明顯燒過既痕跡🤗 加埋有一層豬油令表面更加金黃😎令立立🤤🤤 咬落去肉同脂方比例簡直係完美配合😳我平時唔鐘意食肥豬肉都KO左一舊🤣🤣蕃茄豚肉片拉麵 $85我今次係第一次試呢度既蕃茄湯🙌🏻第一啖當然係要飲佢個湯試下佢龍與鳳😽Wow🙆🏻‍♀️🙆🏻‍♀️🙆🏻‍♀️新鮮又帶點酸甜既蕃茄湯 超級醒胃🤤飲完食欲真係擋都擋唔住🤣🤣配合厚切度完美既豚肉片簡單美味得黎 又唔會過於油膩🥰係我既新寵😎😎唐揚豆池魚 $45呢個魚魚小食都係我至愛🤣🤣🤣🤣究竟我有幾多至愛🧐haha 每次黎真係都必嗌架😎本身魚魚都已經含有豐富蛋白質多吃無防🤤🤤 我諗都無咩人唔知「唐揚」=經油炸制成🧐炸完之後又香口 加埋

最近既💃🏼群組太勁☠️叫外賣留在家慢慢嘆好過🤪我平時鐘意食湯拉麵，但叫外賣又唔想要有湯既，醒起出名食沾麵既「神山麵屋」，即刻派老公去外賣自取拎返屋企比我嘆下叉燒沾麵叉燒有2大塊，肉質都幾軟，還有一隻流心溫泉蛋，一咬開蛋黃汁流出黎，好正😍麵質係我最愛既粗麵底，沾麵配合粗麵條非常洽當，因為粗麵條可沾上濃味醬汁湯底的面積較大，濃醬汁包住整條拉麵，啖啖滋味，愛好重口味者必試溫馨提示沾麵的醬汁記得食前要先拌勻底部，否則淨係沾上表面層油會覺得無味溫泉蛋牛肉飯佢地既溫泉蛋真係好正，蛋黃一樣勁流心，撈埋牛肉+飯一齊食好滿足牛肉煮得好入味，牛肉肉質偏軟淋，對比專賣牛肉飯的連鎖店，呢到既牛肉飯高質好多，牛肉汁都無咁鹹，可能因為配埋洋蔥一齊煮，提升了整個餸的香味及甜味武藏炸雞🍗叫左外賣返黎雖然焗淋左小小外皮，但仍然食到入面雞肉好嫩滑juicy，唔會覺得太鹹，沾埋提供既沙律醬，好惹味，外皮淋左仲好似無咁熱氣添🤣煎餃子🥟一般餃子的水準，外賣又係令到外皮淋左，但都唔會變韌，不錯下次要試埋皇牌必點「神山的厚燒豚角煮」聽聞係入口即溶既口感😍

好耐無黎APM，呢日約左舊同事食晏，佢話想食沾麵，所以就黎左呢度~~~舊同事話呢度沾麵既麵比平日食到既特別，所以我都跟佢要左一份“神山沾汁麵”HKd$89+10%，之後我地各自要左一款小食share齊齊食~兩款小食先到場，分別係“和風醫油豚足肉煮”HKd$45+10%同“雙色牛舌”HKd$48+10%呢款豚足肉係凍食既，食落同中式既薰蹄有異曲同工之妙！！加上有清新既沙律菜伴旁，食落份外醒胃而雙色牛舌就係一舌兩食既凍食既伴以剛椒酸汁，熱食既汁醬濃郁，牛香較重：）之後兩份沾汁麵都一併黎到！！！肉脂相隔既五花豚肉鬆化不韌，豚脂融於口腔既邪惡感真係幾時都令人欲罷不能xpp舊同事講得無錯，呢度所用上既麵條的確係有別於平日所食到既拉麵呢度用既係粗身而帶有坑玟既麵條，彈性不俗而且格外掛湯，很對口味呢！！呢度既特飲亦唔貴，不論係我既巨峰椰果特飲定舊同事既蘋果口味都只係HKd$15+10%，解渴一流~~~走既時候仲留意到，app外賣會有獨家優惠，滿$100即減$30，下次有需要都可以考慮啵！

已經忘記咗幾多日無去過日本，喺呢個疫情之下，唯有以食日本菜嚟”思鄉”，今次就揀咗間沾麵嚟試，希望有一絲日本嘅感覺豚角神山沾汁麵 ($89)非常鍾意食粗嘅麵條，而呢間好有特色咁整咗孖麵條，以豚肉骨同魚介製成嘅沾汁掛喺麵條上非常濃郁可口，配上肉脂分明嘅燒豚角，難怪係招牌菜！白神山叉燒拉麵($78)豬骨湯底味濃，而且麵條都夠彈性，再配上必備嘅原隻溏心蛋，以呢個價錢嘅拉麵嚟講性價比頗高雙色牛舌($45)一款係醋醃，比較清新，另一款係以茄醬汁煮成，比較濃同惹味，牛舌本身都煮得好腍，不錯的小食之選

好耐冇去日本啦，好掛住日本嘅嘢食，尤其係拉麵，同朋友仔搵食搵到嚟APM，見到神山拉麵，好似好掂喎。好，坐低睇吓有咩好食先。神山沾汁麵，湯底用大量豚骨、豚肉、日本魚介，慢火熬製超過12小時，唔怪得咁濃郁。厚燒豚肉，表面燒到微焦，食落好香，中間間着脂肪，太好味了！拉麵都好有特色，獨特坑紋，放落湯度更加掛湯。唐揚雞塊，表面炸得非常香脆，上面係芥茉醬，裏面雞肉好滑。蘋果椰果特飲，裏面有粒粒椰果，甜得來又清爽。

一間點樣的餐廳令人回頭再食一間點樣的餐廳可以令人永遠black list神山拉麵的待客態度就可以令人火起永遠black list話說繁忙時間等位係好正常拿左籌就周圍行下行完一轉番黎已經叫緊號即刻上前問下叫幾多號出示籌號，侍應表示過左要重新排過，打算收番我之前張籌明明將籌寫過了5張先要重新排過岩岩先過左2，3張籌我詢問未過5張籌為何要重頭排過等十多張侍應黑面先話下張到我安排非常失當如果唔問又白等十多張規矩是貴公司訂，下面的人卻不執行😑😑😑😑入到去正常點餐，上菜時間都好快當埋單就火氣😡😡😡😡😡😡兩碗拉麵 $172.x，我比180蚊佢侍應睇都冇睇就收走五分鍾後，有個粉紅色口罩侍應走過黎大大聲講你比唔夠錢喎，你仲差錢完全o嘴，明明我等找錢變成差佢錢😱😱😱😡😡😡😡重點佢要勁大聲講，半間餐廳都望住我們當我表示我比左幾多張幾多錢佢都堅持話我差佢當佢話我張單18x仲差幾蚊我叫佢睇清楚，明明我張單先17x佢先勁細聲話睇睇屈人就勁大聲，當知自己錯就勁細聲😤😤😤仲要連say sorry都冇😡😡😡😡😡😡😡食物正正常常以同樣價錢大把拉麵店選擇無謂貼錢買難受又唔係特別好味仲要受氣