磯野水產

營業中

休息中

真的不能不寫，已叫最貴嗰個餐，有壽司、有魚生、有龍蝦、有鮑魚、有牛扒. 但食得超不開心. 一. 話可以下載個app有優惠, 之後又話系統問題跟進,個supervisor跟進咗十幾分鐘,又冇返嚟回覆結果,追咗兩三次，話個系統仍有問題,最後冇優惠. 二. 隻一開兩邊嘅龍蝦嚟後,第一啖咬落去已中伏,“妹妹”哋. 叫佢睇睇,兩三個人行埋嚟,都係“話“應該唔會“妹”同唔會唔熟. 冇辦法,我就叫佢再燒熟啲,佢又話多汁在表面,再燒好易窿. 攞兩邊去燒,最後淨返一邊回來,最後又搵咗十幾分鐘先搵得番遺失未燒嘅另一邊,我真係驚佢垃圾桶攞出來洗完重燒.我最後都冇食這半邊. 三. 原來一坐低會有前菜, 我冇嗌（以為係送）,最後張單收咗我70蚊）總結：服務唔掂. 食物質素一般. 前菜安排呃錢.

唔使book位假日衝上去都有位lucky2個女仔叫左個炸蝦天婦羅，海膽炒飯，甲羅燒同芝士年糕。埋單590蚊～最好味係268蚊既海膽炒飯，雖然海膽又唔算多不過成個炒飯真係yummy yummy好想再叫多個黎食。炸蝦天婦羅98蚊有3隻，唔算好油，皮薄脆肉厚Juicy!!唔錯！而最普通係甲羅燒，就係咁無乜特別。

海鮮原來譏機也很好吃。 先來一柸 葡萄甜酒葡萄甜味蓋過咗酒味，甜甜地，幾得意，好易入口。 再來 八點刺身非常新鮮 。 三文魚 厚切。 Uni 鮮甜， 沒有苦澀味。 賓燒鮑魚配柚子胡椒醬柚子胡椒醬帶出鮑魚鮮味，非常煙韌新鮮， juicy. 牡丹蝦刺身的蝦頭可以選脆炸蝦頭 或者湯炸得香脆鹽燒白鱔 份量多， 厚厚的， 油香重。 鹽燒牛小排配芥末味增醬 ( 小辣）很好吃， 有牛味， 又軟綿。 大蝦味增燒用咗麵豉醬加蝦頭的膏來燒今天最好吃的一道菜。 非常鮮味， 蝦肉甜而彈。

大阪居洒屋之旅～ 這裡很有日式居洒屋 feel... 十分有氣氛 有很多磯燒選擇， 而且喺面前燒， 聞到香噴噴，流口水🤤。 前菜～ 提魚醬沙律 ～ 用沙甸魚同多春魚做嘅醬 配搭青瓜生菜紅蘿蔔條提魚醬用火燒住，暖暖哋，香濃鹹香味 。 用嚟佐酒一流。 磯燒海鮮非常新鮮， 鮑魚黎到仲係郁的。 甲羅燒 配青瓜及梳打餅好香 好香 一定要趁熱食。 超多蟹膏，配搭梳打餅食就冇咁膩啦。 香燒從葉蟹腳蟹肉好多，香甜。 火炙吞拿魚腩壽司 ～ 超級軟綿綿，入口即溶， 油香四溢 。

最近同客倾完了个大Project, 便同老婆吃这间庆祝下。先叫了支Sake文佳人(其实是餐厅介绍)$238，带甜，好易入口，我们都好钟意，好好饮。加上餐厅用冰筒keep冻，大热天时真系好正。海鲜叫了依佐目刺身$488和生蚝两只共$188。依佐目刺身厨师做了薄切和厚切，好鲜味又食到两种口感。厨师跟着把切身余下的鱼头和骨炸了，哗，好香口好脆，正呀。生蚝够大只，是西班牙蚝和日本蚝，好creamy，好味。另外点了两只文蛤蚬浜烧共$176。蚬大大只，蚬肉超多，鲜甜，肉超嫩，未食过咁好食，Like。甲罗烧当然不可少$88，蟹膏超正的味道配饼干和青瓜片一向都是一流。今次试了海胆忌廉饼，两件$88。炸片够薄，香口。忌廉海胆好多，好creamy，是另一种海胆的食法，不错。最后叫了盐烧油甘鱼鲛$248。好脆好香口好juice。啖啖鱼油的甘香而且肉又多又大件，抵食。超满足。

餐廳的位置很方便，離地鐵站很近。食物種類好齊全，刺身、卷物、燒物、炸物、炒野菜、刺身丼等等，應有盡有。來到叫兩三款，配個清酒，就已經很滿足。前菜是餐廳自制的鯷魚醬，味道香濃，配上蘿蔔和青瓜等配菜就剛好，爽口開胃。好食到一滴不留。刺身拼盤超超超超級肥美，吞拿魚入口即溶，帶子超級新鮮。海膽忌廉餅好熱和‘流心’，海膽加忌廉很有新鮮感。唐揚牛蒡十級推介，送酒一流。厚切牛舌牛舌很厚，很有牛味。鹽燒油甘魚鮫好重魚香味，與酸汁很配。雜錦天富羅好多款式，相當不俗。蟹膏海膽炒飯超多新鮮海膽，仲有蟹肉、蟹子。

磯野水產今日為咗賀老公係咁難能可貴的疫情日子升職，我哋揀咗一間好正嘅日式燒海鮮餐廳慶祝。前菜蔬菜條配鯷魚醬，好惹味😋😋伊左目刺身配炸魚骨廚師好有心思，把刺身切成厚薄兩種，各有滋味，由於配酸汁，所以我較喜歡薄切，魚肉爽脆，新鮮感十足。我特別欣賞佢炸咗啲魚骨，本來諗住冇咩好食，點知真係出奇地脆口和入味，究竟係咩原因呢？ ！可能係啲炸醬特別正😋😋😋時令活蠔刺身兩隻蠔都係大大隻，一隻係用檸檬配嘅西班牙🇪🇸蠔，另一隻係和風口味嘅日本🇯🇵蠔，兩隻都好好味😋蛤蜆兵燒燒到收乾晒水份，但蜆身仍然保持住新鮮同埋飽滿嘅水分，食落好鮮甜，有一種回味嘅感覺。正😍文佳人純米吟釀呢隻酒真係好香，好鍾意飲，如果唔係要揸車我一定會飲半支。仲可以揀酒杯🍸壽司盛盒八款款款都好正，我最鍾意係肥美嘅赤蝦壽司🍣鹽燒油甘魚鮫好肥美，呢間燒物真係好一流，燒到啲魚皮脆脆口，但魚肉仍然鮮嫩多汁，配合酸汁，真係一流。味噌甲羅燒呢個一路食一路停唔到口，但一路好有罪惡感，整隻都係蟹膏，膽固醇好勁，但係真係停唔到口，好味到暈🤪🤪🤪海膽忌廉餅海膽食得多，今日試咗新出嘅海膽忌廉餅，裏面嘅海膽就好似流心蛋黃一樣流出來，新鮮好味，外面嘅炸餅又係好脆，加

鯷魚呢個係餐廳自家製醬汁，少少鹹味同鮮味，配搭比較清新既梨、紅蘿蔔同埋青瓜互相襯托更加帶出醬汁味道刺身盛合全部都係廚師精選時令魚生吞拿魚想不到咁厚切，好肥美，完全入口即溶海膽忌廉餅第一次食，海膽味重鹽燒牛舌串串燒必叫，每一串有兩大塊，每塊都厚切，加左少少黑椒同埋鹽去調味，如果想食濃味d可以加埋芥末鹽燒油甘魚鮫燒到外脆內軟，燒完之後完全將魚油鎖住喺魚肉裡面，令魚肉保持嫩滑什雜天婦羅蝦天婦羅好大隻，咬落爽口款式好多，有蝦、冬菇、茄子和番薯值得一讚個湯加蘿蔔蓉仲係熱辣辣，天婦羅點落去都唔會變凍蟹膏海膽炒飯海膽係完整三件，大滿足😋

受疫情影響已經超過一年沒有到日本旅行，位於銅鑼灣的澳門逸園中心向來是個美食集中地，當中尤其是以日本菜選擇最為繁多，居酒屋、鐵板燒、壽司等都一應俱全，而磯野水產正是唯一一間浜燒餐廳，慶幸在香港仍可以一嚐浜燒滋味以解思愁。野菜條沙律伴鯷魚醬 ($34) 以細火保持溫熱，鯷魚醬鹹鮮濃厚配以爽脆的紅蘿蔔及青瓜條份外清新。磯野壽司盛合 ($328) 包括海膽、磯煮鮑魚、吞拿魚、黑松露帶子、赤蝦、三文魚及兩款時令壽司，而當日則為八爪魚及左口魚壽司，賣相實在精緻得有如懷石料理一樣，水準平均而個人最喜愛黑松露帶子及左口魚壽司，後者經炙燒過逼出魚油入口即化。坊間一般吉列帶子其實只是以魚漿為主要材料的仿帶子，與這份吉列太子貝 ($88) 絕不能相提並論，外層香脆而帶子保持鮮美多汁。除了單點浜燒海鮮外亦有一系列豐富盛盒，磯燒浜燒貝類盛盒 ($788)包括時令貝、鮑魚、文蛤各兩隻以及一隻北寄貝。海鮮會有專人幫忙燒製確保恰到好處，每款貝類粒粒肉厚飽滿，完全毋須多加調味修飾，原汁原味盡顯鮮甜。浜燒與清酒向來是天作之合，這裡就連入選為 日本航空頭等艙用酒的石鎚純米大吟釀 ($720) 亦有供應，愛酒之人不容錯過。另

暫時不能去旅行，囡囡就帶媽媽食一頓日本餐，以止旅行癮，餐廳裝修很有日本居酒屋的風味。前菜：野菜條沙拉伴鯷魚醬醬以微火一直保持溫度，野菜條十分新鮮，配上還有微溫的醬汁，突出了醬汁的鮮味，完全一點腥味都沒有，非常開胃，讓人一條接一條。赤貝刺身囡囡喜歡吃赤貝，所以就叫了一試，赤貝非常鮮甜，新鮮，沒有腥味。牡丹蝦刺身牡丹蝦非常大隻，這裏的特色，除了能吃蝦身外，店員還會貼心地問我們可以把蝦頭炸一炸，也能吃。我們當然一試，即炸的蝦頭熱辣辣，脆卜卜，非常適合配上酒。燒和牛作為和肉的粉絲，當然要叫一客和牛鋤燒，師傅控制火候剛剛好，和牛不會過老，燒得剛剛好，鎖住肉汁，入口融化，肉味濃。鱈場蟹腳兵燒店員把原隻蟹腳給我們拍照後，就給師傅去燒，師傅的爐就在餐廳的正中央，讓客人可以看著師傅的製作一邊等待。師傅沒有加上太多的調味，我們配上蟹醋，帶出蟹肉的鮮甜，燒的方法沒有帶走蟹肉的水分。這頓飯令人有置身日本居酒屋的感覺，一解思鄉情懷。

陪老婆行完隔離sogo，揀左呢間主打食海鮮既日式餐廳同其他日式居酒屋一樣，落完單會上前菜，雜菜條配鯷魚醬，青瓜紅蘿蔔沙角等切成條，蘸上微鹹既醬食，幾新穎叫左杯巨峰果味汽酒，巨峰提子香氣好濃，唔似飲梗酒，反而京姬柚子檸檬酒嘅酒味會出d，但又有微酸果味，唔經唔覺就會飲哂一杯蟹籽青蘋果沙律好開胃，酸酸甜甜侍應比我哋睇下一陣會食既赤鯥魚，魚身鱗片閃令令，好新鮮甘磯野壽司盛盒八款，有黑松露帆立貝、海膽、赤蝦、三文魚、磯煮鮑魚、八爪魚、平目魚、吞拿魚同芥末酸薑，帆立貝好大粒又鮮甜，黑松露味好出，平目魚有咬口白蜆湯好味，鹹鮮味好出，蜆肉無沙脹卜卜鹽燒牛舌串，牛舌係厚切每串有2大舊，好香牛肉油脂味汁煮赤鯥係呢餐最好食，微甜嘅醬汁襯托下，魚肉鮮嫩味美

見OpenRice 做梗晚市720ml清酒買一送一優惠超級抵，吸引左嚟食飯🌟前菜 $34以蔬菜條配鯷魚醬，個醬係用沙丁魚同多春魚混合整成，微咸帶鮮，蘸蔬菜🥬啱啱好🌟青蘋果沙律🥗 $88蟹籽均勻鋪滿，有幾粒蕃茄仔，青蘋果🍏絲切到好幼，加上適量沙律醬，微酸帶甜好開胃另外會將海產烹調前，比客人過目左先，證明係新鮮貨先拎去煮架🌟 磯野壽司盛盒8款 $328用木盒裝盤好有儀式甘，有平目魚、吞拿魚、海膽、赤蝦、三文魚、磯煮鮑魚、八爪魚、黑松露帆立貝，件件都好新鮮好味，尤其係海膽，一食就知係日本貨，鮮甜到呢☺️🌟汁煮赤鯥 $880呢隻魚係同喜知次齊名架，之前食過一次剌身，今次試下煮熟嚟食，個汁甜甜地，魚肉鮮嫩，好味😋

夜晚放工食咩好？同朋友都好鐘意食海鮮🦞 於是就簡咗喺銅鑼灣嘅磯野水產🍶🥗前菜 ($34)除咗有蔬菜之外，配埋蟹膏醬，感覺好Fresh又開胃❣️🦞活龍蝦兵燒($588)哇哇哇😍 我最期待嘅龍蝦🦞 見住廚師喺魚缸新鮮揀咗隻龍蝦出嚟，新鮮龍蝦果然係鮮甜啲❤️ 開半同朋友一人一半啱啱好～ 真係回味無窮🤤🐟平目魚薄切刺身 ($268)平目魚加上少少三文魚子，沾上柚子醋，令到刺身更加鮮味😚 平時好少咁食，估唔到都幾好味✨🍤什錦天婦羅 ($128)有蝦，青瓜，番薯同冬菇天婦羅～ 新鮮炸起脆卜卜咁好正✨🐮鹽燒牛小排 ($228)🍄鋤燒黑松露牛油雜菌 ($98)除咗海鮮都叫咗兩個菜，兩個都同樣出色架～

又思鄉病發作，皆因每次去日本都一定會食磯燒浜燒，「磯」係指岩岸，「浜」係指海岸，磯燒同浜燒就係指在岸邊搭起小爐，海鮮即捕即燒，食佢最新鮮的味道，亦都係日本其中一樣既傳統飲食文化餐廳位置相當方便，就係sogo隔離，地方唔算好大，浜燒既食材都會交由師傅係餐廳既中間位即叫即燒，唔洗自己燒我就覺得無咁好玩，無咁似係日本，但師傅燒就唔洗驚燒燶，有好有唔好啦😛磯野活魚海鮮盛合喜之次x1、松葉蟹腳x1、響螺x1、帶子x2、鮑魚x2 & 赤蝦x2喜之次：油脂豐富，鹽燒後外皮香脆，肉質亦然保持嫩滑，好好食松葉蟹腳：新鮮啖啖肉，入口唔算咸，但我就鍾意再燒燶d，乾身d，食落會更香更好美味蟹粥：+$100既蟹粥真係物超所值，成碗都好綿，蟹肉亦都唔少，鮮味無窮響螺：好大隻呀，螺肉爽口彈牙又鮮甜帶子：1隻刺身，鮮甜無比，1隻浜燒，燒後帶子都仲係好鮮鮑魚：磯煮鮑魚用上醬汁，昆布慢火去炆，煙韌彈牙好入味，好好食赤蝦：2隻刺身上，新鮮又爽甜浜燒盛合二人前虎蝦、鮑魚、時令蠔x2 & 時令貝 x2虎蝦：蝦殼燒到外脆，燒既時間岩岩好，唔會過老，新鮮好味鮑魚：鮑魚微微帶燶，食落有少少脆口但肉質依然彈牙時令蠔：一d都唔腥，又ju

今天難得放假，當然要和朋友放肆豪吃一頓。我們預早預約了這間餐廳，同時都預約了季節限定的鯛魚白子及岩手縣生蠔。朋友還未到，就先叫了一支清酒，邊飲邊等，非常適合聊天的地方。提早預約的岩手縣生蠔，鮮甜無比，飽滿大隻，超級新鮮，一隻配上檸檬，一隻配上酸汁，兩種食法，都帶出了豪的鮮味。火炙刺身沙律，大愛火炙的我，刺身新鮮，厚肉，沙律菜非常新鮮，獨特的醬汁，令人一口接一口，非常開胃，更令從不愛吃沙律的朋友吃不停。酸酢汁鯛魚白子 季節性才有的鯛魚白子這個時候才有的，幸好預訂了，才能一嚐這個季節性的産物。白子配上特調的醬汁，在口內融化的感覺，很特別。牡丹蝦刺身特別愛吃蝦的我，必叫的，刺身非常新鮮，大隻厚肉的牡丹蝦，因為新鮮，所以沒有任何腥味。時令吉列太子貝太子貝類似帶子，炸粉不會太厚，剛剛好包裹著太子貝，熱辣辣，炸得剛剛好，太子貝不會咬不開，黏牙。岩手縣和牛鋤燒鐵板上的和牛，師傅把牛肉的熟度拿捏得剛剛好，不是全熟，不會過老，入口即融化，不用太多的調味就已經能帶出和牛的濃濃肉味。非常滿足的一頓，要求高的朋友都說下次要再來。