真心泰國菜館 (已結業)

今天突然很想食泰菜，下班時約了同事到旺角附近的 "真心泰國菜館" 晚餐。有善的店員安排了靠窗座位給我們，地方清潔衛生，而且天花用了很多泰式雨傘作裝飾，很有藝術氣質！👍🏻泰式龍眼冰冰凍泰式龍眼冰，大大粒龍眼肉，爽口味美，飲落透心涼，但味道稍甜了一些！泰式炒通菜蒜香味濃厚的通菜，烹調時間剛好，我保留通菜的翠綠色，樣子相當吸引！冬陰公酸酸辣辣開胃惹味，用正規冬陰公材料，泰式香配料、菇菌、鮮蝦、香茅煲製而成！咖喱豬肉片（黃咖喱）重椰汁味的咖哩，新鮮青、紅、辣椒和豬肉片，各式配合得剛好！ 這咖哩我個人喜歡加上白飯配吃更有風味。😋四式拼盤炸魚餅、炸雞翼、炸春卷、炸蝦餅，各有特色！滿足滿足，和同事聊天時間過得超快，又係時候講 bye bye.

係朗豪坊行完街落到去見到有間泰國菜就上黎試下禁岩撞正下午茶，見佢餐牌都係$38 $28 價錢都幾抵，但就唔知味道如何我叫左個海南雞飯，味道唔錯，但雞胸多，因為本人喜歡食脾。但醬汁好味。叫左杯椰汁都係加$2，埋單都係$40，會再黎食呀。

小弟一生人裹面 雖然我食過唔小難食既野  就算d野難食 我最多都係同自己講以後唔再食 小弟從未試過寫任何食評 估唔到 呢間野竟然可以逼使我寫人生中第一次既食評 我完全唔明白 點解可以咁x難食 我叫左個外賣自取通菜拼泰式豬頸肉飯跟凍奶茶 $75 老實講其實MK都有唔小泰式既餐廳 以價錢泥講75蚊一定唔算係平 但係本身我自己屬於比較為食既人 所以我打電話去真心泰聽到$75蚊我都二話不說即刻落單 當我比埋錢拎埋外賣返到去打開盒野 翻匀成盒野 得果4片2mm厚既豬頸肉咁x大把 查實以份量上泥講已經好x離譜 仲要係好x好x好x難食 完全係難食到用粗口都形容唔到 係我成世人入面食過最x難食既豬頸肉 唔係講笑 我完全理解唔到 點解可以咁難食 雖則我唔識整野食 但係豬頸肉呢樣野 根本係無可能會整到難食 唔理你係咪泰式 什至係唔識整都好 點樣差極都好 極其量都係唔算好食 差極都唔會話去到難食 事實上 小弟都幾鍾意食泰國野 而且都算食過好多間泰國餐廳 特別以泰國菜泥講 就算間野以前未食過 唔知人地有咩好食  第一次去食 唔知應該叫咩餸都好 豬頸肉呢種食材一定算係好穩陣既菜式 同地區泥計 佢價錢已經唔算平

第一次去食係同事帶我去食，結果一食滋味上心頭。在旺角朗豪坊一帶來說，大約＄45港幣就有一啲滿滿材料的泰式炒飯實在得來不易。而且味道亦很好。它的味道好在真材實料，以泰式芒果蟹肉炒飯為例，當中真的有不少蟹肉和香芒。雖然沒有午飯或晚飯套餐，但是飯後必奉上的泰式甜品，也算是一種套餐吧？

晚餐時段唔使等位都有啲出奇，入到去半場都唔滿都知伏架喇，但係冇諗過泰菜可以咁伏！先來個火車炒飯，上到來得洋葱、蕃茄、菜心同幾塊豬肉炒。啲菜心苦嘅！另外嗌左青咖喱雞，鹽燒魚，後加左個金邊粉。點解後加呢，因為碟飯啲洋葱仲多個飯都唔飽！青咖喱雞得四粒雞肉其餘係豆同茄子，個味ok但係啲豆又係苦嘅……金邊粉同鹽燒魚就有返泰菜水準，金邊粉夠味同配料剛好，魚就燒得唔會太乾身仲有魚汁。

今天為食到旺角、這區很多好食菜館的、去年嘗到一家很好味很地道的泰菜、今次想再去寻回那種味觉啦~但沒找到、可能沒經營了吧、於是入了這間試試……但可惜令我太失望了！😞😢

真心泰國菜的名字，我一直覺得它是隱晦著想客人有真心好吃的感覺意味。上一次吃好像是大約一年前，在女人街那間分店，裡面我侍應都是泰國人，而且還有個美麗的 lady-boy 坐陣。還記得那次我老是想接觸那 lady-boy。今次再度來到真心泰國菜也是偶然，想起在曼谷之行並沒有嚐到一餐正宗又和味的泰菜，那就倒不如在香港吃回吧。離開朗豪坊，抬頭看便看見你。位於樓上舖的泰國餐廳，大堂環境真的不討好，峽窄又多人排隊。一出 lift 門下午茶的餐牌就映入眼簾，全部都是 $28 起。進去後，發覺這間分店與女人街店的裝潢也相像，但卻寬敞得多，餐桌和椅子都不再是排得密密麻麻，終於找回了空間感。而下午茶的餐牌種類更是多不勝數，有泰式粉面、炒粉、海南雞飯、咖哩雜綿飯。以下午茶餐來說，選擇真的算是全面。套餐還包飲料和甜品。回到香港後，一直想念水門海南雞飯的我按捺不住要嚐嚐這裡的海南雞飯，配上泰式奶茶。雞飯來了，看著覺得還是像樣的，但醬料是不太好吃的那種辣醬，比較重口味。雞還是新鮮，沒有骨而且是滑溜的，一口飯加上一口雞再沾上重口味醬，還是頗滋味的。唯一不足就是雞油飯太硬，水門雞的飯暫時真是無敵的。而奶茶的味道就如我

呢間泰國餐廳係之前喺旺角返工嘅時候一路都好鐘意食嘅泰國菜。佢係真•泰國人開嘅（個老闆仲幾靚添😉）所以啲菜式都幾正宗，仲有好多選擇，味道仲唔錯添。我最鐘意食就係呢個雜錦咖哩飯（好麻甩🙄），我覺得通常都係男人先鐘意嗌雜錦嘅野食😂，但係我又好鐘意食雞扒、腸仔、薯仔⋯所以每次都忍唔住嗌佢嚟食。佢啲咖哩汁係甜甜地嘅，味道唔係好辣（只限呢味，因為我食過其他咖哩炒飯都幾辣😂不過都正架）仲有咖哩中最重要嘅薯仔，軟硬度岩岩好，成個飯都好得我鐘意啊😍😍Lunch set仲送埋個甜品（通常都係糖水）我就厭佢太甜，唔係好岩我口味喇⋯

今晚放工後，約左朋友係一間環境唔錯既泰國餐廳食飯，一到去侍應好有禮貌咁招呼我地。我地點左泰式雞肉炒河粉。 河粉賣相雖然不算吸引，河粉暗金黃色，但聞到好香既沙爹味同少少蛋香味，應該落左沙爹汁炒乾身，而雞肉切得頗為細塊，好容易夾。   味道方面，雞肉味濃又嫩滑，沙爹汁夠香。河粉爽滑彈牙又唔易碎，加埋有幾塊青椒及辣椒，有少許辣，可能本人不是好辣之人吧。   整體上都算唔錯，食得過既

今天星期六上半天班，12點30分下班後和男友去這間真心泰國菜吃午餐。我們叫了泰式雞肉炒飯，泰式豬頸肉撈麵和酥炒軟殼蟹。飲品叫了青檸檸檬茶。泰式雞肉炒飯方面，雞肉雖然多，不過有雪藏味，炒飯有點濕，但味道都不至於難吃。泰式豬頸肉撈麵方面，豬頸肉十分少，只得2-3片，而且肉質一般，味道有點差。不過撈麵味道不錯，酸酸甜甜。酥炸軟殼蟹方面，軟殼蟹是即炸的，十分脆口，味道不錯。不過份量太小，只得一隻，但價錢又不便宜。青檸檸檬茶方面，用青檸沖檸檬茶十分難喝，味道十分怪，又不甜又不酸。價錢方面，泰式雞肉炒飯$52，豬頸肉撈麵$52，酥炸軟殼蟹$76，青檸檸檬茶跟餐免費，檸七加$2，2人總共吃了$182。總結來說，這間餐廳食品味道一般，中規中矩。

侍應姐姐全部都係泰國人，個裝修又好有泰國feel下午茶set$28 有泰式湯河，飲品連泰式甜品泰式生牛肉湯河生牛肉浸落d湯到生熟岩岩好因為係濃湯所以好入味但肥肉多左d 秘製鴨絲湯河鴨肉唔肥而且好入味但唔夠嫰滑，不過味道好夠，河粉食落好爽口不過湯比較濃味，叫左個椰汁冰，但因為湯太濃味變左飲落個椰子冰有d淡

身在旺角，早兩日係曼谷返黎，心郁郁想食泰國野，由於選擇不多，來了這以前曾光顧的餐廳。門面依舊，餐牌沒什大改變，首先試了泰式紅火炒通菜，通菜老左少許，火喉控制上有點過火，滿口辣油而偏鹹。泰式炒貴习，有少少濕，質地偏淋，蝦球overcooked.最後菠蘿炒飯，賣相正常，蝦球數量少，無乜菠蘿味道，開心果就多，飯質唔夠乾身，飯有點硬。同以前比較而家真係無咩進步，俗語話不進則退，真心希望佢地質素改善。

失望，本身同朋友好開心食泰國菜。點知失望而回。唔開心左成日。D 飯好硬，餸好少。見到有人叫走冰，點知得翻半杯野飲。真係o 左。甜品竟然係綠豆沙，我以為去左茶樓，飲緊茶。唯一有水準係河粉。

晚飯時間，走到朗豪坊附近見到呢間泰國菜館就試下入到去燈光都ok叫左兩個個飯，每個飯送一杯飲品同一件甜品話就話檬粉，實質好似米線青咖哩海鮮炒飯，呢個好食甜品有大菜糕同椰汁糕飯品就叫左龍眼冰同三色冰呢兩個冇乜特別

星期日下午1330到，得小貓三四隻，完全不用等位。全部炒粉麵飯都送甜品及一杯29元以下的飲品。香葉肉碎飯加蛋：頭一兩啖很野味很香口，但食多兩啖已覺太濃味了，有小許辣，可能加了太多豉油、香料及切粒的蒜頭去炒，蛋黃已全熟，如能做到半生熟更好。鴨𢇁扎肉撈麵：3個字--咸、肥、亂！汁-咸、鴨-肥、味-亂！中式麵配肥鴨加扎肉，完全不夾，最重要係咸，不吃也吧！PS：配一碗蘿蔔清湯 （好在這湯不咸）甜品：椰汁糕超爽，一個字- 怪飲品：椰汁細柸及淡！ （唔知散叫是否都係咁細柸）總結：如果要求不高及趕時間，這裡可以一試。