真心泰國菜館 (已結業)

經過見到樓上2樓有間泰國菜，就走上去試下啦Special Lunch set除左呢幾款食物，其實仲有好多其他野揀，係我無影到姐，飯啊炒河啊湯河粉啊，基本上平時泰國菜食開果d 都有飲品選擇都幾多下，最重要係lunch 食既話加幾蚊就有得飲，抵啊好似呢個 pad thai ($5x~唔記得確實係幾多），都係可以揀，仲可以加錢加飲品個pad thai 幾好味，酸酸甜甜好開胃，入面仲有4隻大蝦添加$10 飲菠蘿紅毛丹青檸梳打

位置喺朗豪坊附近，大廈門口喺山東街，上2/F。好容易會miss 左。泰式炸蝦餅 $68有四件，蝦肉彈牙，點泰式酸甜醬，如果炸得再脆d 會更好。泰式炒貴刁 $52兩個人share 都好夠食，pad thai 醬酸酸地好開胃。有四隻爽口嘅蝦，少量豆腐乾，花生碎粒，有獲氣，好滿意。馬拉盞通菜併豬頸肉 配白飯 $52馬拉盞通菜咸香好濃味送飯最啱，豬頸肉份量都幾多，如果滑d爽d 會更美味。青檸咸檸梳打 加$10任何粉麵可跟餐，特飲加十蚊好抵，我個咸檸青檸梳打有加七喜。菠蘿紅毛丹冰 加$10紅毛丹好滑，清甜。抵食午餐可再encore。仲送甜品香芋西米露。

今日想食泰國菜，去左位於朗豪坊隔離，朗晴軒2樓一間裝修有特式泰國菜。講真睇餐牌不算太平，不過位於旺角鋪租貴都合理。我又相信食物質數不錯。首先一定每人order 杯drink 先，天氣又悶熱。女友叫了龍眼冰，嘩好多龍眼呀而且不算甜。我要杯咸檸檬梳打水，佢好大杯，不係飲二啖就無，不錯。媽媽愛甜飲品，誠意推介三色冰，有紅毛丹果肉、菠蘿肉、珍多條加入椰漿。她話好吃。除此之外仲點海南雞飯，真的好大碟，足夠三個人食。雞肉幼滑再加個自家配製海藍雞汁一流。雞飯加上雞油飯粒𦁤𦁤地有有咬感。炸蝦餅我之愛，蝦餅有蝦肉而且件數多，貴少少都值得。最好是他們新鮮熱辣送到客人面前，特別覺得佢好食。另一款是母親最愛的泰國小食柚子沙律，她平常都是食酸辣雞腳，所以覺得這碟餸配搭好新奇，椰絲、柚子、蝦同札肉配搭是如何合拍。幾乎全碟都是她食晒。我相信下次佢都會點這個餸。原以為這樣就完成晚餐，餐廳免費送上今日甜品椰汁西米糕。就連最怕甜的女友都話好吃。

我未來奶奶最鍾意食泰國菜，可是不喜歡去太遠。近近地旺角一帶就最好。我係OpenRice 搵到一間有分店泰國菜館，裝修佈置都好雅致又係佢鍾意屋企附近。 門口已有公仔歡迎你好（sa-wad-dee)奶奶好鐘意天花頂用遮做佈置，好似她鄉下越南喜興事同樣這樣裝置。歺廳好胋心有推出一人餐，令一個人上來用膳都享有優惠價格食到高質食品。男友之愛的泰式炸蝦餅，熱烘烘，啖啖蝦肉加埋泰式辣醬好好食。一碟有8粒，一班朋友share 都非常開心。因為我男友愛飲凍飲，蝦餅送一流。柚子蝦沙津，除了柚子同蝦仲有扎肉，奶奶好鍾意這碟餸。酸酸甜甜再加上椰絲碎好美味鴨絲撈麵，有大量鴨絲加芽菜撈仲有一碗湯伴食。愛吃鴨一定好鍾意。之後佢送甜品比我三人吃。送都算不錯。

天氣非常炎熱, 口淡淡想食D濃味野,lunch黎左食泰國菜,廢事等lift, 行上2樓仲快餐廳好有泰國風,好似去左泰國咁店員係泰國人中午有套餐揀,配糖水同野飲,有D野飲要加錢,凍飲加兩蚊我點左椰汁綠豆冰+$10,清熱氣,原來今日糖水係綠豆沙,店員好細心,問我要唔要改仲叫左個生蝦,個汁唔太辣,生蝦夠哂凍, 消暑一流生蝦大隻,食落好有口感朋友飲菠蘿紅毛丹冰+$5紅毛丹入面塞住舊菠蘿喇沙雞絲米粉有D花生碎,增加口感,米粉吸哂D汁,好惹味, 好多雞絲青咖哩米線,好多雞,青咖哩甜甜地, 米線好滑糖水綠豆沙好清甜

食盡旺角篇•真心泰國菜館一直都是午餐的常客，雞絲湯河、冬蔭公湯河、火車頭炒河、香辣海鮮炒飯，全部都是我喜歡的。今天推介-乾炒海鮮河粉（$52）本身聽個名覺得平平無奇，但一上枱看到竟然是極粗河粉！食之前撒上橙紅辣粉，非常棒。河粉屬油膩、難炒系列，但廚師可以以少油的方式熱炒，功力十足！另一款推介-香辣海鮮炒飯辣度夠，炒飯顆粒分明，以香葉混雜而炒，泰式味道出曬黎。但近4次食都偏油，食到最後看到那些橙色的油，感覺好油膩

早排行去朗豪坊附近見到有幢食廈在戲院旁，於是去睇下有咩餐廳，發現有間泰國菜館，就決定上去試下。餐廳環境簡單潔淨，裝修好有泰國feel,而且店內大部份員工都是泰國人。餐牌選擇多，我地各自揀咗2個午餐+2份小食。秘製雞絲湯河湯底有濃濃嘅雞味，雞絲肉質嫩滑，而河粉又好滑嘟嘟，好好味啊！秘製鴨絲湯河鴨湯湯頭香濃只是味道比較鹹，可以多加留意，而鴨肉鮮嫩，河粉仲非常掛湯。泰式炸蝦餅（4件）全部即叫即炸，外皮金黃香脆，蝦肉爽口彈牙泰式炸春卷（3pcs)餡料有粉絲肉碎，外皮脆卜卜，內裏爽口又惹味。最開心午餐竟然有配甜品，仲要係我最愛嘅椰汁西米糕-西米糕細細件，面層椰汁香滑濃郁，只可惜每人得一件，真係好唔夠喉呢！

旺角的泰國餐館選擇不多, 每次我都只會去真心因為食物質素的確有水準, 可惜價格略高今晚與舊同事聚舊, 決定食泰國菜, 太好了反正我很久未來真心適逢平日又已九點半過了晚膳時間, 店內食客寥寥可數我們三個人被安排到八人枱, 揭開餐牌慢慢決定同事A不停地要求點生蝦, 一看餐牌一碟生蝦竟要$156！這生蝦是什麼來頭?好貴啊！實在叫不下..最後點了一個set C及明爐烏頭這個set C尚算抵食, 不過炒菜的份量較少先來椰汁雞湯, 個人認為比冬蔭公湯更好飲, 味道微帶蕃茄的酸, 椰汁香味濃郁, 不是所不泰國餐館都有, 所以非常值得飲隨後兩款蔬菜出場, 大蝦西蘭花及生菜包配生菜包食的炒肉碎肥瘦適中, 炒得香而有肉汁, 辣度適中食到中段, 同事點的明爐烏頭來了這個魚我本來不食, 但看到她倆食得津津樂道, 我也試一口, 酸may may的最後我最愛的炒padthai終於來了賣相吸引色彩豐富, 味道跟泰國街頭食過的不相伯仲, 非常地道唯獨雞肉雖然有肉味, 但跟padthai不一太夾跟餐的還有飲品及甜品不過由於指定飲品不太吸引, 所以我們額外加錢轉龍眼冰($10)及泰象啤($22)輕輕鬆鬆傾住食, 不經不覺

地理位置方便又就腳朗豪坊 上次行街就過咗去食啦 因為過咗中午食飯時間所以唔係太多人響樓下排隊鋪頭裏面嘅裝修 充滿着泰國嘅風情 仲見到個老細呢響度周圍放白色嘅花仔 成間鋪頭都有陣清香【泰式炸蝦餅】$68 4 件 一嚟到呢即係前菜 外表金黃色 而且呢幾香蝦既海鮮味 當然炸物最需要趁熱食嘅 咬落去都唔會話好熱咁 而且皮炸得薄薄地 蝦肉好豐富 真材實料 【泰式燒豬頸肉】$63 一如其他泰式菜館一樣 處境都係非常好咬口 而且又係厚切 味道幾濃厚【濕炒鮮蝦河】$52 乾炒牛河就食得多啦濕炒牛河都係第一次試 味道都幾好 濕濕潤潤 唔熱氣咁 仲有好多配料 河粉都幾軟身【青咖喱海鮮炒飯】$52 綠油油嘅 海鮮炒飯囉 同一餐飯碟碟都有蝦 味道就甜甜地 都幾容易入口架【冬陰海鮮泡飯】$52 冬陰公湯成個都係紅色 講真係好犀利架 辣道都唔錯 海鮮嘅份量亦都非常好【青檸水 亞塔子冰 泰式椰汁】$0 跟餐 解渴都幾好 清得來而且有少少甜成個餐廳啲嘢食都好多色多彩 味道都唔錯仲有好多海鮮選擇添 都係個幾好嘅推介

放工當然要約下岩岩係澳洲讀完書返港既好朋友啦由於小妹返工係油尖旺區 所以就近近地係最就腳既旺角食飯揀揀下揀左黎朗豪坊個frd朗晴坊食泰菜我地揀呢間泰菜係朗晴坊既二樓裝修好有泰國風情 別具心思我地兩個女仔一口氣點左三個菜式冬陰公(小) $80細size既冬陰公岩岩好夠兩個人飲每人都飲到三碗左右冬陰公好足料除左有本身既調味香料 仲有好多秀珍菇同兩隻大蝦味覺上冬陰公湯唔算好辣 所以適合只可以食小小辣既朋友泰式炒金邊粉$75 唔好以為金邊粉好易整得好食要整到乎合小妹口味係一件唔易既事小妹喜歡食濕濕地味道帶微酸但甜既金邊粉因為炒到岩岩乾又帶小小濕既金邊粉 口感會有小小彈牙餐廳正好做到嫌尖小妹既要求呢個係小妹喜歡吃金邊粉既原因另外伴碟有傳統既花生碎同豆乾夾埋一齊食可以增強口感同味道既層次蝦醬炒通菜$75通菜同蝦醬最能擦出完美火花蝦醬唔會太咸之餘 能夠帶出通菜既鮮味炒通菜可以話係食泰菜既必點菜式

有位朋友兩年沒有見面了，今天難得相聚！因為我喜歡吃泰國菜！兩人可以逛下吃完飯可以在朗豪坊體場電影，旁邊過去見到都有幾多吃的一層大廈！見到有泰國菜在二樓就上了去環境不算太大，裝修都幾多泰國擺飾，兩個人通菜來說還OK，椰子飯椰味濃到好象不加了椰粉沖水一起炒，飯比較爛！不是太喜歡，春卷就最難吃，雞都OK不算難吃，但好好味就談不上因為皮雖夠焦黑但不皮香雞身無咩味！不過有配醬汁一起沾吃的，最讓人覺得反感的就係冬蔭功湯逼著要加單上去，吃雞的時候服務員拿著湯過來話也不說就扔下來，我跟朋友疑問送的還是如何，莫非撞上禮拜幾有送的，起初不理會，过了差不多4分幾鐘左右！我就盛了湯試下味，阿姐即時候過來話上錯湯了你飲左沒！莫非你無眼我碗裡都有，態度無好聲好氣，話我飲了就要加單，服務員上錯！感覺就像被人騙了，無理會她！過了幾分鍾過來跟我說單已經幫我們加上去了，一句好輕鬆的話答我服務員新來的！簡直像霸王硬上弓！冬蔭功湯難飲到如果我自己點的，有一不會再有二，一層油表面就整個湯香矛味略重唔其他！最後又拎兩個類似小蛋撻的果凍過來一擺下來我朋友就擺手怕又被騙但前前後後一聲都唔出，無話送的還是如何！服務差到極點！吃的泰國菜

呢度態度麻麻唔係第一日嘅事，但今日直情係差！第一：舉極手都無人理！係喺我面前面對住我嗰個都唔理！第二：嘢飲等九世耐都未有，明知佢未沖，見有 d 凍話想轉熱飲，一句出咗單就一定要飲凍嘢 （ + $ 2 ），事實任何人都知無可能改唔到單囉！d 態度仲要勁差！！！第三：豬頸肉炒麵，炒到勁濕、勁碎、勁咸！打工仔有幾多時間食 lunch？唔係真係咸到食唔到都唔想嘥時間再等過囉！個工作人員 d 態度係差到好大聲咁放低碟嘢喺我面前！態度仲衰過人俾狗食咁！然後再食碟嘢係接近無味 👍🏻最後：下午茶餐，說好的甜品呢？？？嘢唔好食、態度勁差！唔係第一次去呢度食，但今次真係過份到超出我底線！唔會有下次幫襯！

呢間餐廳其實就係位於朗豪坊既隔離，入口位置就係係朗豪坊戲院地下賣飛果度既隔離，有lift坐上2樓就係架啦🤗上到去，其實一睇就知係泰國餐廳，因為佢由外到內d設計都非常有泰國風味👍🏿大約1150中午時間上到黎，人唔算多，只見3至4枱客人，但大約1230左右，由於開始午飯時間，人流急增，好快就坐爆成間餐廳🙈而大部分都係打工仔朋友黎架添👨🏻‍💻👨🏻‍💻👨🏻‍💻餐牌有兩本，如果係午市嘅話，就係左邊綠色個本，而右邊靚啲個本就係比晚市用嘅👍🏿見到餐牌，雖然佢午市套餐嘅選擇唔多，但平均＄50 蚊1個餐，包甜品包飲品，其實真係唔錯，幾抵食👍🏿👍🏿如果幾個人去食，覺得一個餐唔夠嘅話，其實仲可以叫啲小食，大家一齊分享，都係唔錯架！小編同友人就叫左一個套餐，再加其他食物。呢兩杯都係青檸梳打，左邊個杯細啲，係因為佢係套餐附送嘅餐飲，右邊個杯係正價另外散叫嘅青檸梳打，所以比較大杯，但係當然味道一樣啦🙈👍🏿第一樣先黎嘅食物，就係呢個另外散叫既馬拉盞炒通菜，價值＄75，佢嘅賣相唔錯，因為啲通菜顏色鮮綠，上面鋪滿炸蒜。食落嘅味道唔算太辣，啲菜炒得幾有咬口，有啲少少爽脆，但唔會太生，炒得好夠鑊氣👍🏿👍🏿呢個係套餐之一嘅冬

呢排去咗一間泰國餐廳，估唔到室內環境佈置咁有泰國風情味道，四周圍都有泰國特式神像，而天花更掛滿各種不同款式嘅泰國傘作吊飾，非常特別！餐廳嘅食物款式都算多，而價錢唔算太貴，大約$58-70一個set dinner,而飲品方面都有好多特飲供食客選擇。由於我哋人數唔多，剩得兩個人，所以叫咗一份set dinner,主菜有泰式雞扒咖哩炒河，份量都幾多，而且配料非常豐富，有好多芽菜，而雞肉亦喺大大塊，咬落非常有濃郁嘅咖哩味道，好入味呀！而蟹肉棒四寶菜味道新鮮，係伴飯最佳選擇，裡面有生菜、芥蘭，西蘭，菜心等，另有蟹肉非常鮮甜美味，調味清淡而不腻。泰式撈麵$52麵條爽口彈芽，份量不過不失，連埋味清湯伴麵非常醒胃。飲品方面，試咗泰式黑咖啡，咖啡味道香滑濃郁，芬香噗鼻。而海底椰冰更鮮甜清雅，而且海底梛嘅果肉大大塊，令人喝而忘返。甜品方面，我地試咗泰式椰汁糕，估唔到裡面有咁多西米，食得出濃濃嘅椰汁味，而且更是用心製作。

今日同女友去新世紀廣場睇戲，睇五點幾，於是去旺角行一陣食下午茶。 有網站講朗豪坊隔離朗晴坊有很多野食，真係唔行過都唔知原來整幢大廈九成係食肆。 揀左間泰國餐廳食下午茶，叫左生牛肉湯粉和鴨絲湯粉配凍青檸水和凍泰國奶茶。 環境唔係太迫，木檯木椅坐得都舒服。 整體兩碗粉唔錯，生牛肉同鴨絲易入口，下午茶份量已經足夠，好味道不過湯就比較鹹，飲品接受和其他茶餐廳差唔多，仲有兩碗西米露糖水送，只係共$61。 抵食。