神山麺屋 (創紀之城五期(apm))

營業中

休息中

是日同屋企人一齊去APM行街，見有d餓，又好想食有湯既野～最後決定去食神山拉麵。我地3個人，各嗌一款咁可以試到3種唔同既拉麵啦。先講沾麵～湯汁夠濃，豚肉燒過夠晒香，仲有d甜甜地～唔錯～不過略嫌瘦肉部份鞋左d.黑蒜油豬骨湯底最好味，香濃又唔會過咸。但個2塊薄薄既叉燒就一般啦～而於紅色既辣湯拉麵，湯底無剛才色咁香濃，但豚肉真係一流～入口即溶～好吃！總括黎講係好食既，所以既麵都煮得岩岩好，唔會太淋太硬。溏心蛋熟左丁咁多，但味道十分好。有熱茶供應，但我個人偏好配冰凍既水多d🤣服務態度一般般啦，但如果想食拉麵既時候，我都係會再繼續幫襯既～

一行3人，等了大半個鐘頭位，不斷只叫2人位入坐，最後叫了我哋張飛，夾硬執3個個人吧枱，中間隔開晒隔板，又拎唔開隔板，收咗我哋張飛後先話無位只可坐吧枱，3人食變咗自己一個人食咁，但過了1分鐘後，我野食都未叫，佢已經有一張執好嘅4人坐卡位，俾後面既人入，之前唔係應該問咗我哋轉唔轉位先咩？！見到佢又執一張4人枱，就問定想轉枱，又話唔轉得，因為已經叫咗下一枱人入嚟，過咗2分鐘，又叫4個人入，既然已經知我想轉枱，而之前又呃我哋話除吧枱其他有排等，先要咗吧枱，要人哋一家人食嘢都坐得咁唔方便。最後仲要篤我個膊頭勁串咁話「無得轉枱喎！」 著紅衫個啊姐真係超級無禮貌！今餐真係貼錢買難受！

之前去过尖沙咀的神山面屋，感觉很好吃，这次来到观塘，发现这里也有神山面屋，于是毫不犹豫尝试，点了一份白神山叉烧拉面，和一份芝士炸鸡，拉面味道算是可以，不过感觉没有入味到值这个价格，芝士炸鸡翅味道不错，鸡翅外皮脆脆的，旁边还有不少蔬菜沙拉，他家会收餐品总价x10%的服务费。

super surprise!!好意外!!物超所值嘅細碗飯 一d都唔細份量可以將一個成年人餵飽㗎😉😉當然 主打都係食拉麵🍜先行入嚟「神山」嘅😚哩個拉麵都有性價比㗎套餐連嘢飲🧃如果驚驚哋唔夠飽

今天去觀塘行街，特意去一去新開的裕民坊商場，覺得場內很有趣，因為有復古元素令人懷念老香港🪖不過將重新安置的老鋪放在地庫市場比較不友善，未能將人流引入。同時巴士和小巴亦被商場圍住，在商場內設有候車位置，是炎熱天氣中的一項德政🥵 .走到有點累就轉去Apm吃午餐，轉了一圈後選了這間日本過江龍拉麵🍜源自東京主打濃湯系，適合我們一班重口味的朋友。店內裝修以簡約木系為主，加上黑色托盤有質感。供應食物除了拉麵沾麵外也有冷麵/飯類/小食等🥟 .⚫黑神山沾麵上檯後黑蒜味已經湧出來，加上粗身帶有坑紋的麵體有利掛汁，不過湯汁略嫌有點不夠熱，令暖意帶不動全身🥚蛋和荀乾帶點蒜油香氣，十分惹味。 🥓叉燒拉麵叉燒的油花不錯，不過偏薄沒有口感，而且感覺有點放久了，在豬骨湯底中有點提昇，在温熱的湯中的幼身拉麵迅速入口🍜 🥩豚角拉麵豚角煮的肥瘦適中，入口充滿濃香，是日式的東坡肉，經過醬汁燜煮後非常入味，是三碗中表現最好的😋

前幾日同老公去完觀塘整完野，去apm搵食乜好，丫，好耐未食過沾麵，就去神山啦等左一陣位就入得去，我揀豚角煮沾麵，老公揀咖喱牛肉拉麵，先試咖喱牛肉拉麵，麵質同牛肉都麻麻，麵質唔太彈牙，好一般而我既沾麵，麵質比較粗，好似兩條麵黏埋一齊，而最有驚喜係豚角煮，以為佢會黐牙但一咬落去係好鬆軟，好食😋真係估唔到，不過我地都係覺得試一次就夠了！

諗住呢間野唔係太多人等位試下食，點知食完心情勁差超差！😡首先拉麵既麵身就不是太好食，湯底勁油，係個糖心蛋好食啲，肉就好普通，完全沒好食的感覺。😪最令人心情惡劣就係呢間店既服務態度！可以用惡劣嚟形容！🤧落單時落單既人已經好差，問野又唔答，算！到埋單時話用唔到信用卡，問佢用八達通得唔得，佢話冇八達通，問佢用alipay得唔得，又話部機壞左，一定要俾cash！攪到整唔到免停車場！重點係答左三個問題後完全唔應你其他問題，黑口黑面咁！不知所謂！

疫情前成日見排長龍食唔到，後疫情再黎等位快左但都滿場，食左幾次，每次食完都想下次再食！😌食左幾次沾麵，屋企人話沾麵比較鹹，今次試下拉麵！好鍾意佢既湯底，明知肥唔可以飲咁多，但都係忍唔住飲左大半碗，加上麵質彈牙，有種喺日本食麵既感覺！加配優惠叫左芝士煎餃及巨峰提子特飲，今次煎餃多左好多芝士，啱晒芝士控！炒野菜話要等20分鐘，所以轉左和風萍果沙律。萍果爽口清甜，配火腿都幾好味，及加左少少粟米片及麥片，食落有口感！😌加埋個夠脆炸雞翼，飽晒，好滿足！😌

好久不見，但可惜的是水準似乎下降了。以往常點的蕃茄叉燒拉麵，已沒有以往般好吃。另一個以前常點的蘋果沙律，無論青瓜或蘋果都好像有點不夠新鮮。為什麼？至於同伴點的招牌神山豚肉沾麵，湯也不夠熱，不喜沾麵的我試了一口，可以話有點「難吃」。⋯至於最後上枱的炸春卷，也炸得不夠鬆脆。吃時竟然是「淋淋地」。有點兒令人失望呢⋯⋯希望下次改善。至於服務嘛，那位貌似經理的高大成熟先生，還有一位身材矮小的女服務員，一向都是「粗聲粗氣」的，倒也早習慣了。無奈地算是可以「接受」吧。（註：以前奉上的熱米茶，變成一壺自斟凍開水，節省成本之舉，也明白的）

痴線架！足料到一個點🤣🤣🤣次次黎都係食沾面，今次都唔例外，不過見佢新出左二人叉燒山⛰️決定試試新屎坑看圖說故事👇🏼叉燒名乎其實一座山咁高👅而且係用咗黑椒調味，好香，肥瘦均勻！山裡面係洋蔥、芽菜，而山底就係麵。講得係二人餐當然係分返開兩碗沾湯，裡面仲有清蔥，荀，半熟糖心蛋，同埋角粒豚肉😚😋😋湯底非常之濃郁而且好夠溫度，唔會話食兩啖個湯就開始凍。再配合埋個辣醬，真係非常重口味👍🏻今餐冇100分都有90分呀😻

【 拉麵夠彈牙出色 】🍜係APM同仔仔行完街，又到左晚餐時間，仔仔想食拉麵，我地就揀左「神山麵屋」，6點唔使等位就可以入座。🥚我同仔仔兩個點了一碗白神山豚肉片拉麵，湯底好厚身，偏稠身，唔會好咸，豚肉片好薄好滑，好有肉味。仲有粒勁好味的糖心蛋，拉麵還是要配糖心蛋先至完美。🧀也點了一份北海道流心芝士球，外脆內軟，一咬開芝士真係會流出嚟，好正！🥤另外惠顧任何麵類或飯類加$38，就可以有一碟芝士餃子，和一杯青檸梅子梳打，咁當然要加啦！芝士餃子面層有一整塊芝士，好正，但個餃子食落比較乾身，無咩肉汁，有小小失望。青檸梅子梳打好解渴，味道唔錯。

今次午餐係一個人的過江龍拉麵呢度提供拉麵或沾麵食法 黑神山拉麵 加招牌餃子 &特飲黑蒜湯底特濃香氣,入口帶點焦蒜香氣 湯底豚湯濃湯入口甘甜順口不油膩麵條係選用特粗既麵條,特別掛湯,濃香既湯汁滿滿掛上在彈牙爽口既麵條上十分滋味醬油蛋係溫泉蛋狀態流心質感 叉燒係選用肥瘦平均既豚肉 入口柔軟嫩滑肉味鮮甜份量相當大碗,相當有水準評分8/10消費$150觀塘觀塘道418號創紀之城五期(apm)2樓L21B號舖

面是相对较粗，且劲道爽滑的面，直径大约0.3-0.5cm。很适合喜欢吃硬面的人。这次尝试的是夏日限定山葵鸡肉冷面。沾面汤汁是凉的，质地很清澈，山葵味很足，吃着很凉爽。面的部分是配有鸡肉，腌黄瓜，水波蛋，蔬菜，且本身是淋有清新挂的酱汁，直接吃也没问题。套餐本身配有饮品，味道酸甜可口。推荐！！但是，招牌的神山沾面，面的分量有点少，不过配的肉倒是挺大两块

自問係個鐘意食拉麵/沾麵既人, 呢間店已經幫襯左幾次, 每次我都係食同一款麵. 原因係食過第一次之後覺得好食, 掛住佢既味道, 下次嚟又係食同一款麵.黑神山叉燒沾麵 (黑蒜豚骨湯底) 個人喜好, 我鐘意食黑色湯底既拉麵/沾麵, 無論係墨魚汁定係黑蒜湯底, 我都鐘意點嚟試一試.第一次嚟到呢間店, 食左黑蒜豚骨湯底既黑神山叉燒沾麵就鐘意左, 湯底好濃. 我先將肉同埋蛋放去麵既碗, 然後我習慣性將每一口要食既麵去點汁然後食. 味道好好, 蛋好流心. 下次去, 我諗我既選擇依然係同一款麵 

一向中意食沾麵嘅我嚟到 apm 當然要試吓呢間神山麵屋啦～打開menu 就叫咗第一頁嘅神山沾汁麵，再加咗$38 配埋個芝士餃士同青檸梅子梳打因為當時仲未夠12 點，入座人數唔多，所以野食都好快嚟到首先講下個沾麵先，麵質唔錯而且都幾爽口，湯底就比我平時食開嘅味道甜咗少少同稀咗啲，攪到啲麵條唔係好掛到湯😅但好彩沾面舊腩肉加番唔少分，一上枱就聞到好香嘅燒肉味，肥瘦適中又稔身，堅正😋至於個餃子都係一般水準，不過不失，另外杯青檸梅子梳打就真係麻麻，完全飲唔到青檸味，粒梅仲幾咸添，所以下次可以淨係食沾麵，唔使跟餐😂